რუსული მილგამყვანი ხომალდი

გერმანია ჯერ არ დაუჯერებს ვაშინგტონს: პოლიტოლოგის კომენტარი ამერიკულ სანქციებზე

67
(განახლებულია 17:23 22.07.2020)
აშშ-ის კონგრესმა მოიწონა 2021 წლის თავდაცვის ბიუჯეტი, რომელიც გაზსადენ „ჩრდილოეთის ნაკადი-2“-ის წინააღმდეგ სანქციების გაძლიერებასაც გულისხმობს.

თბილისი, 22 ივლისი — Sputnik. რუსული გაზსადენის „ჩრდილოეთის ნაკადი-2“-ის წინააღმდეგ სანქციების დაწესება არის ევროპის ქვეყნებზე გავლენის მოხდენის მცდელობა, მაგრამ ისინი ამერიკულ სანქციებს სერიოზულ ყურაღებას არ მიაქცევენ, განუცხადა РИА Новости-ს პოლიტოლოგმა ბორის მეჟუევმა.

მანამდე აშშ-ის კონგრესმა მოიწონა 2021 წლის თავდაცვის ბიუჯეტი, რომელშიც „ჩრდილოეთის ნაკადი-2“-ის საწინააღმდეგო სანქციებია გათვალისწინებული.

„ეს არის ზეწოლა ევროპელ მოკავშირეებზე, უპირველესად კი გერმანიაზე. ჯერჯერობით ნაკლებსარწმუნოა, რომ ამან რაიმე ზემოქმედება მოახდინოს [გაზსადენის] მშენებლობაზე. ამ დროისათვის რუსეთს, გერმანიასა და ევროპის ქვეყნებს აქვთ შანსი, ვაშინგტონის შეძახილების მიუხედავად, საქმე ბოლომდე მიიყვანონ“, — მიაჩნია ლომონოსოვის უნივერსიტეტის დოცენტ მეჟუევს.  

ამერიკული სანქციები რუსული პროექტისთვის: პესკოვი კომენტარს აკეთებს>>

თუმცა, პოლიტოლოგის თქმით, როგორც კი აშშ-ში საარჩევნო კამპანია დასრულდება, ვითარება დასტაბილურდება და პარტიებს შიგნით ბრძოლა ჩაცხრება, ევროპაზე ზეწოლა გაძლიერდება და „უსიამოვნებები მოსალოდნელი გახდება“.

„ამ მომენტისთვის გერმანია არ დაუჯერებს ვაშინგტონს, ვინაიდან აცნობიერებს, რომ ვაშინგტონი შიდა კონფლიქტებითაა დაკავებული და მისი საგარეო ნაბიჯები შიდა არასტაბილურობითაა განპირობებული. ასე რომ, ახლა არაა მოსალოდნელი, რომ ევროპის ქვეყნებმა სერიოზული ყურადრება მიაქციონ ამ სანქციებს, მაგრამ საბოლოოდ ამერიკა შეეცდება დააბრუნოს ევროპა საერთო დასავლურ ბანაკში. ვფიქრობ, ეს იქნება აშშ-ის მთავარი ამოცანა შემდგომი ოთხი წლის განმავლობაში, ვინც უნდა გახდეს აშშ-ის პრეზიდენტი“, — აღნიშნა პოლიტოლოგმა.

„ჩრდილოეთის ნაკადი 2“ გაზსადენის ახალი პროექტია რუსეთიდან გერმანიისკენ. მისი სიგრძე 1,2 ათას კილომეტრზე მეტია, ხოლო სიმძლავრე  წელიწადში 55 მლრდ კუბომეტრ გაზს შეადგენს. აშშ ეწინააღმდეგება გაზსადენს და აცხადებს, რომ პროექტი ევროპის ენერგეტიკულ უსაფრთხოებას ემუქრება. რუსეთის ხელისუფლების აზრით კი სინამდვილეში ამერიკელებს ევროპის ბაზრიდან რუსული გაზის გაძევება და მისი ამერიკული გათხევადებული ბუნებრივი აირით ჩანაცვლება სურთ, რაც „ევროპისთვის არახელსაყრელია, ვინაიდან ის უფრო ძვირია“.

67
თემები:
რუსეთი დღეს (609)
ხაჭო

ხაჭო მამაკაცურ პოტენციას ამაღლებს: რეკომენდაციები ცნობილი პროფესორისგან

46
(განახლებულია 11:58 28.09.2020)
პროფესორი განმარტავს, რა სარგებლობა მოაქვს ხაჭოს და რატომაა მავნებელი ცხიმგამოცლილი რძის პროდუქტები

თბილისი, 29 სექტემბერი — Sputnik. ხაჭო დადებითად მოქმედებს მამაკაცურ ჯანმრთელობაზე, ებრძვის შემოდგომის დეპრესიას და აუმჯობესებს განწყობას, აცხადებს პროფესორი ალექსეი ბუევეროვი.

„არსებობს მონაცემები, რომ ხაჭოს, მასში შემავალი მიკროელემენტების წყალობით, შეუძლია პოზიტიური გავლენა მოახდინოს მამაკაცის პოტენციაზე. ამასთან არსებობს მციფრე კვლევა, რომ რეგულარული მიღების შემთხვევაში, ხაჭოს შეუძლია აამაღლოს განწყობა და დაგეხმაროთ შემოდგომის დეპრესიასთან ბრძოლაში“, — აღნიშნა პროფესორმა.

მისი თქმით, ხაჭო მდიდარია სასარგებლო ნივთიეწრებებით , ცილებითა და ცხიმებით და მცირე რაოდენობით შეიცავს ნახშირწყლებს. გარდა ამისა, მასში შედის ისეთი მიკროელემენტები, როგორებიცაა: კალციუმი, მაგნიუმი და თუთია.

ამასთან ბუევეროვი განმარტავს, რომ ცხიმგამოცლილი რძის პროდუქტების მავნებლობა უფრო მეტია, ვიდრე სარგებელი.

„სჯობს, მიირთვათ ნაკლები და ნორმალური ცხიმიანობის ხაჭო — 5 ან 9 პროცენტიანი. ცხიმგამოცლილი რძის პროდუქტებისგან მავნებლობა უფრო მეტია, ვიდრე სარგებელი. როდესაც ადამიანი ცხიმებს საკმარისი რაოდენობით არ იღებს, ორგანიზმში ნივთიერებათა ცვლის პროცესი ირღვევა და იწყება ცხიმების დაგროვება. მეორეც: ცხიმგამოცლილი პროდუქტები უგემურია და ამიტომ მწარმოებელი მათში შაქარს ან შაქრის შემცვლელს ამატებს. ეს კი მავნებელია როგორც ნახშირწყების ცვლის, ისე სხეულის მასის მატების კუთხით. შეუძლია დიაბეტის განვითარებაც კი გამოიწვიოს, თუ ადამიანი ამისადმი გენეტიკურადაა მიდრეკილი“, — დააზუსტა პროფესორმა.

მისი თქმით, ხაჭოს დღიური ნორმა არ უნდა აღემატებოდეს 200 გრამს.

 

46
თემები:
სასარგებლო რჩევები
სტუდენტები ლექციაზე

იმ მოქალაქეთა საყურადღებოდ, რომლებიც პანდემიის გამო რუსეთში სასწავლებლად ვერ მიდიან

1081
(განახლებულია 20:59 25.09.2020)
წელს ქართველი ახალგაზრდობისთვის დაახლოებით 120 ადგილი გამოიყო რუსეთში უფასო განათლების მისაღებად, მაგრამ სტუდენტები პანდემიის გამო გამგზავრებას ვერ ახერხებენ

თბილისი, 25 სექტემბერი - Sputnik. სტუდენტები, რომლებმაც წელს რუსეთის უმაღლეს სასწავლებლებში თანამემამულეთა პროგრამის ფარგლებში ჩააბარეს, მაგრამ პანდემიის გამო სასწავლებლად გამგზავრებას ვერ ახერხებენ, თავიანთ უნივერსიტეტებს უნდა დაუკავშირდნენ. ამის შესახებ Sputnik-საქართველოს საქართველოს რუს თანამემამულეთა ორგანიზაციის საკოორდინაციო საბჭოს თავმჯდომარე ნიკოლაი სვენტიცკიმ განუცხადა.

მარტის შუა რიცხვებიდან საქართველოს საზღვრები პანდემიის გამო ჩაიკეტა. შედეგად საქართველოს მოქალაქეები, რომლებმაც წელს რუსეთის უმაღლეს სასწავლებლებში ჩააბარეს ან არდადეგებზე სახლში იმყოფებოდნენ, ვერ ახერხებენ სასწავლებლად რუსეთში გამგზავრებას.

„პირველი და უმთავრესია, არავინ ინერვიულოს, ყველაფერი ძალაში რჩება, ისინი ისწავლიან. ყველა სტუდენტს, ასპირანტს ვურჩევდი, რაც შეიძლება სწრაფად დაუკავშირდეს ტელეფონით ან ინტერნეტით უმაღლესი სასწავლებლების დეკანატებს, რომლებიც უცხოელ მოქალაქეებთან მუშაობაზე არიან პასუხისმგებელი, და სთხოვონ სიტუაციის დეტალურად განმარტება“, - განაცხადა სვეტნიცკიმ. 

სვენტიცკის თქმით, ეს პრობლემა შეეხო არა მხოლოდ საქართველოს მოქალაქეებს, არამედ სხვა ქვეყნების მოქალაქეებსაც, რომლებმაც წელს პროგრამით რუსეთის უმაღლეს სასწავლებლებში ჩააბარეს. როგორც მან აღნიშნა, ბევრი ასეთი მოქალაქეა, რომელთა ქვეყანაში შეშვება და საერთო საცხოვრებლებში განთავსებაა საჭირო.

„ამ მიმართულებით მუშაობა მიმდინარეობს, ეს ზუსტად ვიცი. მთავარია, ხელი არ ჩაიქნიონ, რადგან ეს ბავშვები უკვე ჩარიცხული არიან უმაღლესებში“, - აღნიშნა სვენტიცკიმ.

ამასთან, ზოგიერთი სტუდენტი საქართველოდან უკვე შეუდგა დისტანციურ სწავლას რუსეთის უმაღლესებში.

„მე ბაუმანის სახელობის უნივერსიტეტში ჩავაბარე, ამჟამად დისტანციურად ვსწავლობ. უმაღლესთან კონტაქტს ვინარჩუნებ, დაუსწრებლად საერთო საცხოვრებელში ადგილიც კი გამომიყვეს. მაგრამ რუსეთში მოხვედრას ვერ ვახერხებ - საჭიროა სპეციალური მოსაწვევი, რომლის მიღებასაც მხოლოდ მაშინ შევძლებ, როდესაც საზღვრები გაიხსნება და ეპიდემიოლოგიური ვითარება მოგვარდება“, - განუცხადა Sputnik-საქართველოს ერნესტ შადინოვმა, რომელმაც უმაღლესში წელს პროგრამის ფარგლებში ჩააბარა.

საქართველოში შვეიცარიის საელჩოსთან მოქმედი რუსეთის ინტერესების სექცია ყოველწლიურად კონკურსის წესით არჩევს საქართველოს მოქალაქეთა შორის რუსეთის უმაღლესებში ჩაბარების მსურველებს. რუსეთში სხვადასხვა ქვეყნიდან სტუდენტების სწავლების პროგრამა უკვე 15 წელია მოქმედებს. მთელი ამ წლების განმავლობაში მხოლოდ საქართველოდან რუსეთში განათლების მისაღებად ყოველწლიურად დაახლოებით 120 სტუდენტი მიემგზავრება.

1081
თბილისი

მზე, ქარი, წვიმა როდემდე შენარჩუნდება ცვალებადი ამინდი საქართველოში

0
(განახლებულია 16:05 28.09.2020)
უახლოეს დღეებში საქართველოს დედაქალაქში ღრუბლიანი ამინდია ნავარაუდევი – მოსალოდნელია ხანმოკლე წვიმა და ნისლი

თბილისი, 28 სექტემბერი  — Sputnik. დასავლეთ საქართველოში 1 ოქტომბრამდე თბილი და მზიანი ამინდი შენარჩუნდება – ხუთშაბათს წვიმაა ნავარაუდევი, ნათქვამია გარემოს დაცვის ეროვნული სააგენტოს განცხადებაში.

 „28-30 სექტემბერს დასავლეთ საქართველოში შენარჩუნდება  თბილი და უმეტესად უნალექო ამინდი. ზოგან იქროლებს აღმოსავლეთის მიმართულების ძლიერი ქარი. ჰაერის ტემპერატურა პლუს 27–32 გრადუსი იქნება. 1 ოქტომბერს  კი გაწვიმდება და ჰაერის ტემპერატურა 23–28 გრადუსამდე დაიკლებს“, – ნათქვამია განცხადებაში. 

აღმოსავლეთ საქართველოში მოსალოდნელია შედარებით გრილი და დროგამოშვებით ღრუბლიანი ამინდი. ზოგან შესაძლებელია მცირე წვიმა და ნისლი. ჰაერის ტემპერატურა  პლუს 19–24 გრადუსი იქნება.

საქართველოს დედაქალაქში მოსალოდნელია  ხანმოკლე  წვიმა და ნისლი.  თბილისში ჰაერის ტემპერატურა პლუს 21–23 გრადუსი იქნება.

0
თემები:
ამინდი საქართველოში