ნეტარი ვასილის სახელობის ტაძარი რუსეთში - Sputnik საქართველო
ეს უცნაური რუსეთი, ეს უცნაური რუსები
ახალი და საინტერესო ამბები რუსეთის, რუსული შოუბიზნესის, უცნაური მოვლენებისა და სახალისო შემთხვევების შესახებ, წაიკითხეთ „Sputnik საქართველოს“ ვებგვერდზე.

სახელმწიფოს შეურაცხყოფის ამკრძალავი კანონი: რუსეთის პრეზიდენტმა არსი განმარტა

© photo: Sputnik / Vladimir Astapkovich / გადასვლა მედიაბანკშისახელმწიფოს დღისადმი მიძღვნილი ფლეშმობი მოსკოვში
სახელმწიფოს დღისადმი მიძღვნილი ფლეშმობი მოსკოვში - Sputnik საქართველო
გამოწერა
რუსეთში ძალაში შედის კანონი იმ ინფორმაციის შეზღუდვის წესების შესახებ, რომლებშიც უხამსად არის მოხსენიებული საზოგადოება, სახელმწიფო, ქვეყნის ოფიციალური სიმბოლოები, კონსტიტუცია თუ ხელისუფლების ორგანოები.

თბილისი, 15 ნოემბერი — Sputnik. ახალი კანონის არსი, რომელიც სახელმწიფოსადმი აშკარა უპატივცემულობის გამომხატველ ინფორმაციასთან ბრძოლას ითვალისწინებს, მდგომარეობს არა კრიტიკის შეწყვეტაში, არამედ ის უნდა გახდეს ქმედითი ინსტრუმენტი ხელისუფლების მუშაობის გასაუმჯობესებლად, განაცხადა რუსეთის პრეზიდენტმა ვლადიმირ პუტინმა.

„ფაქტობრივად ყოველი ცივილიზებული სახელმწიფო იცავს თავს ეროვნული სიმბოლოების შეურაცხყოფისგან. ამაშია მთავარი აზრი და არა იმაში, რომ შეწყდეს ადამიანების მხრიდან ხელისუფლების ყოველგვარი კრიტიკა. ის უნდა არსებობდეს, ის უნდა შენარჩუნდეს, უნდა იყოს თავად ხელისუფლების ფუნქციონირების გაუმჯობესების ინსტრუმენტი“, — განაცხადა რუსეთის ლიდერმა BRICS-ის სამიტის დასრულების შემდეგ გამართულ პრესკონფერენციაზე.   
რუსეთის პრეზიდენტი ვლადიმირ პუტინი - Sputnik საქართველო
პუტინი: რუსულ ენას „იარაღს“ ნუ უწოდებთ

მან ასევე აღნიშნა, რომ კანონის გამოყენების პრაქტიკა „არ ატარებს რაიმე წარმოუდგენელ ხასიათს“.

„სხვა ქვეყნებში ეროვნული სიმბოლოების შეურაცხყოფისთვის სასჯელი ბევრად სერიოზულია, ვიდრე რუსეთში, სანქციებიც მეტად მკაცრია, ვიდრე რუსეთში“, — დაამატა პრეზიდენტმა.

კანონთა პაკეტს იმ ინფორმაციის შეზღუდვის წესების შესახებ, რომლებშიც უხამსად არის მოხსენიებული საზოგადოება, სახელმწიფო, ქვეყნის ოფიციალური სიმბოლოები, კონსტიტუცია თუ ხელისუფლების ორგანოები, მიმდინარე წლის 18 მარტს მოეწერა ხელი. მისი ძალით იკრძალება ღირსების შემლახველი ინფორმაციის გავრცელება. იმ შემთხვევაში, თუ ასეთი ტიპის ინფორმაცია გამოქვეყნდება, რესურსის მფლობელს 24 საათი მიეცემა მის ასაღებად, წინააღმდეგ შემთხვევაში რესურსი დაიბლოკება.

 

ყველა ახალი ამბავი
0