კონსტანტინ კოსაჩოვი

„განხილვას არ ექვემდებარება“: რუსეთმა SNV-III-ში ახალი რუსული შეიარაღების შეტანა გამორიცხა

47
(განახლებულია 18:30 10.03.2020)
რუსი სენატორის აზრით, SNV-III-ის გაგრძელება „შესაძლებელია და სასურველი და ამისათვის დრო სავსებით საკმარისია“, თუმცა, შეთანხმების მოდიფიკაციისთვის დრო აღარ რჩება.

თბილისი, 10 მარტი — Sputnik. რუსეთის ფედერაციის საბჭოს საერთაშორისო საქმეთა კომიტეტის თავმჯდომარემ კონსტანტინ კოსაჩოვმა გააკრიტიკა აშშ-ის სახელმწიფო დეპარტამენტის წინადადება – შეიტანოს სტრატეგიული შეიარაღების შემცირების შესახებ ხელშეკრულებაში (SNV-III) შემუშავების პროცესში მყოფი რუსული იარაღი, იუწყება საინფორმაციო სააგენტო РИА Новости. 

ორშაბათს ვაშინგტონში დაასახელეს ის შეიარაღება, რომელიც უნდა დაემატოს SNV-III-ის შეთანხმებას, რომელსაც ვადა 2021 წლის დასაწყისში გასდის. სხვებთან ერთად მოიხსენიეს ბირთვულ გამწევიანი წყალქვეშა აპარატი „პოსეიდონი“, ფრთოსანი რაკეტა ბირთვული შეიარაღებითა და საჰაერო ბაზირების ბალისტიკური რაკეტა.

„სახელმწიფო დეპარტამენტის განცხადებაში, რამდენადაც შემიძლია ვიმსჯელო, ჩამოთვლილია ახალი რუსული შეიარაღების ყველა შესაძლო სახეობა, მათ შორის, დამუშავების სტადიაში მყოფი, რომლებიც ჯერ არ შესულა შეიარაღებაში. ასეთი სახის შეზღუდვები კი, რომლებიც მიმდინარე, ჯერ დაუსრულებელ სამეცნიერო-კვლევით და საცდელ-საკონსტრუქტორო სამუშაოებს ეხება, იქნება ეს რუსული თუ ამერიკული, პრინციპულად გამორიცხულია და არ ექვემდებარება განხილვებს არც ახლა და არც მომავალში“, — განაცხადა კოსაჩოვმა.

სენატორმა ხაზგასმით აღნიშნა, რომ SNV-III-ის გაგრძელება „შესაძლებელია და სასურველი და ამისათვის დრო სავსებით საკმარისია“. თუმცა, მისი თქმით, შეთანხმების მოდიფიკაციისთვის დრო აღარ რჩება. 

ხელშეკრულება SNV-III

სტრატეგიული შემტევი შეიარაღების შემცირების შესახებ ხელშეკრულებას ხელი 2010 წელს მოეწერა და ის ძალაში 2011 წლის 5 თებერვალს შევიდა.

ეს დოკუმენტი ერთადერთი მოქმედი ხელშეკრულებაა რუსეთსა და აშშ-ს შორის შეიარაღების შეზღუდვის თაობაზე. შეთანხმებას ვადა 2021 წლის თებერვალში გასდის.

მანამდე დონალ ტრამპმა გამოთქვა სურვილი, რომ რუსეთს, აშშ-სა და ჩინეთს შორის ახალი სამმხრივი ბირთვული შეთანხმება შემუშავებულიყო, მაგრამ პეკინმა ეს იდეა უარყო. ხელშეკრულების თანახმად, თითოეული მხარე ვალდებულია შეამციროს საკუთარი ბირთვული არსენალი ისე, რომ შვიდი წლის შემდეგ და ამის შემდგომ პერიოდში შეიარაღების ჯამური რაოდენობა არ აჭარბებდეს 700 საკონტინენტთაშორისო ბალისტიკურ რაკეტას, წყალქვეშა ნავებზე განთავსებულ ბალისტიკურ რაკეტებსა და მძიმე ბომბდამშენებს, ასევე 1550 ქობინს და 800 განთავსებულ და განუთავსებელ გამშვებ მოწყობილობას.

2018 წლის 5 თებერვალს იყო ბოლო ვადა, როდესაც რუსეთსა და აშშ-ს SNV-III-თან დაკავშირებით საკონტროლო მაჩვენებლებისთვის უნდა მიეღწიათ.

 

47
თემები:
რუსეთი დღეს (489)
ალექსანდრ მიასნიკოვი

მოსაზრება: რატომაა COVID-19-ის სიკვდილიანობის მაჩვენებელი დაბალი პოსტსაბჭოთა ქვეყნებში

29
(განახლებულია 22:57 03.06.2020)
საინფორმაციო სააგენტო Sputnik-მა სპეციალური ვიდეოხიდი გამართა მოსკოვის №71 საავადმყოფოს ექიმთან, პოპულარულ ტელეწამყვანთან და COVID-19-ის მონიტორინგის საინფორმაციო ცენტრის წარმომადგენელ ალექსანდრ მიასნიკოვთან.

ექიმმა ვიდეოხიდისას Sputnik-ს მოუთხრო, რეალურად როგორ ვითარდება დაავადება და რატომ არ განმეორდა პოსტსაბჭოთა სივრცეში იტალიის, ესპანეთისა და აშშ-ის მსგავსად ტრაგიკული მოვლენები. 

შველის თუ არა ტუბერკულოზის ვაქცინა?

ბევრ მეცნიერსა და ექიმს აკვირვებს ის ფაქტი, რომ კორონავირუსით გამოწვეული სიკვდილიანობა ყოფილ საბჭოთა ქვეყნებში მნიშვნელოვნად დაბალია, ვიდრე საშუალოდ მთელ მსოფლიოში. სერვისი coronavirus-monitior.ru-ს მონაცემებით, ივნისისთვის ამ ქვეყნებში ლეტალური შემთხვევების რაოდენობა 0,4%-დან (უზბეკეთი) 4,23%-მდე (ლიეტუვა) მერყეობს. და ეს იმ დროს, როდესაც სიკვდილიანობის მაჩვენებელი იტალიასა და დიდ ბრიტანეთში 14%-ია, საფრანგეთში — 15%, ხოლო ბელგიაში — 16%. 

ალექსანდრ მიასნიკოვი ამ ვითარებას „საბჭოთა სასწაულს“ უწოდებს.

„პოლიტიკოსები და სერიოზული ექიმები ახლა ერკვევიან ამაში, აკვირდებიან ყოფილი საჭოთა კავშირის ქვეყნებს. ეს სწორედაც რომ საბჭოთა სასწაულია. მძიმედ დაავადებულთა და გარდაცვლილთა რაოდენობა ეპიდემიის ნამდვილ მდგომარეობას ასახავს. სსრკ-ის ყველა ქვეყანას ბევრად ნაკლები სიკვდილიანობა აქვს. უნდა დადგინდეს – რატომ. შესაძლოა ეს მართლაც ტუბერკულოზის საწინააღმდეგო ვაქცინა იყოს (რომელსაც მასიურად იყენებდნენ სსრკ-ში, - რედ.). სხვათა შორის, უკვე არსებობს კვლევა — ამერიკელებმა BCG-ს გაკეთება დაუწყეს მცირე ჯგუფებს. ჯანმოც ამბობს, რომ „შესაძლოა საქმე BCG-ზე იმუნურ პასუხში იყოს, თუმცა ჯერჯერობით რეკომენდაციას ვერ გავცემთო“, — განაცხადა მიასნიკოვმა.

ექიმის ვარაუდით, პოსტსაბჭოთა სივრცის მოსახლეობის იმუნიტეტის სიმტკიცე კორონავირუსის მიმართ შესაძლოა ასევე აიხსნას წარსულში ტუბერკულოზით ინფიცირების მაღალი მაჩვენებლითაც.

„ზოგი მეცნიერი ფრთხილად ვარაუდობს, რომ ლეტალური ტუბერკულოზის ფართო გავრცელება იმუნური სისტემის იმგვარ ცვლილებას იწვევს, რომ კორონავირუსი დიდ წინააღმდეგობას აწყდება. მაგრამ ჩვენ არ შეგვიძლია ზურგი ვაქციოთ ფაქტს: რატომ იღუპებიან რუსები, ბელორუსები, უკრაინელები თუ ყაზახები ათჯერ უფრო ნაკლებად, ვიდრე ამერიკელები, ფრანგები თუ იტალიელები? ამაში უნდა გავერკვეთ“, — აზუსტებს სპეციალისტი. 

რა საჭიროა კარანტინი?

არსებობს მცდარი მოსაზრება, თითქოს კარანტინს შეუძლია სამუდამოდ გაანადგუროს კორონავირუსი ან სხვა დაავადება.

„კარანტინი იმისთვისაა საჭირო, რომ ყველა ერთად არ დაავადდეს, თორემ ჯანდაცვის სისტემა მომენტალურად ჩამოიშლება. გადაიტენება საავადმყოფოები და სასწრაფო დახმარებები, ადამიანები მარტო COVID-19-სგან კი არა, ინფარქტებისგან, ინსულტებისგან და, ზოგადად, სამედიცინო დახმარების გაუწევლობისგან დაიღუპებიან. ამიტომ თითოეული სახელმწიფო თავად აგებს მოდელს, რომლითაც ჯანდაცვის სისტემა პრობლემას თავს გაართმევს. კარანტინი არ კურნავს, მას შეუძლია დაავადების მატება შეანელოს, რათა ხალხი ეტაპობრივად დაავადდეს და დახმარების მიღება მოასწროს. კარანტინი — ეს არის გათვლა და ქცევის მოდელი“, — განმარტა მიასნიკოვმა.

ვირუსის მკვლელი ულტრაიისფერი სხივები და ზღვა

არსებობს მოსაზრება, რომ სიცხეს შეუძლია მოკლას ვირუსი. ალექსანდრ მიასნიკოვი დარწმუნებული არ არის, რომ სითბო მართლაც მოახდენს გავლენას ვირუსის გავრცელებაზე, თუმცა, მისი თქმით, მზის რადიაცია საკმაოდ აქტიურად  კლავს ვირუსს.

ბელარუსის გამოცდილება 

ცნობილია, რომ ბელარუსი და შვედეთი გამონაკლისი ქვეყნებია, რომლებმაც კარანტინის დაწესებაზე უარი თქვეს. მაგრამ მიასნიკოვი ირწმუნება, რომ ამის გამო ბელორუსში არაფერი უჩვეულო არ ხდება.

„თითოეული ქვეყანა ამოდიოდა მათემატიკური გათვლებიდან. ითვლებოდა სცენარები — როგორც ხელსაყრელი, ისე არახელსაყრელი, ეკონომიკური დანაკარგები და სხვა ყველაფერი. ბელარუსში ჯანდაცვის სისტემა საბჭოეთის დროინდელია — ინფექციური საავადმყოფოებით, ექიმი–ინფექციონისტებით. ეს გათვლის შედეგებია, ლუკაშენკომ კი გადაწყვიტა, იცით რა, გავრისკავო. ბელარუსის გათვლამ გაამართლა. საბჭოთა სასწაულმა ყველგან იმუშავა“, — თქვა ექიმმა.

როგორ ვრცელდება კორონავირუსი რეალურად?

ალექსანდრ მიასნიკოვი უარყოფს თეორიას, რომ თითო დაავადებული სამ სხვას აინფიცირებს. ექიმის თქმით, ნებისმიერი ვირუსული ინფექცია აქტიური გავრცელებიდან 1,5–2 თვეში ქრება.

ამის მაგალითად მან „ისპანკის“ მაგალითი მოიყვანა, რომლისგანაც 1918 წელს პირველსავე თვეებში 30 მლნ ადამიანი დაიღუპა. 

„ახალი ვირუსი, გადადის რა ცხოველიდან ადამიანზე, აგრესიულია. ის უცნობია, ბოროტი, ხოცავს ადამიანებს, მაგრამ ყოველი გადამტანის შემდეგ დაავადება სუსტდება. თქვენ ისუნთქვათ ვირუსს, უკან კი მის „შვილთაშვილს“ ამოისუნთქავთ, რომელიც ბევრად სუსტია. ამის შემდეგ ის სხვა ადამიანზე გადადის და ისიც ასუსტებს მას. ეს იმას ჰგავს, ტალღამ რომ სანაპიროს შეუტიოს, ჯერ სასტუმრო, ხეები გადარეცხოს, მერე კი დასუსტდეს და გუბედ იქცეს. ასეა ინფექციაც. თავიდან იმატებს, მერე კი ქრება“, — ხსნის ექიმი.

მიასნიკოვი დარწმნებულია, რომ კორონავირუსის მეორე ტალღა ისეთი ძლიერი აღარ იქნება, როგორიც პირველი იყო.

რატომაა უაზრობა დაავადებულების თვლა?

ექიმმა მიასნიკოვმა განსაკუთრებული ყურადღება დაუთმო დაავადებულთა საერთო რაოდენობას, რომელიც საკმაოდ საშიშად გამოიყურება. მაგრამ სინამდვილეში მხოლოდ ინფიცირებულების რაოდენობაზე დაყრდნობით დასკვნების გაკეთება მთლად გამართლებული არ არის, ირწმუნება სპეციალისტი.

„ჩვენ ვახმოვანებთ ციფრებს, ვპედალირებთ მათით: ხუთი მილიონი! ეს უბრალოდ არიან ადამიანები, რომლებსაც დადებითი ტესტები აქვთ. რეალურად მათი რაოდენობა ათჯერ მეტია. მოდით მაშინ და ვითვალოთ ჩვეულებრივი პნევმონია, რომლისგანაც მსოფლიოში ყოველწლიურად 3 მილიონი ადამიანი იღუპება. ჩვენ რას ვითვლით იანვრიდან? რეალურად ავად ის ადამიანები არიან, რომლებიც ორი კვირის წინ დაინფიცირდნენ. დანარჩენები დიდი ხანია, რაც განიკურნენ და თავიანთ საქმეებს დაუბრუნდნენ. ორიენტირად სიკვილიანობის მაჩვენებელი უნდა ავიღოთ“, — აცხადებს ექიმი.

 

29
ამერიკის პოლიცია

თავდასხმა რუს ჟურნალისტებზე: Россия сегодня კომენტარს აკეთებს

42
(განახლებულია 17:18 03.06.2020)
ამერიკელმა პოლიციელებმა აშშ-ში მიმდინარე საპროტესტო აქციების გაშუქებისას რუსული მასმედიის წარმომადგენლებს ზიანი მიაყენეს.

თბილისი, 3 ივნისი — Sputnik. საერთაშორისო საინფორმაციო სააგენტო Россия сегодня-ს გენერალური დირექტორი დმიტრი კისელიოვი მოითხოვს, გამოიძიონ აშშ-ის ხელისუფლების მხრიდან პრესის წარმომადგენლების მიმართ განხორციელებული ყველა უკანონო ქმედება. 

გასულ კვირას ამერიკელმა პოლიციელებმა РИА Новости-ს კორესპონდენტს მიხაილ ტურგიევს პირდაპირ სახეში შეასხურეს წიწაკის გაზი, როდესაც ის მინეაპოლისში არეულობას აშუქებდა, ხოლო სამშაბათს ვაშინგტონში, თეთრ სახლთან რეზინის ტყვია ესროლეს Sputnik-ის პროდიუსერს ნიკოლ რუსელს. ამასთან, ორივე მათგანმა მკაფიოდ წარუდგინა თავი პოლიციას ჟურნალისტად და დამადასტურებელი პრეს-ბარათიც აჩვენა. 

„Sputnik-ის პროდიუსერმა ნიკოლ რუსელმა მოგვითხრო, რომ პოლიციელი დამიზნებით ესროდა მას უკვე მას შემდეგ, რაც მან პრეს-ბარათიც აჩვენა და ხმამაღლაც უთხრა, რომ პრესას წარმოადგენდა. ნიკოლი თეთრ სახლთან არეულობის გადაღების დროს წაიქცა და როცა წამოდგა, მაინც ესროლეს. პრინციპმა „მწოლიარეს არ სცემენ“ არ იმოქმედა ამერიკელ პოლიციელზე. რა თქმა უნდა, ის დაუსჯელი დარჩება და შემდეგ ჯერზეც ესვრის ჟურნალისტს. გაგვიმართლა, რომ  ნიკოლი ცოცხალია, რეზინის ტყვიას, თითქმის მიბჯენით სროლისას, შეუძლია მოკლას ადამიანი“, — განუცხადა კისელიოვმა РИА Новости-ს.

სააგენტოს გენერალურ დირექტორს მიაჩნია, რომ აშშ-ის პოლიცია ამგვარი დაუშვებელი მეთოდებით მიზანმიმართულად ცდილობს ჟურნალისტების დაშინებას.

„მოვუწოდებთ ყველა კოლეგას ჟურნალისტური სოლიდარობისკენ და ასევე თითოეული ასეთი შემთხვევის გამოძიებისკენ“, — ხაზი გაუსვა კისელიოვმა.

Россия сегодня-ს მთავარმა რედაქტორმა მარგარიტა სიმონიანმა, თავის მხრივ, განაცხადა, რომ შეიძლება იმ ამერიკელი პოლიციელების წინააღმდეგ სასამართლოში სარჩელის შეტანაზეც დაფიქრდნენ, რომლებიც სააგენტოს ჟურნალისტებს მინეაპოლისსა და ვაშინგტონში დაესხნენ თავს. 

„ბოლო სამ დღეში ამერიკული პოლიცია ორჯერ დაესხა თავს ჩვენი სააგენტოს РИА Новости-ს ჟურნალისტს მინეაპოლისში და Sputnik-ის პროდიუსერს ვაშინგტონში. ჟურნალისტებმა ორივე შემთხვევაში აჩვენეს მათ პრეს-ბარათები და ხმამაღლა უთხრეს, რომ პრესას წარმოადგენდნენ. ამის ვერდანახვა და ვერგაგონება შეუძლებელი იყო. ამ დღეებში იგივე შეემთხვათ ჩვენს ამერიკელ კოლეგებსაც. სამართლებრივ სახელმწიფოში ჩვენ, რაღა თქმა უნდა, სასამართლოში ვიჩივლებდით. მაგრამ თანამედროვე ამერიკაში არ არსებობს არანაირი საფუძველი მივიჩნიოთ, რომ ის პოლიციაზე უკეთ მოიქცევა“, — განაცხადა სიმონიანმა.

ორშაბათს ეუთოს წარმომადგენელმა პრესის თავისუფლების საკითხებში არლემ დეზირმა აშშ-ის ხელისუფლებას მოუწოდა, უზრუნველყოს ჟურნალისტების უსაფრთხო მუშაობა, რომლებიც საპროტესტო აქციებს აშუქებენ. მისი თქმით, თავისუფალი პრესის როლის შენარჩუნება ყველა დროში აუცილებელია და ჟურნალისტებს ინფორმაციის გადაცემისას არ უნდა ეშინოდეთ ძალადობის, დაკავებისა ან დაშინების.

ნგრევა, არეულობა და მასობრივი პროტესტი: რა ხდება აშშ-ში – ფოტო>>

საპროტესტო ტალღა, რომელსაც არეულობა, ვანდალური აქტები და პოლიციელებზე თავდასხმები მოჰყვა, აშშ-ის 140 ქალაქს მოედო. დემონსტრანტები ცეცხლს უკიდებენ და ამსხვრევენ სხვადასხვა დანიშნულების ობიექტებს, ძარცვავენ მაღაზიებს. არეულობის მიზეზად იქცა აფროამერიკელი ჯორჯ ფლოიდის სიკვდილი, რომელიც მინეაპოლისში დაკავებისას პოლიციას შემოაკვდა.

აშშ-ის პრეზიდენტმა დონალდ ტრამპმა მიმდინარე მოვლენები „საშინაო ტერორიზმად“ შეაფასა და მძიმედ შეიარაღებული არმიის გამოყვანით დაიმუქრა, თუ შტატების ან ქალაქების ხელისუფლებები უარს იტყვიან მოსახლეობის სიცოცხლისა და ქონების დასაცავად საჭირო ქმედებების განხორციელებაზე.   

მასმედიის ინფორმაციით, ამ დროისათვის აშშ-ში უკვე დაკავებულია 9.3 ათასი დემონსტრანტი, მათ შორის ლოს-ანჯელესში — 2 700 ადამიანი, ნიუ-იორკში — დაახლოებით 1500 კაცი.

 

42
თემები:
რუსეთი დღეს (489)
გიორგი გახარია

გიორგი გახარია: ბევრმა ადამიანმა სამსახური დაკარგა, ჩვენ არ გვაქვს ლოდინის დრო

0
(განახლებულია 12:46 04.06.2020)
საქართველოს პრემიერ-მინისტრმა, გიორგი გახარიამ მთავრობის სხდომაზე ისაუბრა პანდემიის დროს ქვეყანაში მიმდინარე ეკონომიკურ მდგომარეობასა და რისკებზე
გიორგი გახარია: ბევრმა ადამიანმა სამსახური დაკარგა, ჩვენ არ გვაქვს ლოდინის დრო
„ეპიდემიოლოგიურად დღეს ინფიცირების ერთი ახალი შემთხვევა გვაქვს, თუმცა ყველას უნდა გვახსოვდეს, რომ გეგმა, რომელსაც მივყვებით, მიუხედავად იმისა, რომ როგორც ჩანს, ეფექტურად გვაძლევს ვირუსის გავრცელების კონტროლის შესაძლებლობას, თითოეული ჩვენი ნაბიჯი შემდგომში, მომავალში, ყოველდღიურად, უნდა იყოს უაღრესად ფრთხილი და გონივრული…“– განაცხადა პრემიერმა.

გიორგი გახარიას განმარტებით, პენდემიის დროს უამრავი ადამიანი სამსახურის გარეშე დარჩა და ამიტომ ქვეყანას ლოდინის დრო აღარ აქვს.

0