ელენა ჩერიშევა: ესტონეთის ხელისუფლება რუსულ მედიასაშუალებებს დევნის

36
(განახლებულია 14:24 23.06.2020)
HDIM — ეს ევროპის უმსხვილესი ყოველწლიური კონფერენციაა, რომელშიც ეუთოს წევრი 57 ქვეყანა, ეუთოს სტრუქტურებისა და ასევე საერთაშორისო და საზოგადოებრივი ორგანიზაციების  წარმომადგენლები იღებენ მონაწილეობას.

თბილისი, 23 ივნისი — Sputnik. ესტონეთის ხელისუფლებამ არ გაითვალისწინა ევროპული სტრუქტურების რეკომენდაციები და არ შეცვალა თავისი პოზიცია „Sputnik–ესტონეთთან“ დაკავშირებით, რომელიც იძულებულია მინიმუმამდე შეზღუდოს საქმიანობა, განუცხადა გამოცემის ხელმძღვანელმა ელენა ჩერიშევამ ადამიანის უფლებათა საკითხებზე ეუთოს ონლაინ–თათბირის მონაწილეებს.

ჟურნალისტი ამბობს, რომ ესტონეთში სიტყვის თავისუფლების პრინციპების აშკარა დარღვევები შეინიშნება. კერძოდ, ესტონეთის ხელისუფლება ღიად იყენებს „Sputnik–ესტონეთის“ რედაქციაზე ზეწოლის სხვადასხვა ინსტრუმენტებს. 2019 წლის ბოლოს რესპუბლიკის პოლიციისა და სასაზღვრო დაცვის დეპარტამენტებმა გამოცემის ყველა თანამშრომელს დაუგზავნა მუქარის შემცველი წერილები, რომ თუ ჟურნალისტები არ შეწყვეტდნენ თანამშრომლობას რუსულ სააგენტოსთან, მათ წინააღმდეგ სისხლის სამართლის საქმე აღიძვრებოდა „ევროპული სანქციების დარღვევის“ მუხლით. სანქციებში ქვეყნის ხელისუფლება მოიაზრებდა საერთაშორისო საინფორმაციო სააგენტო Россия сегодня-ს გენერალური დირექტორის დმიტრი კისელიოვისთვის 2014 წელს დაწესებულ შეზღუდვებს. ამასთან თავად სააგენტო  არც ერთ სასანქციო სიაში არ არის შეყვანილი.

მიუხედავად ამისა, მუქარებიდან გამომდინარე, 2020 წლის 1 იანვრიდან გამოცემის საიტი საგანგებო რეჟიმში მუშობს, ხოლო რედაქციის თანამშრომლებს „Sputnik–ესტონეთთან“ კონტრაქტების გაწყვეტა მოუხდათ.

„ეს განსხვავებულ აზრთან ბრძოლის ყველაზე აშკარა მაგალითია, — განაცხადა ჩერიშევამ. — მხოლოდ ესტონელი პოლიციელები აძლევენ თავს უფლებას, გაავრცელონ პერსონალური სანქციების მოქმედება რუსულ სახელმწიფო მედიასაშუალებებზე“.

გარდა ამისა, ელენა ჩერიშევამ გაიხსენა, რომ გასული წლის დეკემბრის ბოლოს, „Sputnik–ესტონეთის“ ჟურნალისტებთან დაკავშირებული მოვლენების ფონზე, ქვეყნის პრემიერ-მინისტრმა იური რატასმა ესტონურ დემოკრატიას მაგალითი უწოდა მათელი მსოფლიოსთვის.

„მე ისე მესმის, რომ პოლიციის მხრიდან ჟურნალისტების მიმართ მუქარა მას დემოკრატიად მიაჩნია. ხოლო მედიასაშულებების ღია რეპრესიები — ეს სიტყვის თავისუფლებაა ესტონურად“, — განაცხადა ჩერიშევამ ეუთოს კონფერენციაზე.

პრესის თავისუფლების საკითხებში ეუთოს წარმომადგენელი არლემ დეზირი თავიდანვე კატეგორიულად არ ეთანხმებოდა ესტონეთის პოზიციას. 2019 წლის დეკემბერში დეზირმა ესტონეთის ხელისუფლებას მოუწოდა, თავი შეეკავებინა „Sputnik–ესტონეთზე“ ზეწოლისგან და რედაქციის საქმიანობის შეზღუდვა ზედმეტად მიიჩნია. „ეს შეიძლება ნეგატიურად აისახოს ინფორმაციის თავისუფალ ნაკადზე“, — წერდა დეზირი Twitter-ის გვერდზე.

  • „სამწუხაროა, რომ თქვენი არ გაიგონეს“, — მიმართა ჩერიშევამ არლემ დეზირს თათბირისას.

ეუთოს თათბირი ადამიანის უფლებების საკითხებზე (HDIM) — ეს ევროპის უმსხვილესი ყოველწლიური კონფერენციაა, რომელშიც ეუთოს წევრი 57 ქვეყანა, ეუთოს სტრუქტურებისა და ასევე საერთაშორისო და საზოგადოებრივი ორგანიზაციების  წარმომადგენლები იღებენ მონაწილეობას. კონფერენციის სპიკერები განიხილავენ მედიასაშუალებების თავისუფლების, დემოკრატიისა და ჟურნალისტების უსაფრთხოების საკითხებს მთელ მსოფლიოში. წელს კონფერენცია ალბანეთის თავმჯდომარეობით იმართება ონლაინ–რეჟიმში.

 

36
თემები:
რუსეთი დღეს (529)
ტერორისტის დაკავება

მზადდებოდა შეტევა სამედიცინო და სასწავლო დაწესებულებებზე: რუსეთში ტერორისტები დააკავეს

119
(განახლებულია 19:44 13.07.2020)
გასულ თვეში რუსეთის უშიშროების ფედერალური სამსახურის დირექტორმა განაცხადა, რომ ბოლო 10 წელიწადში ქვეყანაში 160 ტერაქტი აღიკვეთა.

თბილისი, 13 ივლისი — Sputnik. უშიშროების ფედერალურმა სამსახურმა როსტოვის ოლქში ტერორისტული დაჯგუფება „ისლამური სახელმწიფოს“ უჯრედი გამოავლინა, წერს საინფორმაციო სააგენტო РИА Новости უწყების პრეს-სამსახურზე დაყრდნობით. 

გავრცელებული ინფორმაციით, უჯრედის შემადგენლობაში „რუსეთისა და ერთ-ერთი შუააზიური ქვეყნის“ ექვსი მოქალაქე შედიოდა.

„ისინი ამზადებდნენ თავდასხმებს პოლიციის თანამშრომლებზე და ასევე გეგმავდნენ ტერორისტულ აქტებს სამედიცინო და სასწავლო დაწესებულებებში“, — ნათქვამია ინფორმაციაში.

ირკვევა, რომ ჯგუფის მეთაურმა დაკავებისას წინააღმდეგობა გაუწია სპეცსამსახურის წარმომადგენლებს. გარდა იმისა, რომ ცეცხლი გახსნა „კალაშნიკოვის“ სისტემის ავტომატიდან, მან ასევე ააფეთქა თვითნაკეთი მოწყობილობა, რის შედეგადაც თავად სასიკვდილოდ დაშავდა. ჯგუფის დანარჩენი ხუთი წევრი დაკავებულია. ძალოვნებსა და მშვიდობიან მოსახლეობას შორის არავინ დაშავებულა.

არსებული ცნობით, დაკავებულებს აღმოუჩინეს ავტომატები, საბრძოლო მასალები, კიდევ ერთი თვითნაკეთი ასაფეთქებელი მოწყობილობა და ნარკოტიკები.

ივნისში უშიშროების ფედერალური სამსახურის დირექტორმა ალექსანდრ ბორტნიკოვმა განაცხადა, რომ ბოლო 10 წელიწადში რუსეთში დაახლოებით 160 ტერაქტი აღიკვეთა, აქედან 43 — გასულ წელს.

 

119
თემები:
რუსეთი დღეს (529)
ყავის მაგიდა

ყავის საფრთხე ცხელ ამინდში: ექიმი მარტივ გამოსავალს გასწავლით

185
(განახლებულია 14:27 13.07.2020)
ზაფხულში ყავის სმას გარკვეული საფრთხეები ახლავს, ამიტომ ექიმი ყავის მოყვარულებს მისი სწორად სმის გზას ასწავლის, რათა ორგანიზმს ზიანი არ მიადგეს.

თბილისი, 13 ივლისი — Sputnik. დილიდან ფინჯანი ყავა ბევრი ადამიანისთვის უცვლელი ჩვევაა, მაგრამ ცხელ ამინდში სასურველია მისი შეზღუდვა, რათა ორგანიზმს ზიანი არ მიადგეს, აცხადებს ექიმ–თერაპევტი, იმუნოლოგი და ალერგოლოგი ირინა იარცევა რადიო Sputnik-თან ინტერვიუში.

მისი თქმით, ყავის სმას ზაფხულის ხვატში გარკვეული საფრთხეები ახლავს.

„მკაცრი უკუჩვენებები ცხელ ამინდში ყავის მიღებასთან დაკავშირებით არ არსებობს. მაგრამ მისი ძირითადი თვისება — ორგანიზმიდან სითხის გამოდევნის დაჩქარებაა, რაც გაუწყლოების საფრთხეს ქმნის. ამიტომ მნიშვნელოვანია, რომ ყავის დალევამდე ან შემდეგ ერთი ჭიქა წყალი მიირთვათ“, — ამბობს ექიმი.

გარდა ამისა, იარცევა განმარტავს, რომ არანაირი მნიშვნელობა არ აქვს, ცხელ ყავას მიირთმევს ადამიანი თუ ცივს, ვინაიდან მოქმედი ნივთიერება ორივე შემთხვევაში უცვლელია — კოფეინი.

ექიმის რეკომენდაციით, დღეში სამი ფინჯანი ყავა ის ოპტიმალური რაოდენობაა, რომლის მიღებით დაკარგული სითხის შევსება ადამიანს წყლით შეუძლია. შესაბამისად, ეს ორგანიზმს ზიანს არ მიაყენებს.

 

185
თემები:
მსოფლიო და მეცნიერება
საქართველოს პარლამენტი

საქართველოს პოლიტიკურ ცხოვრებაში ქალთა ხანა იწყება

0
(განახლებულია 13:55 15.07.2020)
მიუხედავად იმისა, რომ პრეზიდენტიც ქალბატონი გვყავს და უზენაესი სასამართლოს თავმჯდომარეც, მსოფლიო სტატისტიკის ფონზე ითვლება, რომ საქართველოში ქალთა პოლიტიკური მონაწილეობის დონე საკმაოდ დაბალია.

ჰოდა, ჯერ კიდევ მერვე მოწვევის პარლამენტის მიერ ინიცირებული კანონი, მეცხრე მოწვევისამ მიიღო და მეათე მოწვევის ქალებს გაუმართლათ.

თუ პარტიულ საარჩევნო სიაში ყოველი მეოთხე სავალდებულოდ ქალი უნდა იყოს, პარტია, რომელიც ყოველ მესამედ ქალს ჩაწერს სიაში, დამატებით დაფინანსებას მიიღებს. საქართველოში კი ჭკვიანი და განათლებული ქალების დეფიციტი ნამდვილად არაა. რამდენიმე პარტიის ლიდერი საერთოდ ქალია და მომავალი მოწვევის პარლამენტში 37-40 ქალბატონი იქნება.

დავიწყოთ მმართველი პარტიით:

ქვოტირება ნამდვილად არ სჭირდება და დიდი ხანია, გადაწყვეტილია თეა წულუკიანის პოლიტიკურ ბრძოლაში ჩაბმა. სხვადასხვა ვერსიებით ის საბურთალოს ან ნაძალადევის მაჟორიტარობის კანდიდატი იქნება. ყველა შემთხვევაში მომავალ პარლამენტში თეა წულუკიანს ყველა ხედავს... მაღალი ალბათობით, საარჩევნო კამპანიაში ჩაერთვებიან მაია ცქიტიშვილი და ეკატერინე ტიკარაძე. ასევე მყარად დგას კობახიძის გუნდის წევრი სოფო კილაძე, რომელსაც ცოტა ქმრის აქტიურობამ კი შეუშალა ხელი, მაგრამ იმ გუნდის წევრია, ვისაც ახლა პარლამენტის მართვის სადავეები აქვს. სხვათა შორის, ირაკლი კობახიძის საარჩევნო შტაბის უფროსად დანიშვნამ ბევრს მოატეხა ფრთები, განსაკუთრებით კი კახი კალაძეს, რომლის მზარდი ამბიციების დაკმაყოფილება 2020-ის პარლამენტში სათუოა.

მოქმედი ქალი დეპუტატებიდან, მომავალ პარლამენტში ყოფნა თითქმის ყველას სურს, რეალური შანსი კი ფატი ხალვაშსა და გუგული მაღრაძეს აქვს. ასევე საუბარია მაღრაძის ქალიშვილზე, რომელიც ათასწლეულის გამოწვევის დიდ პროგრამას მართავს. თუ მაგდა მაღრაძე პარლამენტში წავა, ის, სავარაუდოდ, განათლების კომიტეტს ჩაიბარებს.

სხვადასხვა დროს გავრცელდა ხმები ჟურნალისტ ეკა ბერიძისა და სადაზღვევო საქმის სპეციალისტ ნინო კობახიძის სიაში ყოფნის შესახებ, თუმცა ჯერ რაიმის დაზუსტებით თქმა ძნელია. ასევე პარლამენტისკენ ეპატიჟებიან ფერმერ ნინო ზამბახიძეს, მაგრამ რამდენად გადაწყვეტს თავად საკანონმდებლო საქმიანობას, მეორე საკითხია. ყველა შემთხვევაში ქართული ოცნებიდან მინიმუმ 10-12 ქალი გამსვლელ სიაში მოხვდება, 37-დან 40-მდე კი 150 კაციან შემადგენლობაში.

მთლად ქალებს მიჰყავთ პოლიტიკა „პატრიოტთა ალიანსში“, რომელიც, ექსპერტების თქმითა და ხელისუფლების ხელშეწყობით მომავალ პარლამენტში უკეთ იქნება წარმოდგენილი.

საკმაოდ ბევრი ქალი ჰყავთ „ლელოშიც“, რომელთაგან ანი ნაცვლიშვილი უეჭველად გახდება მომავალი პარლამენტის წევრი.

დეპუტატობისათვის ლამის მარტოხელა მგლის სტატუსით იბრძოლებენ: ნინო ბურჯანაძე, თაკო ჩარკვიანი, ეკა ბესელია, ნატო ჩხეიძე.

მოკლედ, საქართველოს პოლიტიკურ ცხოვრებაში ქალთა ხანა იწყება და ცნობილ ქალებს კიდევ ორი თვე რჩებათ სააქტიუროდ... ასე რომ, საქართველოს ქალებო, ახლა თქვენი დროა.

0