ექიმი

როგორ ამოვიცნოთ ცუდი ექიმი: ცნობილი კარდიოლოგი რამდენიმე ნიშანს ასახელებს

106
(განახლებულია 21:38 18.06.2020)
სამედიცინო დინასტიის მეოთხე თაობის წარმომადგენელი, ამერიკის სამედიცინო ასოციაციისა და აშშ-ის სამედიცინო აკადემიის წევრი გასწავლით, როგორ უნდა განასხვავოთ კარგი ექიმი ცუდისგან.

თბილისი, 18 ივნისი — Sputnik. ცნობილმა რუსმა ექიმმა და ტელეწამყვანმა ალექსანდრ მიასნიაკოვმა Instagram-ზე გამოაქვეყნა რჩევები, თუ როგორ უნდა განვასხვავოთ ცუდი ექიმი კარგისგან.

მისი თქმით, ნამდვილი მკურნალის ამოცნობა რამდენიმე საკვანძო სიტყვითაა შესაძლებელი — როგორც მეზღვაურის შემთხვევაში, რომელიც „ზღვაში გავედით“ ნაცვლად იტყვის „ზღვაში ვიცურეთო“.

View this post on Instagram

A post shared by Доктор Мясников | Dr.Myasnikov (@drmyasnikov.ru) on

მიასნიკოვის თქმით, ექიმის კომპეტენციაში ეჭვი უნდა შეიტანოთ, თუ ის პაციენტის ყველა პრობლემას პარაზიტებით ხსნის და ანტიბიოტიკს ნიშნავს ისეთი სიმპტომებისას, როგორებიცაა: სხეულის მომატებული ტემპერატურა (38 გრადუსზე დაბალი), ცემინება, შემცივნება და სხეულში მტვრევის შეგრძნება.

გარდა ამისა, მედიკოსის დაბალ კვალიფიკაციაზე მეტყველებს ისიც, თუ ექიმი  „სასარგებლო ბაქტერიების“ მიღებას გაიძულებთ.  

მიასნიკოვი განმარტავს, რომ კარგი ექიმი არავითარ შემთხვევაში არ დაიწყებს ჰიპერტონიის მკურნალობას ინტრამუსკულური ინექციებისა თუ წვეთოვნების კურსებით, და არ დაუნიშნავს გულის დაავადებების მქონე ხანდაზმულ პაციენტს ტკივილგამაყუჩებელს არასტეროიდული ანთების საწინააღმდეგო საშუალებების ჯგუფიდან. 

გარდა ამისა, კარგი ექიმი არასდროს გირჩევთ ღვიძლის „გაწმენდასა“ და ასევე დაზიანებული ხრტილების „ხალადეცის“ (ხორცის ლაბა) ჭამით აღდგენას.

ასევე საეჭვოდ უნდა მოგეჩვენოთ ოსტეოართრიტის დროს ქონდროპროტექტორებით მკურნალობა და ორსულებისთვის პოლივიტამინების დანიშვნა იმის შეხსენების გარეშე, რომ А ვიტამინი დიდი დოზებით ნაყოფისთვის საშიშია.

მიასნიკოვი ამბობს, რომ ექიმის დაბალ პროფესიონალიზმზე მიუთითებს ბად-ების (ბიოლოგიურად აქტიური დანამატების) დანიშვნა, რომ აღარაფერი ვთქვათ ჰომეოპათიაზე, სისხლის წვეთით დიაგნოსტიკასა თუ ბიორეზონანსზე.

ალექსანდრ მიასნიკოვი — კარდიოლოგი, მოსკოვის ჟადკევიჩის სახელობის სახელმწიფო საავადმყოფოს მთავარი ექიმი, უმაღლესი კატეგორიის ექიმი. არის მიასნიკოვების სამედიცინო დინასტიის მეოთხე თაობის წარმომადგენელი. დამთავრებული აქვს პიროგოვის სახელობის სამედიცინო ინსტიტუტი. 1982 წლიდან მუშაობდა საზღვარგარეთ. აშშ-ში სერტიფიკატის მიღების შემდეგ მუშაობდა ნიუ-იორკის სამედიცინო ცენტრში. არის აშშ-ის სამედიცინო ასოციაციისა და აშშ-ის სამედიცინო აკადემიის წევრი.

106
თემები:
რუსეთი დღეს (529)
ტერორისტის დაკავება

მზადდებოდა შეტევა სამედიცინო და სასწავლო დაწესებულებებზე: რუსეთში ტერორისტები დააკავეს

119
(განახლებულია 19:44 13.07.2020)
გასულ თვეში რუსეთის უშიშროების ფედერალური სამსახურის დირექტორმა განაცხადა, რომ ბოლო 10 წელიწადში ქვეყანაში 160 ტერაქტი აღიკვეთა.

თბილისი, 13 ივლისი — Sputnik. უშიშროების ფედერალურმა სამსახურმა როსტოვის ოლქში ტერორისტული დაჯგუფება „ისლამური სახელმწიფოს“ უჯრედი გამოავლინა, წერს საინფორმაციო სააგენტო РИА Новости უწყების პრეს-სამსახურზე დაყრდნობით. 

გავრცელებული ინფორმაციით, უჯრედის შემადგენლობაში „რუსეთისა და ერთ-ერთი შუააზიური ქვეყნის“ ექვსი მოქალაქე შედიოდა.

„ისინი ამზადებდნენ თავდასხმებს პოლიციის თანამშრომლებზე და ასევე გეგმავდნენ ტერორისტულ აქტებს სამედიცინო და სასწავლო დაწესებულებებში“, — ნათქვამია ინფორმაციაში.

ირკვევა, რომ ჯგუფის მეთაურმა დაკავებისას წინააღმდეგობა გაუწია სპეცსამსახურის წარმომადგენლებს. გარდა იმისა, რომ ცეცხლი გახსნა „კალაშნიკოვის“ სისტემის ავტომატიდან, მან ასევე ააფეთქა თვითნაკეთი მოწყობილობა, რის შედეგადაც თავად სასიკვდილოდ დაშავდა. ჯგუფის დანარჩენი ხუთი წევრი დაკავებულია. ძალოვნებსა და მშვიდობიან მოსახლეობას შორის არავინ დაშავებულა.

არსებული ცნობით, დაკავებულებს აღმოუჩინეს ავტომატები, საბრძოლო მასალები, კიდევ ერთი თვითნაკეთი ასაფეთქებელი მოწყობილობა და ნარკოტიკები.

ივნისში უშიშროების ფედერალური სამსახურის დირექტორმა ალექსანდრ ბორტნიკოვმა განაცხადა, რომ ბოლო 10 წელიწადში რუსეთში დაახლოებით 160 ტერაქტი აღიკვეთა, აქედან 43 — გასულ წელს.

 

119
თემები:
რუსეთი დღეს (529)
ყავის მაგიდა

ყავის საფრთხე ცხელ ამინდში: ექიმი მარტივ გამოსავალს გასწავლით

185
(განახლებულია 14:27 13.07.2020)
ზაფხულში ყავის სმას გარკვეული საფრთხეები ახლავს, ამიტომ ექიმი ყავის მოყვარულებს მისი სწორად სმის გზას ასწავლის, რათა ორგანიზმს ზიანი არ მიადგეს.

თბილისი, 13 ივლისი — Sputnik. დილიდან ფინჯანი ყავა ბევრი ადამიანისთვის უცვლელი ჩვევაა, მაგრამ ცხელ ამინდში სასურველია მისი შეზღუდვა, რათა ორგანიზმს ზიანი არ მიადგეს, აცხადებს ექიმ–თერაპევტი, იმუნოლოგი და ალერგოლოგი ირინა იარცევა რადიო Sputnik-თან ინტერვიუში.

მისი თქმით, ყავის სმას ზაფხულის ხვატში გარკვეული საფრთხეები ახლავს.

„მკაცრი უკუჩვენებები ცხელ ამინდში ყავის მიღებასთან დაკავშირებით არ არსებობს. მაგრამ მისი ძირითადი თვისება — ორგანიზმიდან სითხის გამოდევნის დაჩქარებაა, რაც გაუწყლოების საფრთხეს ქმნის. ამიტომ მნიშვნელოვანია, რომ ყავის დალევამდე ან შემდეგ ერთი ჭიქა წყალი მიირთვათ“, — ამბობს ექიმი.

გარდა ამისა, იარცევა განმარტავს, რომ არანაირი მნიშვნელობა არ აქვს, ცხელ ყავას მიირთმევს ადამიანი თუ ცივს, ვინაიდან მოქმედი ნივთიერება ორივე შემთხვევაში უცვლელია — კოფეინი.

ექიმის რეკომენდაციით, დღეში სამი ფინჯანი ყავა ის ოპტიმალური რაოდენობაა, რომლის მიღებით დაკარგული სითხის შევსება ადამიანს წყლით შეუძლია. შესაბამისად, ეს ორგანიზმს ზიანს არ მიაყენებს.

 

185
თემები:
მსოფლიო და მეცნიერება
ქუთაისი

რატომ აღარ მოსწონთ მერებსა და მოადგილეებს თანამდებობები? ვინ შეელია სავარძელს

0
(განახლებულია 13:47 15.07.2020)
საპარლამენტო არჩევნების წინ ადგილობრივ თვითმმართველობებში საკადრო ცვლილებებია - ჩინოვნიკები თანამდებობებს ტოვებენ

თბილისი, 15 ივლისი — Sputnik. ქუთაისის მერის ერთ-ერთმა მოადგილე ნინო თვალთვაძემ ყველასთვის მოულოდნელად თანამდებობის დატოვების გადაწყვეტილება მიიღო.

თვალთვაძის გადადგომა ბოლო თვეებში ჩინოვნიკების მიერ თანამდებობის დატოვების რიგით მეექვსე შემთხვევაა. მარტსა და აპრილში საკუთარი სურვილით თანამდებობიდან გადადგომის შესახებ განცხადებები დაწერეს კასპის, თერჯოლის, ონის, ქუთაისისა და ხარაგაულის მუნიციპალიტეტების მერებმა.

„ვტოვებ მერის მოადგილის თანამდებობას. ამიტომაც, სადაც არ უნდა ვიყო, ყოველთვის ვიქნები ქუთაისის სამსახურში. მხოლოდ მცირედით შევძელი ქუთაისისთვის ჩემი წილი ვალის დაბრუნება. ამ 2 წლისა და 7 თვის მანძილზე იყო რთული დღეებიც და დიდი სიხარულიც, იყო წარმატებაც და წარუმატებლობაც. უბრალოდ, ძალიან დიდი მადლობა ყველას", - დაწერა თვალთვაძემ საკუთარ Facebook-გვერდზე.

ამ დროისთვის უცნობია თვალთვაძის გადადგომის მიზეზი და მისი სამომავლო გეგმები. მან ქუთაისის მერის მოადგილის თანამდებობა 2017 წლის მაისში დაიკავა.

ორი დღით ადრე თანამდებობის დატოვების შესახებ განცხადება დაწერა ხარაგაულის მუნიციპალიტეტის მერმა ნიკოლოზ თოფურიძემ, რომელმაც განაცხადა, რომ რჩება მმართველი პარტია „ქართული ოცნების" გუნდში.

გარდა ამისა, ბოლო პერიოდში მასმედიაში გავრცელდა ინფორმაცია ბათუმის მერის, ლაშა კომახიძის თანამდებობიდან გადადგომის შესახებ. თუმცა, ბათუმის მერიაში აღნიშნულ ინფორმაციას არ ადასტურებენ.

ადრე, მერების გადადგომის ტალღასთან დაკავშირებით კომენტარი გააკეთა არასამთავრობო ორგანიზაცია „სამართლიანი არჩევნებისა და დემოკრატიის საერთაშორისო საზოგადოებამ" (ISFED), რომელმაც განაცხადა, რომ მოკლე პერიოდში არჩეული ჩინოვნიკების თანამდებობებიდან გადადგომა იწვევს ეჭვს და შეიძლება იგი „არაჯანსაღი პროცესის" შედეგი იყოს.

არასამთავრობო ორგანიზაციამ ყოფილ ჩინოვნიკებს მოუწოდა საზოგადოებას საჯაროდ და ნათლად განუმარტონ გადადგომის მიზეზები.

0
თემები:
საქართველოს პოლიტიკური ცხოვრება