თბილისი, 20 მაისი — Sputnik. საექსპედიციო კლუბ „ველური ჩრდილოეთის“ ტურისტებმა ურალის სუბპოლარულ მხარეში იდუმალი დიდი მთა იპოვეს, რომელიც პირამიდის იდენტურია და, ამასთან, ორჯერ უფრო დიდია, ვიდრე ხეოფსის პირამიდა ეგვიპტეში, იუწყება მასმედია.
In the Urals, discovered a pyramid larger than the Cheops pyramidhttps://t.co/wgMK62NKyX pic.twitter.com/Ip2d3rnblc
— dada (@dadababako1966) May 20, 2020
გავრცელებული ინფორმაციით, მთა ტურისტებმა თავდაპირველად ერთ-ერთი ადგილობრივის ფოტოებზე აღმოაჩინეს, შემდეგ კი ვერტმფრენიდანაც დააფიქსირეს.
მთა-პირამიდის სიმაღლე 800 მეტრია, სიგანე — 1 კილომეტრი. ობიექტი მდებარეობს ნაროდო-იტინსკის ქედზე ხანტი-მანსიისკის ავტონომიურ მხარეში.
მთა გარეგნობითა და პროპორციებით ხეოფსის პირამიდას ჰგავს, მაგრამ უფრო დიდ მასშტაბებში. ადგილობრივი ხანტები და მანსები მიიჩნევენ, რომ ეს წმინდა ადგილია და ამიტომ მისი მონახულება არ ღირს.
როგორც ირკვევა, პირამიდასთან მისვლა ძალიან რთულია. იქ მოსახვედრად ან ვერტმფრენია საჭირო, ან ფეხით 400 კილომეტრის გავლა.
კლუბ „ველური ჩრდილოეთის“ ხელმძღვანელი ევგენი სვიტოვი პირამიდის აღმოჩენის ფაქტს ადასტურებს და აცხადებს, რომ ეს ობიექტი ადამიანის მიერ შექმნილს ჰგავს.
„როგორ შეუძლია ბუნებას ამის გაკეთება? პირამიდა რომ თუნდაც ოდნავ შებრუნებული იყოს, მაშინ — კი, მაგრამ აქ გადახრა არც ერთი გრადუსით არ არის“, — ამბობს სვიტოვი.
უცნაური ობიექტით უკვე დაინტერესდნენ რუსეთის გეოგრაფიულ საზოგადოებაში. უფრო მეტიც, მიმდინარე წლის ზაფხულში იქ ექსპედიციის გაგზავნას აპირებენ.
