ანტიკორონავირუსული პრეპარატის გამოცდა რუსეთში

რუსეთმა ანტოკორონავირუსული ვაქცინის კლინიკური გამოცდები დაასრულა

87
(განახლებულია 17:22 02.08.2020)
უკვე მიმდინარე წლის ოქტომბრიდან რუსეთში კორონავირუსულ ინფექციაზე ადამიანების მასობრივი ვაქცინაცია იგეგმება

თბილისი, 2 აგვისტო — Sputnik. კორონავირუსის ვაქცინის კლინიკური გამოცდა, რომელიც გამალეის სახელობის ეპიდემიოლოგიისა და მიკრობიოლოგიის ეროვნულ კვლევით ცენტრში შეიქმნა,  დასრულებულია, განაცხადა რუსეთის ჯანდაცვის მინისტრმა მიხაილ მურაშკომ.

მინისტრის თქმით, ამ დროისათვის მზადდება დოკუმენტების პაკეტი პრეპარატის რეგისტრაციისათვის.

„ჩვენ კიდევ ორ განცხადებას ველოდებით უახლოეს თვენახევარ–ორ თვეში კლინიკური კვლევების ჩატარებაზე უფლების მისანიჭებლად“, — აღნიშნა მურაშკომ.

მისი განმარტებით, სარეგისტრაციო მოწმობის მიღების შემდეგ ვაქცინაცია დაიწყება და ის უპირველეს რიგში განსაკუთრებული ჯგუფების წარმომადგენლებს ჩაუტარდებათ — მედიკოსებს, მასწავლებლებს და სხვ.

მინისტრის მონაცემებით, მასობრივი ვაქცინაცია ოქტომბერში დაიწყება.

აღსანიშნავია, რომ გამალეის ცენტრი ვაქცინის კლინიკურ კვლევას თავდაცვის სამინისტროსთან ერთად აწარმოებდა ბურდენკოს სახელობის სამხედრო ჰოსპიტლის ბაზაზე, საიდანაც ოც ივლისს გაეწერა ოცი მოხალისისგან შემდგარი მეორე ჯგუფი. თავდაცვის სამინისტროში აცხადებენ, რომ ანალიზების თანახმად, ყველა მოხალისეს ერთმნიშვნელოვნად დაეწყო იმუნური პასუხის გამომუშავება. მათ არ  შეენიშნებათ არანაირი გვერდითი მოვლენა, გართულება თუ არასასურველი რეაქციები, არ დაფიქსირებულა ჩივილები ჯანმრთელობის მდგომარეობასთან დაკავშირებით.

87
თემები:
რუსეთი დღეს (602)
სერგეი ლავროვი

ლავროვი: განცხადებები, რომ Sputnik და RT პროპაგანდის ინსტრუმენტებია, აბსურდულია

17
(განახლებულია 16:58 18.09.2020)
რუსულ მასმედიასთან დაკავშირებული ვითარება დასავლეთში ბოლო წლებში უფრო რთულდება: 2016 წელს ევროპარლამენტმა მიიღო რეზოლუცია, რომლის მიხედვით მთავარ საფრთხედ Sputnik და RT დასახელდა

თბილისი, 18 სექტემბერი – Sputnik. RT და Sputnik უმრავლეს ქვეყნებში დიდი პოპულარობით სარგებლობენ, ამიტომ განცხადებების იმის შესახებ, რომ ეს მედიასაშუალებები პროპაგანდის ინსტრუმენტებია, აბსურდულია, განაცხადა რუსეთის საგარეო საქმეთა მინისტრმა სერგეი ლავროვმა РИА Новости–სთან ინტერვიუში.

მისი თქმით, მოსკოვს მიუღებლად მიაჩნია ევროპაში Sputnik–ისა და RT–ს დისკრიმინაცია.

ჩერიშევა: სანქციები ჟურნალისტების წინააღმდეგ – ეს ცენზურაა>>

„რა თქმა უნდა, ეს პრობლემა განხილული იყო (ფრანგ კოლეგებთან). მიუღებლად მიგვაჩნია, რომ Sputnik–ისა და RT–ს, მათი კორესპონდენტების დისკრიმინაცია მიმდინარეობს ღიად – საფრანგეთშიც, და რაც Sputnik–ს ეხება ბალტიისპირეთის ქვეყნებში, ესეც კარგად ცნობილი ფაქტია. ის, რომ ბოლო წლებში, 2017 წლიდან აკრედიტება ელისეს სასახლეში არა აქვს არც RT–ს, არც Sputnik–ს, ეს, რა თქმა უნდა, სამწუხაროა“, – განაცხადა მინისტრმა.

ლავროვმა აღნიშნა, რომ რუსეთი ამ საკითხებს აყენებს არა მხოლოდ ფრანგების წინაშე და მოითხოვს რუსეთში დარეგისტრირებული მასმედიის საშუალებების დისკრიმინაციის შეწყვეტას.

„ჩვენი ფრანგი კოლეგები აცხადებენ, რომ არ შეცვლიან თავიანთ გადაწყვეტილებას, აკრედიტება არ გაიცემა, რადგან RT და Sputnik, ვციტირებ, „ეს მასმედია არ არის, არამედ პროპაგანდის ინსტრუმენტია“. ვფიქრობ, ამგვარი იარლიყების აბსურდულობაზე კომენტარის გაკეთება არაა საჭირო, რადგან RT–ცა და Sputnik–იც უზარმაზარი პოპულარობით სარგებლობენ უფრო და უფრო მეტ ქვეყანაში, იზრდება აუდიტორია“, – აღნიშნა ლავროვმა.

რუსულ მასმედიასთან დაკავშირებული სიტუაცია დასავლეთში ბოლო წლებში სულ უფრო რთულდება: 2016 წელს ევროპარლამენტმა მიიღო რეზოლუცია, რომლის მიხედვით მთავარ საფრთხედ Sputnik და RT დასახელდა და აღინიშნა, რომ აუცილებელია ამ საშუალებების წინააღმდეგ მოქმედება. რუსეთის პრეზიდენტმა ვლადიმირ პუტინმა ამ რეზოლუციის კომენტარისას Sputnik–ისა და RT–ს ჟურნალისტებს მიულოცა შედეგიანი მუშაობა და აღნიშნა, რომ რეზოლუცია დასავლურ საზოგადოებაში დემოკრატიის შესახებ წარმოდგენის დეგრადაციაზე მეტყველებს, თუმცა, იმედი გამოთქვა, რომ ჯანსაღი აზრი გაიმარჯვებს.

17
თემები:
რუსეთი დღეს (602)
საქართველოსა და რუსეთის საქმიანი წრეების წარმომადგენელთა შეხვედრა

სერგეი ლავროვი დარწმუნებულია, რომ საქართველოსთან ურთიერთობები აღდგება

93
(განახლებულია 15:21 18.09.2020)
ჩვენ აღვადგენთ ნორმალურ ურთიერთობებს სახელმწიფოებს შორისაც და ადამიანებს შორისაც, განაცხადა რუსეთის საგარეო საქმეთა მინისტრმა თინა კანდელაკთან ინტერვიუში

რუსეთის საგარეო საქმეთა მინისტრმა სერგეი ლავროვმა ქართულ–რუსული ურთიერთობების აღდგენის იმედი გამოთქვა.

მინისტრმა გუშინ ინტერვიუ მისცა თინა კანდელაკს ტელეარხ RTVI–ზე პროექტისთვის „სპეციალური სტუმარი“. მან ისაუბრა, თუ როგორი დამოკიდებულება აქვთ კრემლში პროტესტების მიმართ ბელარუსში, რას უნდა ელოდონ აშშ–ის პრეზიდენტის არჩევნებისგან და არის თუ არა საქართველოსთან სავიზო რეჟიმის გამარტივების შანსი.

„დარწმუნებული ვარ, რომ საქართველოსთან ურთიერთობები აღდგება, მოგვარდება. ვხედავთ ქართველ პოლიტიკოსებს, რომლებიც ამას ემხრობიან. ისინი ჯერ მცირე პარტიები არიან მმართველ ელიტაში, მაგრამ დარწმუნებული ვარ, რომ საბოლოოდ ჩვენი ტრადიციული, ისტორიული სიახლოვე, ჩვენი ხალხების ურთიერთმიზიდულობა გაიმარჯვებს, და პროვოკატორები, რომლებიც ცდილობენ, რომ საქართველო არ დაუბრუნდეს რუსეთთან ურთიერთობების ნორმალურ რელსებს, გაწბილებული დარჩებიან“, – განაცხადა ლავროვმა.

მინისტრმა ქვეყნებს შორის ამჟამად არსებულ ურთიერთობებს ანომალიური უწოდა.

„მგონია, რომ ქართველი ბრძენი ხალხი, რომელსაც უყვარს სიცოცხლე, შეიძლება თითქმის ისევე და იმავე გამოვლინებებში, როგორც რუსეთის ფედერაციის ხალხებს, ყოველ შემთხვევაში, ჩვენი მისწრაფებების ბევრი დამთხვევის შესახებ ვიცი, მაინც გადალახავს ამჟამინდელ ანომალიურ სიტუაციას და ჩვენ ნორმალურ ურთიერთობებს ავაგებთ სახელმწიფოებსა და ხალხებს შორის“, – აღნიშნა ლავროვმა.

საქართველოსა და რუსეთს დიპლომატიური ურთიერთობები 2008 წლის შემდეგ აღარ აქვთ. საქართველომ ეს ურთიერთობები მოსკოვის მიერ აფხაზეთისა და ცხინვალის რეგიონის დამოუკიდებლობის აღიარების საპასუხოდ გაწყვიტა.

93
თემები:
ქართულ–რუსული ურთიერთობები
სასწრაფო დახმარება

საქართველოში COVID-19-ით ინფიცირებულთა უმრავლესობა უსიმპტომოა ან მსუბუქი სიმძიმისაა

0
ეპიდემიოლოგები პაციენტების მკურნალობს სახლის პირობებში გეგმავენ - მიმდინარეობს ექიმების გადამზადება

თბილისი, 19 სექტემბერი — Sputnik. საქართველოში კორონავირუსით ინფიცირებულთა შორის ჭარბობენ მსუბუქი, უსიმპტომო ან საშუალო სიმძიმის პაციენტები, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

საქართველოში ამ დროისათვის 1657 პაციენტი მკურნალობს. მათგან 13-ის მდგომარეობა კრიტიკულია, ხუთი კი ხელოვნური სუნთქვის აპარატზეა ჩართული.

„ზოგადად ბოლო ორ კვირაში გვაქვს ახალი შემთხვევების მზარდი დინამიკა და ეს ძირითადად ხდება აჭარის რეგიონის ხარჯზე, სადაც გვაქვს ეპიდაფეთქება, მაგრამ სიტუაცია სრულად მართვადია და მათ შორის აჭარის რეგიონში“, – განაცხადა გამყრელიძემ.

გამყრელიძემ არ გამორიცხა, რომ აჭარაში პაციენტების მართვა სახლში დაიწყოს. მისი თქმით, უახლოეს დღეებში პირველადი ჯანდაცვის ექიმები კიდევ ერთხელ გადამზადდებიან, რათა პაციენტებს სახლის პირობებში უმკურნალონ.

გამყრელიძის თქმით, 30 იანვრიდან საქართველოში 534 ათასი PCR-ტესტი და დაახლოებით 301 ათასი სწრაფი ტესტი გაკეთდა.

ეპიდემიოლოგმა მოუწოდა ყველას ცხელების შემთხვევაში შესაბამის სამსახურებს მიმართონ. მისი თქმით, ეს პირველი წელიწადია, როდესაც გრიპთან და სხვა რესპირატორულ დაავადებებთან ერთად, რომლებიც შემოდგომით აქტიურდება, იარსებებს ასევე კორონავირუსი. საჭიროა მაქსიმალური სიფრთხილე და რეკომენდაციების შესრულება.

გურიაში კორონავირუსი პედაგოგებს დაერია >>

ოქტომბრის დასაწყისში საქართველოს ექნება გრიპის ოთხკომპონენტიანი ვაქცინის 135 ათასამდე დოზა. დაავადებათა კონტროლის ცენტრი ვაქცინის დამატებითი დოზების შემოტანაზე მუშაობს.

„როგორც წესი, ვაქცინა გაუკეთდება რისკჯგუფებს და ეს რისკჯგუფები ყოველწლიურად ისაზღვრება იმუნიზაციის საბჭოს დადგენილებით. ვცდილობთ მაქსიმალურად, გავზარდოთ სახელმწიფოს მიერ შესყიდული ვაქცინის მარაგი. ძალიან ბევრ ბაზარზე და ბევრ მწარმოებელთან გვაქვს კონტაქტი და შესაძლებელია, წელს გრიპის აცრებზე მოთხოვნა იყოს მეტი, ვიდრე ოდესმე ყოფილა. რა თქმა უნდა, ვაქცინა ექნებათ კერძო კომპანიებსაც“, - განაცხადა გამყრელიძემ.

გასულ დღე-ღამეში კორონავირუსით ინფიცირების შემთხვევების რაოდენობა 182-ით გაიზარდა. სამთავრობო ვებგვერდ StopCov-ის მონაცემებით, ინფიცირებულთა საერთო რაოდენობა ქვეყანაში 3119-ე შეადგენს.

 

0
თემები:
COVID-19 საქართველოში