ვლადიმირ პოზნერი

„სიბინძურესაც აქვს საზღვარი“ - რას წერს პოზნერი გაბუნიაზე

404
პოზნერის აზრით, ახლა საქართველოში წინასაარჩევნო ბრძოლა მიმდინარეობს და ამ ბრძოლაში გამარჯვებას სწორედ „რუსოფობიული კარტის მოხერხებულად გათამაშება“ განსაზღვრავს.

თბილისი, 9 ივლისი — Sputnik. ბატონი გაბუნია პირადად ჩემთვის ჟურნალისტი აღარ არის, აცხადებს რუსი და ამერიკელი ჟურნალისტი ვლადიმირ პოზნერი საკუთარ ოფიციალურ საიტზე გამოქვეყნებულ კომენტარში. 

პოზნერი წერს, რომ აქამდე ის უარს ამბობდა, რაიმე კომენტარი გაეკეთებინა ტელეარხ „რუსთავი 2-ის“ წამყვანის, გიორგი გაბუნიას შეურაცხმყოფელ მონოლოგზე, რომლის ადრესატიც რუსეთის პრეზიდენტი იყო, ვინაიდან მიიჩნევდა, რომ არ ღირდა ისედაც დაძაბული ვითარების კიდევ მეტად გამწვავება. თუმცა საბოლოოდ მაინც გადაწყვიტა, გამოხმაურებოდა მომხდარს.

„ნებისმიერ ქვეყანაში ჟურნალისტი, რომელიც იმის უფლებას მისცემდა თავს, რის უფლებაც ბატონმა გაბუნიამ მისცა, სამსახურიდან იქნებოდა გათავისუფლებული და ის ვეღარასდროს შეძლებდა ამ პროფესიით სამსახურის შოვნას“, — მიაჩნია ცნობილ ჟურნალისტს.

მისი თქმით, ყველა ადამიანს აქვს საკუთარი აზრი, თითოეულს აქვს უფლება, გამოთქვას მოსაზრება, მაგრამ უცენზურო ლექსიკის გამოყენებისა და შეურაცხყოფის მიყენების უფლება არავის აქვს, განსაკუთრებით, ჟურნალისტს.   

ვლადიმირ პოზნერის აზრით, ახლა საქართველოში წინასაარჩევნო ბრძოლა მიმდინარეობს და ამ ბრძოლაში გამარჯვებას სწორედ „რუსოფობიული კარტის მოხერხებულად გათამაშება“ განსაზღვრავს. თუმცა, მისი თქმით, მიუხედავად იმისა, რომ პოლიტიკა ბინძური საქმეა, სიბინძურესაც აქვს საზღვარი.  

„პირადად ჩემთვის ბატონი გაბუნია აღარ არის ჟურნალისტი — არა ანტირუსული პოზიციისთვის, ამის უფლება მას აქვს, არამედ ჟურნალისტიკის პრინციპების დარღვევისთვის“, — ასკვნის პოზნერი.

აღსანიშნავია, რომ ტელეარხ „რუსთავი 2-ის“ პროგრამა „პოსტ-სკრიპტუმის" წამყვანმა  გიორგი გაბუნიამ კვირა საღამოს საავტორო გადაცემაში რუსულ ენაზე, უცენზურო ლექსიკის გამოყენებით, შეურაცხყოფა მიაყენა რუსეთის პრეზიდენტს და მის გარდაცვლილ მშობლებს. 

ჟურნალისტის გამოსვლას მღელვარება მოჰყვა საზოგადოებაში. გარდა ამისა, გაბუნიას ნაბიჯი გააკრიტიკეს საქართველოს პრეზიდენტმა და პრემიერმა, პარლამენტის თავმჯდომარემ, თბილისის მერმა, საგარეო საქმეთა სამინისტრომ კი მომხდარი ქვეყნებს შორის ურთიერთობების დაძაბვის მცდელობად შეაფასა. ტელეკომპანიის თვითრეგულირების ორგანომ გიორგი გაბუნიას უფლებამოსილება ორი თვით შეუჩერა.

რაც შეეხება რუსეთის საგარეო საქმეთა სამინისტროს, უწყებამ ქართველი ჟურნალისტის საქციელი „უპრეცედენტო სიმდაბლედ“ შეაფასა და განაცხადა, რომ ეს ქართული რადიკალური ძალების ღია პროვოკაციაა.

მოგვიანებით რუსეთის დუმამ პლენარულ სხდომაზე მიიღო დეპუტატთა განცხადება, რომლებიც მთავრობას საქართველოს მიმართ შესაძლო დამატებითი სპეციალური ეკონომიკური ღონისძიებების დაწესების მიზანშეწონილობის საკითხის განხილვას სთავაზობდა. გარდა ამისა, დეპუტატები მთავრობას აძლევდნენ რეკომენდაციას, წარედგინა პრეზიდენტ ვლადიმირ პუტინისთვის შესაბამისი წინადადებები. 

დღესვე ვლადიმირ პუტინმა უარი თქვა საქართველოსთვის სანქციების დაწესებაზე და განაცხადა, რომ ამას ქართველი ხალხის პატივისცემით აკეთებს.

 

404
თემები:
გინება პირდაპირ ეთერში - სკანდალი Rustavi 2-ის ირგვლივ (49)

მოლდოვის საპრეზიდენტო არჩევნები. რა სიურპრიზს უმზადებს აშშ კიშინიოვს

27
(განახლებულია 19:22 23.10.2020)
აშშ მოლდოვისთვის 1 ნოემბრის საპრეზიდენტო არჩევნების შემდეგ რევოლუციურ სცენარს ამზადებს. ამის შესახებ განაცხადა რუსეთის საგარეო დაზვერვის სამსახურის დირექტორმა სერგეი ნარიშკინმა.

მისი თქმით, მოლდოვის მოქმედი ლიდერი იგორ დოდონი აშშ-ს არ აწყობს, რადგან ის „დსთ-ის ქვეყნებთან, მათ შორის რუსეთთანაც, კონსტრუქციული დიალოგის მომხრეა. მან ხაზი გაუსვა, რომ აშშ-ის სახელმწიფო დეპარტამენტმა უკვე უკვე მოუწოდა საკუთარ საელჩოს კიშინიოვში „წინასწარ განაწყონ ოპოზიცია მასობრივი საპროტესტო აქციებისათვის“, თუ დოდონს კვლავ აირჩევენ. საპრეზიდენტო არჩევნებში, გარდა მოქმედი პრეზიდენტისა, მონაწილეობას მიიღებს კიდევ შვიდი კანდიდატი. დოდონის მთავარ მოწინააღმდეგედ მიიჩნევა ოპოზიციური პარტია „მოქმედება და სოლიდარობის“ ლიდერი მაია სანდუ, რომელიც საკუთარი პროდასავლური პოზიციითაა ცნობილი.

27
ვლადიმირ პუტინი

ვლადიმირ პუტინმა ყარაბაღის ახალ კონფლიქტში დაღუპულთა რაოდენობა დაასახელა

77
(განახლებულია 13:18 23.10.2020)
რუსეთის პრეზიდენტის თქმით, მთიან ყარაბაღში არსებული ვითარება – ეს არის კონფლიქტი მისი ყველაზე უარესი ვარიანტით.

თბილისი, 23 ოქტომბერი — Sputnik. მთიან ყარაბაღში სომხეთი–აზერბაიჯანის კონფლიქტის ესკალაციის შემდეგ თითქმის 5 ათასი ადამიანია დაღუპული, განაცხადა რუსეთის პრეზიდენტმა ვლადიმირ პუტინმა კლუბ „ვალდაის“ სხდომაზე.

„ორივე მხრიდან დიდია დანაკარგი... დაღუპულთა საერთო რაოდენობა უკვე ხუთ ათასს უახლოვდება“, — განაცხადა რუსეთის ლიდერმა.

მისი თქმით, მოსკოვი მრავალი წლის განმავლობაში სთავაზობდა მხარეებს პრობლემის დარეგულირების სხვადასხვა ვარიანტებს, მაგრამ პოზიციების შეთანხმება ვერ მოხერხდა და, შესაბამისად, „მივიღეთ კონფლიქტი მისი ყველაზე უარესი ვარიანტით“.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. 

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

 

77
თემები:
ესკალაცია ყარაბაღში 2020
სპეცოპერაცია ზუგდიდში

„საქართველოს ბანკის“ ფილიალში მძევლად აყვანილ პირთა ნაწილს დაზარალებულის სტატუსი მიენიჭა 

0
ყოფილი მძევლები საგამოძიებო უწყებაში დღეს განმეორებით არ დაკითხულან. მათ დაზარალებულის სტატუსი მიენიჭათ.

თბილისი, 24 ოქტომბერი - Sputnik. ზუგდიდში, „საქართველოს ბანკის“ ფილიალში თავდასხმისას მძევლად აყვანილ პირთა ნაწილს დაზარალებულის სტატუსი მიენიჭა, იუწყება „პირველი არხი“.

არსებული ინფორმაციით, სამეგრელო-ზემო სვანეთის სამხარეო პოლიციის მთავარ სამმართველოში ამ დროისთვის მოწმეების გამოკითხვა მიმდინარეობს.

უწყებაში იკითხებიან ბანკის ის თანამშრომლები, რომლებიც „საქართველოს ბანკზე“ ბანკზე მომხდარი თავდასხმისას მძარცველმა მძევლად აიყვანა.

საგამოძიებო უწყება უკვე დატოვა რამდენიმე მოწმემ. მათი ინფორმაციით, საგამოძიებო უწყებაში დღეს განმეორებით არ დაკითხულან და მათ დაზარალებულის სტატუსი მიენიჭათ.

21 ოქტომბერს შეიარაღებული პირი „საქართველოს ბანკის“ ზუგდიდის ფილიალში შეიჭრა და 40-ზე მეტი ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. მოთხოვნების შეუსრულებლობის შემთხვევაში დამნაშავე მძევლების დახოცვით იმუქრებოდა.

მძევლების გათავისუფლების ოპერაცია შვიდ საათზე მეტხანს გაგრძელდა, რთული და ხანგრძლივი მოლაპარაკებების შედეგად მძევლების გათავისუფლება მოხდა, მათ სამეგრელო–ზემო სვანეთის პოლიციის დეპარტამენტის დირექტორი ავთანდილ გალდავა ჩაენაცვლა. ფულის მიღების შემდეგ თავდამსხმელმა ავთანდილ გალდავასთან და სამ მძევალთან ერთად დატოვა ბანკის შენობა. ამ დროისთვის ყველა მძევალი გათავისუფლებულია, ბოროტმოქმედზე კი ძებნაა გამოცხადებული.

ზუგდიდში მომხდარ ფაქტზე გამოძიება საქართველოს სსკ-ის 179-ე, 236-ე და 144-ე მუხლებით მიმდინარეობს.

0
თემები:
ზუგდიდში შეიარაღებულმა პირმა მძევლები აიყვანა