სერგეი ლავროვი

ტრამპის გეგმები აშშ-ის ჯანმო-დან გასვლის თაობაზე: ლავროვის კომენტარი

212
რუსეთის საგარეო საქმეთა მინისტრმა აღნიშნა, რომ 30 დღეში ყველა პრობლემის გადაჭრა, როგორც ამას ამერიკის პრეზიდენტი მოითხოვს, შეუძლებელია

თბილისი, 19 მაისი — Sputnik. კორონავირუსის წინააღმდეგ ბრძოლა არ უნდა შეეწიროს გეოპოლიტიკურ თამაშებსა და ამბიციებს, განაცხადა რუსეთის საგარეო საქმეთა მინისტრმა სერგეი ლავროვმა.

ადრე აშშ-ის პრეზიდენტმა დონალდ ტრამპმა მისწერა წერილი ჯანდაცვის მსოფლიო ორგანიზაციის გენერალურ დირექტორ ტედროს ადანომ გებრეიესუსს, რომელშიც ნათქვამია, რომ ვაშინგტონი სრულად შეწყვეტს ჯანდაცვის მსოფლიო ორგანიზაციის დაფინანსებას და გადახედავს წევრობის საკითხს, თუ ორგანიზაცია 30 დღის განმავლობაში არ ჩაატარებს რეფორმებს, რომლებიც შეერთებული შტატები მოითხოვს. ​ამერიკის ლიდერის თქმით, მისმა ადმინისტრაციამ გამოიძია ჯანმოს „წარუმატებელი რეაგირება“ კორონავირუსის პანდემიაზე.

„დარწმუნებული ვარ, რომ ჯანმო, ისევე, როგორც ნებისმიერი სხვა სტრუქტურა, სრულყოფას საჭიროებს. ეს არ შეიძლება იყოს ერთჯერადი მოქმედება, რომელიც 30 დღეში მოაგვარებს ყველა პრობლემას, ან ასახავს ყველა იმ სირთულეს, რომელიც ამ გზაზე წარმოიქმნება 30 დღეში, და მათი გადალახვის ყველა გზებს”, - განაცხადა ლავროვმა პრესკონფერენციაზე, რომელიც ბალტიისპირეთის ქვეყნების საბჭოს სხდომის შედეგებს მიეძღვნა.

მინისტრის თქმით, საჭიროა ერთობლივი ადეკვატური ანალიზი იმ სიტუაციისა და ფაქტების, რომლებსაც „დასავლელი კოლეგები საერთოდ არ ითვალისწინებენ თავიანთი პოლიტიკური ინიციატივების პოპულარიზაციაში საერთაშორისო ასპარეზზე". ლავროვმა ხაზგასმით აღნიშნა, რომ კორონავირუსის წინააღმდეგ ბრძოლა არ უნდა შეეწიროს გეოპოლიტიკურ თამაშებსა და ამბიციებს.

„იმედი მაქვს, რომ იმ შეთანხმებების შედეგად, რომლებიც გათვალისწინებულია დეკლარაციაში, რომელიც დღეს უნდა მიიღოს ჯანდაცვის მსოფლიო ასამბლეამ, საერთაშორისო თანამშრომლობა სწორედ ამ ტრაექტორიაზე გადავა“, - დაასკვნა მან.

ადრე ჯანდაცვის მსოფლიო ასამბლეამ ერთხმად მიიღო დადგენილება COVID-19-ის საწინააღმდეგო მედიკამენტებზე თანაბარი წვდომის შესახებ და პანდემიის დროს ჯანდაცვის მსოფლიო ორგანიზაციის საქმიანობის გამოძიების შესახებ.

212
თემები:
COVID-19-ის პანდემია მსოფლიოში (883)

პროტესტი აშშ-ში: როგორ ცდილობენ ამერიკელები რუსეთზე დანაშაულის გადაბრალებას

69
(განახლებულია 23:35 01.06.2020)
ამერიკის შეერთებულ შტატებში გრძელბდება ფართომასშტაბიანი საპროტესტო გამოსვლები აფროამერიკელი ჯორჯ ფლოიდის სიკვდილის გამო. მამაკაცი მაისის ბოლოს მინესოტას შტატში პოლიციის მიერ დაკავების შემდეგ გარდაიცვალა

ინციდენტმა პროტესტი გამოიწვია მთელი ქვეყნის მასშტაბით. უკვე რამდენიმე დღეა, რაც ასობით ადამიანი გამოდის მინეაპოლისის ქუჩებში, ნიუ იორკში, ვაშინგტონში და აშშ-ის სხვა დიდ ქალაქებში, პოლიციის თვითნებობის წინააღმდეგ პროტესტის ნიშნად.

ბევრგან მშვიდობიანი დემონსტრაცია სწრაფად გადაიზარდა არეულობასა და პოლიცისთან შეტაკებაში. მონაწილეებმა დაარბიეს და გაძარცვეს მაღაზიები, ჩაამსხვრიეს ფანჯრები და ცეცხლი მოუკიდეს ნაგვის ურნებს. პროტესტის დროს, რია ნოვოსტის კორესპოდენტი მიხაილ ტურგიევივ დაზარალდა, რის გამოც რუსეთის საელჩომ სახელმწიფო დეპარტამენტს მიმართა. ამავდროულად, რამდენიმე შტატში პოლიციის დასახმარებლად აშშ-ის ეროვნული გვარდიის ნაწილები გამოიყო, თუმცა, ვერც მათ და ვერც რეზინის ტყვიებმა და ცრემლსადენმა გაზმა ვერ შეაჩერეს პროტესტი. ამ ფონზე, სუზან რაისმა, ბარაკ ობამას ყოფილმა მრჩეველმა, ბრალი წაუყენა რუსეთს. ამჯერად რა დააშავა მოსკოვმა და რა საერთო აქვს დონალდ ტრამპის ბუნკერს ამ ისტორიასთან - ჩვენც ვიდეოში გიამბობთ.

69
ვლადიმირ პუტინი

პუტინმა რუსეთის საკონსტიტუციო ცვლილებებზე კენჭისყრის თარიღი დაამტკიცა

9
რუსეთის ცენტრალურმა საარჩევნო კომისიამ პანდემიის პირობებში უკონტაქტო პრინციპის დაცვის მიზნით რუსეთში კენჭისყრის ჩატარების წესში ცვლილებები შეიტანა

თბილისი, 1 ივნისი - Sputnik. რუსეთის პრეზიდენტმა ვლადიმერ პუტინმა ხელი მოაწერა განკარგულებას, რომლითაც დაამტკიცა რუსეთის ფედერაციის კონსტიტუციაში ცვლილებების მოწონების საკითხზე სრულიად რუსეთის მასშტაბით კენჭისყრის ჩატარების თარიღი, იუწყება კრემლის პრესსამსახური.

2020 წლის იანვარში რუსეთის ლიდერმა ფედერალურ კრებას შესთავაზა კონსტიტუციაში მნიშვნელოვანი ცვლილებების შეტანა, რომლებიც სახელმწიფო დუმამ მოიწონა. პუტინის წინადადებით, შესწორებები ძალაში შევა მხოლოდ სრულიად რუსეთის მასშტაბით კენჭისყრის სპეციალური პროცედურით (რომლის ანალოგიც რუსეთში ადრე არ ყოფილა) ჩატარების შედეგად.

„რუსეთის კონსტიტუციაში ცვლილებების მიღების თაობაზე კენჭისყრას სრულიად რუსეთის მასშტაბით 2020 წლის 1 ივლისს ჩავატარებთ“, - განაცხადა პუტინმა კონსტიტუციის შეცვლის საკითხთა სამუშაო ჯგუფის წევრებთან თათბირზე. ამასთან მან დასძინა, რომ რუსეთის ელექტორატის იმედი აქვს.

„რასაკვირველია, მივმართავ ჩვენს მოქალაქეებს, რათა აქტიური მონაწილეობა მიიღონ კენჭისყრაში, ვინაიდან საუბარია ჩვენს ძირითად კანონზე - კონსტიტუციაზე, რომელსაც ეფუძნება ჩვენი ქვეყნის ცხოვრება, ჩვენი და ჩვენი შვილების ცხოვრება დღეს, რომელიც განსაზღვრავს ძირითად სამართლებრივ გარანტიებს, ძირითად იურიდიულ გარანტიებს სოციალური ურთიერთობების სფეროში, შრომითი ურთიერთობების სფეროში, განსაზღვრავს საერთაშორისო პარტნიორებთან ურთიერთობის პრინციპებს“, - განაცხადა სახელმწიფოს მეთაურმა სხდომაზე.

„ცვალებადი ვითარებისა და კორონავირუსის ინფექციასთან დაკავშირებული გაუმჯობესებული სიტუაციის ფონზე ეპიდემიასთან ბრძოლაში შესაძლებლობა გვაქვს, მომდევნო 30 დღის განმავლობაში - მთელი ერთი თვეა წინ - გადავდგათ დამატებითი ნაბიჯები სიტუაციის გამოსასწორებლად“, - განაცხადა რუსეთის პრეზიდენტმა.

მან მიმართა ასევე რეგიონების ხელმძღვანელებს კენჭისყრის ორგანიზებაში დახმარების თხოვნით, გამომდინარე ადამიანების ჯანმრთელობასა და სიცოცხლეზე ზრუნვის აუცილებლობიდან.

9
თემები:
რუსეთი დღეს
თბილისი

როგორი ამინდი იქნება თბილისში ხუთშაბათს, 4 ივნისს

0
(განახლებულია 11:51 02.06.2020)
სინოპტიკოსები დედაქალაქში ხუთშაბათს 31 გრადუსამდე სიცხეს პროგნოზირებენ, ამ ჯერად წვიმისა და ელჭექის გარეშე

თბილისი, 2 ივნისი — Sputnik. სინოპტიკოსების პროგნოზით, თბილისში ხუთშაბათს, 4 ივნისს მზიანი და ცხელი ამინდი იქნება.

ჰაერის ტემპერატურა ღამით იქნება +18, ხოლო დღისით – 31 გრადუსი.

ქარი ღამით 10–15 მეტრი წამში სიჩქარით დაუბერავს, დღისით კი დროგამოშვებით კი 20–25 მეტრამდე გაძლიერდება.

მზე 05:27 საათზე ამოვა და 20:31 საათზე ჩავა.

0
თემები:
ამინდის ზუსტი პროგნოზი თბილისში