ტარიელ ონიანი

რუსეთმა „კანონიერი ქურდი" ტარიელ ონიანი ესპანეთს გადასცა

200
(განახლებულია 20:14 23.10.2019)
ესპანეთი ე.წ. კანონიერ ქურდ ტარიელ მულუხოვს (ონიანი) 2006 წლიდან ეძებდა „დანაშაულებრივი ფულის" ლეგალიზაციის შესახებ საქმის ფარგლებში

თბილისი, 23 ოქტომბერი — Sputnik. ცნობილი „კანონიერი ქურდი" ტარიელ მულუხოვი (ონიანი), მეტსახელად „ტარო" რუსეთმა ესპანეთს გადასცა, იუწყება საინფორმაციო სააგენტო РИА Новости რუსეთის შსს-ზე დაყრდნობით.

რუსეთი „კანონიერ ქურდ" ტარიელ ონიანს ესპანეთს გადასცემს >>

ონიანი, რომელიც ბიზნესმენის გატაცებისთვის სასჯელს რუსეთში იხდიდა, 9 აპრილს გაათავისუფლეს, მაგრამ ძებნისა და დაკავების შესახებ საერთაშორისო უწყების საფუძველზე იმავე დღეს დააკავეს, როგორც მოქალაქეობის არმქონე პირი.

რუსეთის შსს-ს წარმომადგენელმა დააზუსტა, რომ ონიანი „შერემეტევოს“ საერთაშორისო აეროპორტში ესპანეთის სამართალდამცველი ორგანოების წარმომადგენლებს გადასცეს.

ტარიელ ონიანი, რომელიც მოსკოვის ციხეში ადამიანის გატაცებისთვის იხდიდა სასჯელს, უარყოფს, რომ ასლან უსოიანზე (ცნობილი როგორც დედ ჰასანი) თავდასხმის უკან იდგა.

მანამდე ექსტრადიციას აფერხებდა ონიანის რუსეთის მოქალაქეობა. თუმცა მოგვიანებით გაირკვა, რომ ის მიღებულია უკანონოდ და ავტორიტეტს პასპორტი ჩამოართვეს. რუსეთში 2018 წლის აგვისტოში მიიღეს გადაწყვეტილება იმის შესახებ, რომ ონიანის ქვეყანაში ყოფნა არასასურველია.

ესპანეთმა ონიანზე საერთაშორისო ძებნა 2006 წელს გამოაცხადა. მას ბრალად ედებოდა დანაშაულებრივი გზით მიღებული ფულადი სახსრების ლეგალიზაცია. 2005 წელს ოპერაცია Avispa-ს ფარგლებში დანაშაულებრივი სამყაროს წევრების უმრავლესობა დააკავეს, რომელთა შორის იყვნენ ესპანეთის, რუსეთის, საქართველოს და უკრაინის მოქალაქეები. ოპერაციის შედეგად ესპანეთის ტერიტორიაზე 28 ადამიანი დააკავეს, 800-ზე მეტი საბანკო ანგარიში დაიბლოკა. მაშინ ონიანმა ესპანეთის მართლმსაჯულებას თავი დააღწია.

2006 წლის მაისში ონიანი დანაშაულებრივი გზით ფულადი სახსრების ლეგალიზაციის საქმეზე ინტერპოლის ხაზით ძებნილი გახდა.

2009 წელს ონიანი რუსეთში ადამიანის გატაცებასა და გამოძალვისთვის დააკავეს. მას მკაცრი რეჟიმის კოლონიაში 10 წლით პატიმრობა შეეფარდა.

 „ტარო“ სასჯელს ორენბურგის ოლქის ერთ-ერთ კოლონიაში იხდიდა. მისმა ხელმძღვანელობამ ონიანი დაახასიათა როგორც რეჟიმის დამრღვევი, რომელმაც 253 გაფრთხილება მიიღო.

ტარიელ ონიანი რუსეთმა ესპანეთს დროებით, საგამოძიებო მოქმედებების ჩასატარებლად გადასცა, ოთხშაბათს მას რუსეთში დააბრუნებენ, აცხადებენ რუსეთის გენერალურ პროკურატურაში.

200
თემები:
რუსეთი დღეს (490)
აქციის ჩახშობა მინეაპოლისში

რუსეთის საგარეო უწყებაში აშშ-ში მიმდინარე პროტესტთან დაკავშირებით კომენტარი გააკეთეს

9
აშშ-ში პროტესტები უკვე მეორე კვირაა მიმდინარეობს და ზოგიერთ ქალაქში არეულობაში და მაროდიორობაში გადაიზარდა

თბილისი, 5 ივნისი - Sputnik. მოსკოვი აკვირდება მოვლენების განვითარებას აშშ-ში, სადაც პოლიციელის მიერ აფროამერიკელი ჯორჯ ფლიოდის მკვლელობის გამო არ ცხრება მასობრივი პროტესტი, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

„უკვე მეორე კვირაა მთელს ქვეყანაში მიმდინარეობს მასობრივი გამოსვლები, როგორც გაცხადებულია, პოლიციური ძალადობისა და რასობრივი დისკრიმინაციის წინააღმდეგ. გუშინდელი დღის განმავლობაში დემონსტრაციების ტალღამ გადაუარა 27 შტატს, 200 დასახლებულ პუნქტში კომენდანტის საათი დაწესდა. პოლიციის გარდა, ჩართულია აშშ-ის ეროვნული გვარდიის 20 ათასი სამხედრო მოსამსახურე“, - განაცხადა ზახაროვამ ხუთშაბათს გამართულ ბრიფინგზე.

მისი თქმით, მოსკოვმა საპროტესტო გამოსვლების დროს ამერიკული სამართალდამცავი ორგანოების ქმედებებს ყურადღება მიაქცია.

„აშშ-ის ქალაქებში გადაღებულ მრავალრიცხოვან კადრებზე ყველამ დაინახა, როგორ გამოიყენება მშვიდობიანი დემონსტრანტების წინააღმდეგ ცრემლსადენი გაზი, სხვა სპეცსაშუალებები, ფაქტობრივად უწყვეტად მიმდინარეობს დაპატიმრებები, დაკავებები, მონაწილეების დასაშინებლად გამოიყენებოდა ვერტმფრენები, გამოსვლების და მიტინგების დროს დაშავდნენ სხვადასხვა მედიის წარმომადგენლები, მათ შორის რუსეთის“, - განაცხადა ზახაროვამ.

მან აღნიშნა, რომ მაროდიორობის და სხვა კანონსაწინააღმდეგო ქმედებების აღსაკვეთად განხორციელებული ღონისძიებების დროს ხელისუფლება ამერიკელების მშვიდობიანი პროტესტის უფლებას არ უნდა არღვევდეს.

რა ხდება აშშ-ში

მინეაპოლისსა და აშშ-ის სხვა ქალაქებში არეულობა მას შემდეგ დაიწყო, რაც 25 მაისს პოლიციის თანამშრომლებს აფროამერიკელი ჯორჯ ფლოიდი შემოაკვდათ. ინტერნეტით გავრცელებულ ვიდეოში ჩანს, რომ ხელბორკილიანი მამაკაცი ასფალტზე წევს, ხოლო პოლიციელი კისერზე მუხლით ებჯინება. დაკავებული რამდენჯერმე იმეორებს, რომ სუნთქვა და მოძრაობა უჭირს, შემდეგ კი ლაპარაკს წყვეტს. მოგვიანებით ის რეანიმაციაში გარდაიცვალა. მისმა გარდაცვალებამ საზოგადოებაში აღშფოთების ტალღა გამოიწვია.

მინეაპოლისში დაწყებული პროტესტი სხვა შტატებსაც მოედო. ანტიპოლიციური პროტესტმა მოიცვა ასობით ქალაქი, ნიუ-იორკის და ვაშინგტონის ჩათვლით, სადაც მომიტინგეები თეთრ სახლთან იკრიბებიან. ათობით ქალაქში კომენდანტის საათი გამოცხადდა.

მშვიდობიანი მსვლელობები იმართება ასევე ავსტრალიაში, ბრიტანეთში და სხვა ქვეყნებში.

დემონსტრაციების დაწყების შემდეგ სამსახურიდან ოთხი პოლიციელი გაათავისუფლეს, ერთ მათგანს - დერეკ ჩავენს - გაუფრთხილებლობით მკვლელობის ბრალდება წაუყენეს. გამოძიებაში ჩაერთო გამოძიების ფედერალური ბიურო, რომელმაც საქმე პრიორიტეტულად გამოაცხადა. ამჟამად პოლიციის ყოფილი ოფიცერი ჩავენი მინესოტას მკაცრი რეჟიმის ციხეში იმყოფება.

აქტივისტები დანარჩენი სამი პოლიციელის დასჯასაც ითხოვენ, რომლებიც არ ჩაერივნენ მიმდინარე მოვლენებში და ჩავენს ფლოიდის მოკვლის საშუალება მისცეს. მინესოტას გენერალურმა პროკურორმა კიტ ელისონმა განაცხადა, რომ სხვა ბრალდებები შეიძლება „ძალიან მალე“ გამოჩნდეს, თუმცა თარიღი არ დაუზუსტებია.

9
თემები:
მსოფლიო დღეს
ალექსანდრ მიასნიკოვი

მოსაზრება: რატომაა COVID-19-ის სიკვდილიანობის მაჩვენებელი დაბალი პოსტსაბჭოთა ქვეყნებში

36
(განახლებულია 22:57 03.06.2020)
საინფორმაციო სააგენტო Sputnik-მა სპეციალური ვიდეოხიდი გამართა მოსკოვის №71 საავადმყოფოს ექიმთან, პოპულარულ ტელეწამყვანთან და COVID-19-ის მონიტორინგის საინფორმაციო ცენტრის წარმომადგენელ ალექსანდრ მიასნიკოვთან.

ექიმმა ვიდეოხიდისას Sputnik-ს მოუთხრო, რეალურად როგორ ვითარდება დაავადება და რატომ არ განმეორდა პოსტსაბჭოთა სივრცეში იტალიის, ესპანეთისა და აშშ-ის მსგავსად ტრაგიკული მოვლენები. 

შველის თუ არა ტუბერკულოზის ვაქცინა?

ბევრ მეცნიერსა და ექიმს აკვირვებს ის ფაქტი, რომ კორონავირუსით გამოწვეული სიკვდილიანობა ყოფილ საბჭოთა ქვეყნებში მნიშვნელოვნად დაბალია, ვიდრე საშუალოდ მთელ მსოფლიოში. სერვისი coronavirus-monitior.ru-ს მონაცემებით, ივნისისთვის ამ ქვეყნებში ლეტალური შემთხვევების რაოდენობა 0,4%-დან (უზბეკეთი) 4,23%-მდე (ლიეტუვა) მერყეობს. და ეს იმ დროს, როდესაც სიკვდილიანობის მაჩვენებელი იტალიასა და დიდ ბრიტანეთში 14%-ია, საფრანგეთში — 15%, ხოლო ბელგიაში — 16%. 

ალექსანდრ მიასნიკოვი ამ ვითარებას „საბჭოთა სასწაულს“ უწოდებს.

„პოლიტიკოსები და სერიოზული ექიმები ახლა ერკვევიან ამაში, აკვირდებიან ყოფილი საჭოთა კავშირის ქვეყნებს. ეს სწორედაც რომ საბჭოთა სასწაულია. მძიმედ დაავადებულთა და გარდაცვლილთა რაოდენობა ეპიდემიის ნამდვილ მდგომარეობას ასახავს. სსრკ-ის ყველა ქვეყანას ბევრად ნაკლები სიკვდილიანობა აქვს. უნდა დადგინდეს – რატომ. შესაძლოა ეს მართლაც ტუბერკულოზის საწინააღმდეგო ვაქცინა იყოს (რომელსაც მასიურად იყენებდნენ სსრკ-ში, - რედ.). სხვათა შორის, უკვე არსებობს კვლევა — ამერიკელებმა BCG-ს გაკეთება დაუწყეს მცირე ჯგუფებს. ჯანმოც ამბობს, რომ „შესაძლოა საქმე BCG-ზე იმუნურ პასუხში იყოს, თუმცა ჯერჯერობით რეკომენდაციას ვერ გავცემთო“, — განაცხადა მიასნიკოვმა.

ექიმის ვარაუდით, პოსტსაბჭოთა სივრცის მოსახლეობის იმუნიტეტის სიმტკიცე კორონავირუსის მიმართ შესაძლოა ასევე აიხსნას წარსულში ტუბერკულოზით ინფიცირების მაღალი მაჩვენებლითაც.

„ზოგი მეცნიერი ფრთხილად ვარაუდობს, რომ ლეტალური ტუბერკულოზის ფართო გავრცელება იმუნური სისტემის იმგვარ ცვლილებას იწვევს, რომ კორონავირუსი დიდ წინააღმდეგობას აწყდება. მაგრამ ჩვენ არ შეგვიძლია ზურგი ვაქციოთ ფაქტს: რატომ იღუპებიან რუსები, ბელორუსები, უკრაინელები თუ ყაზახები ათჯერ უფრო ნაკლებად, ვიდრე ამერიკელები, ფრანგები თუ იტალიელები? ამაში უნდა გავერკვეთ“, — აზუსტებს სპეციალისტი. 

რა საჭიროა კარანტინი?

არსებობს მცდარი მოსაზრება, თითქოს კარანტინს შეუძლია სამუდამოდ გაანადგუროს კორონავირუსი ან სხვა დაავადება.

„კარანტინი იმისთვისაა საჭირო, რომ ყველა ერთად არ დაავადდეს, თორემ ჯანდაცვის სისტემა მომენტალურად ჩამოიშლება. გადაიტენება საავადმყოფოები და სასწრაფო დახმარებები, ადამიანები მარტო COVID-19-სგან კი არა, ინფარქტებისგან, ინსულტებისგან და, ზოგადად, სამედიცინო დახმარების გაუწევლობისგან დაიღუპებიან. ამიტომ თითოეული სახელმწიფო თავად აგებს მოდელს, რომლითაც ჯანდაცვის სისტემა პრობლემას თავს გაართმევს. კარანტინი არ კურნავს, მას შეუძლია დაავადების მატება შეანელოს, რათა ხალხი ეტაპობრივად დაავადდეს და დახმარების მიღება მოასწროს. კარანტინი — ეს არის გათვლა და ქცევის მოდელი“, — განმარტა მიასნიკოვმა.

ვირუსის მკვლელი ულტრაიისფერი სხივები და ზღვა

არსებობს მოსაზრება, რომ სიცხეს შეუძლია მოკლას ვირუსი. ალექსანდრ მიასნიკოვი დარწმუნებული არ არის, რომ სითბო მართლაც მოახდენს გავლენას ვირუსის გავრცელებაზე, თუმცა, მისი თქმით, მზის რადიაცია საკმაოდ აქტიურად  კლავს ვირუსს.

ბელარუსის გამოცდილება 

ცნობილია, რომ ბელარუსი და შვედეთი გამონაკლისი ქვეყნებია, რომლებმაც კარანტინის დაწესებაზე უარი თქვეს. მაგრამ მიასნიკოვი ირწმუნება, რომ ამის გამო ბელორუსში არაფერი უჩვეულო არ ხდება.

„თითოეული ქვეყანა ამოდიოდა მათემატიკური გათვლებიდან. ითვლებოდა სცენარები — როგორც ხელსაყრელი, ისე არახელსაყრელი, ეკონომიკური დანაკარგები და სხვა ყველაფერი. ბელარუსში ჯანდაცვის სისტემა საბჭოეთის დროინდელია — ინფექციური საავადმყოფოებით, ექიმი–ინფექციონისტებით. ეს გათვლის შედეგებია, ლუკაშენკომ კი გადაწყვიტა, იცით რა, გავრისკავო. ბელარუსის გათვლამ გაამართლა. საბჭოთა სასწაულმა ყველგან იმუშავა“, — თქვა ექიმმა.

როგორ ვრცელდება კორონავირუსი რეალურად?

ალექსანდრ მიასნიკოვი უარყოფს თეორიას, რომ თითო დაავადებული სამ სხვას აინფიცირებს. ექიმის თქმით, ნებისმიერი ვირუსული ინფექცია აქტიური გავრცელებიდან 1,5–2 თვეში ქრება.

ამის მაგალითად მან „ისპანკის“ მაგალითი მოიყვანა, რომლისგანაც 1918 წელს პირველსავე თვეებში 30 მლნ ადამიანი დაიღუპა. 

„ახალი ვირუსი, გადადის რა ცხოველიდან ადამიანზე, აგრესიულია. ის უცნობია, ბოროტი, ხოცავს ადამიანებს, მაგრამ ყოველი გადამტანის შემდეგ დაავადება სუსტდება. თქვენ ისუნთქვათ ვირუსს, უკან კი მის „შვილთაშვილს“ ამოისუნთქავთ, რომელიც ბევრად სუსტია. ამის შემდეგ ის სხვა ადამიანზე გადადის და ისიც ასუსტებს მას. ეს იმას ჰგავს, ტალღამ რომ სანაპიროს შეუტიოს, ჯერ სასტუმრო, ხეები გადარეცხოს, მერე კი დასუსტდეს და გუბედ იქცეს. ასეა ინფექციაც. თავიდან იმატებს, მერე კი ქრება“, — ხსნის ექიმი.

მიასნიკოვი დარწმნებულია, რომ კორონავირუსის მეორე ტალღა ისეთი ძლიერი აღარ იქნება, როგორიც პირველი იყო.

რატომაა უაზრობა დაავადებულების თვლა?

ექიმმა მიასნიკოვმა განსაკუთრებული ყურადღება დაუთმო დაავადებულთა საერთო რაოდენობას, რომელიც საკმაოდ საშიშად გამოიყურება. მაგრამ სინამდვილეში მხოლოდ ინფიცირებულების რაოდენობაზე დაყრდნობით დასკვნების გაკეთება მთლად გამართლებული არ არის, ირწმუნება სპეციალისტი.

„ჩვენ ვახმოვანებთ ციფრებს, ვპედალირებთ მათით: ხუთი მილიონი! ეს უბრალოდ არიან ადამიანები, რომლებსაც დადებითი ტესტები აქვთ. რეალურად მათი რაოდენობა ათჯერ მეტია. მოდით მაშინ და ვითვალოთ ჩვეულებრივი პნევმონია, რომლისგანაც მსოფლიოში ყოველწლიურად 3 მილიონი ადამიანი იღუპება. ჩვენ რას ვითვლით იანვრიდან? რეალურად ავად ის ადამიანები არიან, რომლებიც ორი კვირის წინ დაინფიცირდნენ. დანარჩენები დიდი ხანია, რაც განიკურნენ და თავიანთ საქმეებს დაუბრუნდნენ. ორიენტირად სიკვილიანობის მაჩვენებელი უნდა ავიღოთ“, — აცხადებს ექიმი.

 

36
ნათია თურნავა

პესიმისტური პროგნოზი: რა ახდენს გავლენას საქართველოს ეკონომიკაზე

0
უცხოელი ანალიტიკოსები დარწმუნებული არიან, რომ საქართველო მალე ააღორძინებს ეკონომიკას, მაგრამ მეზობელ ქვეყნებში არსებული ვითარება ჩვენს პროგნოზზეც ახდენს გავლენას, მიიჩნევს მინისტრი

თბილისი, 5 ივნისი – Sputnik. საქართველოს ეკონომიკის ვარდნა ევროპული ქვენების დონეზეა, მაგრამ ქვეყანაზე გავლენას ახდენს მეზობელ ქვეყნებში არსებული მდგომარეობა, განაცხადა ეკონომიკისა და მდგრადი განვითარების მინისტრმა ნათია თურნავამ ბრიფინგზე.

კორონავირუსის პანდემიის ფონზე ეკონომიკური ზრდა 2020 წლის აპრილში, გასული წლის ანალოგიურ პერიოდთან შედარებით, 16,6%-ით შემცირდა. ყველა საერთაშორისო ფინანსური ინსტიტუტი ამ წელს უარყოფით ეკონომიკურ ზრდას  –4%–დან -5,5%–მდე პროგნოზირებენ.

„საქართველოს ეკონომიკის შემცირება არის დაახლოებით ევროპული ქვეყნების მაჩვენებლის შემცირების დონეზე. ის, თუ როგორ იცვლება პროგნოზები ჩვენს ეკონომიკურ ვარდნასთან დაკავშირებით, დიდად არის სწორედ რეგიონზე დამოკიდებული. შეგახსენებთ, რომ როდესაც ევროპის რეკონსტრუქციისა და განვითარების ბანკმა გაუუარესა საქართველოს პროგნოზი - 4%-დან -5,5%-მდე, მთავარი ახსნა იყო ის, რომ საქართველოსი სჯერა, რომ ქვეყანა ძალიან სწრაფად ამოქაჩავს ეკონომიკას, მაგრამ იმის გამო, რომ ჩვენს სამეზობლოში ჯერ „კოვიდ 19-თან“ დაკავშირებით არ არის კეთილსაიმედო ვითარება და უფრო მძიმეა იქ ვითარება და პროგნოზი, აქედან გამომდინარე, დაგვიმძიმა ჩვენც პროგნოზი“, – განაცხადა თურნავამ.

ამავე დროს მან აღნიშნა, რომ ეკონომიკამ 2021 წელს ზრდაც რომ დაიწყოს, ეს არ ნიშნავს პრობლემის დაასრულებს.

პრემიერი: ყველაფერს ვაკეთებთ, რომ ეკონომიკა აღდგეს>>

„შემიძლია ცალსახად გითხრათ, რომ 2021 წლიდან საქართველოს ეკონომიკა ზრდას დაიწყებს. იმედი მაქვს, რომ რეცესიის გადალახვის პირველ ნიშნებს ამ დროისთვის გლობალური ეკონომიკაც გამოავლენს, მაგრამ ეს არ ნიშნავს, რომ 2021 წელს ყველა პრობლემა დასრულდება. როდესაც ჩვენ ვსაუბრობთ ბიზნესპროექტებზე, ისინი გათვლილია რამდენიმე წელიწადზე. აქედან გამომდინარე, რამდენიმე წლის განმავლობაში ჩვენ მათ განსაკუთრებით უნდა დავუდგეთ გვერდში“, – განაცხადა მინისტრმა.

კორონავირუსი ეკონომიკის წინააღმდეგ

საქართველოში 21 მარტს გამოცხადებული საგანგებო მდგომარეობა 23 მაისამდე გაგრძელდა. ამჟამად შეზღუდვები ეტაპობრივად იხსნება.

საქართველოს ეკონომიკა პანდემიისა და გლობალური კრიზისის ფონზე მძიმე მდგომარეობაში აღმოჩნდა. საერთაშორისო ორგანიზაციები წელს უარყოფითი ეკონომიკური ბალანსის პროგნოზს აკეთებენ, თუმცა აქვე აღნიშნავენ, რომ 2021 წელს საქართველო ცხოვრების ჩვეულ რიტმს დაუბრუნდება. ამასთან, საერთაშორისო ორგანიზაციების მონაცემებით, საქართველოს ეკონომიკა საშუალოდ –4%-მდე შემცირდება.

ყველაზე პესიმისტური, როგორც საქართველოში მიაჩნიათ, არის ევროპის რეკონსტრუქციისა და განვითარების ბანკის პროგნოზი, რომლის თანახმად, საქართველოში 2020 წელს მშპ 5,5%-ით შემცირდება, 2021 წელს კი ეკონომიკა 5,5%-ით გაიზრდება.

საქართველოს ეკონომიკის ვარდნა – მშპ კატასტროფულად მცირდება>>

საერთაშორისო სავალუტო ფონდი (სსფ) ვარაუდობს, რომ საქართველოს ეკონომიკის ვარდნა 2020 წელს 4%-ს მიაღწევს, ინფლაცია კი 4,6% იქნება.

თუმცა, ამასთან, სსფ-ის პროგნოზი 2021 წლისთვის საკმაოდ ოპტიმისტურია. ფონდის შეფასებით, უკვე 2021 წელს საქართველოს ეკონომიკა 3%-ით მოიმატებს, ინფლაცია კი 3,7%-მდე შემცირდება.

საქართველო პირველი ქვეყანა გახდა, რომელიც სსფ-სგან კრიზისის პერიოდში დახმარებას მიიღებს. სსფ დათანხმდა პროგრამა „გაფართოებული დაფინანსების მექანიზმის“ გაგრძელებას, რაც ნიშნავს საქართველოსთვის 447 მლნ დოლარის გამოყოფას წლის ბოლომდე.

გარდა ამისა, ზოგიერთი საერთაშორისო დონორი საქართველოს 2020 წლის ბოლომდე ჯამში 1,5 მილიარდ აშშ დოლარს გამოუყოფს.

0
თემები:
საქართველოს ეკონომიკა