რუსეთის სახელმწიფო სათათბირო

რუსეთში, შესაძლოა, Green Card-ის გათამაშება აიკრძალოს: დუმის ინიციატივა

66
(განახლებულია 19:09 25.09.2019)
მანამდე მარია ზახაროვამ გაავრცელა ინფორმაცია, რომ რუსეთის დელეგაციის ზოგმა წევრმა ვერ მიიღო ვიზა გაეროს გენერალურ ასამბლეაზე დასასწრებად, რომელიც ნიუ-იორკში 24-30 სექტემბერს იმართება.

თბილისი, 25 სექტემბერი — Sputnik. რუსეთმა არ უნდა დატოვოს უპასუხოდ აშშ-ის გადაწყვეტილება, რომლის თანახმადაც გაეროს გენერალურ ასამბლეაზე დასასწრებად რუსეთის დელეგაციის ზოგ წევრს ვიზა არ მიეცა, აცხადებს სახელწიფო სათათბიროს საერთაშორისო საკითხთა კომიტეტის თამჯდომარის მოადგილე ალექსეი ჩეპა. 

მისი აზრით, ვაშინგტონის „დიპლომატიურ ჩხვლეტაზე“ პასუხად შესაძლოა გამოდგეს რუსეთში Green Card-ის გათამაშების შეწყვეტა.

„ვფიქრობ, შეგვიძლია ავკრძალოთ ყველა ისეთი ღონისძიება, როგორიცაა „გრინ ქარდის“ გათამაშება, რასაც აშშ „დემოკრატიის ბასტიონის“ იმიჯიდან გამომდინარე ატარებს. ჩვენი ზომები იქნება ისეთი, რომ ყველას ყურადღება მიიქციოს“, — აღნიშნავს დეპუტატი.

მანამდე რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ გაავრცელა ინფორმაცია, რომ რუსეთის დელეგაციის ზოგმა წევრმა ვერ მიიღო ვიზა გაეროს გენერალურ ასამბლეაზე დასასწრებად, რომელიც ნიუ-იორკში 24-30 სექტემბერს იმართება.

მათ რიცხვში, ვინც ვერ შეძლო აშშ-ში წასვლა, არიან ფედერაციის საბჭოს საერთაშორისო კომიტეტის ხელმძღვანელი კონსტანტინ კოსაჩოვი და სახელმწიფო დუმის საერთაშორისო საქმეთა კომიტეტის ხელმძღვანელი ლეონიდ სლუცკი.

როგორც გაეროში რუსეთის მუდმივი წარმომადგენლობა აცხადებს, ამ ნაბიჯით შეერთებული შტატები მოსკოვთან ურთიერთობის გამწვავებას აპირებს. გაეროს გენერალური მდივნის წარმომადგენლის სტეფან დიუჟარიკის თქმით, ორგანიზაცია მომხდარში გარკვევას ცდილობს.

 

66
თემები:
რუსეთი დღეს (484)
დამნაშავე ხელბორკილებით

ათასობით მოტყუებული: სექტა „სსრკ-ს მოქალაქეები“ დააკავეს

15
(განახლებულია 11:05 28.05.2020)
იმის შესახებ, რომ თაღლითების მსხვერპლი გახდნენ, მოქალაქეებმა მხოლოდ მაშინღა იეჭვეს, როცა კომუნალური დავალიანების გამო სახლებში ელექტროენერგია გაუთიშეს და წყალი გადაუკეტეს

თბილისი, 28 მაისი — Sputnik. ჩრდილოეთ ოსეთში პოლიციელებმა დააკავეს სექტა „სსრკ–ს მოქალაქეების“ წევრები, რომლებიც მოტყუებით იზიდავდნენ ადეპტებს საკუთარ რიგებში.

გავრცელებული ინფორმაციით, თაღლითები მოქალაქეებს  ჰპირდებოდნენ, რომ მას შემდეგ, რაც „საბჭოთა კავშირის“ წევრები გახდებოდნენ, კომუნალური თუ საშემოსავლო გადასახადებისგან გათავისუფლდებოდნენ. 

ამ გზით მათ დაახლოებით ათასამდე ყალბი პირადობის მოწმობა გაყიდეს, რომლებსაც არანაირი იურიდიული ძალა არ გააჩნია.

ირკვევა, რომ გარდა გადასახადებისგან გათავისუფლებისა, თაღლითები მიმნდობ მოქალაქეებს ხელფასებზე დანამატების გაცემასა და 1991 წელს გახსნილი ანაბრების კომპენსაციასაც ჰპირდებოდნენ, რისთვისაც მათ სექტისთვის ბაჟის გადახდას აიძულებდნენ.

რაღა თქმა უნდა, „სსრკ–ს მოქალაქეები“ არანაირი გადასახადებისგან არავის გაუთავისუფლებია. პირიქით, სექტის ადეპტებს ვალები დაედოთ. იმის შესახებ, რომ თაღლითების მსხვერპლი გახდნენ, მათ მხოლოდ მაშინღა იეჭვეს, როცა კომუნალური გადასახადების გადაუხდელობის გამო სახლებში ელექტროენერგია გაუთიშეს და წყალი გადაუკეტეს.

პოლიციის თანამშრომლებმა სექტის ოფისში საბჭოთა ნიმუშის სხვადასხვა სახის ბლანკები და დიდი რაოდენობით ფული აღმოაჩინეს. დამნაშავეებს ექვს წლამდე პატიმრობა ემუქრება.

 

15
თემები:
მსოფლიო დღეს
Су-35

„სტანდარტული ოპერაცია“: სამხედრო ექსპერტმა ამერიკული გამანადგურებლის ჩაჭერა შეაფასა

32
(განახლებულია 19:38 27.05.2020)
მანამდე აშშ-ის სამხედრო-საზღვაო ძალების მეექვსე ფლოტის პრეს-სამსახურმა განაცხადა, რომ გუშინ ორმა რუსულმა გამანადგურებელმა ხმელთაშუა ზღვის თავზე სახიფათოდ ჩაიჭირა ამერიკული მზვერავი თვითმფრინავი Poseidon P-8A.

თბილისი, 27 მაისი — Sputnik. ამერიკული მზვერავი თვითმფრინავის გაცილება ხმელთაშუა ზღვის თავზე — ეს ჩვეულებრივი პროცედურაა და რუს მფრინავებს საჰაერო ხულიგნობა არ ჩაუდენიათ, მიაჩნია სამხედრო ექსპერტ იგორ კოროტჩენკოს. 

მანამდე აშშ-ის სამხედრო-საზღვაო ძალების მეექვსე ფლოტის პრეს-სამსახურმა განაცხადა, რომ გუშინ ორმა რუსულმა გამანადგურებელმა ხმელთაშუა ზღვის თავზე სახიფათოდ ჩაიჭირა ამერიკული მზვერავი თვითმფრინავი Poseidon P-8A. ამერიკელმა სამხედროებმა რუსული ეკიპაჟის მოქმედება არაპროფესიონალიზმად შეაფასეს: აშშ-ის სამხედრო-საზღვაო ძალების წარმომადგენელთა თქმით, Су-35-ებმა P-8A ორი მხრიდან მოიმწვდიეს, რითიც ხელს უშლიდნენ „უსაფრთხო მანევრირებაში“.

„ამერიკელებს ყოველ ჯერზე ძალიან ნერვიული რეაქცია აქვთ, როდესაც ჩვენი გამანადგურებლები რუსეთის სამხედრო-კოსმოსური ძალების პასუხისმგებლობის ზონაში მათი მზვერავი თვითმფრინავის ყოფნის მიზნებს არკვევენ. აშშ-ს უკვე დაავიწყდა საერთაშორისო სამართალი და მიაჩნია, რომ ის მსოფლიოში ერთადერთი ჰეგემონია“, — განაცხადა РИА Новости-სთან საუბრისას კოროტჩენკომ.

ექსპერტის აზრით, რუსულმა Су-35-ებმა „სრულიად სტანდარტული“ ოპერაცია ჩაატარეს უცხოეული მზვერავი თვითმფრინავის საიდენტიფიკაციოდ, რომელიც რუსულ სამხედრო ობიექტებს მიუახლოვდა სირიაში. 

  • „ამერიკული მზვერავი თვითმფრინავისთვის ჩვენი სამხედრო-კოსმოსური ძალების ოპერაციას არანაირი საფრთხე არ შეუქმნია. ჩვენ გამოცდილი და პროფესიონალი პილოტები გვყავს. ისინი საჰაერო ხულიგნობით კი არ არიან დაკავებული, არამედ თავიანთ ამოცანებს ასრულებენ საერთაშორისო სამართლისა და შესაბამისი სარეგლამენტო დოკუმენტების შესაბამისად“, — განმარტა ექსპერტმა.

აღსანიშნავია, რომ რუსეთის სამხედრო-საჰაერო ძალებისა და ჰაერსაწინააღმდეგო თავდაცვის ძალების მე-4 არმიის ყოფილმა სარდალმა ვალერი გორბენკომ სააგენტოსთან საუბრისას ივარაუდა, რომ ღია ცის ხელშეკრულებიდან აშშ-ის გასვლის პარალელურად ასეთი ინციდენტები შესაძლოა გახშირდეს.

მისი აზრით, შეერთებული შტატები შეეცდება, რომ რუსეთის შესახებ ინფორმაციის ნაკლებობა მზვერავი თვითმფრინავების დახმარებით შეავსოს და, ამასთან, დაძაბოს ვითარება საინფორმაციო სივრცეში.

32
თემები:
რუსეთი დღეს (484)
გადამზიდავთა საპროტესტო აქცია ფოთში

ფოთში სატვირთო ავტომობილების მძღოლების უმეტესობას კორონავირუსი არ დაუდასტურდა

0
(განახლებულია 10:49 28.05.2020)
მძღოლებმა, რომელთაც კორონავირუსი არ დაუდასტურდათ, უკვე დატოვეს ტირ–პარკი. დანარჩენი მძღოლების ტესტის პასუხები დღის განმავლობაში გახდება ცნობილი

თბილისი, 28 მაისი — Sputnik.  ფოთში სატვირთოს 189 მძღოლს კორონავირუსი არ დაუდასტურდა, კიდევ 54 ადამიანის ტესტის პასუხი მოგვიანებით გახდება ცნობილი, იუწყება საზოგადოებრივი მაუწყებლის პირველი არხი. 

გუშინ, ყოფილი აეროდრომის ტერიტორიაზე ქართული გადამზიდავი კომპანიებისთვის მოწყობილ ტირ-პარკში მყოფმა სატვირთოს მძღოლებმა თვითიზოლაციის რეჟიმის მოხსნის მოთხოვნით აქცია გამართეს.

ლაბორატორიაში სულ 243 ნიმუში გაიგზავნა.

 „ქართული გადამზიდავი კომპანიების მძღოლები ყოფილი აეროდრომის ტერიტორიაზე ტირ–პარკში იმყოფებიან. მძღოლებმა, რომელთაც კორონავირუსი არ დაუდასტურდათ, უკვე დატოვეს ტირ–პარკი. ველოდებით სხვა მძღოლების ტესტის პასუხებს, ისინი პასუხების მიღების შემდეგ შეძლებენ ტერიტორიის დატოვებას. სახლებში მათ ადგილობრივი საზოგადოებრივი ცენტრები გააკონტროლებენ“, – განაცხადა ფოთის საზოგადოებრივი ჯანმრთელობის ცენტრის ხელმძღვანელმა ნანა მხეიძემ.

ფოთში ტირ–პარკი 17 აპრილიდან ფუნქციონირებს.

საქართველოში კორონავირუსის გამოვლენის პირველი შემთხვევა 26 თებერვალს დაფიქსირდა. 21 მარტს ქვეყნის მთელ ტერიტორიაზე საგანგებო მდგომარეობა გამოცხადდა, რომელიც 23 მაისამდე გაგრძელდა. ამ ეტაპზე საქართველოში შეზღუდვების ეტაპობრივი მოხსნის პროცესი მიმდინარეობს.

ამ დროისთვის, საქართველოში კორონავირუსი 738 ადამიანს დაუდასტურდა, გამოჯანმრთელდა 573 ადამიანი, გარდაიცვალა – 12, კარანტინის რეჟიმში იმყოფება 3076, ხოლო სტაციონარებში დაკვირვების ქვეშ 250 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

0
თემები:
COVID-19 საქართველოში