დმიტრი პესკოვი

რუსეთის მოქალაქეების დაკავება ბელარუსში: პესკოვმა კომენტარი გააკეთა

165
(განახლებულია 19:28 31.07.2020)
რუსეთის პრეზიდენტის პრეს-მდივანმა კომენტარი გააკეთა გუშინ ბელარუსში რუსეთის მოქალაქეების დაკავების შესახებ.

თბილისი, 31 ივლისი — Sputnik. მოსკოვს ამ მომენტისთვის არანაირი ინფორმაცია არ გააჩნია ბელარუსში დაკავებული რუსეთის მოქალაქეების კანონსაწინააღმდეგო ქმედებებზე ან „ვითარების დესტაბილიზაციის“ გეგმებზე, განაცხადა პრესკონფერენციაზე რუსეთის პრეზიდენტის პრეს-მდივანმა დმიტრი პესკოვმა.

მანამდე ბელარუსის სახელმწიფო საინფორმაციო სააგენტო „ბელტამ“, სამართალდამცველ ორგანოებში არსებულ ანონიმურ წყაროებზე დაყრდნობით, გაავრცელა ინფორმაცია, რომ მინსკთან ახლოს „უცხოური კერძო კომპანია „ვაგნერის“ 32 ბოევიკი“ დააკავეს, ხოლო კიდევ ერთი — ქვეყნის სამხრეთში. სააგენტოს მტკიცებით, ყველა მათგანი რუსეთის მოქალაქეა. ამასთან გავრცელდა ცნობა, რომ მანამდე სამართალდამცველებს მიღებული ჰქონდათ ინფორმაცია ბელარუსში „ორასზე მეტი ბოევიკის ჩასვლის შესახებ ვითარების დესტაბილიზაციის მიზნით საარჩევნო კამპანიის პერიოდში“. მოგვიანებით რუსეთის საელჩომ განაცხადა, რომ ბელარუსის საგარეო საქმეთა სამინისტროსგან ოფიციალურად მიიღო შეტყობინება რუსეთის 32 მოქალაქის დაკავების შესახებ.

„ამ დროისათვის არასრული ინფორმაცია გვაქვს მომხდარის თაობაზე. ჯერჯერობით ჩვენ შეგვიძლია დავაფიქსიროთ შემდეგი: ვიცით, რომ გუშინ ბელარუსში რუსეთის 33 მოქალაქე დააკავეს, კიდევ 200 ძებნაშია. არ არსებობს არანაირი ინფორმაცია რუსების კანონსაწინააღმდეგო ქმედებებზე, რომლებიც შეიძლებოდა დაკავების მიზეზი გამხდარიყო. ამის შესახებ ჩვენთვის არაფერია ცნობილი“, — უთხრა პესკოვმა ჟურნალისტებს.

მისი თქმით, ყველანაირი საუბარი რუსეთის კავშირზე ბელარუსში მიმდინარე პროტესტებთან მხოლოდ ინსინუაციებია.

დმიტრი პესკოვმა ასევე უარყო გუშინ გავრცელებული ინფორმაცია, თითქოს დაკავებულებს შორის უკრაინის მოქალაქეებიც არიან. მისი თქმით, ყველა დაკავებული რუსეთის მოქალაქეა.

პრეზიდენტის პრეს-მდივანი იმედოვნებს, რომ ბელარუსში დაკავებული რუსეთის მოქალაქეების უფლებები სრულად იქნება დაცული.

რაც შეეხება ვლადიმირ პუტინსა და ალექსანდრ ლუკაშენკოს, პესკოვის განმარტებით, მათ შორის საგანგებო სატელეფონო საუბარი ჯერჯერობით არ იგეგმება.

165
თემები:
რუსეთი დღეს (552)
ვლადიმირ პუტინი და ალექსანდრე ლუკაშენკო

პუტინმა და ლუკაშენკომ მინსკში რუსეთის მოქალაქეების დაკავების საკითხზე იმსჯელეს

50
(განახლებულია 17:02 07.08.2020)
ორი ქვეყნის პრეზიდენტებმა ასევე განიხილეს რუსეთ–ბელარუსის მეგობრული ურთიერთობების შემდგომი განვითარების საკითხები

თბილისი, 7 აგვისტო — Sputnik.  რუსეთის პრეზიდენტმა ვლადიმირ პუტინმა ბელარუსის პრეზიდენტ ალექსანდრ ლუკაშენკოსთან სატელეფონო საუბრისას ბელარუსის ტერიტორიაზე  33 რუსი მოქალაქის დაკავებასთან დაკავშირებით აზრები გაცვალეს, ნათქვამია ლრემლის ვებგვერდზე გავრცელებულ განცხადებაში.

 „მოხდა აზრთა გაცვლა ბელარუსის ტერიტორიაზე რუსეთის 33 მოქალაქის დაკავებასთან დაკავშირებით. გამოითქვა იმედი, რომ შექმნილი ვითარება ორი ქვეყნისთვის დამახასიათებელი თანამშრომლობის შედეგად დარეგულირდება“, – ნათქვამია განცხადებაში.

საუბრის დროს აღნიშნა, რომ რუსული მხარე დაინტერესებულია ბელარუსში შიდაპოლიტიკური ვითრების სტაბილურობით და დაგეგმილი საპრეზიდენტო არჩევნების მშვიდ ვითარებაში ჩატარებით, აღნიშნულია კრემლის საიტზე. 

ბელარუსის ხელისუფლებამ  29 ივლისს რუსეთის 33 მოქალაქის დაკავების შესახებ  გაავრცელა ინფორმაცია,  რომლის თანახმად, დაკავებულები კერძო სამხედრო კომპანიის „ბოევიკები“ არიან. ბელარუსის საგამოძიებო კომიტეტის მტკიცებით, დაკავებულები ეჭვმიტანილი არიან რესპუბლიკაში მასობრივი არეულობის მომზადებაში. ამასთან, სპეცსამსახურების ცნობით, ადრე მათ ჰქონდათ ინფორმაცია   „საარჩევნო კამპანიის პერიოდში ვითარების დესტაბილიზაციის მიზნით 200–ზე მეტი ბოევიკის“ ქვეყანაში ჩასვლის შესახებ. 

დაკავებულთა წინააღმდეგ სისხლის სამართლის საქმე აღძრულია ტერაქტების მომზადების მუხლით, რაც ოც წლამდე თავისუფლების აღკვეთას ითვალისწინებს.

რუსეთის პრეზიდენტის პრეს–მდივანმა დმიტრი პესკოვმა ადრე განაცხადა, რომ დიდი ალბათობით შეიძლება ითქვას, რომ ბელარუსში დაკავებული პირები კერძო დაცვის ორგანიზაციის წევრები არიან, იმყოფებოდნენ ტრანზიტით და რეისზე დააგვიანდათ. პესკოვის თქმით, დაკავებულებს კანონსაწინააღმდეგო ქმედებები არ ჩუდენიათ, რუსეთი კი არ ჩარეულა და არ ერევა ბელარუსის ქვეყნის შიდა საქმეებში. რუსეთის პრეზიდენტი ვლადიმირ პუტინი და რუსეთის უსაფრთხოების საბჭო, პესკოვის მტკიცებით, იმედს გამოთქვამენ, რომ სიტუაცია დროულად გაირკვევა და დაკავებულებს გაათავისუფლებენ.

50
თემები:
რუსეთი დღეს (552)
აშშ-ის სახელმწიფო დეპარტამენტი

რუსეთის საელჩომ კომენტარი გააკეთა აშშ-ის სახელმწიფო დეპარტამენტის მოხსენებაზე

39
(განახლებულია 16:52 06.08.2020)
აშშ-ის სახელმწიფო დეპარტამენტმა 2021 წლისთვის 138 მლნ დოლარი მოითხოვა „რუსეთის მხრიდან დეზინფორმაციასა და პროპაგანდასთან ბრძოლისთვის“.

თბილისი, 6 აგვისტო ― Sputnik. აშშ-ის სახელმწიფო დეპარტამენტის მოხსენება „რუსული პროპაგანდის“ შესახებ მოწოდებულია იმისკენ, რომ „ჩაახშოს“ მოსკოვის წინადადება აშშ-თან თანამშრომლობის აღდგენის თაობაზე, იუწყება РИА Новости ვაშინგტონში რუსეთის საელჩოზე დაყრდნობით. 

მანამდე სახელმწიფო დეპარტამენტთან არსებულმა გლობალური ურთიერთქმედების ცენტრმა გამოაქვეყნა მოხსენება „რუსეთის დეზინფორმაციის დედაბოძებზე“, რომელშიც „რუსული პროპაგანდის“ კონცეფციაა სისტემატიზებული. ამ განსაზღვრების ადრესატები აღმოჩნდა რამდენიმე რუსული მედიასაშუალება. დეზინფორმაციის მაგალითებად მოხსენებაში მოყვანილია РИА Новости-ს, RT-ს, Первый канал-ის, Sputnik-ის, Россия 24-ისა და სხვა გამოცემების სათაურები.

დიპლომატიურ მისიაში რუსულ და უცხოურ მედიასაშუალებებს, რომლებიც „აშშ-ის კრიტიკას ბედავენ“, ურჩიეს, მხედველობაში იქონიონ, რომ ისინი „დიდი ალბათობით გახდებიან საგულდაგულო შესწავლის ობიექტები“, ხოლო მათი რესურსები ამერიკულ სოციალურ ქსელებში შეიძლება დაიბლოკოს კიდეც მიზეზების ყოველგვარი განმარტების გარეშე.

საელჩოში განაცხადეს, რომ სახელმწიფო დეპარტამენტს „უკიდურესად არ მოსწონს ინფორმაციის ალტერნატიული წყაროების არსებობა და მათი დისკრედიტაციისთვის სერიოზული რესურსებია ამოქმედებული“.

„ნებისმიერი ხმა, რომელიც ეწინააღმდეგება ვაშინგტონს, რუსული სპეცსამსახურებისა და კრემლის სამსახურში მყოფ დეზინფორმაციად ცხადდება“, — წერენ დიპლომატები „ფეისბუქზე“.

საელჩოში ის აბსურდული მტკიცებულებები დაასახელეს, რომლებიც მოხსენებაშია მოყვანილი. მაგალითად, ოფიციალურ სამთავრობო კომუნიკაციებში აშშ-ის საგარეო უწყება მოიაზრებს რუსეთის ლიბერალ-დემოკრატიული პარტიის ლიდერს ვლადიმირ ჟირინოვსკის და კერძო რადიოსადგურს Говорит Москва.

„თუ ეს მთელი იმ კონსტრუქციის მწვერვალია, რომელსაც ამერიკელი კოლეგები ესოდენ საგულდაგულოდ აგებდნენ, მაშინ ის უფრო მეტად კარტებით აგებულ სახლს ჰგავს“, — განაცხადეს საელჩოში.

აღსანიშნავია, რომ აშშ-ის სახელმწიფო დეპარტამენტმა 2021 წლისთვის 138 მლნ დოლარი მოითხოვა „რუსეთის მხრიდან დეზინფორმაციასა და პროპაგანდასთან ბრძოლისთვის“.  

მანამდე კრემლმაც და რუსეთის საგარეო საქმეთა სამინისტრომაც არაერთხელ უარყვეს დეზინფორმაციაში ბრალდება.

აშშ-ში არსებობს უცხოეთში სამაუწყებლო სახელმწიფო სააგენტო — „ამერიკის ხმისა“ და „თავისუფლების/თავისუფალი ევროპის“ დედასტრუქტურა, რომლებიც რუსეთის იუსტიციის სამინისტრომ, სხვა მედიასაშუალებებთან ერთად, უცხოურ აგენტთა სიაში შეიყვანა. ორგანიზაციას, რომელიც 1994 წლიდან „მაუწყებლობის საკითხებზე მმართველთა საბჭოდ“ (BBG) იწოდებოდა, სახელი 2018 წელს გადაერქვა და ეწოდა „გლობალური მედიასაშუალებების აშშ-ის სააგენტო (USAGM). ის მთლიანად აშშ-ის ბიუჯეტიდან ფინანსდება. 2017 წელს სააგენტოს ხარჯებმა 748 მლნ დოლარი შეადგინა.

39
თემები:
რუსეთი დღეს (552)
სახელმწიფო დეპარტამენტი

მიმოხილვა: რა წერია აშშ-ის გლობალური ურთიერთქმდების ცენტრის მოხსენებაში

0
(განახლებულია 15:55 07.08.2020)
ამერიკელებმა ფარდა ახადეს მსოფლიო სადეზინფორმაციო კამპანიის რუსულ ტაქტიკას. მაგრამ ეს „ფარდის ახდა“ სახელმწიფო დეპარტამენტის მხრიდან ამერიკელების დეზინფორმირებისა და ამასთან, მთავრობისთვის უფრო მეტი ფულის „გამოძალვის“ მცდელობაა.

გევორქ მირზაიანი

ამ დღეებში აშშ–ს სახელმწიფო დეპარტამენტთან არსებულმა გლობალური ურთიერთქმედების ცენტრმა გამოაქვეყნა მოხსენება „რუსული პროპაგანდისა და დეზინფორმაციის ეკოსისტემის საფუძვლები“. ავტორების მიზანი „რუსეთის მოქმედების ტაქტიკის მხილება იყო, რათა ჩვენმა პარტნიორებმა, მოკავშირე მთავრობებმა, სამოქალაქო საზოგადოების ორგანიზაციებმა, მეცნიერებმა, პრესამ და საზოგადოებამ მთელ მსოფლიოში შეძლონ დეზინფორმაციასა და პროპაგანდაზე შემდგომი ანალიზის ჩატარება და კოლექტიური პასუხის გაძლიერება“.

სიურპრიზი სიურპრიზზე 

ერთი შეხედვით ყველაფერი სოლიდურად გამოიყურება — ტექსტის 75 გვერდი, 313 ბმული, გრაფიკები და ცხრილები. მისი მიხედვით, რუსეთის ხელისუფლება ცდილობს გამოიყენოს მედიასაშუალებები თავისი თვალსაზრისით გასატარებლად (!) — და, რა თქმა უნდა, ეს კრემლის გენიალური გამოგონებაა, სხვა ქვეყნებმა უნდა ისწავლონ, როგორ მოიქცნენ. 

კიდევ ერთი „აღმოჩენა“ ისაა, რომ რუსეთის სახელმწიფო მედიის მიერ გამოქვეყნებულ ინფორმაციებს სხვა გამოცემები იტაცებემ და შემდეგ მთელ ინტერნეტში ვრცელდება. ავტორებმა, როგორც ჩანს, მხოლოდ ახლა აღმოაჩინეს ინტერნეტის თავისეურებები და ინფორმაციის გადაცემის ამჟამინდელი გარემო.

მოხსენებაში რუსეთის ძირითადი მედიასაშუალებებისა და მათი მფლობელების აღწერა ასევე წარმოადგენს კოლოსალურ ფასეულობას ნებისმიერი ანალიტიკოსისთვის — რატომღაც ხომ ისე გამოდის, რომ პროსახელმწიფოებრივ არხებს, გამოცემებსა და ინტერნეტსაიტებს ისეთი ადამიანები ხელმძღვანელობენ, რომლებიც პროსახელმწიფოებრივ იდეოლოგიას იზიარებენ?!

გარდა ამისა, მკვლევარებისთვის ასევე დიდი ფასეულობაა მოხსენების ცენტრალური აზრი: მოსკოვის ნებისმიერი თვალსაზრისი მსოფლიო პრობლემებზე, მის შესახებ ნებისმიერი პუბლიკაცია არის არა სიტყვის თავისუფლების გამოვლენა, არამედ რუსული პროპაგანდისა და სიცრუის ბოროტი მაგალითი, რომელიც გონებას უბინდავს დასავლეთის უცოდველ მოსახლეობას.

რა თქმა უნდა, შეიძლება ითქვას, რომ ამ  მოხსენების მეცნიერულ ღირებულებას მარტო ეს აზრიც კი აუფასურებს, მაგრამ მას ღირებულება უბრალოდ არ გააჩნია. არსებითად ეს 75 გვერდი არის ბანალური აზრების ჩამონათვალი, რომლის მიზანიც არა საფარველის ჩამოგლეჯაა, არამედ სახელმწიფო მდივან მაიკ პომპეოს თხოვნის მატერიალური გამყარებაა გლობალური ურთიერთქმედების ცენტრის დაფინანსების ორჯერ გაზრდის თაობაზე. სწორედ რუსეთისა და სხვა ქვეყნების დეზინფორმაციასთან ბრძოლის სახელით.

ბედნიერება ფულშია  

გასაკვირი არ არის, რომ რუსი პოლიტიკოსებისა და ექსპერტების რეაქცია ამ მოხსენებაზე იყო რაღაც საშუალო დაცინვასა და ზიზღს შორის. მასში მოყვანილი არგუმენტები მათ სერიოზულად არ აღიქვეს და მორიგ რუსოფობიულ თითხვნად შეაფასეს. თუმცა იმავდროულად არიარეს, რომ მოხსენების ავტორებს მის გამოსაქვეყნებლად სრულიად მართებული საფუძველი ჰქონდათ.

„სახელმწიფო დეპარტამენტის რუსოფობების ანტირუსული ბოდვის მორიგი ულუფა მოხსენების ფორმით, ხილულად წარმოაჩენს ამერიკელი პოლიტიკოსების პანიკურ შიშს ქვეყნის შიგნით და მსოფლიოში მიმდინარე მოვლენებზე ალტერნატიული თვალსაზრისის წინაშე“, — ამბობს რუსი დეპუტატი სერგეი ჟელეზნიაკი.

RT–სა და Spputnik–ს იმაზე ნაკლები ფული აქვთ, ვიდრე მსხვილ დასავლურ მედიას, მაგრამ მათ სწორედ ის ალტერნატიული თვალსაზრისი გააჩნიათ.

ვირაცას შესაძლოა აქამდე ეჩვენებოდეს, რომ დასავლეთში სიტყვის თავისუფლებაა, მაგრამ ეს ასე არაა. მთელ რიგ საკითხებზე ამერიკული მედია საბჭოთა გაზეთებს ჩამოჰგავს — ისინი ერთიან, პოლიტიკურად კორექტულ თვალსაზრისს ტრანსლირებენ.

და ეს თვალსაზრისი — შავკანიანებისა და მემარცხენეების მიერ ამერიკაში მოწყობილი არეულობა, ამერიკული ისტორიული მემკვიდრეობის რღვევის სისწორე, უდანაშაულობის პრეზუმფციის მიმართ ზიზღი და ასევე რუსეთის დემონიზაცია — დასავლელ მკითხველს ბეზრდება და ალტერნა ტიულ თვალსაზრისს ისინი რუსეთის ინგლისურენოვან მედიაში ნახულობენ.

ეს კი უკვე სერიოზული პრობლემაა აშშ–სთვის, ვინაიდან მსოფლიო საინფორმაციო სფეროზე კონტროლი არის კიდევ ამერიკული დომინირების საფუძველი. სწორედ ამიტომაც, როგორც რუსეთის საგარეო საქმეთა სამინისტროში აღნიშნავენ, „ვაშინგტონი აკრიტიკებს ნებისმიერ საინფორმაციო წყაროს, რომლებიც ალტერნატიულ თვალსაზრისს ავრცელებენ, და ცდილობს ჩაახშოს ნებისმიერი ხმა, რომელიც ეწინააღმდეგება ამერიკულ მიდგომებს“. ხოლო როცა კრიტიკა არ შველის, სანქციებს აწესებენ.

ამგვარი დევნა რეალურად ასუსტებს აშშ–ის გეოპოლიტიკურ შესაძლებლობებს. მაგალითად, რუსეთის გამოყენების მხრივ ჩინეთის შესაკავებლად, და ასევე სხვა გლობალური საკითხების გადასაჭრელად. სულ უფრო მეტი ამერიკელი ექსპერტი მოუწოდებს ვაშინგტონს, უფრო პრაგმატულად მიუდგეს მოსკოვთან დიალოგს. ამის მაგალითია 103 გამოჩენილი ამერიკელი ექსპერტის ღია წერილი Politiko–ში, რომელთა შორის არიან ყოფილი დიპლომატები და პოლიტიკოსები.

„მაგრამ ოკეანისგაღმელი ოპონენტების ისეთი დოკუმენტებს, როგორიცაა გლობალური ურთიერთქმედების ცენტრის მოხსენება, შეუძლია მხოლოს ერთ მიზანს მიაღწიოს — ბოლო მახვილი ჩასცეს რუსულ–ამერიკულ დიალოგს გლობალურ საკითხებზე და წლების განმავლობაში გამორიცხოს უნდობლობის კრიზისის გადალახვა ჩვენს ქვეყნებს შორის“, — აღნიშნავს ჟელეზნიაკი.

რედაქცია შესაძლოა არ ეთანხმებოდეს ავტორის მოსაზრებებს!

0