„ნორმანდიული ფორმატის“ შეხვედრა ბერლინში, 2016 წელი

„სერიოზული შეხვედრა“ ცნობილი გახდა ნორმანდიული ოთხეულის შეხვედრის თარიღი

89
(განახლებულია 19:29 18.11.2019)
აღსანიშნავია, რომ უკრაინის პრეზიდენტისთვის ეს „ნორმანდიულ ფორმატში“ მონაწილეობისა და რუსეთის პრეზიდენტ ვლადიმირ პუტინთან შეხვედრის პირველი შემთხვევა იქნება.

თბილისი, 18 ნოემბერი — Sputnik. „ნორმანდიული ოთხეულის“ – რუსეთის, უკრაინის, გერმანიისა და საფრანგეთის ლიდერების შეხვედრის თარიღი ცნობილია, განაცხადა რუსეთის პრეზიდენტის პრეს-მდივანმა დმიტრი პესკოვმა.

„ნორმანდიული ფორმატის“ ჩატარება 9 დეკემბერსაა დაგეგმილი. ეს ნამდვილად ასეა, სამზადისი უკვე დასკვნით სტადიაში შედის“, — განაცხადა პესკოვმა.

კრემლის წარმომადგენელი აცხადებს, რომ ეს ძალიან სერიოზული შეხვედრაა, რომელსაც დიდი ხნის განმავლობაში ელოდებოდნენ. თუმცა პესკოვმა თავი შეიკავა რაიმე პროგნოზის გამოთქმისგან. 

„მოდით, არ გავზარდოთ მოლოდინები, რათა მერე იმედები არ გაგვიცრუვდეს, და არც დავწიოთ — იმ იმედით, რომ [სამიტის] სამზადისი თავის ნაყოფს გამოიღებს“, — აღნიშნა დმიტრი პესკოვმა.

მანამდე გავრცელებული ინფორმაციით, უკრაინის პრეზიდენტმა ვლადიმირ ზელენსკიმ შეხვედრაში მონაწილეობის გადაწყვეტილება საფრანგეთის პრეზიდენტ ემანუელ მაკრონთან სატელეფონო საუბრის შემდეგ მიიღო.  

აღსანიშნავია, რომ უკრაინის პრეზიდენტისთვის ეს „ნორმანდიულ ფორმატში“ მონაწილეობისა და რუსეთის პრეზიდენტ ვლადიმირ პუტინთან შეხვედრის პირველი შემთხვევა იქნება. 

შეხვედრათა „ნორმანდიული ფორმატი“, რომელიც უკრაინის საკითხებზე მოლაპარაკებებს ითვალისწინებს, 2014 წლიდან არსებობს. სწორედ მაშინ, ნორმანდიაში მოკავშირეთა ჯარების გადასხმიდან 70 წლისთავის აღსანიშნავ ღონისძიებაზე იმსჯელეს პირველად უკრაინის, რუსეთის, საფრანგეთისა და გერმანიის ლიდერებმა დონბასში კონფლიქტის დარეგულირების თაობაზე.

89
თემები:
რუსეთი დღეს (554)

რუსულმა გამანადგურებლებმა Су-27 აშშ-ის სადაზვერვო თვითმფრინავები ჩაიჭირა

189
(განახლებულია 22:50 07.08.2020)
რუსულმა გამანადგურებლებმა Су-27 შავი ზღვის ნეიტრალური წყლების თავზე აშშ-ის სადაზვერვო თვითმფრინავები ჩაიჭირა

როგორც რუსეთის თავდაცვის სამინისტროში განაცხადეს, რუსულმა ჰაერსაწინააღმდეგო შეიარაღებამ სტრატეგიული სადაზვერვო თვითმფრინავი RC-135 და საავიაციო პატრული Р-8А „პოსეიდონი“ აღმოაჩინა. მსგავსი შემთხვევა ცოტა ხნის წინაც მოხდა. დაახლოებით ერთი კვირის წინ რუსმა მფრინავებმა შავი ზღვის აკვატორიაში ამერიკული სადაზვერვო თვითმფრინავები ჩაიჭირეს. დაწვრილებით - ჩვენს ვიდეოში იხლავთ.

189
ნავთობის ჩაღვრა მექსიკის ყურეში

შექმნილია ბიოპრეპარატი ნავთობროდუქტებისგან მიწისა და წყლის გასაწმენდად

77
(განახლებულია 19:59 07.08.2020)
ახალმა პრეპარატმა დაბალ ტემპერატურაზე 20 დღე–ღამეში 99,2%-ით გაწმინდა წყალსაცავი, რომელის საავიაციო საწვავით იყო დაბინძურებული

თბილისი, 7 აგვისტო — Sputnik. მეცნიერებმა შექმნეს პრეპარატი, რომელიც ნავთობპროდუქტების დაშლას ხდის შესაძლებელს დაბალ ტემპერატურაზეც კი, ნათქვამია რუსეთის მეცნიერებისა და უმაღლესი განათლების სამინისტროს საიტზე.

გავრცელებული ინფორმაციით, მეთოდს, რომელიც მიწისა და წყლის ნავთობპროდუქტებისგან გასაწმენდად გამოიყენება, სანქტ–პეტერბურგის სახელმწიფო უნივერსიტეტის ტექნოლოგებმა და ენერგეტიკოსებმა მიაგნეს.

სპეციალისტებმა ბიოპრეპარატის მატარებელი ფოროვანი გრანულების მიღების ტექნოლოგია შეიმუშავეს, რომელსაც აქვს კიდეც უნარი, გაწმინდოს ნავთობისგან დაბინძურებული ადგილები.

ამისათვის ფოროვან გრანულებში იმობილიზდება მიკროორგანიზმების უჯრედები, რომლებიც „ჭამენ“ ნავთობპროდუქტებს. ამ უკანასკნელის დაშლის შემდეგ კი მიკროორგანიზმები იღუპება.

აღინიშნება, რომ ახალი ბიოპრეპარატი ბაზარზე უკვე არსებულ სხვა პრეპარატებზე ბევრად ეფექტური და ეკონომიურია. ექსპერიმენტის დროს ახალმა პრეპარატმა დაბალ ტემპერატურაზე 20 დღე–ღამეში 99,2%-ით გაწმინდა წყალსაცავი, რომელის საავიაციო საწვავით იყო დაბინძურებული.

77
თემები:
მსოფლიო და მეცნიერება
ბილ გეიტსი

ბილ გეიტსი: ეკოლოგიური კატასტროფა კორონავირუსზე საშინელი იქნება

0
(განახლებულია 19:49 09.08.2020)
მილიარდერი მოუწოდებს ადამიანებს, ახლავე დაუპირისპირდნენ ახალ კრიზისს, რომელსაც სამყარო ახლო მომავალში შეეჯახება

თბილისი, 9 აგვისტო - Sputnik. Microsoft–ის დამფუძნებელი, მილიარდერი ბილ გეიტსი მიიჩნევს, რომ რამდენიმე ათწლეულში კაცობრიობა ეკოლოგიურ კრიზისს გადააწყდება, რომლის შედეგებიც კორონავირუსის პანდემიაზე უარესი იქნება. ამის შესახებ ამრიკელმა მეწარმემ თავის ბლოგში დაწერა.

მისი თქმით, კრიზისს კლიმატის გლობალური ცვლილებები გამოიწვევს.

 „როგორი საშინელიც არ უნდა იყოს COVID-19–ის პანდემია, კლიმატის ცვლილებები შეიძლება უარესი იყოს“, – აცხადებს ის.

მილიარდერის აზრით, კატასტროფა რომ თავიდან იქნეს აცილებული, ახლავეა საჭირო ატმოსფეროში სათბური აირების რაოდენობის შემცირება.

მან ეკოლოგიური კრიზისის შესაძლო შედეგები კორონავირუსის პანდემიას შეადარა. ახალი ვირუსისგან სიკვდილიანობა 100 ათას მოსახლეზე დაახლოებით 14 ადამიანი. მისი შეფასებით, უახლოეს 40 წელიწადში სიკვდილიანობა დედამიწაზე ტემპერატურის მომატების გამო ასეთივე იქნება, ხოლო 20100 წლისთვის – ხუთჯერ მეტი.

გეიტსი მოწოდებით გამოდის, რომ ახლავე დაიწყოს კლიმატის ცვლილებებთან დაპირისპირება. ის ამაში მეცნიერებისა და ინოვაციების ჩართვის წინადადებით გამოვიდა.

იქნება თუ არა ეფექტური კორონავირუსის ვაქცინა – ბილ გეიტსი რისკის შესახებ>>

ის დარწმუნებულია, რომ ბრძოლა ეკოლოგიური პრობლემების წინააღმდეგ განვითარებად ქვეყნებშიც უნდა მიმდინარეობდეს. გეიტსმა აღნიშნა, რომ კაცობრიობას დრო არა აქვს და უკვე დღესვეა მოქმედება საჭირო.

0
თემები:
გარემოს დაცვა და ეკოლოგია