გაზპრომი

„გაზპრომმა“ საქართველოსთან შეთანხმება დაადასტურა

124
საქართველომ და „გაზპრომმა“ დააფიქსირეს თავიანთი ვალდებულებები „ჩრდილოეთი-სამხრეთის“ ტრანზიტული გაზსადენიდან ბუნებრივი აირის შერჩევის კუთხით

თბილისი, 26 მაისი – Sputnik. საქართველოსთვის რუსული ბუნებრივი აირის საფასური იქნება ისეთივე, როგორიც იყო ადრე წლიური საკონტრაქტო მოცულობის 100%-იანი შერჩევისას, განუცხადეს ჟურნალისტებს „გაზპრომის“ პრესსამსახურში.

2019 წლის მარტში საქართველომ და გაზპრომ ექსპორტმა“ საქართველოს ტერიტორიის გავლით რუსული გაზის სომხეთში ექსპორტის შესახებ გააფორმეს ახალი კონტრაქტი, რომელსაც 2020 წლის ბოლომდე უნდა ემოქმედა.

„გაზის საფასური საქართველოსთვის იქნება ისეთივე, როგორიც იყო ადრე წლიური საკონტრაქტო რაოდენობების შერჩევისას. ახლა ეს ვალდებულებები შერჩევის კუთხით მკაფიოდ არის დაფიქსირებული“, - განაცხადეს კომპანიაში.

ადრე საქართველოს ეკონომიკის მინისტრმა ნათია თურნავამ განუცხადა ჟურნალისტებს, რომ ქვეყნის ხელმძღვანელობა „გაზპრომს“ რუსული ბუნებრივი აირის საფასურის დაახლოებით 15%-იან დაკლებაზე შეუთანხმდა.

2017 წლის იანვრამდე საქართველო რუსეთიდან სომხეთში გაზის ტრანზიტის საფასურის სახით გატარებული ნედლეულის მთლიანი მოცულობის 10%-ს იღებდა. 2017 წელს სომხეთში გაზის ტრანზიტის საფასურს ქვეყანა შერეული სისტემით იღებდა - ნაწილობრივ ფულადი თანხით და ნაწილობრივ ნედლეულით, ხოლო  2018 წელს გადახდა მხოლოდ ფულადი სახსრებით ხორციელდებოდა.

ბუნებრივი აირის ბალანსის თანახმად, საქართველოში 2020 წელს გაზის მოხმარება ნავარაუდევია 2,5 მილიარდი კუბომეტრის დონეზე. აქედან რუსეთიდან შემოვა 170 მლნ კუბომეტრი. დანარჩენის შემოტანა აზერბაიჯანიდან იგეგმება.

124
თემები:
საქართველოს ენერგეტიკა (96)
„რიჩარდ III“ ვახტანგოვის თეატრის სცენაზე

უკვე მესამედ: ქართველი რეჟისორის დადგმა მოსკოველი მაყურებლის რჩეულ სპექტაკლებს შორისაა

32
(განახლებულია 20:32 21.10.2020)
ცნობილი ქართველი რეჟისორის ავთანდილ ვარსიმაშვილის „რიჩარდ III“ რუსეთის დედაქალაქის ყველაზე პოპულარული სპექტაკლების ტოპში უკვე მესამედ მოხვდა.

თბილისი, 21 ოქტომბერი – Sputnik. სპექტაკლი „რიჩარდ III“, რომელიც ქართველმა რეჟისორმა ავთანდილ ვარსიმაშვილმა მოსკოვის ვახტანგოვის სახელობის სახელმწიფო აკადემიური თეატრის სცენაზე 2017 წელს დადგა, Ticketland.ru-ს ვერსიით ყველაზე პოპულარული წარმოდგენების ტოპ–ათეულში შევიდა.

ავთანდილ ვარსიმაშვილი უკრაინაში ფესტივალის პრიზიორი გახდა>>

რუსულ სცენაზე გრიბოედოვის სახელობის თბილისის რუსული დრამატული თეატრის სამხატვრო ხელმძღვანელი ქართულ გუნდთან ერთად მუშაობდა. სპექტაკლის სცენოგრაფია მირიან შველიძეს ეკუთვნის, კოსტიუმების მხატვარია თეო კუხიანიძე, მუსიკალურად კი სპექტაკლი ელისო ორჯონიკიძემ გააფორმა. წარმოდგენაში გია ყანჩელის მუსიკა ჟღერს.

სპექტაკლში მონაწილეობენ მსახიობები: მაქსიმ სევრინოვსკი, ოლგა ტუმაიკინა, ელენა სოტნიკოვა, ქსენია კუბასოვა, იგორ კარტაშოვი და სხვები.

„პიესა „რიჩარდ III“ გენიალურია. ესაა ხელისუფლების ენციკლოპედია, „ძერჟავული“ ძალის, გვირგვინის ხელში ჩაგდების სახელმძღვანელო. შექსპირმა ყველა დროისა და ხალხის დიქტატორის ხასიათი ზუსტად წარმოადგინა ნაპოლეონამდე, სტალინამდე, ჰიტლერამდე და ხელისუფლების სხვა უზურპატორებამდე რამდენიმე საუკუნით ადრე. მან თითქოს გვიწინასწარმეტყველა მათი გამოჩენა და ამავე დროს ფანტასტიკურად ზუსტად აღწერა დიქტატორის პიროვნების გახრწნის ფსიქოლოგიური პროცესი, როდესაც მას უკვე სისხლი ახრჩობს და ცხოვრებაში მთავარი მიზანი აღარ აქვს“, – აღნიშნა ვარსიმაშვილმა.

ქართველი რეჟისორის სპექტაკლის გარდა, ტოპ–დადგმებში ვახტანგოვის თეატრის კიდევ ორი სპექტაკლი მოხვდა – რიმას ტუმინასის „ევგენი ონეგინი“ და გლებ პანფილოვის „აუდიენცია“.

32
თემები:
საქართველო და კულტურა
სამმხრივი მოლაპარაკებები მოსკოვში

ისევ მოლაპარაკებები? აზერბაიჯანელი და სომეხი მინისტრები მოსკოვში არიან

21
(განახლებულია 16:43 21.10.2020)
სომხეთის საგარეო უწყების ცნობით, მოსკოვში მოკლევადიანი ვიზიტის შემდეგ მნაცაკანიანი აშშ-ის სახელმწიფო მდივან მაიკ პომპეოსთან ვიზიტს გეგმავს.

თბილისი, 21 ოქტომბერი — Sputnik. სომხეთის საგარეო საქმეთა მინისტრი ზოგრაბ მნაცაკანიანი მოსკოვში იმყოფება სამუშაო ვიზიტით, სადაც მალე ასევე ჩავა მისი აზერბაიჯანელი კოლეგა ჯეიჰუნ ბაირამოვი, იუწყება რადიო Sputnik.

ამასთან, სომხეთის საგარეო უწყებაში აცხადებენ, რომ მოსკოვში მოკლევადიანი ვიზიტის შემდეგ მნაცაკანიანს 23 ოქტომბერს აშშ-ის სახელმწიფო მდივანთან მაიკ პომპეოსთან ვიზიტი აქვს დაგეგმილი.

რაც შეეხება ჯეიჰუნ ბაირამოვს, აზერბაიჯანის საგარეო საქმეთა სამინისტროს ცნობით, მოსკოვში ჩასვლის შემდეგ ის რუსულ მხარესთან გამართავს კონსულტაციებს.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. 

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

21
თემები:
ესკალაცია ყარაბაღში 2020
ზუგდიდი

ერთ-ერთი მძევალი სამეგრელო-ზემო სვანეთის პოლიციის დეპარტამენტის დირექტორია

0
(განახლებულია 23:10 21.10.2020)
ზუგდიდში „საქართველოს ბანკზე“ თავდამსხმელმა რამდენიმე წუთის წინ შენობა სამ მძევალთან ერთად დატოვა, რომელთა შორის ერთი - სამეგრელო-ზემო სხვანეთის პოლიციის დეპარტამენტის დირექტორი ავთანდილ გალდავაა

თბილისი, 21 ოქტომბერი - Sputnik. ზუგდიდში ბანკზე თავდამსხმელის ერთ-ერთი მძევალი, რომელთან ერთადაც შენობა რამდენიმე წუთის წინ დატოვა, საქართველოს შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დირექტორი ავთანდილ გალდავაა. ინფორმაცია ქართულ მედიაში ვრცელდება.

მედიის მიერ გავრცელებულ კადრებში ჩანს, რომ ზუგდიდში „საქართველოს ბანკზე“ თავდასხმსხმელმა სამ მძევალთან ერთად, რომელთაც ხელზე ე.წ. ბორკილები ედოთ, ბანკის შენობა დატოვა.

სავარაუდოდ, თავდამსხმელს ხელში ყუმბარა ეკავა. ის მძევლებთან ერთად პოლიციის ავტომანქანაში ჩაჯდა.

ამ დროისთვის უცნობია თუ რა მიმართულებით გადაადგილდა აღნიშნული ავტომანქანა. მანამდე შენობა გათავისუფლებულმა მძევლებმა დატოვეს.

შსს-ს მხრიდან ჯერჯერობით დამატებითი კომენტარები არ გაკეთებულა.

სოციალურ ქსელში ერთ-ერთი გათავისუფლებული მძევლის ირაკლი კვარაცხელიას განცხადება გავრცელდა, სადაც ის ამბობს, რომ გამტაცებელს პოლიციამ თანხა მიუტანა. გავრცელებული ინფორმაციით, თანხა მას სწორედ ავთანდილ გალდავამ მიუტანა, ეს უკანასკნელი კი საბოლოოდ მძევალი აღმოჩნდა.

ავტომატით და ხელყუმბარით შეიარაღებულმა მამაკაცმა ოთხშაბათს ზუგდიდის ცენტრში „საქართველოს ბანკის“ ერთ-ერთი ფილიალის შენობაში მძევლები აიყვანა. დამნაშავე მოითხოვდა ნახევარმილიონ დოლარს და ვერტმფრენს ადგილის უსაფრთხო დატოვებისთვის.

0
თემები:
ზუგდიდში შეიარაღებულმა პირმა 19 ადამიანი მძევლად აიყვანა