თბილისი, 4 ნოემბერი – Sputnik. მორალური ზარალის რეკორდული რაოდენობის კომპენსაციაზე სარჩელი რუსეთის ქალაქ ორენბურგის სასამართლოში შევიდა, რომლის თანახმადაც მოსარჩელე 100 ტრილიონ რუბლს მოითხოვდა, იუწყება რუსული მასმედია.
გავრცელებული ინფორმაციით, აღნიშნული თანხა ხუთწლიანი ფედერალური ბიუჯეტის ტოლია.
რუსეთის აღსრულების ფედერალურ სამსახურში სარჩელის დეტალებს არ აკონკრეტებენ. თუმცა ცნობილი ხდება, რომ სასამართლომ უსაფუძვლოდ მიიჩნია მოსარჩელის მოთხოვნა და უარი თქვა მის დაკმაყოფილებაზე.
ინფორმაცია სასამართლოს გადაწყვეტილების გასაჩივრების თაობაზე ჯერჯერობით არ ვრცელდება.
