კორონავირუსის წინააღმდეგ: რუსული ვაქცინა ორი წლით იცავს ინფიცირებისგან

83
(განახლებულია 17:38 22.06.2020)
აკადემიკოსი წუხს, რომ საზღვარგარეთის სამედიცინო ორგანიზაციები არ ჩქარობენ ვაქცინის შემუშავების ტექნოლოგიების გაზიარებას, მიუხედავად ღიაობის აუცილებლობის შესახებ განცხადებებისა.

თბილისი, 22 ივნისი — Sputnik. კორონავირუსის საწინააღმდეგო ვაქცინა, რომელიც რუსეთის თავდაცვის სამინისტროსთან ერთობლივად შეიქმნა, ორ წელზე მეტი ხნის განმავლობაში იმოქმედებს, განაცხადა გამალეის სახელობის ეპიდემიოლოგიისა და მიკრობიოლოგიის ეროვნული კვლევითი ცენტრის დირექტორმა ალექსანდრ გინცბურგმა, იუწყება РИА Новости აკადემიკოსის ინტერვიუზე დაყრდნობით. 

მისი თქმით, მიდგომა, რომელიც რუსმა მეცნიერებმა გამოიყენეს, დაფუძნებულია ადენოვირუსების კონტეინერების შექმნაზე, რომლებიც საჭირო გენის მიწოდებას უზრუნველყოფს.

„ამ შემთხვევაში ეს არის გენი, რომელიც კორონავირუსის ყველასათვის ნაცნობი „გვირგვინის“ კოდირებას ახდენს. როგორც პრაქტიკა აჩვენებს, ეს მეთოდი ყველაზე რაციონალური და ეფექტურია“, — აღნიშნა გინცბურგმა.

მისი თქმით, პრეპარატს ორჯერ შეიყვანენ ორგანიზმში. ერთი და იგივე გენი სხვადასხვა მატარებლებით შეიყვანება, რაც დამცავი პროტექტული იმუნიტეტის ხანგრძლივად მიღების შესაძლებლობას იძლევა.

გინცბურგი განმარტავს, რომ მათი მიდგომა დიდი ალბათობის გარანტიას იძლევა, რომ ამ ვაქცინის გაძლიერებული ვარიანტით მიმღები ადამიანი კორონავირუსით შესაძლო ინფიცირებისგან, „სულ ცოტა, ორი წლის, ან კიდევ მეტი ხნის განმავლობაში იქნება დაცული“.

გინცბურგმა დააზუსტა, რომ პრეპარატის ესოდენ ხანგრძლივი მოქმედება ეპიდემიოლოგიისა და მიკრობიოლოგიის ეროვნულმა კვლევითმა ცენტრმა და რუსეთის თავდაცვის სამინისტროს სამედიცინო დაწესებულებებმა ერთობლივი მუშაობით დაადასტურეს, როდესაც ისინი აფრიკის გვინეაში მუშაობდნენ ებოლას ვირუსის საწინააღმდეგო ვაქცინაზე.    

აღსანიშნავია, რომ რუსეთის ხელისუფლება და ჯანდაცვის ორგანიზაციები უკვე ატარებენ ზომებს წარმოების მასშტაბირებისთვის.

რუსეთმა ვაქცინის ადამიანებზე გამოცდა დაიწყო: შერჩეულია 76 საცდელი პირი>>

ამასთან, აკადემიკოსი წუხს, რომ საზღვარგარეთის სამედიცინო ორგანიზაციები არ ჩქარობენ ვაქცინის შემუშავების ტექნოლოგიების გაზიარებას — მიუხედავად ღიაობის აუცილებლობის შესახებ განცხადებებისა.

ერთობლივი ვაქცინის კლინიკური გამოცდები მოხალისეებზე 18 ივნისს დაიწყო ბურდენკოს სახელობის ჰოსპიტალში. მათი დასრულება ივლისის ბოლოსთვის იგეგმება.

 

83
თემები:
რუსეთი დღეს (528)
ტერორისტის დაკავება

მზადდებოდა შეტევა სამედიცინო და სასწავლო დაწესებულებებზე: რუსეთში ტერორისტები დააკავეს

82
(განახლებულია 19:44 13.07.2020)
გასულ თვეში რუსეთის უშიშროების ფედერალური სამსახურის დირექტორმა განაცხადა, რომ ბოლო 10 წელიწადში ქვეყანაში 160 ტერაქტი აღიკვეთა.

თბილისი, 13 ივლისი — Sputnik. უშიშროების ფედერალურმა სამსახურმა როსტოვის ოლქში ტერორისტული დაჯგუფება „ისლამური სახელმწიფოს“ უჯრედი გამოავლინა, წერს საინფორმაციო სააგენტო РИА Новости უწყების პრეს-სამსახურზე დაყრდნობით. 

გავრცელებული ინფორმაციით, უჯრედის შემადგენლობაში „რუსეთისა და ერთ-ერთი შუააზიური ქვეყნის“ ექვსი მოქალაქე შედიოდა.

„ისინი ამზადებდნენ თავდასხმებს პოლიციის თანამშრომლებზე და ასევე გეგმავდნენ ტერორისტულ აქტებს სამედიცინო და სასწავლო დაწესებულებებში“, — ნათქვამია ინფორმაციაში.

ირკვევა, რომ ჯგუფის მეთაურმა დაკავებისას წინააღმდეგობა გაუწია სპეცსამსახურის წარმომადგენლებს. გარდა იმისა, რომ ცეცხლი გახსნა „კალაშნიკოვის“ სისტემის ავტომატიდან, მან ასევე ააფეთქა თვითნაკეთი მოწყობილობა, რის შედეგადაც თავად სასიკვდილოდ დაშავდა. ჯგუფის დანარჩენი ხუთი წევრი დაკავებულია. ძალოვნებსა და მშვიდობიან მოსახლეობას შორის არავინ დაშავებულა.

არსებული ცნობით, დაკავებულებს აღმოუჩინეს ავტომატები, საბრძოლო მასალები, კიდევ ერთი თვითნაკეთი ასაფეთქებელი მოწყობილობა და ნარკოტიკები.

ივნისში უშიშროების ფედერალური სამსახურის დირექტორმა ალექსანდრ ბორტნიკოვმა განაცხადა, რომ ბოლო 10 წელიწადში რუსეთში დაახლოებით 160 ტერაქტი აღიკვეთა, აქედან 43 — გასულ წელს.

 

82
თემები:
რუსეთი დღეს (528)
ყავის მაგიდა

ყავის საფრთხე ცხელ ამინდში: ექიმი მარტივ გამოსავალს გასწავლით

121
(განახლებულია 14:27 13.07.2020)
ზაფხულში ყავის სმას გარკვეული საფრთხეები ახლავს, ამიტომ ექიმი ყავის მოყვარულებს მისი სწორად სმის გზას ასწავლის, რათა ორგანიზმს ზიანი არ მიადგეს.

თბილისი, 13 ივლისი — Sputnik. დილიდან ფინჯანი ყავა ბევრი ადამიანისთვის უცვლელი ჩვევაა, მაგრამ ცხელ ამინდში სასურველია მისი შეზღუდვა, რათა ორგანიზმს ზიანი არ მიადგეს, აცხადებს ექიმ–თერაპევტი, იმუნოლოგი და ალერგოლოგი ირინა იარცევა რადიო Sputnik-თან ინტერვიუში.

მისი თქმით, ყავის სმას ზაფხულის ხვატში გარკვეული საფრთხეები ახლავს.

„მკაცრი უკუჩვენებები ცხელ ამინდში ყავის მიღებასთან დაკავშირებით არ არსებობს. მაგრამ მისი ძირითადი თვისება — ორგანიზმიდან სითხის გამოდევნის დაჩქარებაა, რაც გაუწყლოების საფრთხეს ქმნის. ამიტომ მნიშვნელოვანია, რომ ყავის დალევამდე ან შემდეგ ერთი ჭიქა წყალი მიირთვათ“, — ამბობს ექიმი.

გარდა ამისა, იარცევა განმარტავს, რომ არანაირი მნიშვნელობა არ აქვს, ცხელ ყავას მიირთმევს ადამიანი თუ ცივს, ვინაიდან მოქმედი ნივთიერება ორივე შემთხვევაში უცვლელია — კოფეინი.

ექიმის რეკომენდაციით, დღეში სამი ფინჯანი ყავა ის ოპტიმალური რაოდენობაა, რომლის მიღებით დაკარგული სითხის შევსება ადამიანს წყლით შეუძლია. შესაბამისად, ეს ორგანიზმს ზიანს არ მიაყენებს.

 

121
თემები:
მსოფლიო და მეცნიერება
ქალი

შევარჩიოთ ჩანთა ზოდიაქოს ნიშნის მიხედვით: პროფესიონალების რჩევები

0
(განახლებულია 16:21 13.07.2020)
მოდა იცვლება, მაგრამ როგორიც არ უნდა იყოს ახალი კოლექცია, მათ შორის მაინც შეიძლება იმ განსაკუთრებული ჩანთის პოვნა, რომელზეც ქალი იტყვის „საჩემოა“

ჩანთა ერთ–ერთი უმნიშვნელოვანესი აქსესუარია ქალის გარდერობში და გარდა იმისა, რომ მას აუცილებელი პრაქტიკული დანიშნულება აქვს, ის ასევე ხაზს უსვამს ადამიანის ინდივიდუალობასა და ხასიათს.

როგორი ჩანთა შეეფერება ზოდიაქოს თითოეული ნიშნის ქალებს, როგორს ანიჭებენ ისინი უპირატესობას – ამის შესახებ გაეცანით ექსპერტების მოსაზრებას.

ვერძი

ვერძი ავანტიურისტია თავისი ბუნებით. ხანდახან ძნელად განსაჭვრეტია, რით დამთავრდება საღამო და საით წაიყვანს მას მოვლენების მთელი რიგი. ამ ნიშნის ქალებს ყველაზე მეტად ტევადი ჩანთა მიესადაგება, სადაც მოათავსებენ კბილის ჯაგრისს, ფეხსაცმელს, თმის ლაქს და საყვარელი სუნამოს ფლაკონს. ვერძების ცხოვრება ხომ სიურპრიზებითაა სავსე, ამიტომ ნუ გაიფუჭებთ განწყობას პატარა ჩანთით.

კურო

კუროებმა აქცენტი დეტალებზე უნდა გააკეთოთ. თუ რესტორანში ან წვეულებაზე მიდიხართ, შავი პატარა ჩანთა დაგჭირდებათ. თუ შოპინგზე მეგობართან ერთად – დიდი ჩანთა, რომელსაც თავისი „ეშხი“ ექნება – განსაკუთრებული ფერი ან ორნამენტი. მთავარია, რომ შინაგანად გრძნობდეთ, რომ ნივთი უნიკალურია, საინტერესო და გარშემომყოფების ყურადღებას იპყრობს.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ტყუპი

ტყუპებმა ბოლომდე თავადაც არ იცით, რა გსურთ. მიზეზი მარტივია: ერთი მხრივ, თქვენში მოკრძალებული ნატურა ცხოვრობს, რომელიც მოდის ბოლო ტენდენციებს მისდევს, ხოლო მეორე მხრივ – მეამბოხე, რომელსაც თვითგამოხატვის სურვილი არ ასვენებს. თქვენი ხასიათის გათვალისწინებით შეარჩიეთ ორფერიანი ჩანთები. თქვენი განწყობის ცვალებადობის მიუხედავად, არის შანსი, რომ ჩანთის ფერი გაგახარებთ.

კირჩხიბი

კირჩხიბები არ ჩქარობთ, რომ თითოეული ადამიანის წინაშე გული გახსნათ – ეს თქვენთვის საინტერესო არაა. თუმცა ნივთების საშუალებით თავის წარმოდგენა გიყვართ. საჭიროა არაა, ეს რამე მყვირალა და ორიგინალური იყოს, უფრო დახვეწილი, ნატიფი და უჩვეულო იქნება. მაგალითად, საშუალო ზომის „დუტის“ ჩანთა.

ლომი

ლომებს ყურადღების გარეშე ყოფნა არ შეგიძლიათ, ამიტომ ყველაფერს აკეთებთ, რომ ყურადღება მიიქციოთ, მათ შორის, ტანსაცმლისა და აქსესუარების გამოყენებით. მოგიხდებათ ლითონით დამშვენებული კაშკაშა ფერის ჩანთები. ეს გარშემომყოფების ყურადღებას მიიპყრობს.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

ქალწული

ქალწულები, თუ არ მოგწონთ, მოდის გამო ჩანთას არ იყიდით – უფრო საკუთარ თავს მოუსმენთ და რამე უნივერსალურს, საიმედოს და ვინტაჟურსაც კი შეარჩევთ. ჩანთის ფერი ისეთი იქნება, რომ ნებისმიერ სამოსს მოუხდეს, ზომა კი – იმაზე დამოკიდებული, თუ რა მიზნით ყიდულობთ მას.

სასწორი

ზოდიაოქს ნიშანი თვითონ მეტყველებს ყველაფერზე – სასწორები დიდხანს წონიან დასკვნებს, სანამ არჩევანს გააკეთებენ. ამასთან, გადაწყვეტილება სრულიად მოულოდნელია ხოლმე. მაგალითად, თუ არჩევენ ჩანთას – წითელი აიღონ თუ ნაცრისფერი, უეცრად თვალს მოჰკრავენ დამაჯერებლი ზომის ჩანთა–საქაღალდეს და არჩევანს მასზე აჩერებენ. აქ წინასწარ ვერასდროს გამოიცნობთ. უბრალოდ, მოუსმინეთ საკუთარ თავს.

მორიელი

მორიელის გარდერობში იდეალურად ჩაეწერება რთული შეფერილობის ჩანთა აქტუალური პალიტრიდან. ეს შეიძლება იყოს ტყავის ან ზამშის ჩანთა, ოღონდ უნიკალური და თავისი საოცარი პეწით. ასეთი ჩანთების შეხამება სხვადასხვა სტილის ნივთებთან შეიძლება. თუმცა, მორიელები თავადაც შესანიშნავად ერკვევიან ამაში – გემოვნების „დეფიციტი“ არა აქვთ.

როგორია თქვენი აურის ფერი ზოდიაქოს ნიშნის მიხედვით>>

მშვილდოსანი

მშვილდოსნებს ორიგინალური ნივთები უყვართ, მათ შორის სხვადასხვა მორთულობა. გამონაკლისი არც ჩანთაა. ფერი და ზომა სხვადასხვა შეიძლება იყოს, მთავარია, რომ ხაზი გაუსვას თქვენს ორიგინალობასა და გადმოსცეს განუმეორებელი გემოვნება.

თხის რქა

თხის რქები ყველაფერში პრაქტიკულობას აფასებენ: ს ეხება როგორც ფინანსურ საკითხებს, ისე ნივთების შერჩევას. ამ ნიშნისთვის იდეალური ვარიანტია ნატურალური ტყავის ჩანთა. ჯერ ერთი, დიდხანს ძლებს, მეორეც – ყოველთვის მოდური და ესთეტიკურია.

მერწყული

ამ ნიშნის წარმომადგენლებს ექსპერიმენტებისა არ ეშინიათ. მათ „არსენალში“ შეიძლება შეგხვდეთ ნოუთბუქისთვის განკუთვნილი ან მყვირალა ლიმონისფერი ჩანთა, მაგრამ სრულიად ჩვეულებრივს ვერაფერს აღმოაჩენთ. განაგრძეთ ექსპერიმენტების ჩატარება და ირგვლივ მყოფთა გაოცება.

რომელი ფერია თქვენთვის ბედნიერებისა და წარმატების მომტანი ზოდიაქოს ნიშნის მიხედვით>>

თევზები

თევზები არ უშინდებიან სიახლეებს და ამიტომ ადვილად შეუძლიათ რამე მოულოდნელი, უჩვეულო მოსინჯონ, მაგალითად, კასრის ფორმის ჩანთა – ეს იდეალური გადაწყვეტილებაა ამ ნიშნის ქალებისთვის.

0