წიწიბურას ფაფა

დღეგრძელობის ცილა: დადგინდა წიწიბურის კიდევ ერთი საოცარი თვისება

431
(განახლებულია 19:48 22.07.2020)
მეცნიერების თქმით, წიწიბურის მიღებით ორგანიზმში მნივნელოვნად იზრდება „დღეგრძელობის ცილის“ დონე, რაც დაბერების პროცესს ანელებს.

თბილისი, 22 ივლისი — Sputnik. წიწიბურის მოხმარება მნიშვნელოვნად ზრდის „დღეგრძელობის ცილის“ — SIRT1-ის დონეს და ასევე აქვს მთელი რიგი პოზიტიური ეფექტები, მიიჩნევენ ციმბირის ფედერალური უნივერსიტეტის (SFU) მკვლევარები, რომელთა კვლევის შედეგებს Journal of Cereal Science აქვეყნებს.

სირტუინები ცილების დიდი ოჯახია, რომლებიც ცხიმოვანი უჯრედების წარმოქმნასა და გლუკოზის მეტაბოლიზმში მონაწილეობენ. ცილების ამ ოჯახს მიეკუთვნება ასევე SIRT1, რომელიც ჩართულია მრავალ უჯრედშიდა პროცესში, მათ შორის, დაბერების მექანიზმების რეგულირებაში. მეცნიერების აზრით, SIRT1-ის მაღალი დონე დაბერების პროცესებს ანელებს და ზრდის ორგანიზმის სტრესის მიმართ მედეგობას.

როგორც მეცნიერებმა განმარტეს, რაც უფრო ნაკლებ კალორიას იღებს ადამიანი, მით უფრო მეტ „დღეგრძელობის ცილას“ გამოიმუშავებს ორგანიზმი. სწორედ შიმშილით ხდება რეპარაციის პროცესების, უჯრედის „რემონტის“ დაწყება, რაც ხელს უწყობს სიცოცხლისუნარიანობის გაზრდას. მიუხედავად ამისა, SFU-ს მკვლევარები დარწმუნებული არიან, რომ დრო და დრო ჯანმრთელობის სახელით შიმშილობა არასწორია.

„მძიმედ დაავადებული ადამიანების, ორსულების ან ბავშვების შიმშილობა დაუშვებელია. პროდუქტი, რომელიც SIRT1-ის საჭირო რაოდენობით გამომუშავებას ხელს შეუწყობს — არის წიწიბურის ფაფა ან მისი ფქვილი“, — აცხადებს SFU-ს ბიოფიზიკის კათედრის ხელმძღვანელი ვალენტინა კრატასიუკი.

როგორც SFU-ს მეცნიერებმა განმარტეს, წიწიბურა მდიდარია მცენარეული ცილებითა და ამინომჟავებით, რომელსაც ორგანიზმი საკუთარი ცილების საწარმოებლად იყენებს. გარდა ამისა, მცენარე B ჯგუფის ბევრ ვიტამინს შეიცავს, რომლებიც ხელს უწყობს ნერვული, სისხლის მიმოქცევისა და იმუნური სისტემების ცხოველმყოფელობას. ამასთან წიწიბურა მნიშვნელოვანი რაოდენობით უჯრედისსაც შეიცავს, რომელიც დანაყრების შეგრძნებაზეა პასუხისმგებელი.

რატომ უნდა შევაყვაროთ პატარას წიწიბურა და როგორ მოვამზადოთ გემრიელი ფაფა>>

  • „ჩვენ მსოფლიოში პირველებმა აღმოვაჩინეთ წიწიბურის უპირატესობა, რომ ის SIRT1-ის წყაროა. ეს მცენარე ნამდვილი სუპერსაკვებია. არსებობს კვლევები, რომლებიც ადასტურებს ყურძნის ეფექტურობას უჯრედების სიცოცხლისუნარიანობის გახანგრძლივების კუთხით, მაგრამ ის, წიწიბურისგან განსხვავებით, მსოფლიოს ბევრი რეგიონისთვის არაა ხელმისაწვდომი და, მეორეც, ყურძენი არ გამოირჩევა დიეტური თვისებებით. ამიტომ ძნელი წარმოსადგენია, თუ რამდენი ყურძნის ჭამა მოგიწევთ უჯრედული აღდგენის მექანიზმების დასაწყებად“, — განმარტავს კვლევის ინიციატორი შუბჰრა პანდე.

მეცნიერებმა აღნიშნეს, რომ წიწიბურის დიდი რაოდენობით მოხმარება SIRT1-ის ჭარბ გამომუშავებას არ იწვევს, ე.ი. ორგანიზმს არ მიიყვანს საშიშ გვერდით ეფექტამდე — ჟანგვით სტრესამდე.

431
თემები:
მსოფლიო და მეცნიერება (504)
ვლადიმირ პუტინი

რუსმა მწერალმა პუტინი ნობელის მშვიდობის პრემიაზე წარადგინა

16
(განახლებულია 10:02 25.09.2020)
აკადემიკოსის თქმით, მის მიერ პუტინის წარდგენას ნობელის მშვიდობის პრემიაზე, ამერიკული მხრიდან „მძვინვარე რეაქცია“ მოჰყვა

თბილისი, 25 სექტემბერი — Sputnik. რუსმა აკადემიკოსმა და მწერალმა სერგეი კომკოვმა პრეზიდენტი ვლადიმირ პუტინი ნობელის მშვიდობის პრემიაზე წარადგინა 2021 წლისთვის, რის შესახებაც მან პრესკონფერენციაზე განაცხადა.

„ეს უკვე ფაქტობრივად მეოთხე წარდგენაა ნობელის მშვიდობის პრემიაზე. განაცხადი მიმდინარე წლის 9 სექტემბერს გავგზავნე და უკვე 10 სექტემბერს ის ოსლოში ნობელის პრემიერის შტაბბინაში მშვიდობის კომიტეტმა მიიღო“, — განაცხადა კომკოვმა.

მისი თქმით, მას შემდეგ, რაც ნობელის კომიტეტის ერთ–ერთმა მდივანმა ხელი მოაწერა განაცხადს მისი მიღების თაობაზე, „ამერიკის მხრიდან მძვინვარე რეაქცია“ დაიწყო.

„უკვე საღამოს, ადგილობრივი დროით 16 სააათის შემდეგ, ოსლოში ამერიკის წარმომადგენელმა <...> სასწრაფოდ ლამის ხელით დაწერა განცხადება ნობელის მშვიდობის პრემიაზე ტრამპის წარდგენის შესახებ — კაცმა არ იცის, რისთვის: არაბეთის საამიროებსა და ისრაელს შორის რაღაც კონფლიქტური სიტუაციის დარეგულირებისთვის“, — აღიშნა კომკოვმა.

მისი თქმით, ნობელის კომიტეტმა მომდევნო წლის მარტამდე უნდა განიხილოს განაცხადები და ამის შემდეგ ყველას, ვისაც წინადადება აქვს გაგზავნილი, წერილობით უნდა შეატყობინოს, რომ მათი განაცხადი მიღებულია, განხილული და დარეგისტრირებული.

აღნიშნულთან დაკავშირებით კომენტარი გააკეთა რუსეთის პრეზიდენტის პრესმდივანმა დმიტრი პესკოვმა და განაცხადა, რომ თუ ვლადიმირ პუტინს პრემიას მიანიჭებენ — მშვენიერი იქნება, თუ არა — ეს საშინელება არ არის.

„თქვენ ხომ იცით, რომ ამ პრემიაზე აბსოლუტურად განსხვავებულ ადმიანებს წარადგენენ. ეს იმათი ინიციატივაა, ვინც ამგვარ წინადადებას აყენებს. ამ შემთხვევაში ეს აღნიშნული მწერალია. არსებობს ნომინანტების განხილვის გარკვეული პროცედურა. თუ გადაწყვეტილებას მიიღებენ, შესანიშნავი იქნება, არ მიიღებენ და არც ამაშია არაფერი საშინელება“, — უთხრა პესკოვმა ჟურნალისტებს.

 

16
თემები:
რუსეთი დღეს
ცნობილი ქართველი რეჟისორი რეზო გიგინეიშვილი

რეჟისორ რეზო გიგინეიშვილს კორონავირუსი დაუდასტურდა

68
(განახლებულია 18:46 24.09.2020)
ვინ იფიქრებდა, რომ ფესტივალი, სადაც კინემატოგრაფისტებმა  კოვიდ-იზოლაციის შემდეგ სული მოითქვეს, ინფიცირების წყარო გახდებოდა

თბილისი, 24 სექტემბერი  — Sputnik. ცნობილი ქართველი რეჟისორი რეზო გიგინეიშვილი სოჭში კინოფესტივალ „კინოტავრზე“ კორონავირუსით დაინფიცირდა, იუწყება რუსული მედია.

თავად გიგინეიშვილს ამასთან დაკავშირებით კომენტარი ჯერჯერობით არ გაუკეთებია.

მედიის ინფორმაციით, კორონავირუსისგან მკურნალობს ასევე ფესტივალის ჟიურის წევრი, რეჟისორი ნიგინა საიფულაევა. გიგინეიშვილმა და საიფულაევამ მოსკოვში დაბრუნების შემდეგ თავი შეუძლოდ იგრძნეს, ჩაიტარეს PCR-ტესტები, შედეგები კი დადებითი აღმოჩნდა.

აღნიშნულია, რომ ტესტირება კორონავირუსზე გაიარეს „კინოტავრის“ სხვა სტუმრებმაც. ამიტომ ინფიცირებულთა რაოდენობა კინოჩვენებაზე შეიძლება გაიზარდოს.

მედიის ინფორმაციით, დიდი ალბათობით კორონავირუსი სოჭში „ჩაიტანა“ რეჟისორმა ალექსანდრ მოლოჩნიკოვმა. ღონიძიების წინ მან თავი შეუძლოდ იგრძნო, გაიკეთა ტესტი, მაგრამ შედეგი უარყოფითი იყო. ამიტომაც რეჟისორმა გადაწყვიტა წარეფგინა თავისი ფილმი პრემიერაზე. ამის შემდეგ მოლოჩნიკოვი კინოფესტივალის სხვა ღონისძიებებსაც ესტუმრა.

მოსკოვში დაბრუნებისას მოლოჩნიკოვმა განმეორებითი ტესტი გაიკეთა, რომელიც დადებითი აღმოჩნდა. მან კოლეგები გააფრთხილა და მათ ბოდიშიც მოუხადა.

68
თემები:
COVID-19-ის პანდემია მსოფლიოში
თეთრ და მუქნაჭუჭიანი კვერცხები კალათში

ფერმერი საგონებელშია: ქათამმა უცნაური კვერცხი დადო - ვრცელდება ვიდეო

0
(განახლებულია 10:13 25.09.2020)
ფერმერ ქალს წარმოდგენა არ აქვს, რას შეიძლებოდა მოეხდინა გავლენა კვერცხის უცნაურ შეფერილობაზე, ვინაიდან ყველა ქათამს ერთნაირად კვებავდა

თბილისი, 25 სექტემბერი — Sputnik. ჩინეთის პროვინცია ცზიანსუს ფერმაში ქათამმა მწვანე კვერცხი დადო და ფერმერი საგონებელში ჩააგდო, წერს გამოცემა Daily Star-ი.

მეურნეობის მეპატრონე გაო გაოცებული დარჩა, როდესაც მისმა ქათამმა მწვანე ლაქებიანი კვერცხი დადო. ჩინელმა ქალბატონმა თქვა, რომ წარმოდგენა არ აქვს, კონკრეტულად თუ  რას შეეძლო კვერცხის შეფერილობაზე გავლენის მოხდენა.

„ეს კვერცხი იგივე ზომისაა, როგორიც სხვები, მაგრამ მწვანე ხალებითაა დაფარული. ჩემს ეზოში შვიდი ქათამი და ერთი მამალია. მე მათ ერთნაირად ვაჭმევდი: სიმინდს, ბოსტნეულსა და სხვა მწვანილეულს“, — განმარტა მან.

სუციანის მეცხოველეობისა და ვეტერინარული სადგურის უფროსმა ვეტერინარმა ჩჟან ვენჩენმა თქვა, რომ კვერცხმა შეიძლება გარეგანი ზემოქმედება ჯერ კიდევ ქათმის შიგნით განიცადა. მან დიასახლისს ურჩია, რომ უცნაური კვერცხი არ ეჭამათ.

0
თემები:
მსოფლიო დღეს