პუშკინის ძეგლი

პუშკინის შემოქმედების მოყვარულებს საქართველოში კონკურსში მონაწილეობის მისაღებად იწვევენ

23
(განახლებულია 22:03 04.05.2020)
კონკურსში მონაწილეობის მიღება შეუძლია რუსული ენის ყველა მოყვარულს - ახალგაზრდებს, ბავშვებსა და უფროსი თაობის წარმომადგენლებს. მთავარი - პუშკინის სიყვარულია.

თბილისი, 4 მაისი - Sputnik. „როსსოტრუდნიჩესტვო“ და ქალაქ ალექსანდრიის რუსეთის მეცნიერებისა და კულტურის ცენტრი ალექსანდრ პუშკინის შემოქმედების თაყვანისმცემლებს საქართველოსა და სხვა ქვეყნებში კონკურსში მონაწილეობის მისაღებად იწვევენ. კონკურსი დიდი რუსი პოეტის დაბადების დღეს ეძღვნება.

როგორც თბილისის საერთაშორისო კულტურულ-საგანმანათლებლო კავშირ „რუსულ კლუბში“ აღნიშნავენ, კონკურსებში მონაწილეობის მიღება შეუძლია ყველა ასაკის მსურველს, რომელსაც უყვარს რუსული ენა.

„პირველი კონკურსია კითხვის: აუცილებელია პუშკინის ლექსის ან ნაწარმოების ფრაგმენტის წაკითხვა, ვიდეოზე ჩაწერა. კითხვის კონკურსის ასაკობრივი ჯგუფებია: 3-დან 15 წლამდე, უფროსები, INTERNATIONAL group“, - ნათქვამია „რუსული კლუბის“ განცხადებაში.

რაც შეეხება მეორე კონკურსს, ეს იქნება ნახატების კონკურსი 4-დან 15 წლამდე ბავშვებისთვის. მსურველებმა უნდა დახატონ პუშკინის პორტრეტი ან ილუსტრაცია მისი რომელიმე ნაწარმოების მოტივებზე.

ყველა ნამუშევარი უნდა გაიგზავნოს მისამართზე: rcnk-alexandria@list.ru ან პირად შეტყობინებაში Facebook-გვერდზე: @russiancenteralex. ნამუშევრები 2020 წლის 30 მაისიდან მიიღება. პასუხები 4 ივნისს გამოცხადდება.

23
თემები:
საქართველო და კულტურა (823)
Су-35

„სტანდარტული ოპერაცია“: სამხედრო ექსპერტმა ამერიკული გამანადგურებლის ჩაჭერა შეაფასა

31
(განახლებულია 19:38 27.05.2020)
მანამდე აშშ-ის სამხედრო-საზღვაო ძალების მეექვსე ფლოტის პრეს-სამსახურმა განაცხადა, რომ გუშინ ორმა რუსულმა გამანადგურებელმა ხმელთაშუა ზღვის თავზე სახიფათოდ ჩაიჭირა ამერიკული მზვერავი თვითმფრინავი Poseidon P-8A.

თბილისი, 27 მაისი — Sputnik. ამერიკული მზვერავი თვითმფრინავის გაცილება ხმელთაშუა ზღვის თავზე — ეს ჩვეულებრივი პროცედურაა და რუს მფრინავებს საჰაერო ხულიგნობა არ ჩაუდენიათ, მიაჩნია სამხედრო ექსპერტ იგორ კოროტჩენკოს. 

მანამდე აშშ-ის სამხედრო-საზღვაო ძალების მეექვსე ფლოტის პრეს-სამსახურმა განაცხადა, რომ გუშინ ორმა რუსულმა გამანადგურებელმა ხმელთაშუა ზღვის თავზე სახიფათოდ ჩაიჭირა ამერიკული მზვერავი თვითმფრინავი Poseidon P-8A. ამერიკელმა სამხედროებმა რუსული ეკიპაჟის მოქმედება არაპროფესიონალიზმად შეაფასეს: აშშ-ის სამხედრო-საზღვაო ძალების წარმომადგენელთა თქმით, Су-35-ებმა P-8A ორი მხრიდან მოიმწვდიეს, რითიც ხელს უშლიდნენ „უსაფრთხო მანევრირებაში“.

„ამერიკელებს ყოველ ჯერზე ძალიან ნერვიული რეაქცია აქვთ, როდესაც ჩვენი გამანადგურებლები რუსეთის სამხედრო-კოსმოსური ძალების პასუხისმგებლობის ზონაში მათი მზვერავი თვითმფრინავის ყოფნის მიზნებს არკვევენ. აშშ-ს უკვე დაავიწყდა საერთაშორისო სამართალი და მიაჩნია, რომ ის მსოფლიოში ერთადერთი ჰეგემონია“, — განაცხადა РИА Новости-სთან საუბრისას კოროტჩენკომ.

ექსპერტის აზრით, რუსულმა Су-35-ებმა „სრულიად სტანდარტული“ ოპერაცია ჩაატარეს უცხოეული მზვერავი თვითმფრინავის საიდენტიფიკაციოდ, რომელიც რუსულ სამხედრო ობიექტებს მიუახლოვდა სირიაში. 

  • „ამერიკული მზვერავი თვითმფრინავისთვის ჩვენი სამხედრო-კოსმოსური ძალების ოპერაციას არანაირი საფრთხე არ შეუქმნია. ჩვენ გამოცდილი და პროფესიონალი პილოტები გვყავს. ისინი საჰაერო ხულიგნობით კი არ არიან დაკავებული, არამედ თავიანთ ამოცანებს ასრულებენ საერთაშორისო სამართლისა და შესაბამისი სარეგლამენტო დოკუმენტების შესაბამისად“, — განმარტა ექსპერტმა.

აღსანიშნავია, რომ რუსეთის სამხედრო-საჰაერო ძალებისა და ჰაერსაწინააღმდეგო თავდაცვის ძალების მე-4 არმიის ყოფილმა სარდალმა ვალერი გორბენკომ სააგენტოსთან საუბრისას ივარაუდა, რომ ღია ცის ხელშეკრულებიდან აშშ-ის გასვლის პარალელურად ასეთი ინციდენტები შესაძლოა გახშირდეს.

მისი აზრით, შეერთებული შტატები შეეცდება, რომ რუსეთის შესახებ ინფორმაციის ნაკლებობა მზვერავი თვითმფრინავების დახმარებით შეავსოს და, ამასთან, დაძაბოს ვითარება საინფორმაციო სივრცეში.

31
თემები:
რუსეთი დღეს
გაზპრომი

„გაზპრომმა“ საქართველოსთან შეთანხმება დაადასტურა

91
საქართველომ და „გაზპრომმა“ დააფიქსირეს თავიანთი ვალდებულებები „ჩრდილოეთი-სამხრეთის“ ტრანზიტული გაზსადენიდან ბუნებრივი აირის შერჩევის კუთხით

თბილისი, 26 მაისი – Sputnik. საქართველოსთვის რუსული ბუნებრივი აირის საფასური იქნება ისეთივე, როგორიც იყო ადრე წლიური საკონტრაქტო მოცულობის 100%-იანი შერჩევისას, განუცხადეს ჟურნალისტებს „გაზპრომის“ პრესსამსახურში.

2019 წლის მარტში საქართველომ და გაზპრომ ექსპორტმა“ საქართველოს ტერიტორიის გავლით რუსული გაზის სომხეთში ექსპორტის შესახებ გააფორმეს ახალი კონტრაქტი, რომელსაც 2020 წლის ბოლომდე უნდა ემოქმედა.

„გაზის საფასური საქართველოსთვის იქნება ისეთივე, როგორიც იყო ადრე წლიური საკონტრაქტო რაოდენობების შერჩევისას. ახლა ეს ვალდებულებები შერჩევის კუთხით მკაფიოდ არის დაფიქსირებული“, - განაცხადეს კომპანიაში.

ადრე საქართველოს ეკონომიკის მინისტრმა ნათია თურნავამ განუცხადა ჟურნალისტებს, რომ ქვეყნის ხელმძღვანელობა „გაზპრომს“ რუსული ბუნებრივი აირის საფასურის დაახლოებით 15%-იან დაკლებაზე შეუთანხმდა.

2017 წლის იანვრამდე საქართველო რუსეთიდან სომხეთში გაზის ტრანზიტის საფასურის სახით გატარებული ნედლეულის მთლიანი მოცულობის 10%-ს იღებდა. 2017 წელს სომხეთში გაზის ტრანზიტის საფასურს ქვეყანა შერეული სისტემით იღებდა - ნაწილობრივ ფულადი თანხით და ნაწილობრივ ნედლეულით, ხოლო  2018 წელს გადახდა მხოლოდ ფულადი სახსრებით ხორციელდებოდა.

ბუნებრივი აირის ბალანსის თანახმად, საქართველოში 2020 წელს გაზის მოხმარება ნავარაუდევია 2,5 მილიარდი კუბომეტრის დონეზე. აქედან რუსეთიდან შემოვა 170 მლნ კუბომეტრი. დანარჩენის შემოტანა აზერბაიჯანიდან იგეგმება.

91
თემები:
საქართველოს ენერგეტიკა
დაკეტილი კაფე მცხეთაში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/28 მაისი

78488
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა.

თბილისი, 28 მაისი – Sputnik. საგანგებო მდგომარეობის რეჟიმის მოხსნის შემდეგ, კორონავირუსით ინფიცირებულთა რაოდენობის ზრდის თავიდან აცილების მიზნით, საქართველოს მთავრობამ შეზღუდვების და აკრძალვების ნაწილი ძალაში დატოვა. ეს შესაძლებელი გახდა პარლამენტის მიერ დამტკიცებული ცვლილებებით კანონში „საზოგადოებრივი ჯანმრთელობის შესახებ“. ახლა მთავრობას მიენიჭა უფლება შემოიღოს შეზღუდვები საგანგებო მდგომარეობის რეჟიმის მოხსნის შემდეგ.

ცვლილებები 15 ივლისამდე იმოქმედებს.

მოქმედი ძირითადი შეზღუდვების ჩამონათვალი:

  • რესტორნები, სასტუმროები, ტანსაცმლისა და ფეხსაცმლის მაღაზიები, სავაჭრო მოლები, სპორტდარბაზები ივნისის დასაწყისიდან ეტაპობრივად გაიხსნება;

  • რესტორნებს აქვთ მხოლოდ კერძების მიწოდების სერვისით მუშაობის უფლება, აგრეთვე ფეხსაცმლისა და ტანსაცმლის მაღაზიებს შეუძლიათ ონლაინ ვაჭრობა;
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;

მთავრობა საქართველოს ყველა მოქალაქეს მოქმედი რეკომენდაციების დაცვისკენ მოუწოდებს.

ტრანსპორტი

  • აკრძალულია საერთაშორისო სამგზავრო სახმელეთო და საზღვაო მიმოსვლა;
  • აკრძალულია პირდაპირი საერთაშორისო რეგულარული ავიარეისები, ჩარტერულის გარდა, რომელიც ინიშნება მხოლოდ საქართველოს მოქალაქეთა დაბრუნების მიზნით;
  • აკრძალულია სარკინიგზო ტრანსპორტით მგზავრთა გადაყვანა;
  • აკრძალულია საქალაქთაშორისო და მუნიციპალიტეტების ტერიტორიაზე მგზავრთა გადაყვანა სამარშრუტო ტაქსებითა და ავტობუსებით;
  • აკრძალულია საზოგადოებრივი ტრანსპორტით, მათ შორის, მეტროპოლიტენითა და საბაგიროთი გადაადგილება.

საზოგადოებრივი ცხოვრება

  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;

ეკონომიკური საქმიანობა

  • აკრძალულია რესტორნებში, ბარებში, კაფეებსა და სასადილოებში მომხმარებლის ადგილზე კვების მომსახურება;
  • აკრძალულია ფეხსაცმლისა და ტანსაცმლის მაღაზიების მუშაობა;
  • აკრძალულია სავაჭრო ცენტრების და ბაზრობების მუშაობა, აგრარული ბაზრობების გარდა;
  • აკრძალულია სპორტული, კულტურული და გასართობი ღონისძიებების ორგანიზება და გამართვა;
  • აკრძალულია ვალუტის გადამცვლელი პუნქტების მუშაობა;
  • აკრძალულია სპორტულ-გამაჯანსაღებელი აქტივობები და პროცედურები.

ამ მომენტისათვის ინფიცირებულთა რაოდენობა 735 ადამიანს შეადგენს, აქედან 557 გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 3076, სტაციონარებში მეთვალყურეობის ქვეშ კი 250 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
78488
თემები:
COVID-19 საქართველოში