მოსკოვი

რუსეთში ქართული გაერთიანებების ერთიან ბაზას ქმნიან

316
(განახლებულია 19:48 21.05.2020)
ინიციატივის მიზანია - რუსეთის ტერიტორიაზე მცხოვრები ქართველების და საქართველოდან წასული ადამიანების გაერთიანება

თბილისი, 21 მაისი – Sputnik. ქართულ-რუსული ურთიერთობების აღორძინებისა და განვითარების ფონდის დიასპორების საქმეების დეპარტამენტის ინიციატივით რუსეთში ქართული გაერთიანებების ერთიან ბაზა იქმნება, განუცხადა „Sputnik-საქართველოს“ ფონდის პრეზიდენტმა დავით ცეცხლაძემ.

მარად ცოცხლები: გრიბოედოვის თეატრი და მეორე მსოფლიო ომი >>

თავად დიასპორების საქმეთა დეპარტამენტი ახლახანს შეიქმნა - მაისის დასაწყისში. მისი მიზანია გააერთიანოს ქართველები და საქართველოდან წასული ადამიანები, რომლებიც რუსეთის ფედერაციის ტერიტორიაზე ცხოვრობენ. ამასთან, დეპარტამენტი ეხმარება რუსული დიასპორული ორგანიზაციების მუშაობას საქართველოში.

„ეს ბაზა საშუალებას მოგვცემს არამარტო შევიტყოთ ერთმანეთის შესახებ, არამედ უფრო აქტიური ერთობლივი თანამშრომლობა დავიწყოთ“, - განაცხადა ცეცხლაძემ.

ბაზაში მოსახვედრად ელექტრონულ მისამართზე info@rusgeo.org უნდა გაიგზავნოს შემდეგი მონაცემები: ორგანიზაციის დასახელება, ხელმძღვანელობის შემადგენლობა, საკონტაქტო მონაცემები.

რუსულ-ქართული ურთიერთობების აღორძინებისა და განვითარების ფონდი 2015 წლის 1 ივნისიდან მოქმედებს. მასთან სამი დეპარტამენტი ფუნქციონირებს: რუსეთისა და საქართველოს სოციალურ-ჰუმანიტარული თანამშრომლობის, ქვეყნებს შორის სავაჭრო-ეკონომიკური თანამშრომლობის და ახლადშექმნილი - დიასპორების საკითხების დეპარტამენტი.

316
თემები:
ქართულ–რუსული ურთიერთობები (163)

პროტესტი აშშ-ში: როგორ ცდილობენ ამერიკელები რუსეთზე დანაშაულის გადაბრალებას

69
(განახლებულია 23:35 01.06.2020)
ამერიკის შეერთებულ შტატებში გრძელბდება ფართომასშტაბიანი საპროტესტო გამოსვლები აფროამერიკელი ჯორჯ ფლოიდის სიკვდილის გამო. მამაკაცი მაისის ბოლოს მინესოტას შტატში პოლიციის მიერ დაკავების შემდეგ გარდაიცვალა

ინციდენტმა პროტესტი გამოიწვია მთელი ქვეყნის მასშტაბით. უკვე რამდენიმე დღეა, რაც ასობით ადამიანი გამოდის მინეაპოლისის ქუჩებში, ნიუ იორკში, ვაშინგტონში და აშშ-ის სხვა დიდ ქალაქებში, პოლიციის თვითნებობის წინააღმდეგ პროტესტის ნიშნად.

ბევრგან მშვიდობიანი დემონსტრაცია სწრაფად გადაიზარდა არეულობასა და პოლიცისთან შეტაკებაში. მონაწილეებმა დაარბიეს და გაძარცვეს მაღაზიები, ჩაამსხვრიეს ფანჯრები და ცეცხლი მოუკიდეს ნაგვის ურნებს. პროტესტის დროს, რია ნოვოსტის კორესპოდენტი მიხაილ ტურგიევივ დაზარალდა, რის გამოც რუსეთის საელჩომ სახელმწიფო დეპარტამენტს მიმართა. ამავდროულად, რამდენიმე შტატში პოლიციის დასახმარებლად აშშ-ის ეროვნული გვარდიის ნაწილები გამოიყო, თუმცა, ვერც მათ და ვერც რეზინის ტყვიებმა და ცრემლსადენმა გაზმა ვერ შეაჩერეს პროტესტი. ამ ფონზე, სუზან რაისმა, ბარაკ ობამას ყოფილმა მრჩეველმა, ბრალი წაუყენა რუსეთს. ამჯერად რა დააშავა მოსკოვმა და რა საერთო აქვს დონალდ ტრამპის ბუნკერს ამ ისტორიასთან - ჩვენც ვიდეოში გიამბობთ.

69
ვლადიმირ პუტინი

პუტინმა რუსეთის საკონსტიტუციო ცვლილებებზე კენჭისყრის თარიღი დაამტკიცა

9
რუსეთის ცენტრალურმა საარჩევნო კომისიამ პანდემიის პირობებში უკონტაქტო პრინციპის დაცვის მიზნით რუსეთში კენჭისყრის ჩატარების წესში ცვლილებები შეიტანა

თბილისი, 1 ივნისი - Sputnik. რუსეთის პრეზიდენტმა ვლადიმერ პუტინმა ხელი მოაწერა განკარგულებას, რომლითაც დაამტკიცა რუსეთის ფედერაციის კონსტიტუციაში ცვლილებების მოწონების საკითხზე სრულიად რუსეთის მასშტაბით კენჭისყრის ჩატარების თარიღი, იუწყება კრემლის პრესსამსახური.

2020 წლის იანვარში რუსეთის ლიდერმა ფედერალურ კრებას შესთავაზა კონსტიტუციაში მნიშვნელოვანი ცვლილებების შეტანა, რომლებიც სახელმწიფო დუმამ მოიწონა. პუტინის წინადადებით, შესწორებები ძალაში შევა მხოლოდ სრულიად რუსეთის მასშტაბით კენჭისყრის სპეციალური პროცედურით (რომლის ანალოგიც რუსეთში ადრე არ ყოფილა) ჩატარების შედეგად.

„რუსეთის კონსტიტუციაში ცვლილებების მიღების თაობაზე კენჭისყრას სრულიად რუსეთის მასშტაბით 2020 წლის 1 ივლისს ჩავატარებთ“, - განაცხადა პუტინმა კონსტიტუციის შეცვლის საკითხთა სამუშაო ჯგუფის წევრებთან თათბირზე. ამასთან მან დასძინა, რომ რუსეთის ელექტორატის იმედი აქვს.

„რასაკვირველია, მივმართავ ჩვენს მოქალაქეებს, რათა აქტიური მონაწილეობა მიიღონ კენჭისყრაში, ვინაიდან საუბარია ჩვენს ძირითად კანონზე - კონსტიტუციაზე, რომელსაც ეფუძნება ჩვენი ქვეყნის ცხოვრება, ჩვენი და ჩვენი შვილების ცხოვრება დღეს, რომელიც განსაზღვრავს ძირითად სამართლებრივ გარანტიებს, ძირითად იურიდიულ გარანტიებს სოციალური ურთიერთობების სფეროში, შრომითი ურთიერთობების სფეროში, განსაზღვრავს საერთაშორისო პარტნიორებთან ურთიერთობის პრინციპებს“, - განაცხადა სახელმწიფოს მეთაურმა სხდომაზე.

„ცვალებადი ვითარებისა და კორონავირუსის ინფექციასთან დაკავშირებული გაუმჯობესებული სიტუაციის ფონზე ეპიდემიასთან ბრძოლაში შესაძლებლობა გვაქვს, მომდევნო 30 დღის განმავლობაში - მთელი ერთი თვეა წინ - გადავდგათ დამატებითი ნაბიჯები სიტუაციის გამოსასწორებლად“, - განაცხადა რუსეთის პრეზიდენტმა.

მან მიმართა ასევე რეგიონების ხელმძღვანელებს კენჭისყრის ორგანიზებაში დახმარების თხოვნით, გამომდინარე ადამიანების ჯანმრთელობასა და სიცოცხლეზე ზრუნვის აუცილებლობიდან.

9
თემები:
რუსეთი დღეს
პრეზიდენტი კატერს მართავს

იცოდით რომ სალომე ზურაბიშვილი კატერს შესანიშნავად მართავს? - ვიდეო

0
(განახლებულია 00:45 02.06.2020)
სოციალურ ქსელში პოპულარულია ვიდეო, სადაც პრეზიდენტი სალომე ზურაბიშვილი თბილისის ზღვაზე მდებარე იახტკლუბში კატერს მართავს

„ცხოვრება მშვენიერია“ - უწერენ სოციალური ქსელის მომხმარებლები.

სალომე ზურაბიშვილი პირველი ქალბატონია, რომელმაც საქართველოს სადავეები ხელში აიღო. გარდა ამისა, ის არის პირველი პრეზიდენტი, რომელსაც ორმაგი წარმოშობა აქვს - ქართული, და ფრანგული, გამოცდილი დიპლომატია,

სალომე ზურაბიშვილი ამომრჩეველთა 59,52%-მა, 2018 წლის 28 ნოემბერს აირჩია.

სალომე ზურაბიშვილი პარიზში დაიბადა 1952 წელს. მისი ქართველი მშობლები 1921 წელს ემიგრირდნენ კავკასიის ამ პატარა ქვეყნიდან, სტალინის, იგივე იოსებ ჯუღაშვილის სამშობლოდან. მისი დიდი ბაბუა, ნიკო ნიკოლაძე, ცნობილი ლიბერალი მწერალი (1843-1928) იყო.

0
თემები:
სახალისო და საინტერესო ვიდეოები