ვლადიმირ და ნატალია პოტანინები

გრანდიოზული განქორწინება: ექს-მეუღლე რუსი ბიზნესმენისგან 5,8 მლრდ გირვანქას მოითხოვს

150
(განახლებულია 21:04 09.08.2019)
გამოცემის ინფორმაციით, რუსი  ბიზნესმენისა და მისი მეუღლის საქმე შესაძლოა ყველაზე მსხვილ საქმედ იქცეს განქორწინების კუთხით ლონდონის სასამართლოს ისტორიაში.   

თბილისი, 9 აგვისტო − Sputnik. რუსი ბიზნესმენის, ვლადიმირ პოტანინის ყოფილმა მეუღლემ ლონდონის სასამართლოში სარჩელი შეიტანა და მისგან 5,8 მილიარდ გირვანქა სტერლინგს ითხოვს, იუწყება გამოცემა The Telegraph−ი საკუთარ წყაროზე დაყრდნობით. 

ნატალია პოტანინამ აღნიშნული სარჩელი ქონების გაყოფის თაობაზე მიმდინარე პროცესის ფარგლებში შეიტანა.

გამოცემის ინფორმაციით, რუსი  ბიზნესმენისა და მისი მეუღლის საქმე შესაძლოა ყველაზე მსხვილ საქმედ იქცეს განქორწინების კუთხით ლონდონის სასამართლოს ისტორიაში.   

როგორც ცნობილია, პოტანინები ოფიციალურად 2014 წლის ტებერვალში განქორწინდნენ ერთად გატარებული 30 წლის შემდეგ. ნატალია პოტანინამ 2017 წელს მოსკოვის სასამართლოში ორი სარჩელი შეიტანა ყოფილი მეუღლის წინააღმდეგ. ერთი სარჩელით ის 217 მლრდ რუბლს, მეორეთი კი 849 მლრდ რუბლს მოითხოვდა. მაგრამ არც პირველის ინსტანციის სასამართლომ და არც საკასაციომ მაშინ ნატალია პოტანინას სარჩელები არ დააკმაყოფილეს.

The Telegraph−ის ინფორმაციით, 58 წლის ნატალია პოტანინას ინტერესებს ლონდონის სასამართლოში ადვოკატი ჩარლზ ჰოვარდი დაიცავს, ხოლო მისი ყოფილი მეუღლისას — განქორწინების საქმეებში გამოცდილი და ცნობილი ადვოკატი ფიონა შეკლტონი, რომელსაც პროფესიულ წრეებში „ფოლადის მაგნოლიას“ უწოდებენ.

ეს უკანასკნელი სასამართლოებში სამეფო ოჯახებისა და სხვა ცნობილი ადამიანების, მაგალიტად, პრინც ჩარლზისა და პოლ მაკარტნის ინეტერსებს იცავდა.

 

150
თემები:
რუსეთი დღეს (526)
მოსკოვი პანდემიის დროს

მეცნიერებმა პანდემია იწინასწარმეტყველეს რუსეთის მთავარი სანიტარული ექიმი

1484
(განახლებულია 21:18 03.07.2020)
„როსპოტრებნადზორის“ ხელმძღვანელის თქმით, ახალ პანდემიაზე უკვე დიდი ხანია წერდნენ და არა მხოლოდ მეცნიერები, არამედ ფანტასტებიც.

თბილისი, 3 ივლისი – Sputnik. COVID-19-ის მსგავსი პანდემიის სიტუაციისთვის სამეცნიერო საზოგადოება დიდი ხანია ემზადებოდა – მეცნიერებს ესმოდათ, რომ ეს ოდესმე მოხდებოდა, განაცხადა რუსეთის მთავარმა სანიტარულმა ექიმმა, „როსპოტრებნადზორის“ ხელმძღვანელმა ანა პოპოვამ.

„ამისთვის მართლა ვემზადებოდით. მაგრამ სხვადასხვა ქვეყნის მომზადების ხარისხი – დღეს თვალნათლივ განსხვავებულია. ყველას გვესმოდა, ეპიდემიოლოგებს, მეცნიერებს, რომ ასეთი მომენტი ოდესმე დადგებოდა. ოდესმე იქნებოდა ახალი ვირუსი, ამაზე ბევრი იწერებოდა, არის მხატვრული ნაწარმოებებიც, ფანტასტები წერდნენ, რომ იქნება „Х ვირუსის“ დრო“, – განაცხადა პოპოვამ ტელეარხ Россия 24-ის („როსია 24“) ეთერში.

ის მიიჩნევს, რომ მსოფლიომ კორონავირუსთან დაკავშირებით ცვლილებები განიცადა. „ჩვენ ვსაუბრობთ ახალ გარემოებაზე და ახალი წესები უნდა გვქონდეს. დავიწყეთ ახალი წესების წერა, როდესაც ჯერ პიკიც კი არ გვქონდა – აპრილის ბოლოს. ჩვენ გვესმოდა, რომ ეს ყველაფერი მოხდებოდა“, – აღნიშნა მან.

კორონავირუსის სრული დამარცხება საეჭვოა: ანტისხეულები ორგანიზმში მალე ქრება – ახალი კვლევა>>

ჯანდაცვის მსოფლიო ორგანიზაციის (ჯანმო) მონაცემებით, 3 ივლისისთვის მთელ მსოფლიოში კორონავირუსით ინფიცირებულთა რიცხვი 10 მილიონს აჭარბებს. გარდაიცვალა 500 ათასზე მეტი ადამიანი.

ჯანმომ COVID-19-ის აფეთქება პანდემიად 11 მარტს გამოაცხადა.

1484
თემები:
COVID-19-ის პანდემია მსოფლიოში
მეზოთერაპია

ასტროლოგიური დისკრიმინაცია: კოსმეტოლოგიურმა კლინიკამ მორიელების მიღება შეაჩერა

366
(განახლებულია 16:14 03.07.2020)
კოსმეტოლოგიურმა კლინიკამ, ბობოქარი კლიენტებისგან თავის დასაცავად, ცენტრში მათი დაშვება ასტროლოგიური შესაბამისობით დაიწყო.

თბილისი, 3 ივლისი — Sputnik. კოსმეტოლოგიურმა კლინიკა „ტესლამ“, რომელიც მოსკოვში მდებარეობს, ზოდიაქოს ნიშან მორიელებს 12 ივლისამდე ცენტრში სტუმრობა აუკრძალა იმის გამო, რომ ამ პერიოდში რეტროგრადული მერკური კიბოს ნიშანში მდებარეობს, იუწყება Readovka.

​ირკვევა, რომ კლინიკის ხელმძღვანელობის აზრით, ამ პერიოდში „მორიელები“ განსაკუთრებული აგრესიულობით გამოირჩევიან.

„იყო რამდენიმე პრეცედენტი, როცა ადამიანები ბობოქრობდნენ. გავიგეთ მათი ჰოროსკოპი. მორჩა! ჩვენ სასწრაფო დახმარება არ ვართ, რომ უარი ვერ ვთქვათ პაციენტის მიღებაზე ასტროლოგიური მოსაზრებებით“, — აცხადებს კლინიკის პერსონალი, რომელსაც სამედიცინო ლიცენზია აქვს.

გარდა მორიელებისა, კლინიკაში ასტროლოგიური დისკრიმინაციის ქვეშ მოყვნენ თხის რქები, ქალწულები და კუროები. თუმცა კლინიკა მაინც დაუშვებს გამონაკლისს ამ ნიშნებისთვის იმ შემთხვევაში, თუ ისინი დამატებით 20 ათას რუბლს გადაიხდიან „პერსონალისთვის კონიაკის, ხოლო კლიენტებისთვის ვალერიანის წვეთების შესაძენად“.

კლინიკა პირობას დებს, რომ მას შემდეგ, რაც „რეტროგრადული მერკური კიბოს ნიშნიდან გავა“, ცენტრის პერსონალი მორიელებს, თხის რქებს, ქალწულებსა და კუროებს კვლავ უპრობლემოდ მოემსახურება.

 

366
თემები:
რუსეთი დღეს (526)
დაკავება

საქართველოში მკვლელობის ბრალდებით აზერბაიჯანის მოქალაქე დააკავეს

0
გამოძიება „განზრახ მკვლელობის“ მუხლით მიმდინარეობს. ბრალის დამტკიცების შემთხვევაში აზერბაიჯანის მოქალაქეს 15 წლამდე პატიმრობა ემუქრება

თბილისი, 5 ივლისი – Sputnik. ქართველმა სამართალდამცველებმა დააკავეს 28 წლის აზერბაიჯანის მოქალაქე დმანისის მუნიციპალიტეტში თავისი ნაცნობის, 20 წლის მკვლელობის ბრალდებით, ნათქვამია შსს-ს ვებგვერდზე გავრცელებულ განცხადებაში.

გამოძიების მონაცემებით, ბრალდებულმა თავისი ნაცნობი ცივი იარაღით დაჭრა და მიიმალა. დაშავებული მიღებული ჭრილობისგან საავადმყოფოში გარდაიცვალა.

პოლიციამ დანაშაულის ჩადენის იარაღი - დანა ნივთმტკიცების სახით ამოიღო. დაკავებული აღიარებს დანაშაულს.

გამოძიება „განზრახ მკვლელობის“ მუხლით მიმდინარეობს, რაც 7-დან 15 წლამდე ვადით თავისუფლების აღკვეთას ითვალისწინებს.

0
თემები:
კრიმინალი საქართველოში