კომპანია Apple-ს ოფისი

„გეიდ მაქცია“ მოსკოველი მამაკაცი Apple-ის დანართ GayCoin-ს უჩივის

88
(განახლებულია 14:55 07.10.2019)
დანართ GayCoin-ის სარეკლამო სლოგანმა „არ განსაჯო, სანამ არ გასინჯავ“, ახალგაზრდა მამაკაცს თავისივე სქესის ადამიანთან ურთიერთობისკენ უბიძგა.
88
თემები:
რუსეთი დღეს (547)
მამაკაცი პასპორტით

რუსეთი ერთიან ელექტრონულ ვიზებს ნერგავს

26
(განახლებულია 20:02 03.08.2020)
2021 წლის 1 იანვრიდან რუსეთში შესვლა მხოლოდ ელექტრონული მოკლევადიანი ვიზების მეშვეობით იქნება შესაძლებელი, რომელთა გაფორმებაც ოთხ დღეზე მეტს არ დაიკავებს. Sputnik-მა გაარკვია, ვის შეუძლია ისარგებლოს ახალი წესით.

ალექსეი სტეფანოვი

საპილოტე პროექტის კვალდაკვალ, რომლის მიხედვითაც 53 ქვეყნის მოქალაქეებს ელექტრონული ვიზებით შეეძლოთ ვლადივოსტოკში, შორეული აღმოსავლეთის ფედერალურ ოკრუგში, კალინინგრადის ოლქში, სანქტ-პეტერბურგსა და ლენინგრადის ოლქში გამგზავრება, რუსეთის ნებისმიერ რეგიონში მოკლევადიანი ელექტრონული ვიზებით შესვლა ხდება შესაძლებელი.

გასულ პარასკევს ქვეყნის პრეზიდენტმა ვლადიმირ პუტინმა ხელი მოაწერა ფედერალურ კანონს, რომლის თანახმადაც, რუსეთში ხანმოკლე მოგზაურობისთვის უნივერსალური სამოცდღიანი ელექტრონული ვიზა ინერგება. ამ ვიზას დამოუკიდებელი კატეგორია ექნება დიპლომატიური, სამსახურებრივი, ჩვეულებრივი, ტრანზიტული და დროებით მცხოვრები პირის ვიზის თანაბრად.  

ამასთან თავად მოგზაურობის ხანგრძლივობა არ უნდა აღემატებოდეს 16 დღეს. მაგრამ რუსეთის ტუროპერატორების ასოციაციაში სააგენტო Sputnik-ს განუმარტეს, რომ სტატისტიკის თანახმად, რუსეთში უცხოელების მოგზაურობა საშუალოდ ერთ კვირას გრძელდება, ამიტომ ვიზით გათვალისწინებული 16 დღე სრულიად საკმარისი იქნება.   

ახალი ვიზის გაფორმება 2021 წლის 1 იანვრიდან იქნება შესაძლებელი. რუსეთის საგარეო საქმეთა სამინისტროში ყურადღებას ამახვილებენ იმაზე, რომ ელექტრონულ ვიზებზე ექსპერიმენტის ფარგლებში შორეული აღმოსავლეთის ფედერალურ  ოკრუგში, კალინინგრადის ოლქში, სანქტ-პეტერბურგსა და ლენინგრადის ოლქში ისინი პრობლემას წააწყდნენ:  პრეტენდენტები განცხადებების შევსებისას ხშირად უშვებდნენ შეცდომებს, რის გამოც ვიზაზე უარს იღებდნენ. იმისათის, რომ იგივე ახალი ვიზების შემთხვევაშიც არ გამეორებულიყო, საიტი გაამარტივეს და დახვეწეს.

ჯერჯერობით ზუსტად არ არის ცნობილი, რომელი ქვეყნების მოქალაქეები შეძლებენ სიახლით სარგებლობას.

„უცხოეთის სახელმწიფოების ჩამონათვალს რუსეთის ფედერაციის მთავრობა ცალკე დაამტკიცებს“, ― განუცხადა Sputnik-ს სახელმწიფო დუმის წევრმა ნატალია კუვშინოვამ.

დიდი ალბათობით, აღნიშნული ქვეყნების ჩამონათვალში შევა ის 53 ქვეყანა, რომლებიც საპილოტე პროექტით სარგებლობდნენ. მათ შორის,  ევროკავშირის ქვეყნები, ჩინეთი, იაპონია, თურქეთი, ინდოეთი.  ამ სიაში არ შედიოდნენ აშშ-ის, კანადისა და დიდი ბრიტანეთის მოქალქეები და დიდი ალბათობით, მოკლევადიან ელექტრონულ ვიზებს ისინი კვლავ ვერ მიიღებენ.

საგარეო საქმეთა სამინისტროში აღნიშნავენ, რომ ექსპერიმენტისგან განსხვავებით,  როცა ცალკეულ რეგიონებში ელექტრონული ვიზები უფასი იყო, ახალი ვიზა 2021 წლის იანვრიდან უკვე ფასიანი გახდება. მისი ფასი ალბათ არ გადააჭარბებს 50 აშშ დოლარს.

ზემოთ ნახსენებ 53 სახელმწიფოს გარდა, რომლებზეც ელექტრონული ვიზების გაცემის შესაძლებლობა ვრცელდება, კიდევ  60 ქვეყნის მოქალაქეებს აქვთ შესაძლებლობა, შევიდნენ რუსეთში ვიზის გარეშე ორმხრივი საერთაშორისო შეთანხმებების საფუძველზე.  სამინისტროში ხაზს უსვამენ, რომ ამ სახით 2021 წლიდან რუსეთის ტერიტორიაზე შესვლის მაქსიმალურად ლიბერალური რეჟიმი, რაც ქაღალდის ვიზის მიღებას არ მოითხოვს, მსოფლიოს სხვადსხვა სახელმწიფოების დაახლოებით 4 მლრდ ადამიანზე გავრცელდება.

„ეს შესვლის არსებითი გამარტივებაა, რაზეც მრავალის წლის განმავლობაში ოცნებობდა მთელი ტურიზმი. მთავარია, რომ ელექტრონული ვიზის მიღება ნამდვილად მარტივი იყოს“, ― განაცხადა რუსეტის ტუროპერატორების ასოციაციის აღმასრულებელმა დირექტორმა მაია ლომიძემ.

მისი აზრით, ელექტრონული მოკლევადიანი ვიზა, ყველაზე პესიმისტური პროგნოზებითაც კი, ტურისტების ნაკადს რუსეთში 30%-ით გაზრდის. ამიტომ მაია ლომიძე დარწმუნებულია, რომ სიახლე მხოლოდ პლუსებს მოიტანს, ხოლო „მინუსი ერთადერთი იქნება, თუ გამარტივებაზე განაცხადი ფაქტზე ასეთი არ გამოდგება“.

რუსეთი საერთაშორისო მიმოსვლას განაახლებს: პრემიერი ასახელებს თარიღსა და ქვეყნებს>>

თავის მხრივ, ტუროპერატორების ასოციაციის ვიცე-პრეზიდენტი ალექსანდრ კურნოსოვი აცხადებს, რომ მთავრობის ეს გადაწყვეტილება ტურისტების ნაკადს 40 ან 50%-თაც კი გაზრდის.

მას იმედი აქვს, რომ სავიზო რეჟიმის ლიბერალიზაცია მომავალშიც გაგრძელდება, ანუ ვიზის მოქმედების ვადა ამჟამინდელი ორი თვიდან, სულ ცოტა, ნახევარ ან ერთ წლამდეც კი გახანგრძლივდება, ხოლო ქვეყნის ტერიტორიაზე ყოფნის დასაშვები 16 დღე ერთ თვემდე გაიზრდება.  

კურნოსოვს ასევე იმედი აქვს, რომ გაფართოვდება იმ ქვეყნების რაოდენობაც, რომლებზეც ელექტრონული ვიზები ვრცელდება, „ვინაიდან ჩამონათვალში არ შევიდა ის სახელმწიფოები, რომლებიდანაც რუსეთში საკმაოდ დიდი რაოდენობის ტურისტი ჩამოდიოდა ― ესენია აშშ და დიდი ბრიტანეთი“.  

კურნოსოვის აზრით, ეს პოზიტიური იქნებოდა, „თუმცა გასაგებია, რომ ამ საკითხში ყველაფერს პოლიტიკურ სიტუაცია წყვეტს“.

26
თემები:
რუსეთი დღეს (547)
ვაქცინაზე მუშობა

მოსაზრება: „სავაქცინო რბოლა“ დასავლეთი რუსეთს ადანაშაულებს

47
(განახლებულია 18:56 03.08.2020)
მას შემდეგ, რაც კორონავირუსის პანდემიამ მუხლებზე დააჩოქა მსოფლიო ეკონომიკა, დაახლოებით ერთ თვეში პოლიტიკურ და მედიასამყაროში საერთაშორისო შეჯიბრების ახალი „ჟანრი“ გაჩნდა, რომელსაც ირონიულად „სავაქცინო რბოლა“ შეიძლება ეწოდოს.

ივან დანილოვი

იმ ხილული ფსიქოლოგიური ტრავმის გათვალისწინებით, რომელიც კორონავირუსმა ორჯერ მიაყენა კოლექტიურ დასავლეთს, ამ რბოლაში გამარჯვების საკითხი უბრალოდ პოლიტიკურად კი არა, პოლიტიკურად პრინციპული გახდა დასავლური საზოგადოების საკუთარი თავისადმი პატივისცემის შენარჩუნების თვალსაზრისით.

ადამიანისთვის, რომელიც ევროპული ჰუმანიზმის საუკეთესო ტრადიციებზეა აღზრდილი, საკმაოდ რთულია გაიგოს, რატომაა შეპყრობილი თანამედროვე დასავლეთი „ვაქცინისთვის რბოლით“. თუმცა ამის ახსნა თანამედროვე აშშ-ის და დიდი ბრიტანეთის მთავარი ინდუსტრიების თვალსაზრისით შეიძლება ვცადოთ, ანუ პოლიტიკური და კომერციული პიარის თვალსაზრისით.

პიარ-სივრცეში თანამედროვე დასავლეთმა და ასევე შეერთებულმა შტატებმა და ბრიტანეთმა რამდენიმე სერიოზული „კორონავირუსული ტრავმა“ მიიღეს. ჯერ ერთი, გაირკვა, რომ შორეული ჩინეთი ეპიდემიას უკეთ გაუმკლავდა, პრობლემა უფრო ადრე გააცნობიერა და ეფექტურად შემოსაზღვრა ეკონომიკური ზარალი. ამ ფონზე აშშ და ბრიტანეთი, ასევე ევროკავშირის რამდენიმე ქვეყანა საკუთარი პატრიოტების თვალშიც კი არცთუ სახარბიელოდ გამოიყურებიან.  

შემდეგი დარტყმა კოლექტიური დასავლეთის თვითშეფასებას რუსთმა მიაყენა კორონავირუსისგან სიკვდილიანობის „შეურაცხმყოფლად დაბალი“ დონითა და მასობრივი ტესტირების აწყობით.

და ამ ფონზე კოლექტიური დასავლეთისთვის პირველობის საკითხი ვაქცინის წარმოებაში სასიცოცხლოდ მნიშვნელოვანი ხდება იმიჯის თვალსაზრისით, ვინაიდან საჭიროა გამოჩნდეს, რომ, მაგალითად, აშშ კვლავაც ნომერი პირველია მსოფლიოში.

ამის პარალელურად კი ამერიკული პრესის კითხვისას ჩნდება უცნაური შეგრძნება: პარტიული კუთვნილებისა თუ გამოცემების მფლობელთა მხრიდან დონალდ ტრამპის მიმართ სიმპათია-ანტიპათიიდან გამომდინარე, კონკრეტული რედაქციები ქომაგობენ ვაქცინაზე მომუშავე ამერიკულ, ბრიტანულ, გერმანულ ან ინდურ კომპანიებსა და უნივერსიტეტებს იმ მიზნით, რომ „ვაქცინისთვის რბოლაში“ გამარჯვებულის დაფნის გვირგვინი რომელიმე „სწორი“ ქვეყნის სტრუქტურას ერგოს, მაგრამ „ტრამპის წყეულმა რეჟიმმა“ ამისგან პოლიტიკური ბონუსები ვერ დაიწეროს.

ასეთი კონფლიქტი მაკროდონეზეც არსებობს: იმის ნაცვლად, რომ ნატოელ და G7-ელ პარტნიორებთან ძალისხმევის კოორდინაცია მოახდინოს, ოფიციალური ვაშინგტონი (ყოველ შემთხვევაში, ზოგი გერმანული მედიასაშუალების შეფასებით) ცდილობდა გერმანიისთვის პერსპექტიული ბიოტექნოლოგიური კომპანია (რომელსაც მნიშვნელოვანი ანტიკორონავირუსული აღმოჩენები ჰქონდა) „აეხია“ და აშშ-ში გადაეყვანა.

ამ კონტექსტში ლოგიკურია, რომ ნებისმიერი ინფორმაცია იმის თაობაზე, რომ რუსეთი ან ჩინეთი ახლოს არიან კორონავირუსზე მასობრივ ვაქცინასციასთან, დასავლურ საინფორმაციო ველში იმგვარ რეაქციას იწვევს, რომელიც არა იმდენად ბანალურ ალერგიას შეიძლება შედარდეს, რამდენადაც ნამდვილ ანაფილაქტურ შოკს.

რა თქმა უნდა, შეიძლება ვივარაუდოთ, რომ ამერიკელ სამედიცინო ჩინოვნიკებს ნამდვილად მხოლოდ პროფესიონალური მოსაზრებები ამოძრავებთ, მაგრამ ყველაფერი ზემოთქმულის გათვალისწინებით, არსებობს სერიოზული ეჭვები გარკვეულ პოლიტიკურ ანგაჟირებულობაზე. ამ რეაქციების მაგალითად შეიძლება მოვიყვანოთ მთავარი ამერიკელი ინფექციონისტის პოზიცია, რომელსაც The Wall Street Journal-ი აქვეყნებს.

„დოქტორმა ენტონი ფაუჩიმ კონგრესის COVID-19-ის საკითხების ქვეკომიტეტის სხდომაზე განაცხადა, რომ აშშ სავარაუდოდ არ გამოიყენებს ჩინეთისა და რუსეთის მიერ შექმნილ ვაქცინებს. „იმედი მაქვს, რომ ჩინეთი და რუსეთი მართლაც ცდიან ვაქცინას მანამ, სანამ მას ვინმეს გაუკეთებენ“, ― თქვა მან. ― ტესტირების ჩატარებამდე იმის მტკიცება, რომ ვაქცინა მზადაა გასავრცელებლად, უკეთეს შემთხვევაში, პრობლემატურია“. დოქტორმა ფაუჩიმ ასევე განაცხადა, რომ აშშ ვაქცინას წლის ბოლოსთვის მიიღებს“.  

სხვადასხვა ქვეყნების შესაძლო ვაქცინების შედარებითი ანალიზის მიხედვით, რომელსაც Bloomberg-ი აქვეყნებს, ფაუჩის ვაქცინის ამერიკული კომპანია Moderna-სგან მიღების იმედი უნდა ჰქონდეს.  

მრავლისმეტყველია ის, რომ Bloomberg-ის ტრეკერში (ყოველ შემთხვევაში, ამ სტატიის წერისას) არ არის შესული რუსული ვაქცინები, რამაც დასავლელ მკითხველს შეიძლება უკუღმა შთაბეჭდილებები შეუქმნას რუსეთის შესაძლებლობებზე და გაჩნდეს ილუზია იმისა, რომ „რუსული ვაქცინა არსაიდან გაჩნდა“.  

უკვე ახლავე შეიძლება ვივარაუდოთ, რანაირად გაგრძელდება „სავაქცინო რბოლა“: რუსულს ან ჩინურს დაუყოვნებლივ გამოაცხადებენ სახიფათოდ და ამას შესაბამის საინფორმაციო ფეიკ-ნიუსებს მოაყოლებენ. ამის პარალელურად დასავლური აუდიტორიის სკეპრიკურად განწყობილი აუდიტორიის დასარწმუნებლად პოპულარიზაციას გაუწევენ თეზისს იმის შესახებ, რომ ეს ვაქცინები ჩინელი, ირანელი თუ რუსი ჰაკერების მიერ მოპარულ მონაცემებზე დაყრდნობით არის დამზადებული. ხოლო ფინალში ცინიკურად დაადანაშაულებენ რუსეთსა და ჩინეთს „ვაქცინურ ნაციონალიზმსა“ და ეპიდემიასთან ბრძოლის რაღაც საერთაშორისო შეჯიბრებად გადაქცევის სურვილში. თუმცა პარალელურ რეჟიმში ისაუბრებენ დასავლეთში საკუთარი ვაქცინის შექმნის აუცილებლობაზე, რათა ესოდენ მნიშვნელოვან საკითხში პეკინზე ან მოსკოვზე დამოკიდებული არ იყვნენ.

ასეთი მიდგომის პრობლემა ისაა, რომ ამ „კონტროლირებადი უკანდახევის“ თითოეულ ეტაპზე დასავლური მედიამანქანა ნდობას დაკარგავს თავისი აუდიტორიის სულ ახალ და ახალ სეგმენტებში.

ყველაფერი კი რუსულ და ჩინურ დეზინფორმაციასთან აუცილებელი ბრძოლის თაობაზე მორიგი კონფერენციებით დასრულდება. 

მაგრამ აუდიტორიის ნდობის დაკარგვა იოლია, აღდგენა კი რთული. მით უმეტეს, რომ კორონავირუსმა მხოლოდ დააჩქარა საზოგადოებრივი ნდობის დეგრადაციის პროცესები, რაც ისედაც მიმდინარეობდა დასავლეთში. ხოლო რუსეთს, ჩინეთსა და სხვა „მორიგე დამნაშავეებს“, რომლებისკენ მინიშნებაც ძალიან უყვართ დასავლურ მედიასივრცეში, რეალურად არანაირი კავშირი არ აქვთ ამ პრობლემასთან და დასავლელი პარტნიორები თვითონვე იქნებიან დამნაშავეები „ვაქცინურ ნაციონალიზმში“.  

რედაქცია შესაძლოა არ ეთანხმებოდეს ავტორის მოსაზრებებს

47
სავსე მთვარე

მთვარის კალენდარი: 4 აგვისტო რისი გაკეთება შეიძლება და რისი არა

0
(განახლებულია 16:54 03.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 აგვისტო, სამშაბათი. ამ დღეს მარსი მართავს. სავსე მთვარე კლებას იწყებს. ის მერწყულის ნიშანშია.

ენერგეტიკული დღეა. მომატებულია ცდუნებების, სიზარმაცის ალბათობა. კარგი იქნება ემოციებისა და ვნებების გაკონტროლება, სიმშვიდის შენარჩუნება, თვითდისციპლინა.

არაერთმნიშვნელოვანი დღეა. უფრო რთულია დღის პირველი ნახევარი. მიუხედავად გარკვეული სირთულეებისა, შესაძლებელი იქნება შრომის პირველი ნაყოფის დანახვა.

კარგი დღეა ფლირტისა და მეგობრობისთვის. თუ გსურთ, საწინააღმდეგო სქესის წარმომადგენლის ყურადღება მიიპყროთ, არ შეუშინდეთ ორიგინალუ აზრებსა და საქციელს. ამ დღეს დაწყებული სასიყვარულო ურთიერთობები უფრო მეგობრულ კავშირზე იქნება დამყარებული, ვიდრე ვნებაზე.

რეკომენდებულია მარტივი საქმეების დაწყება, რომლებიც არ მოითხოვს განსაკუთრებულ ძალისხმევას, ვაჭრობა, დასვენება, კომფორტის შექმნა სამუშაო ადგილზე, იდეებზე ყურადღების გამახვილება – შესაძლოა, მათ შორის ისეთი იდეა გაჩნდეს, რომელიც მომავალში დიდ წარმატებას მოიტანს.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია მნიშვნელოვანი საქმეების დაწყება, ბევრი მუშაობა, ამბიციების გამოვლენა, პასუხისმგებლობის სხვებზე გადაბარება, ფინანსური ოპერაციების ჩატარება, მნიშვნელოვანი მოლაპარაკებების წარმოება, აზარტს აყოლა.

მგზავრობა არახელსაყრელია, მზად უნდა იყოთ უსიამოვნო მომენტებისთვის.

თმის შეჭრა, შეღებვა: ნიშანი შესამჩნევ გავლენას თმის ხარისხზე არ ახდენს. კარგი დღეა ექსპერიმენტული და ექსტრავაგანტული შეჭრისა და ვარცხნილობისთვის.

რაც შეეხება შეღებვას, ასევე წარმატებული იქნება ექსპერიმენტები თქვენთვის უჩვეულო ფერთან დაკავშირებით.

მებაღეობა: არახელსაყრელი დღეა მცენარეების დათესვისა და დარგვისთვის. შეიძლება მარცვლოვანი კულტურებისა და ბოლქვიანების მოსავლის აღება, გაკრეჭა, შეწამვლა.

კარგი დღეა, თუ გსურთ რამე ექსპერიმენტის ჩატარება და ანომალიური ჯიშის გამოყვანა.

0