კორონავირუსი მოსკოვში

მოსკოვში კორონავირუსის მსუბუქი ფორმით ინფიცირებულები სახლში იმკურნალებენ

40
ჯანმრთელობის მდგომარეობის გაუარესების შემთხვევაში პაციენტმა მასთან ერთად მცხოვრებ პირებს რისკების შესახებ უნდა აცნობოს

თბილისი, 24 მარტი - Sputnik. მოსკოვის ხელისუფლებამ კორონავირუსის მსუბუქი ფორმით ინფიცირებულ პაციენტებს სახლში მკურნალობის და იზოლირების რეკომენდაცია მისცა, ხოლო გამწვავების შემთხვევაში ექიმის გამოძახება ურჩია, შესაბამისი ბრძანება დედაქალაქის ჯანდაცვის დეპარტამენტის ვებგვერდზე გამოქვეყნდა. ბრძანებაში განსაზღვრულია კორონავირუსით ინფიცირებულების სახლში მკურნალობის განსაკუთრებული ალგორითმი.

ბრძანება 23 მარტიდან 30 აპრილამდე იმოქმედებს.

„თუ პაციენტს ექნება 38,5 გრადუსზე ნაკლები ტემპერატურა, სასუნთქი მოძრაობების სიხშირე 30-ზე ნაკლები, ჟანგბადის სატურაცია (SpO2) 93%-ზე მეტი, თავისუფალი სუნთქვა, მაშინ პაციენტი სახლში რჩება“, - ნათქვამია დოკუმენტში.

ჯანმრთელობის მდგომარეობის გაუარესების შემთხვევაში პაციენტმა მასთან ერთად მცხოვრებ პირებს უნდა აცნობოს რისკებისა და სხვა დროებით საცხოვრებელში გადასვლის აუცილებლობის შესახებ.

„იმ შემთხვევაში, თუ ეს შეუძლებელია, ეცნობოს მოსახლეობის სოციალური დაცვის დეპარტამენტს ტელ.  8-495-870-45-09 საიზოლაციო ობსერვატორში დროებითი ცხოვრების შესაძლებლობის განსახილველად“, - ნათქვამია დოკუმენტში.

40
თემები:
COVID-19-ის პანდემია მსოფლიოში (997)
მოსკოვი პანდემიის დროს

მეცნიერებმა პანდემია იწინასწარმეტყველეს რუსეთის მთავარი სანიტარული ექიმი

870
(განახლებულია 21:18 03.07.2020)
„როსპოტრებნადზორის“ ხელმძღვანელის თქმით, ახალ პანდემიაზე უკვე დიდი ხანია წერდნენ და არა მხოლოდ მეცნიერები, არამედ ფანტასტებიც.

თბილისი, 3 ივლისი – Sputnik. COVID-19-ის მსგავსი პანდემიის სიტუაციისთვის სამეცნიერო საზოგადოება დიდი ხანია ემზადებოდა – მეცნიერებს ესმოდათ, რომ ეს ოდესმე მოხდებოდა, განაცხადა რუსეთის მთავარმა სანიტარულმა ექიმმა, „როსპოტრებნადზორის“ ხელმძღვანელმა ანა პოპოვამ.

„ამისთვის მართლა ვემზადებოდით. მაგრამ სხვადასხვა ქვეყნის მომზადების ხარისხი – დღეს თვალნათლივ განსხვავებულია. ყველას გვესმოდა, ეპიდემიოლოგებს, მეცნიერებს, რომ ასეთი მომენტი ოდესმე დადგებოდა. ოდესმე იქნებოდა ახალი ვირუსი, ამაზე ბევრი იწერებოდა, არის მხატვრული ნაწარმოებებიც, ფანტასტები წერდნენ, რომ იქნება „Х ვირუსის“ დრო“, – განაცხადა პოპოვამ ტელეარხ Россия 24-ის („როსია 24“) ეთერში.

ის მიიჩნევს, რომ მსოფლიომ კორონავირუსთან დაკავშირებით ცვლილებები განიცადა. „ჩვენ ვსაუბრობთ ახალ გარემოებაზე და ახალი წესები უნდა გვქონდეს. დავიწყეთ ახალი წესების წერა, როდესაც ჯერ პიკიც კი არ გვქონდა – აპრილის ბოლოს. ჩვენ გვესმოდა, რომ ეს ყველაფერი მოხდებოდა“, – აღნიშნა მან.

კორონავირუსის სრული დამარცხება საეჭვოა: ანტისხეულები ორგანიზმში მალე ქრება – ახალი კვლევა>>

ჯანდაცვის მსოფლიო ორგანიზაციის (ჯანმო) მონაცემებით, 3 ივლისისთვის მთელ მსოფლიოში კორონავირუსით ინფიცირებულთა რიცხვი 10 მილიონს აჭარბებს. გარდაიცვალა 500 ათასზე მეტი ადამიანი.

ჯანმომ COVID-19-ის აფეთქება პანდემიად 11 მარტს გამოაცხადა.

870
თემები:
COVID-19-ის პანდემია მსოფლიოში (997)
მეზოთერაპია

ასტროლოგიური დისკრიმინაცია: კოსმეტოლოგიურმა კლინიკამ მორიელების მიღება შეაჩერა

286
(განახლებულია 16:14 03.07.2020)
კოსმეტოლოგიურმა კლინიკამ, ბობოქარი კლიენტებისგან თავის დასაცავად, ცენტრში მათი დაშვება ასტროლოგიური შესაბამისობით დაიწყო.

თბილისი, 3 ივლისი — Sputnik. კოსმეტოლოგიურმა კლინიკა „ტესლამ“, რომელიც მოსკოვში მდებარეობს, ზოდიაქოს ნიშან მორიელებს 12 ივლისამდე ცენტრში სტუმრობა აუკრძალა იმის გამო, რომ ამ პერიოდში რეტროგრადული მერკური კიბოს ნიშანში მდებარეობს, იუწყება Readovka.

​ირკვევა, რომ კლინიკის ხელმძღვანელობის აზრით, ამ პერიოდში „მორიელები“ განსაკუთრებული აგრესიულობით გამოირჩევიან.

„იყო რამდენიმე პრეცედენტი, როცა ადამიანები ბობოქრობდნენ. გავიგეთ მათი ჰოროსკოპი. მორჩა! ჩვენ სასწრაფო დახმარება არ ვართ, რომ უარი ვერ ვთქვათ პაციენტის მიღებაზე ასტროლოგიური მოსაზრებებით“, — აცხადებს კლინიკის პერსონალი, რომელსაც სამედიცინო ლიცენზია აქვს.

გარდა მორიელებისა, კლინიკაში ასტროლოგიური დისკრიმინაციის ქვეშ მოყვნენ თხის რქები, ქალწულები და კუროები. თუმცა კლინიკა მაინც დაუშვებს გამონაკლისს ამ ნიშნებისთვის იმ შემთხვევაში, თუ ისინი დამატებით 20 ათას რუბლს გადაიხდიან „პერსონალისთვის კონიაკის, ხოლო კლიენტებისთვის ვალერიანის წვეთების შესაძენად“.

კლინიკა პირობას დებს, რომ მას შემდეგ, რაც „რეტროგრადული მერკური კიბოს ნიშნიდან გავა“, ცენტრის პერსონალი მორიელებს, თხის რქებს, ქალწულებსა და კუროებს კვლავ უპრობლემოდ მოემსახურება.

 

286
თემები:
რუსეთი დღეს
გაზაფხული თბილისში

ამინდის ზუსტი პროგნოზი თბილისში 6 ივლისს

0
მომდევნო კვირის დასაწყისში საქართელოს დედაქალაქში პლუს 34 გრადუსია ნავარაუდევი, ნალექი მოსალოდნელი არ არის

თბილისი, 4 ივლისი – Sputnik. საქართველოს დედაქალაქში ორშაბათს, 6 ივლისს მზიანი და ცხელი ამინდია მოსალოდნელი.

მზე 05:33 საათზე ამოვა და 20:37 საათზე ჩავა.

ჰაერის მინიმალური ტემპერატურა ღამით პლუს 22, დღისით მაქსიმალური კი პლუს 34 გრადუსია ნავარაუდევი.

ქარის სიჩქარე წამში 10–15 მეტრი იქნება.

0
თემები:
ამინდის ზუსტი პროგნოზი თბილისში