სიტუაცია რუსეთში კორონავირუსის გამო

„იმედი აღარაა“ - რუსული ტურისტული ფირმები ივლისის საგზურებს აუქმებენ

273
კორონავირუსის პანდემიის გამო რუსეთის ფედერაციის ხელისუფლებამ საერთაშორისო სამგზავრო ავიამიმოსვლა დახურა

თბილისი, 28 ივნისი — Sputnik. რუსულმა ტუროპერატორებმა უცხოური საგზურების გაუქმება დაიწყეს გაურკვევლობის გამო, რომელიც საერთაშორისო მიმოსვლის აღდგენასთან დაკავშირებით შეიქმნა, იუწყება რადიო Sputnik Вестник АТОР-ზე დაყრდნობით.

საქართველო ცას 1 ივლისიდან გახსნის, მაგრამ არა ყველასთვის: პრემიერის განცხადება >>

ტურების გაუქმების შესახებ უკვე განაცხადეს ისეთმა მსხვილმა ტურისტულმა ფირმებმა, როგორებიცაა ANEX Tour, PEGAS Touristik, TEZ Tour, Coral Travel და Интурист. უკანასკნელმა 16 ივლისამდე ყველა საგზური გააუქმა, დანარჩენებმა - ივლისის ყველა ტური.

„ტუროპერატორებს დიდი იმედი არ აქვთ, რომ უახლოეს თვეში საერთაშორისო ტურიზმი აღდგება“, - ნათქვამია განცხადებაში.

COVID-19 პანდემიის გამო რუსეთის ხელისუფლებამ საერთაშორისო სამგზავრო ავიამიმოსვლა დახურა. გადამზიდავებს მხოლოდ თანამემამულეთა სამშობლოში ჩამოყვანა შეუძლიათ, ასევე სრულდება სატვირთო, საფოსტო, სანიტარული და ჰუმანიტარული რეისები, ტრანზიტული ფრენები ქვეყნის ტერიტორიაზე და რეისები, რომლებიც რუსეთის მთავრობის ცალკეული გადაწყვეტილებით ხორციელდება.

ტრანსპორტის მინისტრმა ევგენი დიტრიხმა ადრე განაცხადა, რომ რუსეთი საერთაშორისო ფრენების აღდგენას ივლისში იმ შემთხვევაში შეძლებს, რაც ხელისუფლება ქვეყნის შიგნით გადაზიდვების უსაფრთხოებაში დარწმუნდება.

კორონავირუსის პანდემიამ პრაქტიკულად მთელი მსოფლიო მოიცვა. ჯანმო-ს მონაცემებით, ინფექცია დაახლოებით 9,65 მილიონ ადამიანს დაუდასტურდა, აქედან 491 ათასზე მეტი დაიღუპა.

რუსეთში კორონავირუსის 627 ათასი შემთხვევა დადასტურდა. 393 ათასი ადამიანი გამოჯანმრთელდა და თითქმის 9000 - გარდაიცვალა.

273
თემები:
COVID-19-ის პანდემია მსოფლიოში (1020)
პრეპარატის დამზადება ლაბორატორიაში

რუსეთში დასრულდა მსოფლიოში პირველი COVID-19-ის საწინააღმდეგო ვაქცინის გამოცდა

100
(განახლებულია 12:06 12.07.2020)
პრეპარატის კლინიკური გამოცდები სეჩენოვის სახელობის უნივერსიტეტში ჩატარდა - კვლევამ მისი უსაფრთხოება აჩვენა

თბილისი, 12 ივლისი — Sputnik. დასრულდა მსოფლიოში პირველი COVID-19-ის საწინააღმდეგო ვაქცინის კვლევები, რომელიც რუსეთის სეჩენოვის სახელობის უნივერსიტეტში მოხალისეებზე ჩატარდა, განუცხადა РИА Новости-ს სეჩენოვის უნივერსიტეტის ტრანსლაციური მედიცინისა და ბიოტექნოლოგიების ინსტიტუტის დირექტორმა ვადიმ ტარასოვმა.

შეგახსენებთ, რომ ამ პრეპარატის კლინიკური გამოცდები მოხალისეებზე 18 ივნისს დაიწყო. კვირას დილით ცნობილი გახდა, რომ კვლევები წარმატებით დასრულდა.

მოხალისეები ორ ჯგუფად დაყვეს: პირველ ვაქცინის ერთი დოზა მისცეს, მეორეს - ორი. როგორც სეჩენოვის უნივერსიტეტის სამედიცინო პარაზიტოლოგიის, ტროპიკულ და ტრანსმისიურ დაავადებათა ინსტიტუტის დირექტორმა ალექსანდრ ლუკაშევმა, ვაქცინაციის შემდგომ პირველ დღეებში მათ აღენიშნებოდათ ტემპერატურის მომატება, სხვა ნეგატიური რეაქციები არ დაფიქსირდა.

„ამ ეტაპზე სახეზეა ვაქცინის უსაფრთხოება... ვაქცინის უსაფრთხოება დადასტურდა. ის შეესაბამება იმ ვაქცინების უსაფრთხოებას, რომლებიც ამჟამად ბაზარზე არსებობს“, - განაცხადა ლუკაშევმა.

მოხალისეების გაწერა 15 და 20 ივლისს იგეგმება, მედიკოსები მათ მდგომარეობას მომავალშიც დააკვირდებიან.

ვაქცინის შემუშავების შემდგომი გეგმა შემქმნელის სტრატეგიის შესაბამისად განისაზღვრება, როგორც ლუკაშევმა განმარტა, მასზე სხვა ყველაფერთან ერთად ეპიდსიტუაცია მოქმედებს.

ველოდებით შედეგს: ჯანმო COVID-19-ის რუსული ვაქცინით დაინტერესდა >>

აღსანიშნავია, რომ ეს არ არის ერთადერთი ვაქცინა, რომელიც გამოცდას გადის: ცენტრი „ვექტორი“ COVID-19-ის საწინააღმდეგო ვაქცინის გამოცდას ადამიანებზე ივლისში დაიწყებს.

100
თემები:
COVID-19-ის პანდემია მსოფლიოში (1020)
ავიაკომპანია „პობედას“ სტიუარდესა

რუსეთი 15 ივლისიდან საერთაშორისო ფრენების აღდგენას იწყებს

344
რუსეთის ხელისუფლებამ განაცხადა, რომ საზღვრების გახსნის თარიღი ეპიდემიოლოგიურ სიტუაციაზე იქნება დამოკიდებული

თბილისი, 12 ივლისი – Sputnik. რუსეთის ვიცე-პრემიერმა ტატიანა გოლიკოვამ განაცხადა, რომ 15 ივლისიდან ხელისუფლება საერთაშორისო ფრენებზე დაწესებული შეზღუდვების ეტაპობრივ მოხსნას დაიწყებს, იუწყება РИА Новости.

უცნობი და უფრო საშიში პნევმონია ყაზახეთში: ჯანმო მუდმივ კონტაქტზეა >>

პანდემიის გამო რუსეთმა 27 მარტიდან სხვა ქვეყნებთან რეგულარული და ჩარტერული ავიამიმოსვლა შეწყვიტა. გამონაკლისს შეადგენს რეისები, რომლითაც რუსეთის მოქალაქეები სამშობლოში ბრუნდებიან, ასევე სატვირთო, საფოსტო, სანიტარული და ზოგიერთი სხვა ფრენები. ადრე გამოცხადდა, რომ საზღვრების გახსნის თარიღი ეპიდემიოლოგიურ სიტუაციაზე იქნება დამოკიდებული.

„ეს შესაძლებელი გახდა, რადგან, როგორც მოგეხსენებათ, რუსეთში უკვე საკმაოდ დიდი ხნის განმავლობაში ავადობის და ახალი კორონავირუსული ინფექციის გამოვლენილი შემთხვევების შემცირება ფიქსირდება“, - განაცხადა მან ბრიფინგზე.

ვიცე-პრემიერის თქმით, ავიამიმოსვლის აღდგენა დაიწყება იმ ქვეყნებთან, სადაც COVID-19-ით ინფიცირება 100 ათას მოსახლეზე 40 შემთხვევას არ აღემატება.

ინფიცირებულთა საშუალო დღიური მატება და დაავადების გავრცელების მაჩვენებელი ამ სახელმწიფოებში არ უნდა აღემატებოდეს 1%-ს.

გოლიკოვას განცხადებით, საავიაციო ხელისუფლებამ უნდა გამართოს მოლაპარაკებები და დაადგინოს, რომელი ქვეყნები შეესაბამება ამ კრიტერიუმებს. ავიამიმოსვლის აღდგენა ორმხრივი პრინციპით მოხდება.

რუსეთში შესვლისას უცხოელებმა უნდა წარმოადგინონ ცნობა ჯანმრთელობის შესახებ, რომელიც საზღვრის გადაკვეთამდე არაუმეტეს სამი დღით ადრეა გაცემული. რაც შეეხება რუსეთის მოქალაქეებს, მათ შეუძლიათ აჩვენონ კორონავირუსზე ტესტის შედეგები ან ეს ტესტი სამშობლოში ჩაიტარონ.

344
თემები:
COVID-19-ის პანდემია მსოფლიოში (1020)
მთის მდინარე

მესტიაში ავტომობილი მდინარეში გადავარდა: მიმდინარეობს საძიებო სამუშაოები

0
მანქანაში ერთი ადამიანი იმყოფებოდა. სამაშველო სამსახურის თანამშრომლებმა და ადგილობრივებმა მდინარიდან მანქანის ამოტანა შეძლეს, თუმცა მანქანის მძღოლს ამ დრომდე ეძებენ.

თბილისი, 12 ივლისი – Sputnik. მესტიის მუნიციპალიტეტში, მესტია-უშგულის გზის მონაკვეთზე, მულახის თემის ტერიტორიაზე მდინარე მულხურაში Mitsubishi Delica-ს მარკის ავტომობილი გადავარდა, იუწყება Sputnik-საქართველოს კორესპონდენტი.

მანქანაში ერთი ადამიანი იმყოფებოდა. სამაშველო სამსახურის თანამშრომლებმა და ადგილობრივებმა მდინარიდან მანქანის ამოტანა შეძლეს, თუმცა მანქანის მძღოლს ამ დრომდე ეძებენ.

ნიკა ლატარია

0
თემები:
შემთხვევები საქართველოში