ვლადიმირ პუტინი

პუტინი არ გამორიცხავს საპრეზიდენტო არჩევნებში მონაწილეობას

162
(განახლებულია 20:19 21.06.2020)
უახლოეს დროს რუსეთში საკონსტიტუციო ცვლილებებს კენჭს უყრიან, მათ შორის ერთ-ერთი ეხება პრეზიდენტის პოსტზე ხელახლა არჩევის შეზღუდვის მოხსნას

თბილისი, 21 ივნისი – Sputnik. რუსეთის პრეზიდენტი ვლადიმირ პუტინი არ გამორიცხავს საპრეზიდენტო არჩევნებში მონაწილეობის მიღებას - კონსტიტუციაში ცვლილებების მიღების შემთხვევაში.

„ამის შესაძლებლობას არ გამოვრიცხავ. თუ ეს აისახება კონსტიტუციაში - კენჭისყრის შესაძლებლობა. ვნახოთ. მერე გამოჩნდება“, - განაცხადა რუსეთის პრეზიდენტმა ტელეარხ „როსია 1“-ის ეთერში.

მისი თქმით, რუსეთში პოლიტიკურ სისტემას უამრავი საყრდენი წერტილი უნდა ჰქონდეს, ის არ უნდა ეყრდნობოდეს მხოლოდ პრეზიდენტს. ამიტომ მან საზოგადოებასა და ქვეყანასთან ერთად განვითარების ეტაპები უნდა გაიაროს.

ვლადიმირ პუტინმა განმარტა, რომ სწორედ ამ მიზნით გამოვიდა წინადადებით, რუსეთის კონსტიტუციაში ცვლილებები შევიდეს.

„ცხოვრება შეიცვალა, ის გარკვეულ რეაქციას მოითხოვს. დიახ, ალბათ ყველაფრის ჩატევა შეუძლებელია ძირითად კანონში. მაგრამ ვიფიქროთ იმ პრობლემებზე, რომლებსაც თქვენ აყენებთ, და შეძლებისდაგვარად ავსახოთ ეს ძირითად კანონში - ეს განსაკუთრებით მნიშვნელოვანია“, - განაცხადა მან.

საკონსტიტუციო ცვლილებებზე კენჭისყრა 22 აპრილისთვის იყო დაგეგმილი, მაგრამ რთული ეპიდემიოლოგიური ვითარების გამო გადაიდო.

მოგვიანებით რუსეთის პრეზიდენტმა განაცხადა, რომ კენჭისყრა 1 ივლისს გაიმართება. ორი საპილოტე რეგიონის - მოსკოვისა და ნიჟეგოროდის ოლქის მოსახლეობა მონაწილეობას დისტანციურ კენჭისყრაში შეძლებს.

162
თემები:
რუსეთი დღეს (528)
პრეპარატის დამზადება ლაბორატორიაში

რუსეთში დასრულდა მსოფლიოში პირველი COVID-19-ის საწინააღმდეგო ვაქცინის გამოცდა

95
(განახლებულია 12:06 12.07.2020)
პრეპარატის კლინიკური გამოცდები სეჩენოვის სახელობის უნივერსიტეტში ჩატარდა - კვლევამ მისი უსაფრთხოება აჩვენა

თბილისი, 12 ივლისი — Sputnik. დასრულდა მსოფლიოში პირველი COVID-19-ის საწინააღმდეგო ვაქცინის კვლევები, რომელიც რუსეთის სეჩენოვის სახელობის უნივერსიტეტში მოხალისეებზე ჩატარდა, განუცხადა РИА Новости-ს სეჩენოვის უნივერსიტეტის ტრანსლაციური მედიცინისა და ბიოტექნოლოგიების ინსტიტუტის დირექტორმა ვადიმ ტარასოვმა.

შეგახსენებთ, რომ ამ პრეპარატის კლინიკური გამოცდები მოხალისეებზე 18 ივნისს დაიწყო. კვირას დილით ცნობილი გახდა, რომ კვლევები წარმატებით დასრულდა.

მოხალისეები ორ ჯგუფად დაყვეს: პირველ ვაქცინის ერთი დოზა მისცეს, მეორეს - ორი. როგორც სეჩენოვის უნივერსიტეტის სამედიცინო პარაზიტოლოგიის, ტროპიკულ და ტრანსმისიურ დაავადებათა ინსტიტუტის დირექტორმა ალექსანდრ ლუკაშევმა, ვაქცინაციის შემდგომ პირველ დღეებში მათ აღენიშნებოდათ ტემპერატურის მომატება, სხვა ნეგატიური რეაქციები არ დაფიქსირდა.

„ამ ეტაპზე სახეზეა ვაქცინის უსაფრთხოება... ვაქცინის უსაფრთხოება დადასტურდა. ის შეესაბამება იმ ვაქცინების უსაფრთხოებას, რომლებიც ამჟამად ბაზარზე არსებობს“, - განაცხადა ლუკაშევმა.

მოხალისეების გაწერა 15 და 20 ივლისს იგეგმება, მედიკოსები მათ მდგომარეობას მომავალშიც დააკვირდებიან.

ვაქცინის შემუშავების შემდგომი გეგმა შემქმნელის სტრატეგიის შესაბამისად განისაზღვრება, როგორც ლუკაშევმა განმარტა, მასზე სხვა ყველაფერთან ერთად ეპიდსიტუაცია მოქმედებს.

ველოდებით შედეგს: ჯანმო COVID-19-ის რუსული ვაქცინით დაინტერესდა >>

აღსანიშნავია, რომ ეს არ არის ერთადერთი ვაქცინა, რომელიც გამოცდას გადის: ცენტრი „ვექტორი“ COVID-19-ის საწინააღმდეგო ვაქცინის გამოცდას ადამიანებზე ივლისში დაიწყებს.

95
თემები:
COVID-19-ის პანდემია მსოფლიოში
ავიაკომპანია „პობედას“ სტიუარდესა

რუსეთი 15 ივლისიდან საერთაშორისო ფრენების აღდგენას იწყებს

315
რუსეთის ხელისუფლებამ განაცხადა, რომ საზღვრების გახსნის თარიღი ეპიდემიოლოგიურ სიტუაციაზე იქნება დამოკიდებული

თბილისი, 12 ივლისი – Sputnik. რუსეთის ვიცე-პრემიერმა ტატიანა გოლიკოვამ განაცხადა, რომ 15 ივლისიდან ხელისუფლება საერთაშორისო ფრენებზე დაწესებული შეზღუდვების ეტაპობრივ მოხსნას დაიწყებს, იუწყება РИА Новости.

უცნობი და უფრო საშიში პნევმონია ყაზახეთში: ჯანმო მუდმივ კონტაქტზეა >>

პანდემიის გამო რუსეთმა 27 მარტიდან სხვა ქვეყნებთან რეგულარული და ჩარტერული ავიამიმოსვლა შეწყვიტა. გამონაკლისს შეადგენს რეისები, რომლითაც რუსეთის მოქალაქეები სამშობლოში ბრუნდებიან, ასევე სატვირთო, საფოსტო, სანიტარული და ზოგიერთი სხვა ფრენები. ადრე გამოცხადდა, რომ საზღვრების გახსნის თარიღი ეპიდემიოლოგიურ სიტუაციაზე იქნება დამოკიდებული.

„ეს შესაძლებელი გახდა, რადგან, როგორც მოგეხსენებათ, რუსეთში უკვე საკმაოდ დიდი ხნის განმავლობაში ავადობის და ახალი კორონავირუსული ინფექციის გამოვლენილი შემთხვევების შემცირება ფიქსირდება“, - განაცხადა მან ბრიფინგზე.

ვიცე-პრემიერის თქმით, ავიამიმოსვლის აღდგენა დაიწყება იმ ქვეყნებთან, სადაც COVID-19-ით ინფიცირება 100 ათას მოსახლეზე 40 შემთხვევას არ აღემატება.

ინფიცირებულთა საშუალო დღიური მატება და დაავადების გავრცელების მაჩვენებელი ამ სახელმწიფოებში არ უნდა აღემატებოდეს 1%-ს.

გოლიკოვას განცხადებით, საავიაციო ხელისუფლებამ უნდა გამართოს მოლაპარაკებები და დაადგინოს, რომელი ქვეყნები შეესაბამება ამ კრიტერიუმებს. ავიამიმოსვლის აღდგენა ორმხრივი პრინციპით მოხდება.

რუსეთში შესვლისას უცხოელებმა უნდა წარმოადგინონ ცნობა ჯანმრთელობის შესახებ, რომელიც საზღვრის გადაკვეთამდე არაუმეტეს სამი დღით ადრეა გაცემული. რაც შეეხება რუსეთის მოქალაქეებს, მათ შეუძლიათ აჩვენონ კორონავირუსზე ტესტის შედეგები ან ეს ტესტი სამშობლოში ჩაიტარონ.

315
თემები:
COVID-19-ის პანდემია მსოფლიოში
თბილისი

კუნძული მსოფლიოს Covid-რუკაზე: ავსტრიული გამოცემა საქართველოს ბრძოლაზე წერს

0
საქართველომ დაამტკიცა, რომ სწრაფი რეაგირება, დისციპლინა და მკაცრი ქმედებები ვირუსის წინააღმდეგ ბრძოლაში წარმატების საწინდარია, წერს გამოცემა

თბილისი, 12 ივლისი – Sputnik. ავსტრიული საზოგადოებრივი მაუწყებლის ბეჭდური გამოცემა – ORF Nachrichten სტატიას აქვეყნებს საქართველოს, როგორც კორონავირუსის წინააღმდეგ ბრძოლაში განსაკუთრებულად წარმატებული ქვეყნის შესახებ.

სტატიაში ნათქვამია, რომ საქართველო სამხრეთ კავკასიის პატარა ქვეყანაა, რომელიც „მაღალი ინფიცირების მქონე ქვეყნებით გარშემორტყმული ერთგვარი კუნძულია, რომელმაც ვირუსის წინააღმდეგ შემუშავებული ბრძოლის სტრატეგიით სახელი გაითქვა“.

„ქვეყანა 3,7 მილიონი მოსახლეობით მდებარეობს თურქეთსა და რუსეთის ფედერაციას შორის, ასევე ესაზღვრება სომხეთსა და აზერბაიჯანს. ყოფილ საბჭოთა რესპუბლიკებში, ასევე თურქეთში ინფიცირების შემთხვევების რაოდენობა მოსახლეობაში ზოგჯერ ათჯერ მაღალია“, - აღნიშნულია სტატიაში.

ავტორი აღნიშნავს, რომ ვირუსთან ბრძოლაში წარმატებული მოქმედებების შედეგად საქართველომ ყურადღება მიიპყრო რამდენიმე გავლენიანი საერთაშორისო გამოცემის და ანალიტიკური ცენტრის (BBC, ამერიკული და ბრიტანული ანალიტიკური ცენტრების), რომლებიც ზედმიწევნით სწავლობდნენ საქართველოს მაგალითს.

„საქართველომ ყველას დაუმტკიცა, რომ სწრაფი რეაგირება, დისციპლინა და მკაცრი ქმედებები (ზოგჯერ არცთუ ისე პოპულარული) Covid-ვირუსის წინააღმდეგ ბრძოლაში წარმატების საწინდარია“, – ნათქვამია სტატიაში.

მასალაში აღნიშნულია, რომ საქართველოს მთავრობის მიერ გადადგმული ეფექტური ნაბიჯების გარდა, ე.წ. სამმა მუშკეტერმა – დაავადებათა კონტროლის ცენტრის დირექტორმა ამირან გამყრელიძემ, მისმა მოადგილემ პაატა იმნაძემ და ვირუსოლოგმა, თბილისის ინფექციური საავადმყოფოს დირექტორმა თენგიზ ცერცვაძემ ერთობლივი სტრატეგია შეიმუშავეს.

რაც შეეხება საქართველოს მთავრობის მიერ გადადგმულ კონკრეტულ ნაბიჯებს, სტატიაში ნათქვამია, რომ მკაცრად კონტროლდებოდა შეზღუდვების დაცვა, საჭიროების შემთხვევაში კი ცალკეულ პირებს, ასევე კომპანიებს დიდი ოდენობის ჯარიმები დაეკისრა.

ამავე კონტექსტში აღნიშნულია, რომ მთავრობის მიერ მიღებული გადაწყვეტილებები ყოველთვის მოსაწონი არ იყო მოსახლეობისთვის, თუმცა მისი დიდი ნაწილი მთავრობის მოწოდებას დაემორჩილა და სახლში დარჩა. სტატიაში აგრეთვე ნახსენებია „ქართული მართლმადიდებლური ეკლესია”, რომელიც აგრძელებდა ღვთისმსახურებას.

საქართველო სომხეთს კორონავირუსთან ბრძოლაში დახმარებას კიდევ ერთხელ სთავაზობს >>

სტატიის დასასრულს ავტორი უამბობს მკითხველს, რომ საქართველო 1 ივლისიდან საერთაშორისო ტურისტებისთვის საჰაერო საზღვრების გახსნას აპირებდა, თუმცა ქვეყანაში ეპიდსიტუაციის სტაბილურობის შესანარჩუნებლად ამ თარიღმა ივლისის ბოლოსთვის გადაიწია.

0
თემები:
COVID-19-ის პანდემია მსოფლიოში