ვლადიმირ პუტინი

თავს მეფედ არ ვგრძნობ: რუსეთის ლიდერი გავრცელებულ მოსაზრებას არ ეთანხმება

63
(განახლებულია 15:31 19.03.2020)
პრეზიდენტის თქმით, მას „აზრადაც ვერ მოუვიდოდა“, რომ მისი ძალაუფლებაში დარჩენა ამდენ ხანს გაგრძელდებოდა.

თბილისი, 19 მარტი — Sputnik. მე თავი მეფედ არ მიმაჩნია, განაცხადა რუსეთის პრეზიდენტმა პროექტის „ოცი კითხვა ვლადიმირ პუტინს“ ფარგლებში გამართული ინტერვიუს დროს. 

კითხვაზე, რას ფიქრობს, როდესაც მას მეფეს უწოდებენ, რუსეთის  ლიდერმა უპასუხა, რომ ეს მოსაზრება რეალობას არ შეესაბამება.

„მეფე არის ის, ვინც ზის, ზემოდან იყურება და ამბობს, მე ვბრძანებ, სხვები გააკეთებენო. თვითონ კი ქუდს მოირგებს და სარკეში ჩაიხედავს“, — განაცხადა პრეზიდენტმა.

რუსეთის ლიდერმა დასძინა, რომ ის კი არ მბრძანებლობს, არამედ ყოველდღე მუშაობს.

გარდა ამისა, პრეზიდენტის თქმით, მას „აზრადაც ვერ მოუვიდოდა“, რომ მისი ძალაუფლებაში დარჩენა ამდენ ხანს გაგრძელდებოდა. ვლადიმერ პუტინს უკვე 20 წელია, რაც სახელმწიფოს ხელმძღვანელის პოსტი უჭირავს.

აღსანიშნავია, რომ სოციალური მარკეტინგის ინსტიტუტის („ინსომარი“) კვლევითი კომპანიის მიერ ჩატარებული გამოკითხვის თანახმად, რუსების 57% ამბობს, რომ ხმას ვლადიმერ პუტინს მისცემენ, თუ 2024 წელს ის კვლავ მიიღებს მონაწილეობას საპრეზიდენტო არჩევნებში, რასაც მანამდე საკონსტიტუციო სასამართლოს ნებართვა სჭირდება.

63
თემები:
რუსეთი დღეს (530)
მუშაობა ვაქცინის შექმნაზე

ნოვოსიბირსკელმა მეცნიერებმა კორონავირუსის გამანეიტრალებელი ანტისხეულები შექმნეს

56
(განახლებულია 20:44 15.07.2020)
ნოვოსიბირსკელი მეცნიერების მიერ მიღებულ ანტისხეულებს აქვთ უნარი, აღკვეთონ ცილა АСЕ2-ის ადამიანის უჯრედებში შეღწევა.

თბილისი, 15 ივლისი — Sputnik. მოლეკულური და უჯრედული ბიოლოგიის ინსტიტუტის ციმბირის განყოფილებაში მეცნიერებმა ქვეყანაში პირველებმა მიიღეს ანტისხეულები, რომლებიც კორონავირუს SARS-CoV-2-ს ანეიტრალებს, იუწყება РИА Новости რუსეთის მეცნიერებათა აკადემიის პერსპექტიული პროექტების საკითხების მრჩეველ ოლგა დოროხოვაზე დაყრდნობით.

„ამისათვის გამოყენებული იყო COVID-19-სგან განკურნებული პაციენტების სისხლის ნიმუშები და ერთეული B–ლიმფოციტების დახარისხების უნიკალური ტექნოლოგია“, — განუცხადა სააგენტოს დოროხოვამ.

მისი თქმით, მიღებულ ანტისხეულებს აქვთ უნარი, დაბლოკონ ვირუსისა და მემბრანული ცილა АСЕ2-ის ურთიერთქმედება და, შესაბამისად, აღკვეთოს მისი შეღწევა ადამიანის უჯრედებში. ამ მიმართულებით შემდგომი კვლევა დაეხმარება მეცნიერებს, შექმნან პრეპარატები სპეციფიკური თერაპიისა და კორონავირუსული დაავადების პროფილაქტიკისთვის.

„გარდა ამისა, მიღებული მასალები შესაძლებელს გახდის დამცავი იმუნიტეტის თავისებურებების კვლევას კორონავირუსული ინფექციისას და ამასთან მასზე მოთხოვნა იქნება ვაქცინის სრულყოფისთვის“, — განმარტა ოლგა დოროხოვამ.

აღსანიშნავია, რომ რუსეთის მეცნიერებათა აკადემიის იმუნოგენეტიკის ლაბორატორია, რომელსაც ბიოლოგიურ მეცნიერებათა დოქტორი ალექსანდრ ტარანინი ხელმძღვანელობს, დაავადებების მოლეკულური დიაგნოსტიკისა და თერაპიის საშუალებების შექმნითაა დაკავებული. ის ასევე აწარმოებს ადამიანის ცილების ფუნქციონალურ ანალიზს და იმუნური სისტემის მოლეკულური ევოლუციის რეკონსტრუქციას.

 

56
თემები:
რუსეთი დღეს (530)
ტერორისტის დაკავება

მზადდებოდა შეტევა სამედიცინო და სასწავლო დაწესებულებებზე: რუსეთში ტერორისტები დააკავეს

153
(განახლებულია 19:44 13.07.2020)
გასულ თვეში რუსეთის უშიშროების ფედერალური სამსახურის დირექტორმა განაცხადა, რომ ბოლო 10 წელიწადში ქვეყანაში 160 ტერაქტი აღიკვეთა.

თბილისი, 13 ივლისი — Sputnik. უშიშროების ფედერალურმა სამსახურმა როსტოვის ოლქში ტერორისტული დაჯგუფება „ისლამური სახელმწიფოს“ უჯრედი გამოავლინა, წერს საინფორმაციო სააგენტო РИА Новости უწყების პრეს-სამსახურზე დაყრდნობით. 

გავრცელებული ინფორმაციით, უჯრედის შემადგენლობაში „რუსეთისა და ერთ-ერთი შუააზიური ქვეყნის“ ექვსი მოქალაქე შედიოდა.

„ისინი ამზადებდნენ თავდასხმებს პოლიციის თანამშრომლებზე და ასევე გეგმავდნენ ტერორისტულ აქტებს სამედიცინო და სასწავლო დაწესებულებებში“, — ნათქვამია ინფორმაციაში.

ირკვევა, რომ ჯგუფის მეთაურმა დაკავებისას წინააღმდეგობა გაუწია სპეცსამსახურის წარმომადგენლებს. გარდა იმისა, რომ ცეცხლი გახსნა „კალაშნიკოვის“ სისტემის ავტომატიდან, მან ასევე ააფეთქა თვითნაკეთი მოწყობილობა, რის შედეგადაც თავად სასიკვდილოდ დაშავდა. ჯგუფის დანარჩენი ხუთი წევრი დაკავებულია. ძალოვნებსა და მშვიდობიან მოსახლეობას შორის არავინ დაშავებულა.

არსებული ცნობით, დაკავებულებს აღმოუჩინეს ავტომატები, საბრძოლო მასალები, კიდევ ერთი თვითნაკეთი ასაფეთქებელი მოწყობილობა და ნარკოტიკები.

ივნისში უშიშროების ფედერალური სამსახურის დირექტორმა ალექსანდრ ბორტნიკოვმა განაცხადა, რომ ბოლო 10 წელიწადში რუსეთში დაახლოებით 160 ტერაქტი აღიკვეთა, აქედან 43 — გასულ წელს.

 

153
თემები:
რუსეთი დღეს (530)
წარმოსახვა პანიკის შეტევისას

სიმაღლის, სიბნელის, დახურული სივრცის თუ... ზოდიაქოს ნიშნების ფობიები

0
(განახლებულია 13:11 15.07.2020)
როგორ მოქმედებენ ვარსკვლავები ჩვენს ფობიებზე? რისი ეშინიათ ყველაზე მეტად ზოდიაქოს ცალკეული ნიშნის წარმომადგენლებს? ამაზე სფეროს ექსპერტები მოგვითხრობენ

იმისთვის, რომ შიში დავძლიოთ, მასზე ყველაფერი უნდა ვიცოდეთ, მათ შორის, როგორ მოქმედებს ზოდიაქოს ნიშანი ჩვენს ფობიებზე.

„ცდუნებების" ჰოროსკოპი - რის წინაშე არიან უძლური ზოდიაქოს ნიშნები>>

ვერძი

ვერძი ბუნებით იდეალისტია, მზადაა, ნებისმიერი გზით მიაღწიოს საწადელს, ოცნების გზაზე ძალას არ იშურებს. ამიტომ ეშინია, რომ წარმატებას ვერ მიაღწევს. ნებისმიერი შეზღუდვა მასში განცდებს იწვევს. მაგალითად, ეშინია კლაუსტროფობიის (დახურული სივრცის შიში). ხანდახან კი ისოლოფობია აშინებს (მარტოობის შიში).

კურო

კუროსთვის სტაბილურობაა მნიშვნელოვანი. მთელი ძალებით ებღაუჭება სტაბილურ სამსახურს. ხვალინდელ დღეში რომ იყოს დარწმუნებული, მას უსაფრთხოების ფინანსური „ბალიში“ ესაჭიროება. ამიტომ ეშინია ცვლილებების. ასევე კურო ცდილობს, არ შეეხოს მისტიკას, რომელსაც მისი გეგმების მოულოდელად დანგრევა შეუძლია,

ტყუპი

კომუნიკაბელური და სიცოცხლის მოყვარული ტყუპი მუდამ პირველობისკენ ისწრაფვის. მისთვის წამების ტოლფასია მეორეხარისხოვანი როლის თამაში. ტყუპს ეშინია არასწორი გადაწყვეტილების მიღების, რის გამოც დიდხანს შეიძლება იორჭოფოს თავის ქმედებებში და ერთ ადგილზე იყოს გაჩერებული. ტყუპს უყურადღებოდ დარჩენის ეშინია.

კირჩხიბი

კირჩხიბებზე დამღუპველ ზემოქმედებას ახდენს ნებისმიერი კრიტიკა. ისინი დარწმუნებული არიან, რომ კრიტიკით მათი დათრგუნვა უნდათ. გულდახურულები არიან, რის გამოც პირად ცხოვრებაში ხშირად არ უმართლებთ. ეშინიათ, რომ საყვარელი ადამიანი მათ ვერ გაუგებს, ამიტომ ხშირად განმარტოვდებიან ხოლმე. ასევე ახასიათებს კლაუსტროფობია და აგორაფობია (დახურული და ღია სივრცის შიშები).

ლომი

ლომები ტემპერამენტიანი ხალხია. მათთვის მნიშვნელოვანია, რომ ყოველ წუთს გრძნობდნენ თავისუფლებასა და უპირატესობა–პირველობას გუნდში. ისინი ვერ იტანენ დაცინვას. მიუხედავად მათში ჩადებული ძალისა, ლომებს ტკივილის შეგრძნებებისა ეშინიათ, ამიტომ მათთვის ექიმთან ვიზიტი ღამის კოშმარს ემსგავსება. ასევე ხშირად აქვთ სიმაღლის შიში.

ქალწული

ქალწულები ყაირათიანი და ხელმომჭირნე არიან. ისინი დიდი ყურადღებით ეკიდებიან თავიანთ ნივთებს და არ უყვართ, როცა ვინმე სხვა ეხება მათ. სჯერათ, რომ თითოეულ ნივთს თავისი ენერგეტიკა აქვს. არავის აქვს უფლება, მათ ჩვეულ რეჟიმში ჩაერიოს, ეშინიათ უწესრიგობის. მათ ირგვლივ მხოლოდ „შერჩეული“ ადამიანები არიან, რადგან კრიტიკის ეშინიათ. ხანდახან მერყეობაც სჩვევიათ. ეშინიათ იმ ადამიანებთან კონტაქტის, რომლებმაც მათ, შესაძლოა, ყურადღება არ მიაქციონ. ვერ იტანენ მწერებს.

სასწორი

სასწორი ვერ მიაღწევს თავის მიზნებს, თუ გარშემომყოფებისგან ქებას არ მოისმენს. მათ მიმართ ნათქვამ ნებისმიერ უსიამოვნო სიტყვას მათში წინსვლის სურვილის გაქრობა შეუძლია. ყოველთვის იმისკენ ისწრაფვიან, რომ ირგვლივ მყოფებზე სასიამოვნო შთაბეჭდილება მოახდინონ, მათთვის მნიშვნელოვანია დადებითი იმიჯის შენარჩუნება. თუმცა ამის გამო პირად ცხოვრებაში ხშირად მარცხდებიან. სასწორს მარტოობისა და სიკვდილის ეშინია.

მორიელი

თუ გულით არ უნდათ, ამ ნიშნის წარმომადგენლებს ვერავინ აიძულებს რამის გაკეთებას. მათთვის ღამის საზარელი კოშმარია საკუთარ თავზე ძალადობა. ეშინიათ დროის უქმად დაკარგვის. ხანდახან უყვართ საკუთარი მნიშვნელობის წარმოჩენა, ჩვენება, თითქოს უკარება არიან; თუმცა შინაგანად საოცრად სიფაქიზით გამოირჩევიან. საგულდაგულოდ მალავენ საკუთარ ფიქრებს სხვებისგან, რომ ვერავინ შეძლოს მათ სულში ჩახედვა.

მშვილდოსანი

მშვილდოსნებს სისუსტედ მიაჩნიათ საკუთარი ემოციების გამომჟღავნება, ამიტომ ურჩევნიათ, რომ ტრიუმფი თუ ვარდნა მარტომ გადაიტანონ. თავს უკარება და უხეშ ადამიანად წარმოადგენენ, რომ მათი სისუსტე ვერავინ დაინახოს. ადრენალინი რომ განიცადონ. საფრთხის შუაგულში შეუძლიათ მოულოდნელად აღმოჩენა. მიაჩნიათ, რომ ყველაფერი ხელეწიფებათ. თუმცა ძალიან ეშინიათ, თუ რამე კონტროლიდან გამოდის, ეშინიათ არაამქვეყნიურ ძალებთან დაკავშირების, ასევე მცირე მწერების, რომლებიც სიცოცხლეს უქმნიან საფრთხეს.

თხის რქა

მიზანსწრაფული თხის რქებისა ბევრს შეიძლება შეშურდეს.რადგანაც თავიანთ სურვილს არიან ჩაბღაუჭებული, საკუთარ მომავალზე შიშობენ. ხანდახან ფსონზე ყველაფერს ჩამოდიან. არასდროს აღიარებენ საკუთარ სისუსტეებს, რომლებთან შერიგებაც ძალიან უჭირთ. ვერ იტანენ ხშირ ურთიერთობებს, რადგან მათთვის კომფორტულია მარტო ყოფნა. საშინლად ეშინიათ საკუთარი შინაგანი ჭეშმარიტი „მეს“ ხალხის წინაშე გამოაშკარავებისა, ამიტომ ქცევის სხვადასხვა მოდელს ირგებენ. მათთვის მნიშვნელოვანია, იცოდნენ, რომ გაუთვალისწინებელ სიტუაციაში ვინმე დააზღვევს. ბევრ თხის რქას აშინებს სიმაღლე და სიღრმე.

მერწყული

მერწყულები ყურადღებას აქცევენ თავიანთ ჯანმრთელობას. უცნობმა სიმპტომებმა და ტკივილმა ისინი, შესაძლოა, პანიკაში ჩააგდოს. ზოდიაქოს ეს ნიშანი განსაკუთრებულად ნიჭიერი წარმომადგენლებით ამაყობს, რომლებიც მთელი ცხოვრების განმავლობაში ცდილობენ, რომ თავიანთი შემოქმედება ადამიანებამდე მიიტანონ. ამის გამო მათ ეშინიათ, რომ ვერ გაუგონ და არ აღიარონ. მათთვის საშინელებაა რუტინული საქმიანობა. ეშინიათ სიბნელეში და დახურულ კარს მიღმა ძილის.

ზოგი ხუმრობით, ზოგიც... ზოდიაქოს ნიშნები სხვა რაკურსით>>

თევზები

თევზებისთვის ძალზე მნიშვნელოვანია ახლობლების მხარდაჭერა. უჭირთ საკუთარ თავთან მარტო დარჩენა. არ იღლებიან განუწყვეტელი ურთიერთობებით. მთელი ცხოვრება ეძებენ ადამიანს, რომელსაც დაეყრდნობიან. მაგრამ მიუხედავად კომუნიკაბელურობისა, საჯაროობის ეშინიათ. განიცდიან, რომ შეიძლება დასცინონ. ვერ იტანენ სიმაღლეს.

0