კორონავირუსის ვაქცინა

„ვექტორი“: ვაქცინის მასობრივი წარმოება რუსეთში წლის ბოლოს დაიწყება

101
(განახლებულია 20:38 29.07.2020)
ლაბორატორიის ხელმძღვანელი განმარტავს, რომ ვაქცინური პრეპარატების ტესტირებაში მონაწილეობის სურვილი ძალიან ბევრმა მოხალისემ გამოთქვა

თბილისი, 29 ივლისი — Sputnik. კორონავირუსული დაავადება COVID-19–ის ვაქცინის წარმოება და მასობრივი ვაქცინაცია შესაძლოა 2020 წლის ბოლოს ან 2021 წლის პირველ თვეებში დაიწყოს, განაცხადა რუსეთის ცენტრ „ცექტორის“ ლაბორატორიის ხელმძღვანელმა ილნაზ იმატდინოვმა.

„იმ მონაცემებით, რომლებსაც მე ვიცნობ, ვაქცინური პრეპარატების რეგისტრაციის შემდეგ, ინდუსტრიული პარტნიორები მზად არიან, პრეპარატების სამრეწველო გამოშვება დაიწყონ. და თუ არ ვცდები, ეს ან ამ წლის ბოლოს, ან მომავალი წლის დასაწყისში მოხდება“, — განაცხადა იმატდინოვმა ტელეარხ Россия 24–ის ეთერში.

ლაბორატორიის ხელმძღვანელის თქმით, ცენტრში მოხალისეებისგან დიდი რაოდენობით განაცხადია შესული. მსურველებს ანალიზები აუღეს და ტესტირებისთვის ყველაზე ჯანმრთელები შეარჩიეს (ქრონიკულ და გულ–სისხლძარღვთა დაავადებებს უკუჩვენება აქვს ექსპერიმენტული პროცედურებისთვის).

იმატდინოვმა განმარტა, რომ ვაქცინა ექსპერიმენტის დროს მხოლოდ ხუთ მონაწილეს უკეთდება, კვლევის დანარჩენი მონაწილეები კი პლაცებოს იღებენ.

მისი თქმით, ტესტირების პირველ სტადიაზე ხუთი ადამიანი სავსებით საკმარისია, მომავალში კი მოხალისეთა რაოდენობა ასამდე გაიზრდება.

 

 

101
თემები:
რუსეთი დღეს (716)
რუსული ვაქცინა

თურქეთში რუსული ვაქცინა „სპუტნიკ V"-ს წარმოება დაიწყება

67
(განახლებულია 09:08 24.01.2021)
ვაქცინა „სპუტნიკ V" ეფუძნება ადამიანის ადენოვირუსული ვექტორების კარგად შესწავლილ და შემოწმებულ პლატფორმას

თბილისი, 23 იანვარი – Sputnik. პირდაპირი ინვესტიციების რუსულმა ფონდმა ფარმაცევტული პროდუქციის წამყვან თურქ მწარმოებელთან კორონავირუსის საწინააღმდეგო ვაქცინა „სპუტნიკ V"-ს თურქეთში წარმოების შეთანხმება გააფორმა და ტექნოლოგიის ტრანსფერი დაიწყო, აცხადებენ ფონდში.

„წარმოების პოტენციური მოცულობა - წელიწადში „სპუტნიკ V"-ს მილიონობით დოზა, ასევე განიხილება მომავალში წარმოების შესაძლო გაფართოების საკითხი. ვაქცინის მიწოდება განხორციელდება როგორც თურქეთის შიდა ბაზარზე, ისე სხვა ქვეყნებში“, - აღნიშნეს ფონდში.

თურქი პარტნიორები დიდ დაინტერესებას ავლენენ ვაქცინის მიმართ, რომლის ეფექტურობა 90%-ს აღემატება, განაცხადეს ფონდში.

ვაქცინა „სპუტნიკ V" ეფუძნება ადამიანის ადენოვირუსული ვექტორების კარგად შესწავლილ და შემოწმებულ პლატფორმას და დამტკიცებულია რუსეთში, ბელარუსში, არგენტინაში, არაბეთის გაერთიანებულ საამიროებში, უნგრეთში, სერბეთში, ბოლივიაში, ალჟირში, პალესტინაში, ვენესუელაში, პარაგვაიში და თურქმენეთში. დაწყებულია ვაქცინის ევროკავშირში რეგისტრაციის ინიცირების პროცესი.

67
ვაქცინაცია რუსეთში

რუსეთში კორონავირუსის საწინააღმდეგო ვაქცინის 7,6 მილიონი დოზაა წარმოებული

21
(განახლებულია 14:18 23.01.2021)
ქვეყნის პრემიერ-მინისტრის თქმით, მიმდინარე წლის პირველ კვარტალში კორონავირუსზე 20 მილიონ რუსეთის მოქალაქეს აცრიან

თბილისი, 23 იანვარი - Sputnik. რუსეთში COVID-19-ის საწინააღმდეგო ვაქცინის უკვე 7,6 მილიონი დოზაა წარმოებული, განაცხადა რუსეთის პრემიერ-მინისტრმა ტატიანა გოლიკოვამ.

„შემიძლია ვთქვა, რომ ახლა ვაქცინის უკვე 7,6 მილიონი დოზაა წარმოებული, 2,1 მილიონი დოზა ქვეყნის რეგიონებს მიეწოდათ“, - განაცხადა მან.

მისი თქმით, სხვაობა აიხსნება იმით, რომ ვაქცინის ეს მოცულობები სხვადასხვა დროს არის წარმოებული. ვაქცინის ხარისხისა და უსაფრთხოების უზრუნველსაყოფად ის ხარისხის კონტროლს გადის, შემდეგ კი გამოსაყენებლად მიეწოდება.

ვიცე-პრემიერმა ასევე განაცხადა, რომ რუსეთში ვაქცინაციის 2 250 პუნქტი მუშაობს.

„იმ მომენტისთვის, როდესაც პრეზიდენტმა მასშტაბურიდან მასობრივ ვაქცინაციაზე გადასვლის განკარგულება გასცა, რუსეთში იყო 1300-მდე ვაქცინაციის კაბინეტი, ახლა კი უკვე 2 250“, - განაცხადა გოლიკოვამ.

21
სწავლა დისტანციურ რეჟიმში

„გაიგონონ ბავშვების ხმა“: მზიურში მშობლებმა სკოლების გახსნის მოთხოვნით აქცია გამართეს

0
მზიურში გამართულ აქციაზე მშობლები საგანმანათლებლო დაწესებულებების გახსნის გეგმის შემუშავებას ითხოვენ.

თბილისი, 24 იანვარი – Sputnik. დღეს მშობლების ნაწილი მზიურში შეიკრიბა და სკოლების და ბაღების გახსნის მოთხოვნით აქცია გამართა, იუწყება „რუსთავი 2“.

როგორც დღეს გახდა ცნობილი, თბილისის, ქუთაისისა და რუსთავის სკოლებში სასწავლო პროცესი შესაძლოა 1 მარტსაც არ დაიწყოს, რასაც მშობელთა ნაწილის უკმაყოფილება მოჰყვა.

აქციის მონაწილეების განცხადებით, უკვე მესამე სემესტრია საქართველოში დახურულია საგანმანათლებლო და სააღმზრდელო დაწესებულებები, რაც ბავშვებზე უარყოფითად აისახება.

„ჩვენი მოთხოვნაა, მთავრობამ შეიმუშავოს და გაგვაცნოს თანმიმდევრული და ძალიან დეტალური გეგმა, როგორ ხსნის ის განათლების სექტორს, რადგან უკვე 11 თვეა ვიმყოფებით ხანგრძლივ იზოლაციაში, რაც ბავშვებზე ძალიან ცუდად აისახება“, - განაცხადა აქციის ერთ-ერთმა მონაწილემ.

მშობლები კონკრეტული გეგმის შემუშავებას მოითხოვენ, სადაც ბავშვების უფლებები სრულად იქნება  გათვალისწინებული.

„ჩვენ ვითხოვთ, რომ ბავშვების ხმა გაიგონონ გადაწყვეტილების მიმღებმა პირებმა. ბავშვთა ინტერესები არ არის გათვალისწინებული პანდემიის მენეჯმენტის გეგმაში, არ ყოფილა არცერთ ეტაპზე და ჩვენი მთავარი მოთხოვნაა, რომ ეს საჭიროებები იყოს გათვალისწინებული", - აცხადებს ერთ-ერთი მშობელი.

დღემდე ცნობილი იყო, რომ ქვეყნის მასშტაბით სასწავლო პროცესი სკოლებსა და საბავშვო ბაღებში 1 მარტს უნდა დაწყებულიყო, თუმცა განათლების სამინისტროს ინფორმაციით, ეს გადაწყვეტილება თბილისის, ქუთაისისა და რუსთავის სკოლებთან დაკავშირებით ეპიდვითარებიდან გამომდინარე შეიძლება გადაიხედოს.

რაც შეეხება ბათუმს, ზუგდიდს, გორს, ფოთსა და თელავს, ამ ქალაქებში სასწავლო პროცესი სკოლებში 1 თებერვალს აღდგება. 

საბავშვო ბაღებში, პროფესიულ სასწავლებლებსა და უმაღლეს სასწავლებლებში მოქმედი რეგულაციები ნარჩუნდება 1 მარტამდე.

ქვეყანაში ეპიდემიოლოგიური ვითარების გაუარესების გამო 28 ნოემბრიდან მკაცრი შეზღუდვები მოქმედებს. კერძოდ, აუცილებელია პირბადის ტარება ქუჩაში, შეზღუდულია გადაადგილება 21:00-დან 05:00 საათამდე, დაკეტილია რესტორნები, კაფეები და ა.შ.  სასწავლო პროცესი დისტანციურ რეჟიმში მიმდინარეობს. შეზღუდვების შემსუბუქება ეტაპობრივად 1 თებერვლიდან დაიწყება.

თბილისის და ასევე საქართველოს სხვა დიდი ქალაქების სკოლებში, ასევე უმაღლეს სასწავლო დაწესებულებებში სასწავლო პროცესი გასული წლის მარტიდან დისტანციურ რეჟიმში მიმდინარეობს. სექტემბერში მცირე ხნით დაიშვა სწავლა სკოლებში, თუმცა მოსწავლეთა და პედაგოგების ინფიცირების გამო სასწავლო დაწესებულებები კვლავ დაიხურა.

0