ქართულ-რუსული ურთიერთობების მდგომარეობა რუსეთის საგარეო უწყებაში განიხილეს

© photo: Sputnik / Maxim Blinov / გადასვლა მედიაბანკშირუსეთის საგარეო საქმეთა სამინისტრო
რუსეთის საგარეო საქმეთა სამინისტრო - Sputnik საქართველო
გამოწერა
შვეიცარიის ელჩმა და რუსეთის საგარეო საქმეთა მინისტრის მოადგილემ რუსეთ-საქართველოს ურთიერთობების ამჟამინდელი მდგომარეობა განიხილეს.

თბილისი, 21 ოქტომბერი – Sputnik. შვეიცარიის მიერ საქართველოს და რუსეთის ინტერესების წარმომადგენლობის საკითხები განიხილეს რუსეთის საგარეო საქმეთა მინისტრის მოადგილემ ანდრეი რუდენკომ და მოსკოვში შვეიცარიის ელჩმა ივ როსიემ, ნათქვამია რუსეთის საგარეო საქმეთა სამინისტროს განცხადებაში.

შვეიცარია საქართველოში რუსული ინტერესების, ხოლო რუსეთში ქართული ინტერესების წარმომადგენლობის მოვალეობებს ასრულებს, აგრეთვე ახორციელებს ჟენევის დისკუსიების ორგანიზაციულ მხარდაჭერას სამხრეთ კავკასიაში უსაფრთხოებისა და სტაბილურობის საკითხებში.

შვეიცარიის ფედერალური ასამბლეის კანტონის საბჭოს თავმჯდომარე, ჟან-რენე ფურნიე (მარცხნივ) და რუსეთის დუმის სპიკერი, ვიაჩესლავ ვოლოდინი - Sputnik საქართველო
შვეიცარიას უჭირს შუამავლობა რუსეთსა და საქართველოს შორის პირდაპირი რეისების გარეშე

„განხილულია შვეიცარიის მიერ საქართველოს და რუსეთის ინტერესების წარმომადგენლობის აქტუალური საკითხები. შედგა აზრთა გაცვლა-გამოცვლა რუსეთ-საქართველოს ურთიერთობების ამჟამინდელი მდგომარეობისა და რეგიონული პრობლემების შესახებ", – იუწყება რუსეთის საგარეო საქმეთა სამინისტრო.

საქართველომ დიპლომატიური ურთიერთობები რუსეთთან 2008 წელს მოსკოვის მიერ აფხაზეთისა და ცხინვალის რეგიონის დამოუკიდებლობის აღიარების საპასუხოდ გაწყვიტა. აფხაზეთსა და ცხინვალის რეგიონს საქართველოს ხელისუფლება 1990-იანი წლებიდან ვერ აკონტროლებს.

შვეიცარიის ელჩი საქართველოს მოსახლეობას რუსეთის წინააღმდეგ სანქციების შედეგებზე აფრთხილებს >>

საქართველოსა და რუსეთს შორის შუამავლის როლს შვეიცარიის საელჩო ასრულებს. დიპლომატიური ურთიერთობების არარსებობის გამო შვეიცარიის საელჩოებში თბილისსა და მოსკოვში, შესაბამისად, რუსეთისა და საქართველოს ინტერესთა სექციებია განთავსებული.

ყველა ახალი ამბავი
0