ვლადიმირ პუტინი

პუტინმა ინტერნეტით ნარკოტიკების პროპაგანდისთვის სასჯელის დაწესება მოითხოვა

41
(განახლებულია 19:56 28.10.2019)
რუსეთის პრეზიდენტის დავალებათა ჩამონათვალში ნათქვამია, რომ აუცილებელია შეიზღუდოს წვდომა ინტერნეტით გავრცელებულ ინფორმაციაზე ნარკოტიკული ნივთიერებების დამზადების, შეძენისა და მოხმარების თაობაზე.

თბილისი, 28 ოქტომბერი — Sputnik. რუსეთის პრეზიდენტმა ვლადიმირ პუტინმა განკარგულება გასცა, მიიღონ დამატებითი ზომები ქვეყანაში ნარკოტიკების უკანონო ბრუნვის აღმოსაფხვრელად, იუწყება საინფორმაციო სააგენტო РИА Новости. 

პრეზიდენტის დავალებათა ჩამონათვალში ნათქვამია, რომ აუცილებელია შეიზღუდოს წვდომა ინტერნეტით გავრცელებულ ინფორმაციაზე ნარკოტიკული, ფსიქოტროპული და ახალი, პოტენციურად სახიფათო ფსიქოაქტიური ნივთიერებების დამზადების, შეძენისა და მოხმარების თაობაზე.

გარდა ამისა, პრეზიდენტმა მოითხოვა, შემუშავდეს სისხლის სამართლებრივი პასუხისმგებლობის შემოღების საკითხი ინტერნეტით აკრძალული ნივთიერებების პროპაგანდის გამო.

ამასთან, ვლადიმირ პუტინმა ქვეყნის შინაგან საქმეთა სამინისტროს დაავალა, გაზარდოს თანამშრომელთა შტატი ნარკოტიკების უკანონო ბრუნვასთან ბრძოლის მიზნით, მათ შორის, ინტერნეტით.

აღნიშნულ საკითხებთან დაკავშირებით მოხსენების წარდგენის ვადა, პრეზიდენტის განკარგულების თანახმად, 2020 წლის 10 იანვრამდეა.

 

41
თემები:
რუსეთი დღეს (681)
ვაქცინაცია რუსეთში

მოსკოვში კორონავირუსზე ვაქცინაცია დაიწყო

25
(განახლებულია 12:12 05.12.2020)
თავდაპირველად ვაქცინაცია ჩაუტარდებათ რისკ-ჯგუფებში შემავალ ადამიანებს - განათლების და ჯანდაცვის სფეროს თანამშრომლებს, საქალაქო სოციალური სამსახურების პერსონალს

თბილისი, 5 დეკემბერი – Sputnik. მოსკოვში პოლიკლინიკების ბაზაზე კორონავირუსის საწინააღმდეგო აცრის კაბინეტები გაიხსნა, იუწყება РИА Новости.

ჯერჯერობით სულ 70 ასეთი კაბინეტია, წლის ბოლომდე კიდევ 100 გაიხსნება. კაბინეტები დილის რვა საათიდან საღამოს რვა საათამდე მუშაობენ.

თავიდან აიცრებიან რისკ-ჯგუფში შემავალი ადამიანები - განათლების, ჯანდაცვის, საქალაქო სოციალური სამსახურების თანამშრომლები. როგორც მერის მოადგილე ანასტასია რაკოვამ განმარტა, ვაქცინაციის უფლება აქვთ არამარტო ექიმებსა და მასწავლებლებს, არამედ სასწავლო და სამკურნალო დაწესებულებების სხვა თანამშრომლებს - კლინინგის პერსონალს, უმცროს სამედიცინო პერსონალს, ადმინისტრაციას.

პროცედურა გასაკეთებლად საჭიროა წინასწარი ჩაწერა, რომელიც ვებგვერდ mos.ru-ზე ორი კვირით ადრე არის შესაძლებელი.

მოსკოველებს შეუძლიათ ვაქცინის გაკეთება იმ შემთხვევაში, თუ არიან 18-დან 60 წლამდე ასაკის, არ აქვთ რაიმე ქრონიკული დაავადება, არ მიუღიათ მონაწილეობა კორონავირუსის საწინააღმდეგო ვაქცინის კვლევებში, ბოლო 30 დღის განმავლობაში რაიმე სხვა აცრა არ გაუკეთებიათ და არ გადაუტანიათ მწვავე რესპირაციული ვირუსული ინფექცია. ასევე საჭიროა პოლიკლინიკაში რეგისტრაციის გავლა. ორსულებისა და მეძუძურ დედებისთვის ვაქცინის გაკეთება ეკრძალებათ.

აცრა ჩატარდება ვაქცინით „სპუტნიკV", რომელიც გამალეის ცენტრშია შექმნილი. ეს პრეპარატი ადამიანის ადენოვირუსული ვექტორების პლატფორმაზეა შექმნილი და მისი ძირითადი უპირატესობებია - უსაფრთხოება, ეფექტურობა და გრძელვადიანი გვერდითი შედეგების არარსებობა.

თანდათანობით აცრაზე ჩასაწერად მოქალაქეთა კატეგორიების ჩამონათვალი გაფართოვდება და საბოლოოდ ის დედაქალაქის ყველა მცხოვრებისთვის იქნება ხელმისაწვდომი. რუსეთში ამ დროისათვის „სპუტნიკV"-ს ორ მილიონზე მეტი დოზაა წარმოებული.

რუსეთის ვიცე-პრემიერ ტატიანა გოლიკოვას თქმით, მომდევნო კვირის ბოლოსთვის ვაქცინაცია რუსეთის ყველა რეგიონში დაიწყება.

25
თემები:
COVID-19-ის პანდემია მსოფლიოში

ყირიმის გამო: ნატოში რუსული არმიის აკრძალვზე ოცნებობენ

7
იენს სტოლტენბერგმა განაცხადა, რომ ნატო შავ ზღვაში საკუთარ სამხედრო გავლენებს აძლიერებს რუსეთის მხრიდან ანალოგიური ქმედებების საპასუხოდ

ჩრდილოატლანტიკური ალიანსის გენმდივანს არ დაუზუსტებია, რატომ არიან სამხედრო ბლოკის ძალები რუსეთის საზღვრებთან და რატომ არ აქვს რუსეთს უფლება საკუთარ ტერიტორიაზე თავდაცვის უზრუნველყოფის უფლება. ბოლო დროს რუსეთის საზღვრებთან ნატო-ს მხრიდან აგრესიული ქმედებების რაოდენობამ მნიშვნელოვნად იმატა, ამიტომ რუსეთი იძულებულია საკუთარი უსაფრთხოება უზრუნველყოს.

7
ევროს კუპიურები

პენსიონერმა ქალმა მეზობლებს ექვსი მილიონი ევრო დაუტოვა

0
ქალი 2016 წელს მეუღლის გარდაცვალების შემდეგ მოხუცებულთა სახლში ცხოვრობდა და 2019 წელს 81 წლის ასაკში გარდაიცვალა

თბილისი, 5 დეკემბერი – Sputnik. გერმანიის ჰესენის მხარის ვალდსოლმსის კომუნაში მცხოვრებმა რენატა ვედელმა, რომელიც გასულ წელს გარდაიცვალა, თავისი თემის მცხოვრებლებს 6,2 მილიონი ევრო უანდერძა. ამის შესახებ ადგილობრივი მუნიციპალიტეტის ვებგვერდზეა ნათქვამი, წერს РИА Новости.

მემკვიდრეობა მოიცავს საბანკო ანგარიშს, აქციებს, ძვირფასეულობას, სახლს და ქონებას.

კომუნის ბურგომისტრმა ბერნდ ჰაინემ გამოცემა Hessenschau-თან გამოტყდა, რომ თავიდან არ დაიჯერა, რომ შემოწირულობა ამხელა თანხას წარმოადგენდა. „თავიდან მეგონა, რომ სადღაც მძიმე დაიკარგა“, - განაცხადა მან.

ჰაინემ აღნიშნა, რომ თანხა დაიხარჯება საზოგადოებრივ ობიექტებზე, ინფრასტრუქტურაზე, მათ შორის ველობილიკებზე, აუზზე, საბავშვო ბაღებზე და ა.შ.

რენატა ვედელი თავის მეუღლე ალფრედთან ერთად ვალდსოლმსში 1975 წელს გადავიდა. მეუღლის გარდაცვალების შემდეგ 2016 წლიდან ფრანკფურტის მოხუცებულთა სახლში ცხოვრობდა და 81 წლის ასაკში 2019 წლის დეკემბერში გარდაიცვალა.

0