გაზაფხული სოჭში

ყველაზე რომანტიკული სამხრეთული ქალაქების ლეგენდები და თქმულებები რუსეთში

75
(განახლებულია 16:06 15.02.2020)
რუსეთის სამხრეთი რომანტიკითაა გაჟღენთილი. სასიამოვნო დასვენების დაგეგმვა  მარტივად შეიძლება ქვეყნიდან გაუსვლელად.

პიატიგორსკში „ქარის მელოდია“ უკრავს. სოჭში წყვილებს „პოცელუევის“ (კოცნა) სკვერი უხმობს, იალტაში - „ეიფელის კოშკი“, საუკეთესო ადგილი სიყვარულის ასახსნელად. ესენინის მზაკვრულ დეპეშაზე, ტამანის კეთილშობილ მცხოვრებლებსა და სხვა საინტერესო ამბებზე „რია ნოვოსტი“ მოგითხრობთ.

იალტა: პარიზი სანაპიროზე და საბაგირო ორისთვის

იალტის რომანტიკა - მისი ბოტანიკური ბაღია, სადაც ყველა სეზონზე რაღაც ყვავის, აქვეა პლაჟი პარიზული ხიბლით, შესანიშნავი ადგილი სასეირნოდ, სადაც ქალაქის ყველა ქუჩიდან მოხვდებით.

და კიდევ - ლამაზი შეცდომა. 2011 წლიდან სანაპიროზე, ცნობილი გიგანტური მხცოვანი ჭადრის ძირში, დგას „სიყვარულის სკამი“. თუ ლეგენდას დავუჯერებთ, სერგეი ესენინმა სწორედ ამ ასწლოვანი ხის ჩრდილქვეშ დაუნიშნა პაემანი აისიდორა დუნკანს. მაგრამ აჯობებს, არ დავუჯეროთ, რადგან ისტორია ნაღვლიანია. 

View this post on Instagram

A post shared by Вилла Елена (@villaelenahotel.ru) on

 „ეს ტურისტებისთვის მოგონილი ამბავია. ესენინი და დუნკანი იალტას სხვადასხვა დროს სტუმრობდნენ, - ამბობს ქალაქის ტურისტული-საინფორმაციო ცენტრის დამფუძნებელი დიმიტრი პოგრებნიაკი. - ქალმა ხომ სწორედ აქ მიიღო დეპეშა მისგან (ესენინისგან), რომლითაც პოეტი ატყობინებდა, რომ სხვა უყვარდა, დაოჯახებული და ბედნიერი იყო“. 

ჭადრით კი ცნობილი მოცეკვავე აღფრთოვანებული იყო. გიგანტურ ხეს მისი სახელიც კი უწოდეს.

დიმიტრი შეყვარებულებს ურჩევს ფილმ „ასაში“ გადაღებული ლეგენდარული საბაგიროთი გასეირნებას, რომელიც ორ ადამიანზეა გათვლილი. „უჩვეულო შეგრძნებებია: პატარა გონდოლა და გრძელი გზა. ზემოდან უყურებ ქალაქს და გეჩვენება, რომ შეგიძლია შეეხო სახლებს, ხეებს“, - ასე აღწერენ ატრაქციონს ტურისტები. 

© photo: Sputnik / Sergey Malgavko
საბაგირო გზა

ყირიმის ქალაქში თავიანთი „ეიფელის კოშკიც“ აქვთ. ის, რასაკვირველია, ორიგინალზე 30-ჯერ პატარაა, მაგრამ ძალიან რომანტიკულ ადგილასაა აღმართული - პირსზე. მასანდროვის პლაჟის მოსართავად შექმნილი კონსტრუქცია დროებითი უნდა ყოფილიყო, მაგრამ მან ისე მოხიბლა ადგილობრივებიც და სტუმრებიც, განსაკუთრებით კი, შეყვარებული წყვილები, რომ აქ ბინა სამუდამოდ დაიდო.

სოჭი: ყველაფერი კოცნისთვის და ხელმისაწვდომი იახტები

„თითქოს ესპანეთში მოვხვდი! მზე ჩადის, თოლიები დაფრინავენ, - იხსენებს სოჭის საზღვაო ნავსადგურს მარია ტერეხოვა მოსკოვიდან. - და ბევრი რესტორანი ვერანდებით, საიდანაც შესანიშნავი ხედები იშლება!“

საღამოს გაგრძელება იახტაზე შეიძლება. გიდების თქმით, ეს სიამოვნება არც ისე ძვირია - ერთი ბილეთის ფასი 500 რუბლიდან იწყება. რასაკვირველია, ღია ზღვაში გასვლა ამინდზეა დამოკიდებული, მაგრამ გართობა ოცდაოთხსაათიანია. 

Вид на здание морского порта в Сочи
© photo: Sputnik / Игорь Онучин
სოჭის პორტი

სოჭში ხშირად ჩადიან მნიშვნელოვანი მოვლენის - ქორწილის ან თანაცხოვრების იუბილეს აღსანიშნავად. „ახალდაქორწინებულები და შეყვარებულები, როგორც წესი, ქალაქის ცენტრალურ სკვერებში სეირნობენ. აქვეა „პოცელუევის სკვერი“ მარადმწვანე ხეებით, სკამებითა და შადრევნით“, - ამბობს გიდი სვეტლანა ვასკოვა.

თუმცა სკვერს, სახელწოდების მიუხედავად, კოცნასთან არაფერი აკავშირებს, ასე საბჭოთა კავშირის გმირის, სოჭის ცენტრალური გასტრონომის დირექტორის, ივან პოცელუევის საპატივცემოდ დაერქვა. თუმცა ეს შეყვარებულ წყვილებს ხელს არ უშლის, მით უმეტეს, რომ მმაჩიც იქვეა. 

День святого Валентина в олимпийской столице
© photo: Sputnik / Алексей Майшев
ახლად დაქორწინებულები ცერემონიის შემდეგ

კიდევ ახალგაზრდებს ახუნის მთაზე ასვლა უყვართ. „გადმოცემით, ეს ადგილი ადამიანს ძალასა და ენერგიას მატებს. - ამბობს სვეტლანა.- ამბობენ, მის მწვერვალზე ჯიგიტებს მოტაცებული ლამაზმანები მიჰყავდათ“.

პიატიგორსკი: პოეტი, გმირი და „უსირცხვილო აბანოები“

„ჭექა-ქუხილის დროს ღრუბლები ჩემი სახლის სახურავზე ეშვებიან“, - წერს პიატიგორსკის სახლზე გრიგორი პეჩორინი, „ჩვენი დროის გმირის“ მთავარი პერსონაჟი.

ამ საკურორტო ქალაქის მრავალი რომანტიკული ადგილი მიხეილ ლერმონტოვს უკავშირდება. მაგალითად, ყველაზე ცნობილი მთა მაშუკი. მთის ძირში დგას სახლი, რომელშიც პოეტმა დუელის წინ ბოლო თვეები გაატარა. ის მთის ჩრდილო-დასავლეთ ფერდობზე მოკლეს. იქ არის ლერმონტოვის ქვაბულიც, საიდანაც მშვენიერი ხედი იშლება.

ტალავერი „ეოლის არფა“ პიატიგორსკში 

Беседка Эолова арфа в Пятигорске
© photo: Sputnik / Михаил Мокрушин
„ეოლის არფა“

უკვე 200 წელზე მეტია, პიატიგორსკის ერთ-ერთი სიმბოლოს სახელი დაიმკვიდრა მაშუკის მთის მიხაილოვოს განშტოებაზე მდებარე ტალავერმა, რომელსაც „ეოლის არფას“ უწოდებენ. სახელწოდება შემთხვევითი არ არის. ადრე როტონდაში მართლაც იყო სიმებიანი ეოლოფონები (ინსტრუმენტები, რომლებიც ქარის მეშვეობით ჟღერენ). ახლა ხმები სტიქიაზე არ არის დამოკიდებული - მუშაობს თანამედროვე აკუსტიკური სისტემა.

მაშუკის მთის „პროვალის“ მღვიმისკენ მიმავალ გზაზე, რომელიც ცნობილია უნიკალური კარსტული ტბით, შეხვდებით პიკანტურ ადგილს, სახელად „უსირცხვილო აბანოები“. ესაა ბუნებრივი წყალსატევები მინერალური წყლით, სადაც გასული საუკუნის დასაწყისში ზოგიერთი დამსვენებელი დედიშობილა ბანაობდა. 

© photo: Sputnik / Denis Abramov
მაშუკის მთის „პროვალი“

ლეგენდა მოგვითხრობს, რომ იქ, სადაც ახლა მზის (ან სიყვარულის) კარიბჭეა აღმართული, იალბუზსა და მის ვაჟ ბეშთაუს შორის ულამაზესი მაშუკის გულისთვის ბრძოლა გაიმართა, რომელიც ტრაგიკულად დასრულდა: ყველა დაიხოცა და მთად გადაიქცა, ქალის გაქვავებული ცრემლებისგან კი ეს კარიბჭე ააგეს. ახლა აქ ახალდაქორწინებულები ჩამოდიან - გადმოცემით, თუ სიძე სამჯერ გაიყვანს პატარძალს ღიობში, მათი სურვილები ასრულდება.

Ворота любви на горе Машук в городе Пятигорск
© photo: Sputnik / Антон Подгайко
„სიყვარულის კარიბჭე“

ტამანი: ანტიკურობა, კაზაკები და ნიშნობის ბეჭდები

ტამანის სტანიცაც მჭიდროდ უკავშირდება მიხეილ ლერმონტოვის სახელს, მიუხედავად იმისა, რომ პეჩორინმა მას „რუსეთის ყველა ზღვისპირა ქალაქს შორის უსაძაგლესი“ უწოდა. ადგილობრივებს არ სწყენიათ და პოეტს ძეგლიც დაუდგეს - აქვე, სანაპიროზე, მისი სახლ-მუზეუმია.

ტამანის რაიონში ორი ზღვა უერთდება ერთმანეთს - შავი და აზოვის. აქვე ჩაისახა შავი ზღვის კაზაკების ისტორია, რომელსაც ეძღვნება მუზეუმი ღია ცის ქვეშ „ატამანი“. 

რომანტიკული ისტორიები და ადგილები ტამანშიც მრავლადაა: მაგალითად, მჭედლის სახელოსნოსთან დგას სკულპტურა „ორი ბეჭედი“. „ოდესღაც ღარიბი მარტოხელა ოსტატი სტანიცაში დასახლდა, მუშაობა დაიწყო და თავდავიწყებით შეუყვარდა მდიდარი კაზაკის ქალიშვილი, - ყვება ლეგენდას „ატამანის“ მეთოდისტი ვერა კუპცოვა. - ეს უკანასკნელი, რასაკვირველია, ქორწინების წინააღმდეგი იყო, მაგრამ ოსტატს უბრძანა, გამოეჭედა ისეთი რამ, რაც მისი სიყვარულის სიმბოლო იქნებოდა. ოსტატმა ორი ბეჭედი გამოჭედა და ქორწილიც შედგა. 

Цветущая сакура на берегу озера Абрау в Краснодарском крае
© photo: Sputnik / Vitaliy Timkiv
საკურა აბრაუს ტბაზე

აბრაუ-დურსო: ტბა აულის ნაცვლად და ბევრი შამპანური

ტბა სევდიანი ლეგენდით სიყვარულზე, მთები და შამპანური - დასვენება ნოვოროსიისკის მახლობლად მდებარე უნიკალურ ადგილას ტურისტებს დაუვიწყარ შთაბეჭდილებებს ჰპირდება.

დიდი ხნის წინათ, ამბობს თქმულება, წყალსატევის ადგილას დიდი აული იყო გაშენებული. სოფელში ცხოვრობდა გოგონა აბრაუ, რომელსაც მწყემსი დურსო შეუყვარდა. ქალიშვილის მდიდარ მშობლებს ეს ამბავი გულზე არ ეხატებოდათ. სწორედ იმ დროს აულის მცხოვრებლებზე ღმერთი ყოფილა განრისხებული. მიწა გასკდა და სოფელი შიგ ჩაიტანა. მის ადგილას კი ტბა გაჩნდა. შეყვარებულები ამ დროს ტყეში სეირნობდნენ და სიკვდილს გადაურჩნენ. აულში დაბრუნებულმა აბრაუმ ეს ამბავი ძალიან განიცადა, ატირდა (ცრემლებისგან წყარო გაჩნდა) და გადაწყვიტა, ტბაში დაეხრჩო თავი, მაგრამ ვერ შეძლო და მწყემსთან გაიქცა.

ახლა ტბის პირას პაემნებისთვის შესანიშნავი ადგილებია. შეიძლება, მაგალითად, შუშხუნა ღვინის ქარხნების სარდაფებში ჩასვლა, ღვთიური სასმელის მომზადების ასწლოვანი საიდუმლოების გაგება და, რაც მთავარია, მისი დაგემოვნება.  

75
თემები:
რუსეთი დღეს (485)
სასწრაფო დახმარება რუსეთში

რუსეთში კორონავირუსით ინფიცირებულთა რაოდენობა 400 ათასს აჭარბებს

8
(განახლებულია 14:57 31.05.2020)
რუსეთში გასულ დღე-ღამეში კორონავირუსით ინფიცირებული 9248 ადამიანიდან 3784-ს არანაირი კლინიკური გამოვლინება არ აღენიშნება

თბილისი, 31 მაისი – Sputnik. რუსეთში კორონავირუსით ინფიცირების შემთხვევების რაოდენობამ 400 ათასს გადააჭარბა, გასულ დღე-ღამეში 9 268 ახალი შემთხვევა გამოვლინდა, იუწყება ახალ კორონავირუსულ ინფექციასთან ბრძოლის ოპერატიული შტაბი.

ამასთან, 3784 პაციენტს არანაირი კლინიკური გამოვლინება არ აღენიშნება.

დღეს კორონავირუსით ინფიცირების შემთხვევების რაოდენობამ 23 მაისიდან პირველად ცხრა ათასს გადააჭარბა. ეპიდემიის დაწყებიდან რუსეთის 85-ვე რეგიონში დაავადებულთა საერთო რიცხვი 405 843-მდე გაიზარდა. დაფიქსირდა 4 693 ლეტალური შემთხვევა, გამოჯანმრთელდა 171 ათასზე მეტი პაციენტი.

რუსეთის რეგიონების უმრავლესობაში საყოველთაო თვითიზოლაციის რეჟიმი მოქმედებს: მოსკოვში საშვთა სისტემა დაწესდა. ხელისუფლება მოუწოდებს მოსახლეობას სახლში დარჩენისკენ, ჰიგიენის წესებისა და ორმეტრიანი დისტანციის დაცვისკენ.

ამასთან, რუსეთში COVID-19-ით ლეტალობა საშუალოდ 7,4-ჯერ ნაკლებია, ვიდრე მთლიანობაში მსოფლიოში. ამის შესახებ ადრე რუსეთის ვიცეპრემიერმა ტატიანა გოლიკოვამ განაცხადა. მისი თქმით, ასეთი დაბალი მაჩვენებელი უკავშირდება ინფიცირებულთა სტრუქტურაში პნევმონიების ხვედრითი წილის შემცირებას - 25%-დან 20,6%-მდე, დაინფიცირებიდან ჰოსპიტალიზაციამდე პერიოდის თითქმის ცხრაჯერ შემცირებას და ასევე მატების ტემპების 2,6-ჯერ კლებას.

8
თემები:
COVID-19-ის პანდემია მსოფლიოში
ფავიპირავირის წარმოება COVID-19-ის სამკურნალოდ

რუსეთში კორონავირუსის საწინააღმდეგო პირველი პრეპარატი დაარეგისტრირეს

140
(განახლებულია 11:32 31.05.2020)
პრეპარატის სავაჭრო დასახელებაა „ავიფავირი“, ხოლო საერთაშორისო დაუპატენტებელი ანუ ჯგუფური თუ ქიმიური დასახელებაა „ფავიპირავირი“

თბილისი, 31 მაისი - Sputnik. რუსეთის ჯანდაცვის სამინისტრომ კორონავირუსის საწინააღმდეგო პირველი პრეპარატი დაარეგისტრირა. შესაბამისი ინფორმაცია წარმოდგენილია სამკურნალო საშუალებების სახელმწიფო რეესტრში, იუწყება РИА Новости.

„პრეპარატის სავაჭრო დასახელებაა „ავიფავირი“. საერთაშორისო დაუპატენტებელი ანუ ჯგუფური თუ ქიმიური დასახელებაა „ფავიპირავირი“, - ნათქვამია რეესტრში.

პირდაპირი ანტივირუსული მოქმედების პირველი რეგისტრირებული პრეპარატი, რომელმაც COVID-19-ის წინააღმდეგ კლინიკურ კვლევებში თავისი ეფექტურობა აჩვენა, „პირდაპირი ინვესტიციების რუსეთის ფონდის“ და კომპანიათა ჯგუფ „ქიმრარის“ მიერ შეიქმნა.

პირდაპირი ანტივირუსული მოქმედების პრეპარატმა „ავიფავირმა“ კლინიკური კვლევებისას თავისი ეფექტურობა აჩვენა და ის კორონავირუსის მექანიზმებს არღვევს. პრეპარატი საკმაოდ კარგად არის შესწავლილი, რადგან იაპონიაში გრიპის მძიმე ფორმების საწინააღმდეგოდ 2014 წლიდან გამოიყენება.

„ავიფავირის“ კლინიკური კვლევის შუალედური მონაცემები პრეპარატის COVID-19-ის მკურნალობისას მაღალ ეფექტურობას ადასტურებს. „პირდაპირი ინვესტიციების რუსეთის ფონდში“ აღნიშნეს, რომ ამჟამად „ავიფავირის“ კლინიკური კვლევის ფინალური ეტაპი მიმდინარეობს, რომელიც 330 პაციენტის მონაწილეობით ჯანდაცვის სამინისტროს მიერ 21 მაისს დამტკიცდა.

140
თემები:
COVID-19-ის პანდემია მსოფლიოში
ნათია თურნავა

თურნავა: საქართველოს სასტუმრო სექტორმა მოქნილობა გამოავლინა და ახალ ნორმებზე აეწყო

0
(განახლებულია 09:52 01.06.2020)
საქართველო ტურისტებს ელოდება იმ ქვეყნებიდან, სადაც ეპიდემიოლოგიური სიტუაცია ასე თუ ისე საქართველოს ვითარებას ჰგავს, განაცხადა მინისტრმა.

თბილისი, 1 ივნისი – Sputnik. საქართველოს  არ სჭირდება დამატებითი დრო ტურიზმის ინდუსტრიის ადაპტაციისთვის,  რადგან ეს საქმიანობა ჩვენს ისტორიულ ტრადიციებთან ძალიან ახლოსაა, ჩვენ ხშირად ვამბობთ, „სტუმარი ღვთისაა’’, განაცხადა ეკონომიკის მინისტრმა ნათია თურნავამ გაზეთ Washington Post–თან ინტერვიუში.

საქართველოს სასტუმრო სექტორმა მოქნილობა გამოავლინა და ახალ ნორმებზე აეწყო, ამიტომ საქართველო, შესაძლოა, ერთ-ერთი უსაფრთხო ქვეყანაა, რადგან იცავს პროტოკოლებს, აღნიშნა მინისტრმა.

გამოცემამ საქართველოს დიდი სტატია მიუძღვნა, რომელშიც ქვეყანას ტურიზმისთვის უსაფრთხოს უწოდებს კორონავირუსის პანდემიის ფონზე.

როგორც თურნავამ ინტერვიუში განაცხადა, საქართველო თავის საზღვრებს ტურიზმისთის 1 ივლისისთვის გახსნის, მაგრამ ეს ყველასთვის ხელმისაწვდომი არ იქნება. 

საქრთველო ტურისტებს ელოდება იმ ქვეყნებიდან, სადაც ეპიდემიოლოგიური სიტუაცია ასე თუ ისე საქართველოს ვითარებას ჰგავს, განაცხადა მინისტრმა.

„ზოგირთი ქვეყნიდან შემომავალ ტურისტს, შესაძლოა, დასჭირდეს კორონავირუსზე ტესტის უარყოფითი შედეგის წინასწარ წარმოდგენა. სამწუხაროდ, ყველა ქვეყანა თანაბარ მდგომარეობაში არ არის და ნებისმიერი ტურისტისთვის ჩვენი ბაზრის გახსნა გაანადგურებს ჩვენს უსაფრთხოებას, თუმცა, გვჯერა, რომ პანდემიასთან ბრძოლის შემდეგ სულ უფრო მეტი ქვეყანა შემოუერთდება ჩვენს უსაფრთხო დერეფანს’’, – განაცხადა თურნავამ.

სტატიის ავტორი აღნიშნავს რომ კორონავირუსული პერიოდის ახალ პირობებში საქართველო ახლებურად გაუწევს პოპულარიზებას ღონისძიებებს, როგორც, მაგალითად, ღვინის რეგიონში და ეროვნულ პარკებში სტუმრობაა.

საზღვრები არ გაიხსნება: რას ნიშნავს ტურისტული სეზონის გახსნა საქართველოში>>

გარდა ამისა, საქართველოში ზოგიერთი რეგიონი „მწვანე ზონად’’ არის გამოცხადებული, რაც მას ტურისტებისთვის ექსკლუზიურს ხდის.

0
თემები:
ტურიზმი საქართველოში