უკრაინის სამხედრო–საზღვაო ძალების სამმა გემმა რუსეთის საზღვარი გადაკვეთა

რუსეთი უკრაინას დაკავებულ გემებს გადასცემს კატერები ქერჩიდან გავიდნენ

77
(განახლებულია 13:35 18.11.2019)
კატერები და ბუქსირი უკრაინულ მხარეს ზღვაში, ნეიტრალურ წყლებში, ოდესიდან დაახლოებით 60 მილში გადაეცემა

თბილისი, 17 ნოემბერი – Sputnik. რუსეთის საზღვრის დარღვევისთვის 2018 წლის 25 ნოემბერს დაკავებული უკრაინული კატერები Бердянск, Никополь და ბუქსირი Яны Капу ქერჩის სადგომს ტოვებენ რუსული გემების თანხმებით, იუწყება საინფორმაციო სააგენტო РИА Новости ნახევარკუნძულის ძალოვან უწყებებში წყაროზე დაყრდნობით.

უფრო ადრე უკრაინის პრეზიდენტ ვლადიმირ ზელენსკის თანაშემწე ანდრეი ერმაკმა განაცხადა, რომ რუსეთის მხრიდან უკრაინისთვის სამი გემის გადაცემის საკითხი დასკვნით სტადიაშია.

 „უკრაინული კატერები ქერჩის პორტიდან გაჰყავთ“, – აღნიშნა სააგენტოს წყარომ.

მისი ინფორმაციით, კატერები და ბუქსირი უკრაინულ მხარეს ნეიტრალურ წყლებში გადაეცემა. მასმედიის ინფორმაციით, გადაცემა ოდესიდან დაახლოებით 60 მილში მოხდება.

რუსეთის განცხადებით, უკრაინის სამხედრო–საზღვაო ძალების სამმა გემმა 2018 წლის 25 ნოემბერს დაარღვია რუსეთის საზღვრები, რუსეთის ტერიტორიული ზღვის დროებით დაკეტილ აკვატორიაში შევიდა და დაიძრა შავი ზღვიდან ქერჩის სრუტის მიმართულებით. ისინი საშიშ მანევრებს ატარებდნენ და არ დაემორჩილნენ რუსეთის ხელისუფლების მოთხოვნებს. გემები დააკავეს.

რუსეთის პრეზიდენტმა ვლადიმირ პუტინმა ინციდენტს პროვოკაცია უწოდა, რომელიც არჩევნების წინ პეტრო პოროშენკოს დაბალ რეიტინგს უკავშირდებოდა. საზღვრის დამრღვევი სამხედროები 7 სექტემბერს უკრაინას გადასცეს.


77
თემები:
რუსეთი დღეს (554)

რუსულმა გამანადგურებლებმა Су-27 აშშ-ის სადაზვერვო თვითმფრინავები ჩაიჭირა

183
(განახლებულია 22:50 07.08.2020)
რუსულმა გამანადგურებლებმა Су-27 შავი ზღვის ნეიტრალური წყლების თავზე აშშ-ის სადაზვერვო თვითმფრინავები ჩაიჭირა

როგორც რუსეთის თავდაცვის სამინისტროში განაცხადეს, რუსულმა ჰაერსაწინააღმდეგო შეიარაღებამ სტრატეგიული სადაზვერვო თვითმფრინავი RC-135 და საავიაციო პატრული Р-8А „პოსეიდონი“ აღმოაჩინა. მსგავსი შემთხვევა ცოტა ხნის წინაც მოხდა. დაახლოებით ერთი კვირის წინ რუსმა მფრინავებმა შავი ზღვის აკვატორიაში ამერიკული სადაზვერვო თვითმფრინავები ჩაიჭირეს. დაწვრილებით - ჩვენს ვიდეოში იხლავთ.

183
ნავთობის ჩაღვრა მექსიკის ყურეში

შექმნილია ბიოპრეპარატი ნავთობროდუქტებისგან მიწისა და წყლის გასაწმენდად

77
(განახლებულია 19:59 07.08.2020)
ახალმა პრეპარატმა დაბალ ტემპერატურაზე 20 დღე–ღამეში 99,2%-ით გაწმინდა წყალსაცავი, რომელის საავიაციო საწვავით იყო დაბინძურებული

თბილისი, 7 აგვისტო — Sputnik. მეცნიერებმა შექმნეს პრეპარატი, რომელიც ნავთობპროდუქტების დაშლას ხდის შესაძლებელს დაბალ ტემპერატურაზეც კი, ნათქვამია რუსეთის მეცნიერებისა და უმაღლესი განათლების სამინისტროს საიტზე.

გავრცელებული ინფორმაციით, მეთოდს, რომელიც მიწისა და წყლის ნავთობპროდუქტებისგან გასაწმენდად გამოიყენება, სანქტ–პეტერბურგის სახელმწიფო უნივერსიტეტის ტექნოლოგებმა და ენერგეტიკოსებმა მიაგნეს.

სპეციალისტებმა ბიოპრეპარატის მატარებელი ფოროვანი გრანულების მიღების ტექნოლოგია შეიმუშავეს, რომელსაც აქვს კიდეც უნარი, გაწმინდოს ნავთობისგან დაბინძურებული ადგილები.

ამისათვის ფოროვან გრანულებში იმობილიზდება მიკროორგანიზმების უჯრედები, რომლებიც „ჭამენ“ ნავთობპროდუქტებს. ამ უკანასკნელის დაშლის შემდეგ კი მიკროორგანიზმები იღუპება.

აღინიშნება, რომ ახალი ბიოპრეპარატი ბაზარზე უკვე არსებულ სხვა პრეპარატებზე ბევრად ეფექტური და ეკონომიურია. ექსპერიმენტის დროს ახალმა პრეპარატმა დაბალ ტემპერატურაზე 20 დღე–ღამეში 99,2%-ით გაწმინდა წყალსაცავი, რომელის საავიაციო საწვავით იყო დაბინძურებული.

77
თემები:
მსოფლიო და მეცნიერება
ჭავჭავაძეების სასახლე წინანდალში

წინანდალში კლასიკური მუსიკის ფესტივალი მაინც გაიმართება

0
(განახლებულია 19:26 09.08.2020)
პანდემიის გამო ორგანიზატორებმა ფესტივალი 2021 წლისთვის გადადეს. ახლა კი, ეპიდემიური ვითარებიდან გამომდინარე, ფესტივალი მაინც გაიმართება

თბილისი, 9 აგვისტო - Sputnik. კლასიკური მუსიკის ერთ–ერთი ყველაზე მასშტაბური ფესტივალი Tsinandali Festival 17–20 სექტემბერს გაიმართება, იუწყებიან ორგანიზატორები.

უფრო ადრე ორგანიზატორებმა კორონავირუსის პანდემიის გამო ფესტივალი 2021 წლისთვის გადადეს, თუმცა ახლა, ეპიდემიური ვითარების გათვალისწინებით, ღონისძიება გაიმართება.

ოთხი დღის განმავლობაში ფესტივალზე მსმენელის წინაშე წარდგებიან არგენტინელი პიანისტი მარტა არგერიხი, მაესტრო ნიკოლოზ რაჭველი, ქართული სიმფონიური ორკესტრი, მევიოლინე ლიზა ბათიაშვილი და სხვა მუსიკოსები.

წინანდლის ფესტივალი სახელმწიფო და კერძო სექტორის – ტურიზმის ეროვნული ადმინისტრაციისა და კომპანია Silk Road Group-ის ერთობლივი ინიციატივაა. მემორანდუმი მათი თანამშრომლობის შესახებ 2017 წლის იანვარში გაფორმდა.

Tsinandali Festival-ის დამფუძნებლები გახდნენ შვეიცარიის ვერბიეში (Verbier) ფესტივალის დამფუძნებელი მარტინ ენგსტრემი, მისი თანამოაზრე, ისრაელის ფილარმონიის ორკესტრის გენერალური დირექტორი ავი შოშანი და ქართველი ბიზნესმენი და ფილანტროპი გიორგი რამიშვილი.

ფესტივალის გენერალური დირექტორია ცნობილი რეჟისორი დავით საყვარელიძე, სამხატვრო ხელმძღვანელი – ჯანანდრეა ნოზედა.

ფესტივალის ჩასატარებლად წინანდალში 900 სტუმარზე გათვლილი მუსიკალური დარბაზი, 60-ნომრიანი სასტუმრო, ღია ამფითეატრი, ბიბლიოთეკა, საკონფერენციო დარბაზები და მულტიფუნქციური სივრცეები აშენდა. პროექტის ფარგლებში ასევე შეიქმნა საერთაშორისო მუსიკალური აკადემია, რომელთანაც ჩამოყალიბდა ახალგაზრდული ორკესტრი 60 მუსიკოსის შემადგენლობით.

0
თემები:
საქართველო და კულტურა