ომის გმირი

ისტორიული სიმართლე ომზე: საპარლამენტო კონფერენცია ონლაინ-ფორმატში ჩატარდა

172
(განახლებულია 16:29 11.08.2020)
ომის დამთავრების 75-ე წლისთავისადმი მიძღვნილი მაღალი დონის საპარლამენტო კონფერენცია წელს ონლაინ-ფორმატში ჩატარდა.

თბილისი, 7 მაისი ― Sputnik. ნაციზმზე გამარჯვება მეორე მსოფლიო ომის დროს კაცობრიობის მემკვიდრეობად უნდა იყოს აღიარებული, ხოლო განმათავისუფლებელი მეომრების ძეგლები ― მის მონაპოვრად, მიაჩნია რუსეთის ფედერალური კრების ფედერაციის საბჭოს თავმჯდომარეს ვალენტინა მატვიენკოს. 

აღნიშნულის შესახებ მან დსთ-ის, ცენტრალური და აღმოსავლეთ ევროპის ქვეყნების, ევროპარლამენტის დეპუტატებისა და ასევე პოლიტიკოსებისა და საზოგადო მოღვაწეების მონაწილეობით გამართული საერთაშორისო ვიდეოხიდისას განაცხადა.

ღონისძიებაში საქართველოდან მონაწილეობდა პარტია „ერთიანი საქართველოს“ ლიდერი ნინო ბურჯანაძე.

„ჩვენ უნდა მივაღწიოთ იმას, რომ ნაციზმზე გამარჯვება იმ საშინელ ომში კაცობრიობამ თავის მემკვიდრეობად აღიაროს, ხოლო მებრძოლ-განმათავისუფლებლების ძეგლები ― მის მონაპოვრად. ეს ჩვენი წმინდა ვალია“, ― აღნიშნა მატვიენკომ  Россия сегодня-ს მიერ ორგანიზებულ ვიდეოხიდზე.

სპიკერმა შეახსენა საზოგადოებას, რომ მეორე მსოფლიო ომში სხვადასხვა იდეოლოგიური და პოლიტიკური სისტემების მქონე ქვეყნებმა უთახმოების გადალახვა და გაერთიანება შეძლეს საერთო ბოროტების წინააღმდეგ.

„მომავალმა თაობებმა უნდა იცოდნენ სიმართლე ომზე. ეს ჩვენი საერთო ისტორიაა. მიმაჩნია, რომ ის ასეთად რჩება ახლაც, 75 წლის შემდეგ, როცა ჩვენ უკვე დამოუკიდებელი, სუვერენული სახელმწიფოები ვართ. დიახ, თითოეულმა ქვეყანამ თავისი გზა აირჩია, თუმცა არჩევანის ასეთი თავისუფლებაც ჩვენი საერთო გამარჯვების შედეგია“, ― თქვა მატვიენკომ. 

მან მოუწოდა კოლეგებს სხვადასხვა ქვეყნებიდან, ჩაერთვნენ „ერთობლივ მუშობაში ისტორიული სიმართლის შესანარჩუნებლად მომავალი თაობებისთვის“. 

ნინო ბურჯანაძემ, თავის მხრივ, ასევე აღნიშნა დიდ გამარჯვებაში სხვადასხვა ხალხების წვლილის მნიშვნელობა.

„თითოეულმა გამოსვლამ აჩვენა, რამდენად მნიშვნელოვანი წვლილი შეიტანა ყველა რესპუბლიკამ დიდ გამარჯვებაში. დიახ, ნამდვილად, ჩვენ ყველა ერთად ვიბრძოდით, ეს იყო საერთო უბედურება და იყო საერთო გამარჯვება. ჩვენ არ უნდა მივცეთ არავის უფლება, წაგვართვან ეს საერთო გამარჯვება და ის ბაზისი, რომელიც შესანიშნავ შესაძლებლობას ქმნის, შევინარჩუნოთ ხიდები ხალხებს შორის. ვფიქრობ, სწორედ იმიტომ გაჩნდა ახლა სურვილი ისტორიის გადახედვისა, საბჭოთა კავშირისა და ყველა ხალხების როლის სრულიად დამახინჯებულად წარმოჩენისა ― რომლებიც იბრძოდნენ, რომ ეს ხიდები დაირღვეს“, ― განაცხადა ბურჯანაძემ.   

მისი თქმით, პოლიტიკოსთა ახალმა თაობამ არ უნდა დაუშვას ისტორიის გადაწერა. 

„მსურს, რომ არა მარტო ჩემი, არამედ ჩემი შვილების თაობაც ისევე ამაყობდეს ჩვენი პაპებითა და დიდი პაპებით, როგორც ჩვენ ვამაყობთ ახლა. ეს საშუალებას მისცემს ჩვენი ქვეყნების მომავალ თაობებს, უკეთ მოძებნონ საერთო ენა და უკეთ გაუგონ ერთმანეთს. ახალგაზრდობას უნდა ესმოდეს, რომ ჩვენ ვალდებული ვართ შევინარჩუნოთ წინაპრების დანატოვარი“, ― დაასკვნა ბურჯანაძემ. 

ვიდეოხიდის მიმდინარეობისას პოსტსაბჭოთა სივრცის პარლამენტარებმა და მათმა ევროპელმა კოლეგებმა გაიხსენეს, ვინ დაამარცხა ფაშიზმი, ერთმანეთს გაუზიარეს სამამულო და მსოფლიო ომების მოვლენების საკუთარი აღქმა შესაბამის ქვეყნებში და ასევე იდეებიც, თუ როგორ აღნიშნავენ წელს გამარჯვების დღეს. 

172
სერგეი ლავროვი

ლავროვი: განცხადებები, რომ Sputnik და RT პროპაგანდის ინსტრუმენტებია, აბსურდულია

17
(განახლებულია 16:58 18.09.2020)
რუსულ მასმედიასთან დაკავშირებული ვითარება დასავლეთში ბოლო წლებში უფრო რთულდება: 2016 წელს ევროპარლამენტმა მიიღო რეზოლუცია, რომლის მიხედვით მთავარ საფრთხედ Sputnik და RT დასახელდა

თბილისი, 18 სექტემბერი – Sputnik. RT და Sputnik უმრავლეს ქვეყნებში დიდი პოპულარობით სარგებლობენ, ამიტომ განცხადებების იმის შესახებ, რომ ეს მედიასაშუალებები პროპაგანდის ინსტრუმენტებია, აბსურდულია, განაცხადა რუსეთის საგარეო საქმეთა მინისტრმა სერგეი ლავროვმა РИА Новости–სთან ინტერვიუში.

მისი თქმით, მოსკოვს მიუღებლად მიაჩნია ევროპაში Sputnik–ისა და RT–ს დისკრიმინაცია.

ჩერიშევა: სანქციები ჟურნალისტების წინააღმდეგ – ეს ცენზურაა>>

„რა თქმა უნდა, ეს პრობლემა განხილული იყო (ფრანგ კოლეგებთან). მიუღებლად მიგვაჩნია, რომ Sputnik–ისა და RT–ს, მათი კორესპონდენტების დისკრიმინაცია მიმდინარეობს ღიად – საფრანგეთშიც, და რაც Sputnik–ს ეხება ბალტიისპირეთის ქვეყნებში, ესეც კარგად ცნობილი ფაქტია. ის, რომ ბოლო წლებში, 2017 წლიდან აკრედიტება ელისეს სასახლეში არა აქვს არც RT–ს, არც Sputnik–ს, ეს, რა თქმა უნდა, სამწუხაროა“, – განაცხადა მინისტრმა.

ლავროვმა აღნიშნა, რომ რუსეთი ამ საკითხებს აყენებს არა მხოლოდ ფრანგების წინაშე და მოითხოვს რუსეთში დარეგისტრირებული მასმედიის საშუალებების დისკრიმინაციის შეწყვეტას.

„ჩვენი ფრანგი კოლეგები აცხადებენ, რომ არ შეცვლიან თავიანთ გადაწყვეტილებას, აკრედიტება არ გაიცემა, რადგან RT და Sputnik, ვციტირებ, „ეს მასმედია არ არის, არამედ პროპაგანდის ინსტრუმენტია“. ვფიქრობ, ამგვარი იარლიყების აბსურდულობაზე კომენტარის გაკეთება არაა საჭირო, რადგან RT–ცა და Sputnik–იც უზარმაზარი პოპულარობით სარგებლობენ უფრო და უფრო მეტ ქვეყანაში, იზრდება აუდიტორია“, – აღნიშნა ლავროვმა.

რუსულ მასმედიასთან დაკავშირებული სიტუაცია დასავლეთში ბოლო წლებში სულ უფრო რთულდება: 2016 წელს ევროპარლამენტმა მიიღო რეზოლუცია, რომლის მიხედვით მთავარ საფრთხედ Sputnik და RT დასახელდა და აღინიშნა, რომ აუცილებელია ამ საშუალებების წინააღმდეგ მოქმედება. რუსეთის პრეზიდენტმა ვლადიმირ პუტინმა ამ რეზოლუციის კომენტარისას Sputnik–ისა და RT–ს ჟურნალისტებს მიულოცა შედეგიანი მუშაობა და აღნიშნა, რომ რეზოლუცია დასავლურ საზოგადოებაში დემოკრატიის შესახებ წარმოდგენის დეგრადაციაზე მეტყველებს, თუმცა, იმედი გამოთქვა, რომ ჯანსაღი აზრი გაიმარჯვებს.

17
თემები:
რუსეთი დღეს
საქართველოსა და რუსეთის საქმიანი წრეების წარმომადგენელთა შეხვედრა

სერგეი ლავროვი დარწმუნებულია, რომ საქართველოსთან ურთიერთობები აღდგება

88
(განახლებულია 15:21 18.09.2020)
ჩვენ აღვადგენთ ნორმალურ ურთიერთობებს სახელმწიფოებს შორისაც და ადამიანებს შორისაც, განაცხადა რუსეთის საგარეო საქმეთა მინისტრმა თინა კანდელაკთან ინტერვიუში

რუსეთის საგარეო საქმეთა მინისტრმა სერგეი ლავროვმა ქართულ–რუსული ურთიერთობების აღდგენის იმედი გამოთქვა.

მინისტრმა გუშინ ინტერვიუ მისცა თინა კანდელაკს ტელეარხ RTVI–ზე პროექტისთვის „სპეციალური სტუმარი“. მან ისაუბრა, თუ როგორი დამოკიდებულება აქვთ კრემლში პროტესტების მიმართ ბელარუსში, რას უნდა ელოდონ აშშ–ის პრეზიდენტის არჩევნებისგან და არის თუ არა საქართველოსთან სავიზო რეჟიმის გამარტივების შანსი.

„დარწმუნებული ვარ, რომ საქართველოსთან ურთიერთობები აღდგება, მოგვარდება. ვხედავთ ქართველ პოლიტიკოსებს, რომლებიც ამას ემხრობიან. ისინი ჯერ მცირე პარტიები არიან მმართველ ელიტაში, მაგრამ დარწმუნებული ვარ, რომ საბოლოოდ ჩვენი ტრადიციული, ისტორიული სიახლოვე, ჩვენი ხალხების ურთიერთმიზიდულობა გაიმარჯვებს, და პროვოკატორები, რომლებიც ცდილობენ, რომ საქართველო არ დაუბრუნდეს რუსეთთან ურთიერთობების ნორმალურ რელსებს, გაწბილებული დარჩებიან“, – განაცხადა ლავროვმა.

მინისტრმა ქვეყნებს შორის ამჟამად არსებულ ურთიერთობებს ანომალიური უწოდა.

„მგონია, რომ ქართველი ბრძენი ხალხი, რომელსაც უყვარს სიცოცხლე, შეიძლება თითქმის ისევე და იმავე გამოვლინებებში, როგორც რუსეთის ფედერაციის ხალხებს, ყოველ შემთხვევაში, ჩვენი მისწრაფებების ბევრი დამთხვევის შესახებ ვიცი, მაინც გადალახავს ამჟამინდელ ანომალიურ სიტუაციას და ჩვენ ნორმალურ ურთიერთობებს ავაგებთ სახელმწიფოებსა და ხალხებს შორის“, – აღნიშნა ლავროვმა.

საქართველოსა და რუსეთს დიპლომატიური ურთიერთობები 2008 წლის შემდეგ აღარ აქვთ. საქართველომ ეს ურთიერთობები მოსკოვის მიერ აფხაზეთისა და ცხინვალის რეგიონის დამოუკიდებლობის აღიარების საპასუხოდ გაწყვიტა.

88
თემები:
ქართულ–რუსული ურთიერთობები
ნახევარმთვარე

მთვარის კალენდარი: 19 სექტემბერი რისი გაკეთება შეიძლება და რისი არა

0
(განახლებულია 11:05 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

19 სექტემბერი, შაბათი. ამ დღეს სატურნი მართავს. მზარდი მთვარე სასწორის ნიშანშია.

ღამით მთვარე მორიელის ნიშანში გადავა (22:34 საათზე).

ვენერა ხელოვნებასთან და შემოქმედებასთან დაკავშირებულ საქმიანობას უწყობს ხელს, ასევე რომანტიკულ ურთიერთობებს, დასვენებას და კონტაქტებს.

იღბლიანი დღეა შეხვედრებისა და მოლაპარაკებებისთვის, როდესაც დიპლომატიურობაა საჭირო, თუმცა, მნიშვნელოვანი გადაწყვეტილებების მიღება არ ღირს. აჯობებს, თუ უკვე დაწყებულ საქმეებს დაამთავრებთ. ადამიანებს, ერთი მხრივ, სტაბილურობის გრძნობა უჩნდება, მეორე მხრივ კი – მერყეობის. სიმშვიდისა და ჰარმონიის დღეა, თუმცა, ურთიერთობებში ტაქტისა და დიპლომატიურობის შესახებ არ უნდა დაგვავიწყდეს.

მთვარე სასწორში ხელს უწყობს ჰარმონიულ ურთიერთობებს – ეს ჰარმონიული და წმინდა სიყვარულის დროა. ასეთ ურთიერთობებში ერთმანეთს ერწყმის  გულწრფელი გრძნობები და ურთიერთმოგება – ეს ჭეშმარიტი ქორწინების საფუძველია.

იუპიტერი რეტროგრადულ სვლას წყვეტს: ზოდიაქოს ხუთ ნიშანს დიდი წარმატებები ელოდება>>

იზრდება მეორე ნახევართან შეხვედრის შანსები. ამ დღეს დაწყებული სიყვარული, თუ ორივე პარტნიორი გაუფრთხილდება მას, დიდი ხანი გაგრძელდება.

რეკომენდებულია სიმტკიცის გამოჩენა, შეიძლება გარისკვა, აქტიურობა, კარგი დღეა მგზავრობისთვის.

არარეკომენდებულია ფინანსური საკითხების გადაწყვეტა, რადგან მოსალოდნელია დანაკარგები.

თმის შეჭრა, შეღებვა: კარგი დღეა სალონში სტუმრობისთვის. შეიძლება თმის როგორც შეჭრა, ისე შეღებვა. ასევე ხელსაყრელი დღეა მანიკურისთვის.

მებაღეობა: მთლიანობაში, ბაღში მუშაობისთვის ნეიტრალური დღეა. შეიძლება მცენარეების გადარგვა, პიკირება, ერთ და მრავალწლიანი ყვავილების დარგვა, მოსავლის აღება – ის კარგად შეინახება.

0