გეიმერები

მეცნიერებმა გეიმერების დონე სავარძელში მოძრაობის მიხედვით განსაზღვრეს

61
(განახლებულია 20:14 16.09.2019)
გეიმერებმა რამდენიმე სესია ჩაატარეს Counter-Strike: Global Offensive-ში, რა დროსაც აქსელერატორებითა და გიროსკოპებით აღჭურვილ სპეციალურ სავარძლებში ისხდნენ.

თბილისი, 16 სექტემბერი – Sputnik. მეცნიერთა ჯგუფმა სკოლტეხის ცენტრიდან დაადგინა, როგორი მოძრაობები ახასიათებთ სკამზე პროფესიონალ გეიმერებს, იუწყება საიტი cybersport.ru. 

გავრცელებული ინფორმაციით, სამეცნიერო ექსპერიმენტში 19 ადამიანი მონაწილეობდა, რომელთაგან ცხრა პროფესიონალი კიბერსპორტსმენი იყო. გეიმერებმა რამდენიმე სესია ჩაატარეს Counter-Strike: Global Offensive-ში, რა დროსაც აქსელერატორებითა და გიროსკოპებით აღჭურვილ სპეციალურ სავარძლებში ისხდნენ. სათამაშო სესიების დასრულების შემდეგ მეცნიერებმა მიღებული მონაცემები ხელოვნური ინტელექტის მეშვეობით შეისწავლეს. 

თითოეული სესიიდან სწავლულებმა გამოყვეს სქემა-შაბლონები (პატერნები), რომლებიც მოთამაშის ქცევის შესწავლის შესაძლებლობას იძლეოდა: როგორ მოძრაობდა ან ტრიალებდა სავარძელზე, როგორ ეყრდნობოდა საზურგეს და ა.შ.

მონაცემების დამუშავების შემდეგ მკვლევარებმა დაადგინეს, რომ პროფესიონალი გეიმერები უფრო ხშირად და ინტენსიურად მოძრაობენ სავარძლებში, თუმცა როცა თამაშში სროლები იწყება, გაუნძრევლად სხედან.

Random Forest-ის მეთოდით, სავარძელში მოძრაობის მიხედვით 77%-იანი სიზუსტით განისაზღვრა გეიმერის დონე.

აღსანიშნავია, რომ პროექტზე მუშაობაში სკოლტეხის კიბერაკადემიის, მოსკოვის ფიტიკა-ტექნიკური ინსტიტუტისა და პეტერბურგის აეროკოსმოსური მანქანათმშენებლობის სახელმწიფო უნივერსიტეტის სტუდენტ-მაგისტრანტებმა მიიღეს მონაწილეობა.

61
თემები:
რუსეთი დღეს (485)
დამნაშავე ხელბორკილებით

ათასობით მოტყუებული: სექტა „სსრკ-ს მოქალაქეები“ დააკავეს

15
(განახლებულია 11:05 28.05.2020)
იმის შესახებ, რომ თაღლითების მსხვერპლი გახდნენ, მოქალაქეებმა მხოლოდ მაშინღა იეჭვეს, როცა კომუნალური დავალიანების გამო სახლებში ელექტროენერგია გაუთიშეს და წყალი გადაუკეტეს

თბილისი, 28 მაისი — Sputnik. ჩრდილოეთ ოსეთში პოლიციელებმა დააკავეს სექტა „სსრკ–ს მოქალაქეების“ წევრები, რომლებიც მოტყუებით იზიდავდნენ ადეპტებს საკუთარ რიგებში.

გავრცელებული ინფორმაციით, თაღლითები მოქალაქეებს  ჰპირდებოდნენ, რომ მას შემდეგ, რაც „საბჭოთა კავშირის“ წევრები გახდებოდნენ, კომუნალური თუ საშემოსავლო გადასახადებისგან გათავისუფლდებოდნენ. 

ამ გზით მათ დაახლოებით ათასამდე ყალბი პირადობის მოწმობა გაყიდეს, რომლებსაც არანაირი იურიდიული ძალა არ გააჩნია.

ირკვევა, რომ გარდა გადასახადებისგან გათავისუფლებისა, თაღლითები მიმნდობ მოქალაქეებს ხელფასებზე დანამატების გაცემასა და 1991 წელს გახსნილი ანაბრების კომპენსაციასაც ჰპირდებოდნენ, რისთვისაც მათ სექტისთვის ბაჟის გადახდას აიძულებდნენ.

რაღა თქმა უნდა, „სსრკ–ს მოქალაქეები“ არანაირი გადასახადებისგან არავის გაუთავისუფლებია. პირიქით, სექტის ადეპტებს ვალები დაედოთ. იმის შესახებ, რომ თაღლითების მსხვერპლი გახდნენ, მათ მხოლოდ მაშინღა იეჭვეს, როცა კომუნალური გადასახადების გადაუხდელობის გამო სახლებში ელექტროენერგია გაუთიშეს და წყალი გადაუკეტეს.

პოლიციის თანამშრომლებმა სექტის ოფისში საბჭოთა ნიმუშის სხვადასხვა სახის ბლანკები და დიდი რაოდენობით ფული აღმოაჩინეს. დამნაშავეებს ექვს წლამდე პატიმრობა ემუქრება.

 

15
თემები:
მსოფლიო დღეს
Су-35

„სტანდარტული ოპერაცია“: სამხედრო ექსპერტმა ამერიკული გამანადგურებლის ჩაჭერა შეაფასა

32
(განახლებულია 19:38 27.05.2020)
მანამდე აშშ-ის სამხედრო-საზღვაო ძალების მეექვსე ფლოტის პრეს-სამსახურმა განაცხადა, რომ გუშინ ორმა რუსულმა გამანადგურებელმა ხმელთაშუა ზღვის თავზე სახიფათოდ ჩაიჭირა ამერიკული მზვერავი თვითმფრინავი Poseidon P-8A.

თბილისი, 27 მაისი — Sputnik. ამერიკული მზვერავი თვითმფრინავის გაცილება ხმელთაშუა ზღვის თავზე — ეს ჩვეულებრივი პროცედურაა და რუს მფრინავებს საჰაერო ხულიგნობა არ ჩაუდენიათ, მიაჩნია სამხედრო ექსპერტ იგორ კოროტჩენკოს. 

მანამდე აშშ-ის სამხედრო-საზღვაო ძალების მეექვსე ფლოტის პრეს-სამსახურმა განაცხადა, რომ გუშინ ორმა რუსულმა გამანადგურებელმა ხმელთაშუა ზღვის თავზე სახიფათოდ ჩაიჭირა ამერიკული მზვერავი თვითმფრინავი Poseidon P-8A. ამერიკელმა სამხედროებმა რუსული ეკიპაჟის მოქმედება არაპროფესიონალიზმად შეაფასეს: აშშ-ის სამხედრო-საზღვაო ძალების წარმომადგენელთა თქმით, Су-35-ებმა P-8A ორი მხრიდან მოიმწვდიეს, რითიც ხელს უშლიდნენ „უსაფრთხო მანევრირებაში“.

„ამერიკელებს ყოველ ჯერზე ძალიან ნერვიული რეაქცია აქვთ, როდესაც ჩვენი გამანადგურებლები რუსეთის სამხედრო-კოსმოსური ძალების პასუხისმგებლობის ზონაში მათი მზვერავი თვითმფრინავის ყოფნის მიზნებს არკვევენ. აშშ-ს უკვე დაავიწყდა საერთაშორისო სამართალი და მიაჩნია, რომ ის მსოფლიოში ერთადერთი ჰეგემონია“, — განაცხადა РИА Новости-სთან საუბრისას კოროტჩენკომ.

ექსპერტის აზრით, რუსულმა Су-35-ებმა „სრულიად სტანდარტული“ ოპერაცია ჩაატარეს უცხოეული მზვერავი თვითმფრინავის საიდენტიფიკაციოდ, რომელიც რუსულ სამხედრო ობიექტებს მიუახლოვდა სირიაში. 

  • „ამერიკული მზვერავი თვითმფრინავისთვის ჩვენი სამხედრო-კოსმოსური ძალების ოპერაციას არანაირი საფრთხე არ შეუქმნია. ჩვენ გამოცდილი და პროფესიონალი პილოტები გვყავს. ისინი საჰაერო ხულიგნობით კი არ არიან დაკავებული, არამედ თავიანთ ამოცანებს ასრულებენ საერთაშორისო სამართლისა და შესაბამისი სარეგლამენტო დოკუმენტების შესაბამისად“, — განმარტა ექსპერტმა.

აღსანიშნავია, რომ რუსეთის სამხედრო-საჰაერო ძალებისა და ჰაერსაწინააღმდეგო თავდაცვის ძალების მე-4 არმიის ყოფილმა სარდალმა ვალერი გორბენკომ სააგენტოსთან საუბრისას ივარაუდა, რომ ღია ცის ხელშეკრულებიდან აშშ-ის გასვლის პარალელურად ასეთი ინციდენტები შესაძლოა გახშირდეს.

მისი აზრით, შეერთებული შტატები შეეცდება, რომ რუსეთის შესახებ ინფორმაციის ნაკლებობა მზვერავი თვითმფრინავების დახმარებით შეავსოს და, ამასთან, დაძაბოს ვითარება საინფორმაციო სივრცეში.

32
თემები:
რუსეთი დღეს (485)
თბილისი

როგორი ამინდი იქნება თბილისში შაბათს, 30 მაისს

0
(განახლებულია 10:38 28.05.2020)
შაბათს საქართველოს დედაქალაქში 26 გრადუსი სითბო დაფიქსირდება, არ იქნება არც ქარი და არც წვიმა

თბილისი, 28 მაისი — Sputnik. სინოპტიკოსების პროგნოზით, შაბათს, 30 მაისს თბილისში თბილი და მზიანი ამინდი იქნება.

ტემპერატურა ღამით იქნება +16, ხოლო დღისით +26 გრადუსი.

ქარი 10–15 მეტრი წამში სიჩქარით დაუბერავს.

მზე 05:29 საათზე ამოვა და 20:27 საათზე ჩავა.

0
თემები:
ამინდის ზუსტი პროგნოზი თბილისში