ხმების დათვლა რეფერენდუმზე

ცნობილი გახდა რუსეთის კონსტიტუციაში ცვლილებების შესახებ კენჭისყრის საბოლოო შედეგები

74
(განახლებულია 16:55 02.07.2020)
რუსეთის ცენტრალური საარჩევნო კომისიის მონაცემებით, ქვეყანაში მოსახლეობის აქტივობამ ამომრჩეველთა 64,99% შეადგინა.

 თბილისი, 2 ივლისი – Sputnik. კონსტიტუციაში ცვლილებების შეტანას, რუსეთის ცენტრალური საარჩევნო კომისიის ინფორმაციით, ხმა ქვეყნის ამომრჩევლების 77,92%-მა მისცა.

აღნიშნული მაჩვენებელი ბიულეტენების 100%-ის დამუშავების შემდეგაა მიღებული.  

ირკვევა, რომ საკონსტიტუციო ცვლილებების წინააღმდეგ წავიდა ამომრჩევლების 21.27%.

კონსტიტუციაში ცვლილებების შეტანის შესახებ საყოველთაო კენჭისყრა რუსეთში 22 აპრილს უნდა ჩატარებულიყო, თუმცა ის კორონავირუსის პანდემიის გამო გადაიდო. ეპიდემიოლოგიური სიტუაციის სტაბილიზაციის შემდეგ პრეზიდენტმა ვლადიმირ პუტინმა რეფერენდუმი 1 ივლისისთვის დანიშნა.

კონსტიტუციაში შესატანი ცვლილებები ითვალისწინებს ახალ მოთხოვნებს როგორც პრეზიდენტის, ისე მთავრობის წევრებისა და სახელმწიფოს სხვადასხვა დონის ჩინოვნიკების მიმართ.

ცვლილებები ძალაში რეფერენდუმის შედეგების ოფიციალურად გამოქვეყნების დღიდან შევა.

74
თემები:
რუსეთი დღეს (559)
ვაქცინა

რუსეთში COVID-19-ის ვაქცინის წარმოება დაიწყო

130
რუსეთის პრეზიდენტმა ვლადიმირ პუტინმა განაცხადა, რომ  რუსეთმა მსოფლიოში პირველმა დაარეგისტრირა პრეპარატი COVID-19-ის პროფილაქტიკისთვის.

 

თბილისი, 15 აგვისტო  — Sputnik.  რუსეთის ჯანდაცვის სამინისტრომ კორონავირუსის ვაქცინის წარმოების დაწყების შესახებ განაცხადა, იუწყება РИА Новости.  

პრეპარატი გამალეის სახელობის ეპიდემიოლოგიისა და მიკრობიოლოგიის კვლევის ეროვნული ცენტრის სპეციალისტებმა შეიმუშავეს.

რუსეთის პრეზიდენტმა ვლადიმირ პუტინმა განაცხადა, რომ  რუსეთმა მსოფლიოში პირველმა დაარეგისტრირა პრეპარატი COVID-19-ის პროფილაქტიკისთვის. ვაქცინას ეწოდა „სპუტნიკ V“.

რუსეთის ჯანდაცვის სამინისტროში ხაზი გაუსვეს, რომ პლატფორმა, რომელზეც ვაქცინა იქმნებოდა, აბსოლუტურად უსაფრთხოა და უკვე დაამტკიცა თავისი ეფექტურობა შემუშავებისას და სხვა წამლების დამზადებისას.  მოსალოდნელია, რომ ვაქცინაცია ორ ეტაპად ჩატარდება: თავიდან – კომპონენტი I–ით, სამი კვირის შემდეგ — კომპონენტი II–ით.

აღსანიშნავია, რომ უწყებაში უკვე დააანონსეს პრეპარატის პრეკლინიკური და კლინიკური კვლევების მონაცემების გამოქვეყნება. ჯანდაცვის მინისტრმა მიხაილ მურაშკომ განმარტა, რომ უცხოეთიდან კრიტიკა „არასრულ მონაცემებს“ უკავშირდება, და რომ ყველა შესაბამის ინფორმაციას არ ფლობს – „ვაქცინა შეიქმნა პლატფორმაზე, რომელზეც ექვსი პროდუქტი უკვე გაკეთდა“.

130
თემები:
რუსეთი დღეს (559)

"ჩრდილოეთის ნაკადი 2": ევროკავშირი აშშ-ის სანქციებით უკმაყოფილოა

133
ევროკავშირმა აშშ-ს დემარში გამოუცხადა ახალი სანქციების გამო, რომლების დაწესებასაც ისინი „ჩრდილოეთის ნაკადი - 2“-ის მიმართ აპირებენ

უკმაყოფილება გამოთქვა ევროკავშირის მონაწილე 27 ქვეყნიდან 24-მა, იუწყება გერმანული გამოცემა Welt. ამერიკელების წინააღმდეგ წავიდნენ ის სახელმწიფოებიც, რომლებიც აქამდე მსგავს ნაბიჯებს თავს არიდებდნენ. რუსმა პოლიტოლოგებმა ამ ყველაფერში ვაშინგტონისათვის მიცემული მინიშნება დაინახეს, რა სურთ ევროპელებს და განხორციელდება თუ არა პროექტი - იხილეთ ჩვენს ვიდეოში.

133
ბათუმის პორტი

ბათუმში ხვალ აქცია გაიმართება - რას აპროტესტებენ ორგანიზატორები

0
აქციის ორგანიზატორები მიიჩნევენ, რომ მათი მოთხოვნების  დაკმაყოფილების შედეგად ტერმინალის მშენებლობის პროექტი მაქსიმალურად უსაფრთხო  გახდება

თბილისი, 15 აგვისტო - Sputnik. ხვალ ბათუმში მერიის გვერდით დაგეგმილია აქცია, სადაც საზღვაო ნავსადგურში ქიმიური ტერმინალის მშენებლობას გააპროტესტებენ.

აქციის ორგანიზატორები არიან საინიციატივო ჯგუფი „ქიმიური შეტევა ბათუმზე" და „ჩემი ბათუმი".

აქცია 16 აგვისტოს, საღამოს 19:00 საათზე ბათუმის მერიის გვერდით ე.წ. ვარდების სკვერში გაიმართება.

„ჩვენ მოქალაქეებმა უნდა მოვითხოვოთ მაქსიმალურად უსაფრთხოების ზომების გამკაცრება და პოტენციური ტრაგედიის 100% ით განეიტრალება! აშენებულის დანგრევის იდეას აქციის ორგანიზატორები ვემიჯნებით, რადგან არსებობს გამოსავალი ყოველგვარი ნგრევის გარეშე თუ დაკმაყოფილებული იქნება ჩვენი მოთხოვნები“, - აღნიშნულია ორგანიზატორების მიერ გავრცელებულ განცხადებაში.

ორგანიზატორებს რამდენიმე მოთხოვნა აქვთ. ისინი მოითხოვენ, დაბრუნდეს  ამ პროექტის განხილვა ბათუმის მუნიციპალიტეტის საკრებულოში. ასევე,  უპირობოდ  იქნას ამოღებული  იმ ფეთქებადი და ძლიერ მომწამლავი ნივთიერებების გადაზიდვა, რომელიც აღნაგობის ხელშეკრულებაშია ჩაწერილი 14 დან მინიმუმ ორი: ამონიუმის სელიტრა და კარბამიდი იგივე შარდოვანა.

მათი მოთხოვნაა, დაუყოვნებლივ დაიწყოს გარემოზე ზემოქმედების შეფასების (გზშ) დოკუმენტის მომზადებაც.

აქციის ორგანიზატორები მიიჩნევენ, რომ ამ მოთხოვნების  დაკმაყოფილების შედეგად  აღნიშნული პროექტი მაქსიმალურად უსაფრთხო  გახდება.

საუბარია ქიმიური ტერმინალის მშენებლობის პროექტზე გრანულირებული კარბამიდების გადაზიდვის მიზნით. პროექტი აზერბაიჯანიდან და აზიის ქვეყნებიდან ევროპაში საქართველოს გავლით ახალი ლოგისტიკური სატრანსპორტო დერეფნის შექმნას ითვალისწინებს. როგორც მოსალოდნელია, ახალი ტერმინალი ამოქმედების შედეგად ბათუმის პორტში ტვირთბრუნვა 200 ათასი ტონით გაიზრდება. ტერმინალის მშენებლობის წინააღმდეგ არაერთხელ გამოსულა სხვადასხვა საზოგადოებრივი მოძრაობა.

20 მილიონი დოლარის ინვესტიციას აღნიშნულ პროექტში ამერიკული კორპორაცია Trammo ახორციელებს.

კომპანია „ბათუმის ნავთობტერმინალი“ შპს „ბათუმის საზღვაო ნავსადგურის“ აქციების 100%-ის მფლობელია. თავის მხრივ, „ბათუმის ნავთობტერმინალი“ 2008 წლის თებერვლიდან ყაზახურ კომპანია სს „ყაზტრანსოილს“ ეკუთვნის.

0
თემები:
გარემოს დაცვა და ეკოლოგია