ლაბორატორია

მსოფლიოში პირველად: კორონავირუსის რუსული ვაქცინა დარეგისტრირდა პუტინი

1523
(განახლებულია 13:29 11.08.2020)
რუსეთის პრეზიდენტმა ყველას, ვინც კორონავირუსის პირველ ვაქცინაზე მუშაობდა, მადლობა გადაუხადა და აღნიშნა, რომ ეს მთელი მსოფლიოსთვის ძალზე მნიშვნელოვანი ნაბიჯია

თბილისი, 11 აგვისტო – Sputnik. რუსეთის პრეზიდენტმა ვალდიმირ პუტინმა განაცხადა, რომ რუსეთში კორონავირუსის პირველი ვაქცინა დარეგისტრირდა.

 „რამდენადაც ჩემთვისაა ცნობილი, დღეს დილით, პირველად მსოფლიოში, დარეგისტრირდა ახალი კორონავირუსული ინფექციის საწინააღმდეგო ვაქცინა“, – განაცხადა პუტინმა მთავრობის თათბირზე.

მან ჯანდაცვის მინისტრ მიხაილ მურაშკოს ამის შესახებ დეტალური ინფორმაციის მიწოდება სთხოვა.

„თუმცა, ვიცი, რომ ის საკმაოდ ეფექტურად მუშაობს, აყალიბებს მდგრად იმუნიტეტს და, მან, ვიმეორებ, გაიარა ყველა აუცილებელი შემოწმება“, – აღნიშნა რუსეთის პრეზიდენტმა.

მან ასევე დასძინა, რომ მისმა ქალიშვილმა უკვე ჩაიტარა ვაქცინაცია.

„ჩემი ერთ–ერთი ქალიშვილი უკვე აიცრა. ამ მხრივ ის ექსპერიმენტში მონაწილეობდა. პირველი აცრის შემდეგ მისი ტემპერატურა იყო 38 გრადუსი, მეორე დღეს კი – 37–ზე ცოტა მეტი და – მორჩა“, – განაცხადა პუტინმა.

როგორც მიხაილ მურაშკომ აღნიშნა, ვაქცინამ აჩვენა, რომ არის ძალზე ეფექტური და უსაფრთხო.

„შედეგებით ვაქცინამ აჩვენა მაღალი ეფექტურობა და უსაფრთხოება. ყველა მოხალისეს გამოუმუშავდა ანტისხეულების მაღალი ტიტრები COVID-19–ის მიმართ. ამასთან არც ერთს არ აღენიშნებოდა იმუნიზაციის სერიოზული გართულება... დღეს გადაწყდა ახალი კორონავირუსული ინფექციის პროფილაქტიკისთვის ვაქცინის რეგისტრაცია... ჩინელ კოლეგებს აქვთ გარკვეული ვაქცინები, რომლებიც რეგისტრაციის სტადიაზეა, კიდევ სხვა ქვეყნებშიცაა, მაგრამ იქ ჯერ კიდევ კლინიკური კვლევები მიმდინარეობს. პრინციპში, სარეგისტრაციო მოწმობა სრული ფორმატით რუსეთში პირველად გაიცემა“, – განაცხადა ჯანდაცვის მინისტრმა თათბირზე.

პრეზიდენტმა, თავის მხრივ, იმედი გამოთქვა, რომ რუსეთის კვალდაკვალ სხვა ქვეყნებიც შექმნიან კორონავირუსის ვაქცინას.

„ვიმედოვნებ, რომ ჩვენი კოლეგების მუშაობა საზღვარგარეთ ასევე წაიწევს წინ, ბაზარზეც, სამკურნალო პრეპარატების, ვაქცინების მსოფლიო ბაზარზე, საკმაოდ ბევრი პროდუქტი გამოჩნდება, რომელთა გამოყენება შესაძლებელი იქნება“, – განაცხადა პუტინმა.

სამკურნალო საშუალებების სახელმწიფო რეესტრში უკვე განთავსებულია ინფორმაცია, რომ რუსეთის ჯანდაცვის სამინისტრომ მსოფლიოში პირველი კორონავირუსის პროფილაქტიკის ვაქცინა დაარეგისტრირა.

ვაქცინის კლინიკური ცდები ჩატარდა ბურდენკოს სახელობის სამხედრო ჰოსპიტალსა და სეჩენოვის სახელობის უნივერსიტეტში. შედეგების მიხედვით, ვაქცინის შეყვანიდან 42–ე დღეს ყველა მოხალისე თავს კარგად გრძნობს, მათ გამოუმუშავდათ აშკარა იმუნური პასუხი, არ შეინიშნება გვერდითი მოვლენები, გართულებები ან არასასურველი რეაქციები.

„ვექტორი“: ვაქცინის მასობრივი წარმოება რუსეთში წლის ბოლოს დაიწყება>>

რუსეთის პირდაპირი ინვესტიციების ფონდში განაცხადეს, რომ ვაქცინას აწარმოებს კომპანიები Alium და Р-Фарм. როგორც ვარაუდობენ, წლის ბოლოს თვეში 10 მილიონი ვაქცინა იქნება წარმოებული.

მურაშკოს თქმით, ხელისუფლება მოსახლეობის ვაქცინაციის დაწყებას ოქტომბერში გეგმავს. პრეპარატს პირველად მედიკოსები და ასაკოვანი ადამიანები მიიღებენ.

1523
თემები:
რუსეთი დღეს (603)
კორონავირუსის ვაქცინა

ცნობილია, ვინ არ შეიძლება აიცრას COVID-19-ზე: აკადემიკოსი განმარტავს

4
(განახლებულია 07:54 21.09.2020)
აკადემიკოსმა განმარტა, რომელი დაავადებების შემთხვევაში აქვს კორონავირუსზე ვაქცინაციას უკუჩვენება, და თავსებადია თუ არა ის გრიპის ვაქცინასთან

თბილისი, 21 სექტემბერი ― Sputnik. კორონავირუსზე ვაქცინაციაზე შეზღუდვები შეიძლება ეხებოდეს პირველადი იმუნოდეფიციტის მქონე ადამიანების მცირე ჯგუფებს, აღნიშნა რუსეთის მეცნიერებათა აკადემიის აკადემიკოსმა ალექსანდრ კარაულოვმა RT-სთან ინტერვიუს დროს, როდესაც განმარტავდა, ვინ არ შეიძლება აიცრას COVID-19-ზე.

პირველადი იმუნოდეფიციტი - ეს არის გენეტიკური მდგომარეობა, რომელიც ძირითადად ვლინდება დაბადებიდან რამდენიმე თვის განმავლობაში (მაქსიმუმ 3 წლამდე). ახასიათებს ორგანიზმის სხვადასხვა სისტემის განსხვავებული სიმძიმით მიმდინარე ინფექციები - ფილტვების ანთება, ძვალ-სახსროვანი სისტემის ანთება, სეფსისი და ა.შ.

„აუტოიმუნურ, რევმატოლოგიურ და ონკოლოგიურ დაავადებებსაც კი ვერ ექნება უკუჩვენება“, ― ხაზი გაუსვა კარაულოვმა.

აკადემიკოსის თქმით, გრიპსა და პნევმოკოკურ ინფექციეზე ვაქცინაცია ხელს არ უშლის კორონავირუსზე აცრას და ეს უკვე ახლავე უნდა მოხდეს, ვინაიდან „უკვე ოთხი კვირის შემდეგ შესაძლებელი იქნება კორონავირუსზე აცრაც.

კარაულოვმა აღნიშნა, რომ სამეცნიერო საზოგადოებაში დისკუსია მიმდინარეობს COVID-19-ის ვაქცინის მოქმედების ხანგრძლივობასთან დაკავშირებით და სწორედ რუსული ვაქცინა Sputnik V გახდის შესაძლებელს, განისაზღვროს რისკის ჯგუფების მოსალოდნელი ვაქცინაციის საფუძვლიანი კრიტერიუმები.  

მსოფლიოში პირველი კორონავირუსული ვაქცინა Sputnik V, რომელიც გამალეის კვლევით ცენტრში შეიქმნა რუსეთის პირდაპირი ინვესტიციების ფონდთან ერთად, რუსეთმა აგვისტოში დაარეგისტრირა. მასობრივი ვაქცინაცია ვაქცინის წარმოების ზრდისა და პოსტრეგისტრაციული კვლევების მონაცემების დაგროვების კვალდაკვალ დაიწყება.

 

4
თემები:
რუსეთი დღეს (603)
კომპანია „აეროფლოტის“ თვითმფრინავი

რუსეთი ავიამიმოსვლის გახსნას განაგრძობს

104
შვიდი ქვეყნის სიას, სადაც რუსეთის მოქალაქეებს უკვე შეუძლიათ გამგზავრება, სექტემბრის ბოლომდე კიდევ ოთხი ქვეყანა შეემატება

თბილისი, 20 სექტემბერი — Sputnik. რუსეთიდან პირდაპირი რეისები ბელარუსის, ყაზახეთისა და ყირგიზეთის მიმართულებით შესრულდება 21 სექტემბრიდან, სამხრეთ კორეაში - 27 სექტემბრიდან, იუწყება РИА Новости ქვეყნის მთავრობის პრესსამსახურზე დაყრდნობით.

„კიდევ ოთხი ქვეყნის - ბელარუსის, ყაზახეთის, ყირგიზეთისა და კორეის მოქალაქეებისთვის რუსეთში შესვლაზე შეზღუდვები უქმდება. შესაბამისი განკარგულება მთავრობამ დაამტკიცა“, - ნათქვამია განცხადებაში.

რუსეთის მოქალაქეები, თავის მხრივ, შეუფერხებლად შეძლებენ ამ ქვეყნებში გამგზავრებას.

ფრენები კვირაში ერთხელ შესრულდება.

კორონავირუსის პანდემიის გამო რუსეთმა 22 აგვისტოდან საერთაშორისო ავიამიმოსვლა შეწყვიტა. გამონაკლისს შეადგენდა მხოლოდ გამყვანი რეისები, რომლითაც რუსეთის მოქალაქეებს სამშობლოში აბრუნდებდნენ, ხოლო უცხოელები რუსეთიდან  თავიანთ ქვეყნებში ბრუნდებოდნენ), ასევე სატვირთო, საფოსტო, სანიტარული და ზოგიერთი სხვა ფრენა. ამასთან რუსეთის ხელისუფლების წარმომადგენლები არაერთხელ აცხადებდნენ, რომ საზღვრების გახსნა ეპიდემიოლოგიურ სიტუაციაზე იქნება დამოკიდებული.

1 აგვისტოდან საერთაშორისო ფრენების ეტაპობრივი აღდგენა დაიწყო. რუსეთის მოქალაქეებისთვის პირველმა გახსნეს საზრები თურქეთმა, დიდმა ბრიტანეთმა და ტანზანიამ (რომლის მიმართულებით პირდაპირი რეისი არ სრულდება). 15 აგვისტოდან დაიწყო ფრენები შვეიცარიაში, ხოლო 8 სექტემბრიდან აღდგა ავიამიმოსვლა ეგვიპტესთან, არაბეთის გაერთიანებულ საამიროებთან და მალდივებთან.

104
თემები:
COVID-19-ის პანდემია მსოფლიოში
მესტია

ახალგაზრდობის სააგენტომ პროექტი ინოვაციური ცენტრი მომავლისთვის“ დაიწყო

0
(განახლებულია 22:16 20.09.2020)
სააგენტოს უფლებამოსილებში შედის ახალგაზრდული პოლიტიკის ჩამოყალიბება და მის განხორციელებაში მონაწილეობა, მთავრობის დახმარება ახალგაზრდობასთან დაკავშირებული სამოქმედო გეგმის შემუშავებაში.

თბილისი, 21 სექტემბერი  — Sputnik.  საქართველოს ახალგაზრდობის სააგენტო მილიონიანი ფონდის საგრანტო კონკურსის ფარგლებში გამარჯვებული ორგანიზაციების მხარდასაჭერად რეგიონულ ტურს ახორციელებს, იუწყება ტელეკომპანია Imedi.

სააგენტოს წარმომადგენლებმა საგრანტო კონკურსის ფარგლებში დაფინანსებული პროექტი „ინოვაციური ცენტრი მომავლისთვის“ გახსნეს. 

პროექტი მიზნად ისახავს მესტიის მუნიციპალიტეტის შვიდ სკოლაში 14–29 წლამდე 150 ახალგაზრდის გადამზადებას, მათთვის STEM განათლების შესახებ ცნობიერების ამაღლებას, პროგრამირებისა და რობოტექნიკის კურსის სწავლებას.

10–თვიან კურსის დასრულების შემდეგ პროექტის მონაწილეები მიღებული ცოდნის გაზიარების მიზნით  მესტიის სკოლებში საინფორმაციო შეხვედრებს გამართავენ, სადაც შექმნიან კლუბებს და მენტორობას გაუწევენ კლუბის წევრებს.

სააგენტოს უფლებამოსილებში შედის ახალგაზრდული პოლიტიკის ჩამოყალიბება და მის განხორციელებაში მონაწილეობა, მთავრობის დახმარება ახალგაზრდობასთან დაკავშირებული სამოქმედო გეგმის შემუშავებაში.

სააგენტო შექმნის პროგრამებსა და რეკომენდაციებს ჯანსაღი ცხოვრების წესის დანერგვის შესახებ და ხელს შეუწყობს პროფილური კლუბებისა და სტუდიების ჩამოყალიბებას არაფორმალური ინფორმაციის წასახალისებლად.

მილიონიანი ფონდის სახსრები მიმართულია ახალგაზრდული ორგანიზაციების განმტკიცების, ახალგაზრდობის ინიციატივების მხარდაჭერისა და მათი რეგიონის სოციალურ, ეკონომიკურ და კულტურულ ცხოვრებაში ჩართვისკენ.

0