თბილისობა

„როსსელხოზნადზორი“ საქართველოდან პროდუქციის შეტანის აკრძალვას არ გეგმავს

103
(განახლებულია 15:10 27.06.2019)
რუსეთი საქართველოს ერთ–ერთი მსხვილი სავაჭრო პარტნიორია

თბილისი, 27 ივნისი - Spuntik. „როსსელხოზნადზორი“ არ განიხილავს საქართველოდან სასოფლო–სამეურნეო პროდუქციის  შემოტანის აკრძალვის საკითხს, იუწყება РИА Новости უწყების ხელმძღვანელ სერგეი დანკვერტზე დაყრდნობით.

საქართველოში განვითარებული მოვლენების კვალდაკვალ, რუსეთის პრეზიდენტ ვლადიმირ პუტინის ბრძანებულებით, საქართველო−რუსეთს შორის ავიამიმოსვლები დროებით შეწყდა. კერძოდ, 8 ივლისიდან რუსულ ავიაკომპანიებს საქართველოში რუსეთის მოქალაქეების გადაყვანა ეკრძალებათ. გარდა ამისა, პუტინმა რუსეთის ხელისუფლებას საქართველოში მყოფი რუსეთის მოქალაქეების სამშობლოში დაბრუნების უზრუნველყოფა დაავალა. პირდაპირი ავიარეისების განხორციელებაზე აკრძალვა დაუწესდათ ქართულ ავიაკომპანიებსაც.

„ამ საკითხს არც კი განვიხილავთ. დღეს ჩვენ ჩვენს ქართველ კოლეგებთან ერთად საკმაოდ ეფექტურად ვმუშობთ. ჩვენ  საამისო მიზეზი და საფუძველი არ გვაქვს“, – განაცხადა მან ჟურნალისტის მიერ დასმულ კითხვაზე ქართული პროდუქციის რუსეთში შეტანაზე შესაძლო აკრძალვასთან დაკავშირებით.

გარდა ამისა, „როსსელხოზნადზორის“ ხელმძღვანელმა აღნიშნა, რომ რუსეთი საქართველოში უფრო მეტ ექსპორტს განახორციელებს, ვიდრე იმპორტს ამ ქვეყნიდან. 

„რომ დავაზუსტო, დაახლოებით ოთხჯერ მეტს. ამიტომ, აბსოლუტურად ალოგიკურია (შეზღუდვა – რედ.) ბაზრის, რომელიც დღეისთვის საკმაოდ ეფექტურად მუშაობს – ჩვენ იქ ვაგზავნით მარცვლელულს, სხვადასხვა პროდუქციის დიდ რაოდენობას“, – დასძინა მან.

დანკვერტის სიტყვებით, მის უწყებაში პოლიტიკური მომენტების განხილვა არ ხდება, მხოლოდ ეკონომიკურ მდგომარეობას იხილავენ. ქართულ მხარესთან უერთიერთგაგება, მისი თქმით, კარგ დონეზეა.

 „როსსელხოზნადზორის“ პრეს–მდივანმა იულია მელანომ ორშაბათს განაცხადა, რომ რუსეთში საქართველოდან შეტანილი პროდუქციის ოდენობა დიდი არაა და ბოლო პერიოდში პროდუქციის მოწოდებაზე სერიოზული შეფერხებები არ ფიქსირდება.

ამასთან, „როსპოტრებნადზორში“ ორშაბათს აღნიშნეს, რომ საქართველოდან ალკოჰოლური პროდუქციის ხარისხის გაუარესების გამო უწყების სპეციალისტებმა მის ხარისხზე კონტროლი გააძლიერეს.

საგარეო სავაჭრო ბრუნვა რუსეთსა და საქართველოს შორის

2019 წლის დასაწყისიდან საქართველოს მსხვილი სავაჭრო პარტნიორები თურქეთი, რუსეთი და აზერბაიჯანი არიან. მთლიანობაში ამ ქვეყნებთან სავაჭრო ბრუნვამ 2019 წლის პირველ ხუთ თვეში 1,7 მლნ აშშ დოლარი შეადგინა, რაც საერთო სავაჭრო ბრუნვის 34,4%-ია. 


2019 წლის დასაწყისიდან საქართველოსა და რუსეთს შორის სავაჭრო ბრუნვა 3,6%-ით გაიზარდა წინა წლის ანალოგიურ მაჩვენებელთან შედარებით და 568,2 მლნ აშშ დოლარი შეადგინა - საქართველოს საერთო სავაჭრო ბრუნვის 11,5%.

2019 წლის დასაწყისიდან საქართველოდან რუსეთში გავიდა  56 ათასი ტონა ფეროშენადნობი, 16,6 ათასი ტონა ყურძნის ნატურალური ღვინო, დაახლოებით 39 ათასი ტონა მინერალური და მტკნარი წყალი, 36,2 ტონა ცენტრიფუგა, 2,6 ათასი ტონა სპირტიანი სასმელი და ა.შ.  

რუსეთი ქართული ღვინის მთავარი იმპორტიორია - 2019 წლის იანვარ-მაისში რუსეთში დაახლოებით 21,4 მილიონი ბოთლი ღვინო გაიტანეს, რაც 2018 წლის იმავე პერიოდის მაჩვენებელს 5%-ით აღემატება.

ამასთან, რუსეთი საქართველოში საწვავის ყველაზე მსხვილი მომწოდებელია - წლის დასაწყისიდან დაახლოებით 137,5 ათასი ტონა ნავთობი და ნავთობპროდუქტი შემოვიდა.

რუსეთიდან შემოვიდა ასევე 117,1 ათასი ტონა ხორბალი, დაახლოებით 53,8 ათასი ტონა ქვანახშირის კოქსი და ნახევარკოქსი, დაახლოებით 114,3 ათასი ტონა ქვანახშირი, მყარი საწვავის სახეობები, მიღებული ქვანახშირისაგან, 39,4 ათასი ტონა ნავთობის აირები და აირისებრი ნახშირწყალბადები და სხვ.



103
თემები:
რუსეთი დღეს (526)

ჯანმო დაინტერესებულია СOVID-19-ის რუსული ვაქცინით - ვიდეო

46
ჯანდაცვის მსოფლიო ორგანიზაცია კორონავირუსის რუსული ვაქცინით დაინტერესდა. ისინი ახლა გამოცდების დასრულებას ელოდებიან

ამასთან აღნიშნეს, რომ ასევე მონაწილეობენ პრეპარატების ტესტირებაში. რუსეთში მოხალისეებზე ტესტები რამდენიმე ადგილზე ერთდროულად მიმდინარეობს. როგორ მიდის ტესტები, როგორ გრძნობენ თავს მოხალისე მონაწილეები და რომელი ქვეყნები ელოდებიან ვაქცინას ყველაზე მეტად - იხილეთ ჩვენს ვიდეოში.

46
კორონავირუსით ინფიცირებული უჯრედი

ველოდებით შედეგს: ჯანმო COVID-19-ის რუსული ვაქცინით დაინტერესდა

66
(განახლებულია 19:07 06.07.2020)
ორგანიზაციის წარმომადგენელს იმედი აქვს, რომ რუსი მეცნიერები პროგრამა „სოლიდარობის ტესტებთან“ თანამშრომლობას დათანხმდებიან.

თბილისი, 6 ივლისი — Sputnik. ჯანდაცვის მსოფლიო ორგანიზაცია დაინტერესებულია რუსული ვაქცინით, რომელიც ახალი ტიპის კორონავირუსის წინააღმდეგ შეიქმნა, განუცხადა РИА Новости-ს ორგანიზაციის მთავარმა მეცნიერ-თანამშრომელმა სუმია სვამინატანმა.

„ჩვენ კურსში ვართ, რომ მიმდინარეობს [კორონავირუსის] საწინააღმდეგო პრეპარატ ავიფავირის გამოცდები. ტარდება წამლის ორი თუ სამი ტესტი. ასე რომ, ჩვენ შედეგებს ველოდებით. თუმცა, გარდა ამისა, ჩვენ რუსული ვაქცინითაც ვართ დაინტერესებული“, — თქვა სვამინატანმა.

მან იმედი ამოთქვა, რომ რუსი მეცნიერები დათანხმდებიან თანამშრომლობას პროგრამა „სოლიდარობის ტესტებთან“, რომელიც ახალი კორონავირუსის საწინააღმდეგო პრეპარატებისა და ვაქცინების შესახებ მონაცემების გაცვლაზეა ფოკუსირებული.

ორგანიზაციის წარმომადგენლის განმარტებით, ამ დროისათვის რუსეთი პროგრამაში არ მონაწილეობს.

გარდა რუსეთისა, „სოლიდარობის ტესტებში“ ასევე არ არიან ჩართული აშშ, დიდი ბრიტანეთი, ჩინეთი და საფრანგეთი.

მანამდე ცენტრ „ვექტორის“ გენერალურმა დირექტორმა რინატ მაქსიუტოვმა განაცხადა, რომ ცენტრში შემუშავებულმა სამმა ვაქცინამ გამოცდის საწყისი ეტაპი წარმატებით გაიარა. გარდა ამისა, ამ დროისათვის ასევე მიმდინარეობს გამალეის სახელობის სამეცნიერო-კვლევითი ცენტრისა და ქვეყნის თავდაცვის სამინისტროს მიერ ერთობლივად შექმნილი ვაქცინის გამოცდა.

66
თემები:
COVID-19-ის პანდემია მსოფლიოში
მეხანძრე

ზუგდიდის რაიონში ხანძარს მამაკაცი ემსხვერპლა

0
(განახლებულია 13:07 07.07.2020)
ხანძარი დილის 4 საათზე გაჩნდა. როგორც ჩანს, 60 წლის მამაკაცს ეძინა და ცეცხლიდან გამოსვლა დროულად ვერ შეძლო

თბილისი, 7 ივლისი — Sputnik. ზუგდიდის რაიონის სოფელ ერგეტაში ხანძრის გამო მამაკაცი დაიღუპა, იუწყება ტელეკომპანია „რუსთავი2".

60 წლის მამაკაცი საკუთარ სახლში დაიღუპა. რაიონული ადმინისტრაციის ხელმძღვანელის თქმით, ხანძარს გადაურჩა მამაკაცის დედა, რომელიც ამ დროს სახლში არ იმყოფებოდა.

ხანძრის მიზეზი, სავარაუდოდ, დაუდევრობა გახდა. ადგილზე მისულ მეხანძრე-მაშველებს მამაკაცი უკვე გარდაცვლილი დახვდათ.

0
თემები:
შემთხვევები საქართველოში