თბილისი, 25 მარტი — Sputnik. კურილის კუნძულებზე მომხდარი ძლიერ, 7,6 მაგნიტუდის მიწისძვრას ცუნამი მოჰყვა, იუწყება საინფორმაციო სააგენტო РИА Новости.
გავრცელებული ინფორმაციით, ცუნამის საშიშროების შესახებ მოსახლეობა უკვე გაფრთხილებული იყო და მათი ევაკუაცია განხორციელდა — ხალხი შემაღლებულ ადგილებზე გადაიყვანეს.
„ცუნამის პირველი ტალღის სიმაღლე დაახლოებით 50 სმ იყო. წინასწარი ინფორმაციით, მსხვერპლი და ნგრევა არ არის. ცუნამის საფრთხე შენარჩუნებულია, ამიტომ ჩრდილო კურილსკის მოსახლეობა უსაფრთხო შემაღლებულ ზონაში რჩება“, — ნათქვამია სახალინის მთავრობის განცხადებაში.
განგაშის გაუქმების შესახებ გადაწყვეტილება მიქცევის დაწყების შემდეგ იქნება მიღებული.
