რუსეთის საგარეო საქმეთა სამინისტრო

პლუსები და მინუსები: რუსეთის საგარეო უწყებამ საქართველოში არსებული სიტუაცია შეაფასა

56
(განახლებულია 17:55 08.02.2020)
საქართველო მოხვდა იმ 45 ქვეყანას შორის, რომლებიც რუსეთის საგარეო საქმეთა სამინისტროს მოხსენებაში ცალკეულ ქვეყნებში ადამიანის უფლებების შესახებ

თბილისი, 8 თებერვალი – Sputnik. საქართველოს სასამართლო რეფორმებში დადებითი ცვლილებები და შრომის კანონმდებლობის გაუმჯობესება აღნიშნა რუსეთის საგარეო საქმეთა სამინისტრომ თავის მოხსენებაში „ცალკეულ ქვეყნებში ადამიანის უფლებების მდგომარეობის შესახებ".

„ჩვენ ვალდებული ვართ" – საქართველოს პრეზიდენტი მზადაა გაზაფხულზე რუსეთის დელეგაცია მიიღოს >>

დოკუმენტში, რომელშიც სხვადასხვა ქვეყნებში ადამიანის უფლებების დაცვასთან დაკავშირებით არსებული სიტუაცია დეტალურად არის აღწერილი, ცალკეული თავი საქართველოს ეთმობა.

„საქართველოში ადამიანის უფლებების წახალისებასა და დაცვის საკითხთან დაკავშირებით, უფლებადამცველი საზოგადოება აღნიშნავს გარკვეულ პოზიტიურ ცვლილებებს კანონმდებლობის სფეროში, მათ შორის გამოირჩევა ქალთა მიმართ ძალადობისა და ოჯახში ძალადობის პრევენციის ზომები, სასამართლო სისტემის რეფორმირება, შრომის უსაფრთხოების შესახებ კანონის მიღება", - ნათქვამია მოხსენებაში.

სასამართლო სისტემა

რუსეთის საგარეო საქმეთა სამინისტროში ასევე ყურადღება გაამახვილეს ადამიანის უფლებების დაცვის სფეროში არსებულ ხარვეზებზე, რის შესახებ საუბრობს სხვადასხვა საერთაშორისო ორგანიზაცია, მათ შორის, PACE და ეუთოს დემოკრატიული ინსტიტუტებისა და ადამიანის უფლებების ოფისი (ODIHR). ერთ-ერთი ასეთი პრობლემა სასამართლო სისტემას ეხება.

„გარკვეული გაუმჯობესების მიუხედავად, სისხლის სამართლის საქმეებზე ისევ გამამართლებელი განაჩენების მცირე რაოდენობა ფიქსირდება. ნაფიც მსაჯულთა სისტემა საბრალდებო დასკვნების არსებითი განხილვის საფუძველზე გასაჩივრების შესაძლებლობას არ იძლევა”, - ნათქვამია მოხსენებაში.

გასული წლის დეკემბერში მოსამართლეთა დანიშვნის საკითხიც კრიტიკის საგანი გახდა.

„ODIHR–მა ამ პროცესის ზოგიერთი კრიტერიუმების გაუმჭვირვალობა აღნიშნა. სხვა საკითხებთან ერთად აღინიშნა, რომ არ არსებობს მკაფიო კრიტერიუმები მოსამართლეთა კანდიდატების „მოკლე სიების”ფორმირებისა და პარამეტრები მათი რანჟირებისა და დანიშვნის დროს”, - ნათქვამია მოხსენებაში.

უმცირესობების საკითხები

რუსეთის საგარეო საქმეთა სამინისტრომ ასევე დაასახელა ის პრობლემები, რომლებიც საქართველოში ეროვნულ უმცირესობებს და მათთვის ინფორმაციის ხელმისაწვდომობას უკავშირდება.

„უფლებადამცველები აღნიშნავენ, რომ ეროვნული ან ეთნიკური უმცირესობებისთვის მედია პროგრამების ხელმისაწვდომობა შეზღუდულია. საინფორმაციო პროგრამა გადასცემს სიახლეებს ხუთ ენაზე (აფხაზური, აზერბაიჯანული, სომხური, ოსური და რუსული), მაგრამ ეს არის 11-12 წუთიანი ბლოკები, რაც მაუწყებლობის დაფარვის არასაკმარისი დონეა”, - ნათქვამია მოხსენებაში.

აღნიშნულია, რომ 2018 წელს სახელმწიფო ტელესამაუწყებლო პროგრამამ წამოიწყო პროექტი, რომელიც 7 ენაზე მაუწყებელი საინფორმაციო ინტერნეტ-პლატფორმის შექმნას გულისხმობს (ქართულ, აფხაზურ, აზერბაიჯანულ, სომხურ, ოსურ, რუსულ, ინგლისურ ენებზე).

„მაგრამ ეროვნულ უმცირესობათა ენებზე პროგრამები სახელმწიფო არხებზე არ არსებობს”, - ნათქვამია მოხსენებაში.

რუსული ფაქტორი

საქართველოში ჯერ კიდევ ისმის ანტირუსული რიტორიკა, აღნიშნეს რუსეთის საგარეო საქმეთა სამინისტროში.

„საქართველოში არსებული ნაციონალისტური ორგანიზაციები თავიანთი იდეების პროპაგანდას ძირითადად სოციალური ქსელების საშუალებით ეწევიან. არის შემთხვევები, როდესაც სახელმწიფო არხებზე საეთერო დრო ეთმობა ქართველ ნაციონალისტურ ორგანიზაციებს და პირდაპირ ეთერს იყენებენ რუსეთისა და მისი ხალხის შეურაცხყოფისთვის”, - ნათქვამია მოხსენებაში.

რთული ურთიერთობები

საქართველოსა და რუსეთს შორის დიპლომატიური ურთიერთობები საქართველომ 2008 წელს აგვისტოს ომის შემდეგ მოსკოვის მიერ აფხაზეთისა და ცხინვალის რეგიონის სუვერენიტეტის აღიარების საპასუხოდ გაწყვიტა.

ამჟამად ქვეყნებს შორის დიალოგი შენარჩუნებულია ჟენევის საერთაშორისო დისკუსიების ფორმატში და რუსეთის წარმომადგენლის გრიგორი კარასინისა და საქართველოს პრემიერ-მინისტრის წარმომადგენლის რუსეთთან ურთიერთობების მოგვარების საკითხებში ზურაბ აბაშიძის პრაღაში რეგულარული შეხვედრების ფარგლებში.

საქართველოსა და რუსეთს შორის ისედაც რთული ურთიერთობები გამწვავდა მას შემდეგ, რაც თბილისში დუმის დეპუტატი სერგეი გავრილოვი ჩამოვიდა. 20 ივნისს თბილისის ცენტრში ანტირუსული აქციები დაიწყო. ოპოზიციამ, მას შემდეგ, რაც რუსი დეპუტატი საქართველოს პარლამენტის თავმჯდომარის სავარძელში იხილა, ხმაური ატეხა და საპარლამენტთაშორისი ასამბლეის სესია ჩაშალა.

ამ მოვლენების ფონზე მოსკოვმა საქართველოსთან 8 ივლისიდან პირდაპირი ავიამიმოსვლა აკრძალა, რუსეთის ტურისტულ ოპერატორებს კი ურჩია, არ მიეყიდათ ტურისტებისთვის საქართველოს საგზურები. ბოლო დრომდე საქართველოში ტურისტების რაოდენობით რუსეთი ლიდერობდა.

56
თემები:
ქართულ–რუსული ურთიერთობები (163)
მარია ზახაროვა

ზახაროვამ კომენტარი გააკეთა სახელმწიფო დეპარტამენტის განცხადებაზე

34
(განახლებულია 21:13 05.06.2020)
აშშ-ის სახელმწიფო მდივნის თანაშემწემ ვიდეოკონფერენციისას განაცხადა, რომ რუსეთი დესტრუქციულ როლს ასრულებს ახლო აღმოსავლეთში და „იქიდან უნდა მიბრძანდეს“.

თბილისი, 5 ივნისი — Sputnik. რუსეთის საგარეო საქმეთა ოფიციალურმა წარმომადგენელმა მარია ზახაროვამ კომენტარი გააკეთა აშშ-ის სახელმწიფო მდივნის თანაშემწის დევიდ შენკერის გამონათქვამზე, რომლის თანახმადაც „რუსეთი უნდა მიბრძანდეს ახლო აღმოსავლეთიდან“. 

ზახაროვამ მოუწოდა შენკერს, გაიხსენოს ვაშინგტონის პოლიტიკის შედეგები რეგიონში.

„სასურველი იქნებოდა დაგვეზუსტებინა, ბოლო ორი ათწლეულის განმავლობაში ახლო აღმოსავლეთში რომელი ამერიკული პროექტი მიაჩნია შენკერს წარმატებულად? <...> არ გვახსენდება. მხოლოდ სიკვდილი და ნგრევა“, — თქვა დიპლომატმა და იქვე დაამატა, რომ შესაძლოა შენკერი სწორედ ასეთად ხედავდეს „წარმატებული პროექტის“ შედეგს.

რუსეთი 2015 წლიდან უწევს სამხედრო და სხვა სახის დახმარებას სირიას ტერორიზმთან ბრძოლასა და ქვეყნის აღდგენაში არაბული რესპუბლიკის ოფიციალური ხელისუფლების თხოვნით. შეერთებული შტატები კი ქვეყანაში ოფიციალური ხელისუფლების ნებართვის გარეშე იმყოფება.

 

34
თემები:
რუსეთი დღეს
მოსკოვი

კორონავირუსის გამოვლენილი შემთხვევების რიცხვმა რუსეთში 449 ათასს გადააჭარბა

20
(განახლებულია 16:43 05.06.2020)
ქვეყანაში სამედიცინო მეთვალყურეობის ქვეშ იმყოფება დაახლოებით 317 ათასი ადამიანი, განიკურნა 212 680 პაციენტი.

თბილისი, 5 ივნისი – Sputnik. რუსეთში ბოლო დღე-ღამეში კორონავირუსის 8 726 ახალი შემთხვევა გამოვლინდა, განაცხადეს კორონავირუსის ინფექციასთან ბრძოლის ოპერატიულ შტაბში.

„ბოლო დღე-ღამეში რუსეთში კორონავირუსული ინფექციით დაავადების 8 726 შემთხვევა გამოვლინდა 85 რეგიონში, აქედან 3 235 – აქტიური კონტაქტური პირია დაავადების კლინიკური გამოვლენის გარეშე“, – ნათქვამია განცხადებაში.

რაში მდგომარეობს კორონავირუსთან ბრძოლის ქართული საიდუმლო – რუსი ექსპერტის მოსაზრება>>

ამ დროისთვის ქვეყანაში სულ კორონავირუსის 449 843 შემთხვევაა დარეგისტრირებული, პანდემიის დაწყებიდან დაფიქსირდა 5 528 გარდაცვალება, გამოჯანმთელდა 212 680 ადამიანი, შემთხვევების უმეტესი რაოდენობა გამოვლინდა მოსკოვში – 191 069 ადამიანი.

ამასთან, ლეტალური შედეგი რუსეთში საშუალოდ რამდენჯერმე ნაკლებია, ვიდრე მთლიანად მსოფლიოში.

რუსეთი კორონავირუსით გამოვლენილი შემთხვევების რაოდენობით მსოფლიოში მესამე ადგილზეა აშშ-ისა და ბრაზილიის შემდეგ. რუსეთში სულ კორონავირუსულ ინფექციაზე უკვე 12 მილიონი ტესტი ჩატარდა.

გასულ კვირაში რუსეთის პრეზიდენტმა ვლადიმირ პუტინმა განაცხადა, რომ ქვეყანამ კორონავირუსის პიკი გაიარა. ბევრ რეგიონში ეპიდემიის გამო დაწესებული შეზღუდვების ეტაპობრივად მოხსნა დაიწყო.

ჯანდაცვის მსოფლიო ორგანიზაციამ კორონავირუსის პანდემიის აფეთქების შესახებ 11 მარტს გამოაცხადა. ბოლო მონაცემებით, მსოფლიოში უკვე გამოვლენლია კორონავირუსის 6,64 მილიონი შემთხვევა, გარდაცვლილთა საერთო რაოდენობაა 391,2 ათასი, გამოჯანმთელდა 2,87 მილიონი ადამიანი.

20
თემები:
რუსეთი დღეს
სავსე მთვარე

მთვარის კალენდარი: 6 ივნისი რისი გაკეთება შეიძლება და რისი არა

0
(განახლებულია 20:37 05.06.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 ივნისი, შაბათი. ამ დღეს სატურნი მართავს. კლებადი მთვარე მშვილდოსნის ნიშანშია.

სავსემთვარეობის შემდეგ, როდესაც ხდება სასიცოცხლო და ფსიქოლოგიური ენერგიის დაგროვება, იწყება ამ ენერგიის თანდათანობითი შემცირება.

მოსალოდნელია მდგომარეობის, იდეებისა და განწყობის ხშირ–ხშირი ცვლა. ეს ეხება როგორც საქმიან სფეროს, ისე პირად ურთიერთობებს. კარგი დღეა კვირის განმავლობაშ დაგროვებული ამოცანების გადასაჭრელად, გეგმების შესადგენად.

თმის შეჭრა, შეღებვა: მშვილდოსანი, მორიელის მსგავსად, არაერთმნიშვნელოვან გავლენას ახდენს თმის ვარცხნილობის შეცვლაზე. მაგალითად, თუ თმის შეჭრა გინდათ და ვარცხნილობის დიდხანს შენარჩუნება, მაშინ, სჯობს, ეს სხვა დროისთვის გადადოთ – თმა მალე გაიზრდება და ვერ დაიმორჩილებთ. თმის შეჭრისთვის კარგი დღეა, თუ თმის ზრდის პროცესის შენელება გსურთ. გაითვალისწინეთ – თუ მაინც გადაწყვეტთ თმის შეჭრას, უპირატესობა სწორ, დავარცხნილ სტილს მიანიჭეთ და არა ხვეულ თმას. ასევე, შეიძლება არ გაამართლოს მოლოდინებმა თმის შეღებვასთან დაკავშირებით – თმა მალე გაფერმკრთალდება.

მთვარის დაბნელება 5 ივნისს: მასშტაბური მოვლენა, რომლითაც დაბნელებების დერეფანი იხსნება>>

მებაღეობა: მშვილდოსანი მთვარის კალენდარში ნაკლებად ნაყოფიერი ნიშანია, მაგრამ ამ დღეს ბაღში სხვადასხვა სამუშაოების შესრულება შეიძლება, მათ შორის, სასუქის მიცემა, გასხვლა, მცოცავი მცენარეების დარგვა და სხვ. მებაღეობის შესახებ ივნისში დეტალურად იხილეთ აქ.

0