МИД РФ

„არ დავუშვებთ ვნების მიყენებას“: რუსეთი ბელარუსში დაკავებულ საკუთარ მოქალაქეებს ესარჩლება

432
(განახლებულია 21:06 04.08.2020)
ბელარუსში დაკავებულ რუსეთის მოქალაქეებს ტერაქტების მომზადებასა და რესპუბლიკაში მასობრივი არეულობების მოწყობის მცდელობაში ადანაშაულებენ.

თბილისი, 4 აგვისტო — Sputnik. მინსკში იციან, რომ მოსკოვი არ დაუშვებს, ვნება მიადგეთ ბელარუსში დაკავებულ რუსეთის მოქალაქეებს, განაცხადა რუსეთის საგარეო საქმეთა სამინისტროს სპეციალურმა წარმომადგენელმა მარია ზახაროვამ.

მანამდე ბელარუსის პრეზიდენტმა ეროვნული კრებისა და ხალხისადმი წინასაარჩევნო მიმართვისას „სიცრუე“ და „ლეგენდა“ უწოდა გავრცელებულ ხმებს იმის შესახებ, თითქოს დაკავებულები სტამბულში მიფრინავდნენ. მისი თქმით, ისინი „სპეციალურად იყვნენ გაგზავნილები ბელარუსში“.

„ლუკაშენკო დიდად გამოცდილი პოლიტიკოსია, არჩევნებს პირველად არ ატარებს. ის მართალია იმაში, რომ ორი ქვეყნის ხალხების ძმური ურთიერთობები არ ექვემდებარება ამწუთიერ კონიუნქტურულ ინტერესებს — ელექტორალურის ჩათვლით. <...> რაც შეეხება ბელარუსში დაკავებულ რუსეთის მოქალაქეებს, რომელთა დანაშაული არაფრითაა დადასტურებული, და იმ სპექტაკლს, რაც ამის გარშემო მოაწყვეს, ჩვენ მათთვის ვნების მიყენებას არ დავუშვებთ“, — განაცხადა ზახაროვამ.

გასულ კვირაში ბელარუსის სახელმწიფო საინფორმაციო სააგენტო БелТА-მ გაავრცელა ინფორმაცია, რომ მინსკთან ახლოს „უცხოური კერძო კომპანია „ვაგნერის“ 32 ბოევიკი დააკავეს, ხოლო კიდევ ერთი — ქვეყნის სამხრეთში. ყველა მათგანი, როგორც სააგენტო ირწმუნებოდა, რუსეთის მოქალაქეა.

მათ წინააღმდეგ სისხლის სამართლის საქმე აღძრულია ტერაქტების მომზადების მუხლით, რაც ოც წლამდე თავისუფლების აღკვეთას ითვალისწინებს. გარდა ამისა, დაკავებულები ეჭვმიტანილი არიან რესპუბლიკაში მასობრივი არეულობების მოწყობის მცდელობაშიც.

432
თემები:
რუსეთი დღეს (607)
ვლადიმირ პუტინი

რუსმა მწერალმა პუტინი ნობელის მშვიდობის პრემიაზე წარადგინა

18
(განახლებულია 10:02 25.09.2020)
აკადემიკოსის თქმით, მის მიერ პუტინის წარდგენას ნობელის მშვიდობის პრემიაზე, ამერიკული მხრიდან „მძვინვარე რეაქცია“ მოჰყვა

თბილისი, 25 სექტემბერი — Sputnik. რუსმა აკადემიკოსმა და მწერალმა სერგეი კომკოვმა პრეზიდენტი ვლადიმირ პუტინი ნობელის მშვიდობის პრემიაზე წარადგინა 2021 წლისთვის, რის შესახებაც მან პრესკონფერენციაზე განაცხადა.

„ეს უკვე ფაქტობრივად მეოთხე წარდგენაა ნობელის მშვიდობის პრემიაზე. განაცხადი მიმდინარე წლის 9 სექტემბერს გავგზავნე და უკვე 10 სექტემბერს ის ოსლოში ნობელის პრემიერის შტაბბინაში მშვიდობის კომიტეტმა მიიღო“, — განაცხადა კომკოვმა.

მისი თქმით, მას შემდეგ, რაც ნობელის კომიტეტის ერთ–ერთმა მდივანმა ხელი მოაწერა განაცხადს მისი მიღების თაობაზე, „ამერიკის მხრიდან მძვინვარე რეაქცია“ დაიწყო.

„უკვე საღამოს, ადგილობრივი დროით 16 სააათის შემდეგ, ოსლოში ამერიკის წარმომადგენელმა <...> სასწრაფოდ ლამის ხელით დაწერა განცხადება ნობელის მშვიდობის პრემიაზე ტრამპის წარდგენის შესახებ — კაცმა არ იცის, რისთვის: არაბეთის საამიროებსა და ისრაელს შორის რაღაც კონფლიქტური სიტუაციის დარეგულირებისთვის“, — აღიშნა კომკოვმა.

მისი თქმით, ნობელის კომიტეტმა მომდევნო წლის მარტამდე უნდა განიხილოს განაცხადები და ამის შემდეგ ყველას, ვისაც წინადადება აქვს გაგზავნილი, წერილობით უნდა შეატყობინოს, რომ მათი განაცხადი მიღებულია, განხილული და დარეგისტრირებული.

აღნიშნულთან დაკავშირებით კომენტარი გააკეთა რუსეთის პრეზიდენტის პრესმდივანმა დმიტრი პესკოვმა და განაცხადა, რომ თუ ვლადიმირ პუტინს პრემიას მიანიჭებენ — მშვენიერი იქნება, თუ არა — ეს საშინელება არ არის.

„თქვენ ხომ იცით, რომ ამ პრემიაზე აბსოლუტურად განსხვავებულ ადმიანებს წარადგენენ. ეს იმათი ინიციატივაა, ვინც ამგვარ წინადადებას აყენებს. ამ შემთხვევაში ეს აღნიშნული მწერალია. არსებობს ნომინანტების განხილვის გარკვეული პროცედურა. თუ გადაწყვეტილებას მიიღებენ, შესანიშნავი იქნება, არ მიიღებენ და არც ამაშია არაფერი საშინელება“, — უთხრა პესკოვმა ჟურნალისტებს.

 

18
თემები:
რუსეთი დღეს (607)
ცნობილი ქართველი რეჟისორი რეზო გიგინეიშვილი

რეჟისორ რეზო გიგინეიშვილს კორონავირუსი დაუდასტურდა

68
(განახლებულია 18:46 24.09.2020)
ვინ იფიქრებდა, რომ ფესტივალი, სადაც კინემატოგრაფისტებმა  კოვიდ-იზოლაციის შემდეგ სული მოითქვეს, ინფიცირების წყარო გახდებოდა

თბილისი, 24 სექტემბერი  — Sputnik. ცნობილი ქართველი რეჟისორი რეზო გიგინეიშვილი სოჭში კინოფესტივალ „კინოტავრზე“ კორონავირუსით დაინფიცირდა, იუწყება რუსული მედია.

თავად გიგინეიშვილს ამასთან დაკავშირებით კომენტარი ჯერჯერობით არ გაუკეთებია.

მედიის ინფორმაციით, კორონავირუსისგან მკურნალობს ასევე ფესტივალის ჟიურის წევრი, რეჟისორი ნიგინა საიფულაევა. გიგინეიშვილმა და საიფულაევამ მოსკოვში დაბრუნების შემდეგ თავი შეუძლოდ იგრძნეს, ჩაიტარეს PCR-ტესტები, შედეგები კი დადებითი აღმოჩნდა.

აღნიშნულია, რომ ტესტირება კორონავირუსზე გაიარეს „კინოტავრის“ სხვა სტუმრებმაც. ამიტომ ინფიცირებულთა რაოდენობა კინოჩვენებაზე შეიძლება გაიზარდოს.

მედიის ინფორმაციით, დიდი ალბათობით კორონავირუსი სოჭში „ჩაიტანა“ რეჟისორმა ალექსანდრ მოლოჩნიკოვმა. ღონიძიების წინ მან თავი შეუძლოდ იგრძნო, გაიკეთა ტესტი, მაგრამ შედეგი უარყოფითი იყო. ამიტომაც რეჟისორმა გადაწყვიტა წარეფგინა თავისი ფილმი პრემიერაზე. ამის შემდეგ მოლოჩნიკოვი კინოფესტივალის სხვა ღონისძიებებსაც ესტუმრა.

მოსკოვში დაბრუნებისას მოლოჩნიკოვმა განმეორებითი ტესტი გაიკეთა, რომელიც დადებითი აღმოჩნდა. მან კოლეგები გააფრთხილა და მათ ბოდიშიც მოუხადა.

68
თემები:
COVID-19-ის პანდემია მსოფლიოში
დაკავება

მეტროსადგურ „დიდუბესთან“  სათამაშო აპარატების უკანონოდ განთავსებისთვის ერთი პირი დააკავეს

0
(განახლებულია 11:13 25.09.2020)
დაკავებულ პირს, რომელიც უკანონო საქმიანობას ეწეოდა, სამ წლამდე ვადით თავისუფლების აღკვეთა ემუქრება

თბილისი, 25 სექტემბერი – Sputnik. სამართალდამცველებმა უკანონო სამეწარმეო საქმიანობის განხორციელების ფაქტზე  ერთი პირი ამხილეს, იუწყება  ფინანსთა სამინისტროს საგამოძიებო სამსახური.

გამოძიებით დადგინდა, რომ ბრალდებულს თბილისის მეტროსადგურ „დიდუბის“ მიმდებარე ტერიტორიაზე  „ლიცენზიებისა და ნებართვების შესახებ“ საქართველოს კანონით გათვალისწინებული შესაბამისი ნებართვის გარეშე, განთავსებული ჰქონდა აზარტული თამაშებისთვის განკუთვნილი აპარატები.

უწყების ცნობით, ამოღებულია კანონდარღვევით მოქმედი ორი სათამაშო აპარატი.

გამოძიება მიმდინარეობს საქართველოს სისხლის სამართლის კოდექსის 192-ე მუხლის პირველი ნაწილით, რაც სასჯელის სახით ითვალისწინებს ერთიდან სამ წლამდე ვადით თავისუფლების აღკვეთას.

0
თემები:
კრიმინალი საქართველოში