აშშ-ის მიტოვებული სამხედრო ბაზა სირიაში

გაქცეული ბოევიკი აშშ-ს ტერორისტებთან თანამშრომლობაში ადანაშაულებს

163
(განახლებულია 18:18 19.05.2020)
ჰამზის თქმით, მისი ჯგუფი სწავლებას აშშ-ის სამხედრო ბაზაზე გადიოდა, მაგრამ ცოტა ხნის წინ ბაშარ ასადის ქვედანაყოფებს ჩაბარდა.

თბილისი, 19 მაისი — Sputnik. სირიის ბაზა ეტ-ტანფარში განთავსებული ამერიკელი სამხედროები აქტიურად თანამშრომლობენ ტერორისტულ დაჯგუფება „ისლამურ სახელმწიფოსთან“, განუცხადა ჟურნალისტებს ბოევიკთა ჯგუფის მეთაურმა აბუ ჰამზიმ, რომელიც სამთავრობო ძალების მხარეზე გადავიდა. 

ჰამზის თქმით, მისი ჯგუფი სწავლებას აშშ-ის სამხედრო ბაზაზე გადიოდა, მაგრამ ცოტა ხნის წინ ბაშარ ასადის ქვედანაყოფებს ჩაბარდა. მანამდე ვრცელდებოდა ინფორმაცია, რომ გაქცეულ ბოევიკებს ნავთობ-გაზისა და სატრანსპორტო ობიექტებზე დივერსიებისთვის და ასევე დამასკოს მიერ კონტროლირებად ტერიტორიებზე ტერაქტებისთვის ამზადებდნენ.

„ამრიკელებს მიაჩნიათ, რომ ეს მიწა მათია. მეფეებივით გრძნობენ თავს. კაპიტანი მაიკიც და სხვებიც ერთნაირები არიან <…> ისინი მუშაობენ, თანამშრომლობენ „ისლამურ სახელმწიფოსთან“, — განაცხადა ჰამზიმ.

აღინიშნება, რომ კაპიტანი მაიკი, რომელიც გაქცეულმა ბოევიკმა ახსენა, მისი ინსტრუქტორი იყო. ჰამზის თქმით, ინსტრუქტორმა არაფერი იცის იმის შესახებ, თუ როგორ „იყენებს ამერიკის ხელისუფლება სირიელ ბოევიკებს, მან მხოლოდ იარაღის გამოყენება იცის და ამას ასწავლის“. კერძოდ, ირკვევა, რომ ჰამზის 40 და 50-იანი კალიბრის ამერიკული ტყვიამფრქვევებიდან სროლას ასწავლიდნენ.

აშშ-ის სახედრო ბაზა ეტ-ტანფას რაიონში, სირია–იორდანიის საზღვარზე მდებარეობს. ბაზის გარშემო 55 მეტრ რადიუსში, რომელსაც ამერიკელი სამხედროები აკონტროლებენ, ლტოლვილთა ბანაკია განთავსებული. აღინიშება, რომ ვითარება ბანაკში ახლოსაა ჰუმანიტარულ კატასტროფასთან, რის თაობაზეც მანამდე სირიისა და რუსეთის საგარეო საქმეთა სამინისტროების წარმომადგენლები უკვე საუბრობდნენ.

 

163
თემები:
მსოფლიო დღეს (1676)

პროტესტი აშშ-ში: როგორ ცდილობენ ამერიკელები რუსეთზე დანაშაულის გადაბრალებას

63
(განახლებულია 23:35 01.06.2020)
ამერიკის შეერთებულ შტატებში გრძელბდება ფართომასშტაბიანი საპროტესტო გამოსვლები აფროამერიკელი ჯორჯ ფლოიდის სიკვდილის გამო. მამაკაცი მაისის ბოლოს მინესოტას შტატში პოლიციის მიერ დაკავების შემდეგ გარდაიცვალა

ინციდენტმა პროტესტი გამოიწვია მთელი ქვეყნის მასშტაბით. უკვე რამდენიმე დღეა, რაც ასობით ადამიანი გამოდის მინეაპოლისის ქუჩებში, ნიუ იორკში, ვაშინგტონში და აშშ-ის სხვა დიდ ქალაქებში, პოლიციის თვითნებობის წინააღმდეგ პროტესტის ნიშნად.

ბევრგან მშვიდობიანი დემონსტრაცია სწრაფად გადაიზარდა არეულობასა და პოლიცისთან შეტაკებაში. მონაწილეებმა დაარბიეს და გაძარცვეს მაღაზიები, ჩაამსხვრიეს ფანჯრები და ცეცხლი მოუკიდეს ნაგვის ურნებს. პროტესტის დროს, რია ნოვოსტის კორესპოდენტი მიხაილ ტურგიევივ დაზარალდა, რის გამოც რუსეთის საელჩომ სახელმწიფო დეპარტამენტს მიმართა. ამავდროულად, რამდენიმე შტატში პოლიციის დასახმარებლად აშშ-ის ეროვნული გვარდიის ნაწილები გამოიყო, თუმცა, ვერც მათ და ვერც რეზინის ტყვიებმა და ცრემლსადენმა გაზმა ვერ შეაჩერეს პროტესტი. ამ ფონზე, სუზან რაისმა, ბარაკ ობამას ყოფილმა მრჩეველმა, ბრალი წაუყენა რუსეთს. ამჯერად რა დააშავა მოსკოვმა და რა საერთო აქვს დონალდ ტრამპის ბუნკერს ამ ისტორიასთან - ჩვენც ვიდეოში გიამბობთ.

63
ვლადიმირ პუტინი

პუტინმა რუსეთის საკონსტიტუციო ცვლილებებზე კენჭისყრის თარიღი დაამტკიცა

8
რუსეთის ცენტრალურმა საარჩევნო კომისიამ პანდემიის პირობებში უკონტაქტო პრინციპის დაცვის მიზნით რუსეთში კენჭისყრის ჩატარების წესში ცვლილებები შეიტანა

თბილისი, 1 ივნისი - Sputnik. რუსეთის პრეზიდენტმა ვლადიმერ პუტინმა ხელი მოაწერა განკარგულებას, რომლითაც დაამტკიცა რუსეთის ფედერაციის კონსტიტუციაში ცვლილებების მოწონების საკითხზე სრულიად რუსეთის მასშტაბით კენჭისყრის ჩატარების თარიღი, იუწყება კრემლის პრესსამსახური.

2020 წლის იანვარში რუსეთის ლიდერმა ფედერალურ კრებას შესთავაზა კონსტიტუციაში მნიშვნელოვანი ცვლილებების შეტანა, რომლებიც სახელმწიფო დუმამ მოიწონა. პუტინის წინადადებით, შესწორებები ძალაში შევა მხოლოდ სრულიად რუსეთის მასშტაბით კენჭისყრის სპეციალური პროცედურით (რომლის ანალოგიც რუსეთში ადრე არ ყოფილა) ჩატარების შედეგად.

„რუსეთის კონსტიტუციაში ცვლილებების მიღების თაობაზე კენჭისყრას სრულიად რუსეთის მასშტაბით 2020 წლის 1 ივლისს ჩავატარებთ“, - განაცხადა პუტინმა კონსტიტუციის შეცვლის საკითხთა სამუშაო ჯგუფის წევრებთან თათბირზე. ამასთან მან დასძინა, რომ რუსეთის ელექტორატის იმედი აქვს.

„რასაკვირველია, მივმართავ ჩვენს მოქალაქეებს, რათა აქტიური მონაწილეობა მიიღონ კენჭისყრაში, ვინაიდან საუბარია ჩვენს ძირითად კანონზე - კონსტიტუციაზე, რომელსაც ეფუძნება ჩვენი ქვეყნის ცხოვრება, ჩვენი და ჩვენი შვილების ცხოვრება დღეს, რომელიც განსაზღვრავს ძირითად სამართლებრივ გარანტიებს, ძირითად იურიდიულ გარანტიებს სოციალური ურთიერთობების სფეროში, შრომითი ურთიერთობების სფეროში, განსაზღვრავს საერთაშორისო პარტნიორებთან ურთიერთობის პრინციპებს“, - განაცხადა სახელმწიფოს მეთაურმა სხდომაზე.

„ცვალებადი ვითარებისა და კორონავირუსის ინფექციასთან დაკავშირებული გაუმჯობესებული სიტუაციის ფონზე ეპიდემიასთან ბრძოლაში შესაძლებლობა გვაქვს, მომდევნო 30 დღის განმავლობაში - მთელი ერთი თვეა წინ - გადავდგათ დამატებითი ნაბიჯები სიტუაციის გამოსასწორებლად“, - განაცხადა რუსეთის პრეზიდენტმა.

მან მიმართა ასევე რეგიონების ხელმძღვანელებს კენჭისყრის ორგანიზებაში დახმარების თხოვნით, გამომდინარე ადამიანების ჯანმრთელობასა და სიცოცხლეზე ზრუნვის აუცილებლობიდან.

8
თემები:
რუსეთი დღეს
პროტესტი ნიუ-იორკში

ვანდალიზმი გრძელდება - ფლოიდის ძმებმა ამერიკელებს მიმართეს

0
(განახლებულია 11:20 02.06.2020)
ამერიკელი დემონსტრანტები ცეცხლს უკიდებენ და ამსხვრევენ სხვდასახვა დანიშნულების ობიექტებს, ძარცვავენ მაღაზიებს

თბილისი, 2 ივნისი — Sputnik. მინეაპოლისში დაღუპული ჯორჯ ფლოიდის ძმებმა, რომელიც პოლიციას შემოაკვდა დაკავებისას, საპროტესტო აქციების მონაწილეებს მიმართეს.

ძმებმა მოუწოდეს ამერიკელებს, იმოქმედონ მშვიდობიანად და თავი გაანებონ ნგრევასა და ძარცვას.

​„მივმართავ მათ, ვინც არეულობას აწყობს: რას აკეთებთ?! ეს ვერანაირად ვერ დამიბრუნებს ძმას“, — განაცხადა ერთ–ერთმა ძმამ ტერენს ფლოიდმა.

დაღუპულის მეორე ძმამ, როდნი პეგუმ, ძალადობის შეწყვეტისკენ მოუწოდა დემონსტრანტებს. 

„მე  ვითხოვ მშვიდობას ისევე, როგორც ჩემი ძმა მოითხოვდა, ამ სიტუაციას რომ ხედავდეს, აქ რომ იყოს. მშვიდობა და მშვიდობიანი პროტესტები — ეს საუკეთესო ვარიანტია, რითაც სამართლიანობას უნდა მივაღწიოთ“, — აღნიშნა მან.

საპროტესტო ტალღა, რომელსაც არეულობა, ვანდალური აქტები და პოლიციელებზე თავდასხმები მოჰყვა, აშშ–ის ათობით ქალაქს მოედო. დემონსტრანტები ცეცხლს უკიდებენ და ამსხვრევენ სხვდასახვა დანიშნულების ობიექტებს, ძარცვავენ მაღაზიებს. არეულობის მიზეზად იქცა აფროამერიკელი ჯორჯ ფლოიდის სიკვდილი, რომელიც მინეაპოლისში პოლიციას შემოაკვდა დაკავებისას.

აშშ–ის პრეზიდენტმა დონალდ ტრამპმა მიმდინარე მოვლენები „საშინაო ტერორიზმად“ შეაფასა და მძიმედ შეიარაღებული არმიის გამოყვანით დაიმუქრა, თუ შტატებისა ან ქალაქების ხელისუფლებები უარს იტყვიან მოსახლეობის სიცოცხლისა და ქონების დამსაცავად საჭირო ქმედებების განხორციელებაზე.   

 

0
თემები:
მსოფლიო დღეს (1676)