გასაგზავნად გამზადებული ატმის მოსავალი

„როსსელხოზნადზორი“: ქართულ ხილსა და ბოსტნეულში დარღვევა არ დაფიქსირდა

63
(განახლებულია 22:21 24.06.2019)
„როსსელხოზნადზორი“ ქართულ ხილსა და ბოსტნეულს სტანდარტული წესით გააკონტროლებს

თბილისი, 24 ივნისი — Sputnik. საქართველოდან რუსეთში მცენარეული პროდუქციის მიწოდებისას რაიმე სერიოზული დარღვევა არ ფიქსირდება, განუცხადა ორშაბათს ჟურნალისტებს „როსსელხოზნადზორის“ პრეს-მდივანმა იულია მელანომ.

„საქართველოდან მოწოდებული მცენარეული პროდუქციის წილი მცირეა. მოწოდებულ პროდუქციაში ბოლო დროს რაიმე სერიოზული დარღვევა არ დაფიქსირებულა. „როსსელხოზნადზორი“ საქართველოდან მოწოდებული პროდუქციის კონტროლს სტანდარტული სამუშაო წესით განაგრძობს“, - განაცხადა მელანომ.

„როსპოტრებნადზორმა“ ორშაბათს განაცხადა, რომ საქართველოდან მოწოდებული ალკოჰოლური პროდუქციის ხარისხის გაუარესების გამო მისი ხარისხის კონტროლი გაამკაცრა.

რამდენს დაკარგავს საქართველო რუსული შეზღუდვების გამო >>

რუსეთის პრეზიდენტმა ვლადიმირ პუტინმა 21 ივნისს გამოსცა ბრძანებულება, რომლის თანახმად 2019 წლის 8 ივლისიდან დროებით იკრძალება რუსული ავიაკომპანიების ფრენები რუსეთიდან საქართველოს მიმართულებით. მთავრობას კი რუსეთის მოქალაქეების სამშობლოში დაბრუნების უზრუნველყოფა დაევალა. გარდა ამისა, 8 ივლისიდან იკრძალება ქართული ავიაკომპანიების მიერ პირდაპირი ფრენების განხორციელება.

63
თემები:
საქართველოს ეკონომიკა (644)
ტერორისტის დაკავება

მზადდებოდა შეტევა სამედიცინო და სასწავლო დაწესებულებებზე: რუსეთში ტერორისტები დააკავეს

116
(განახლებულია 19:44 13.07.2020)
გასულ თვეში რუსეთის უშიშროების ფედერალური სამსახურის დირექტორმა განაცხადა, რომ ბოლო 10 წელიწადში ქვეყანაში 160 ტერაქტი აღიკვეთა.

თბილისი, 13 ივლისი — Sputnik. უშიშროების ფედერალურმა სამსახურმა როსტოვის ოლქში ტერორისტული დაჯგუფება „ისლამური სახელმწიფოს“ უჯრედი გამოავლინა, წერს საინფორმაციო სააგენტო РИА Новости უწყების პრეს-სამსახურზე დაყრდნობით. 

გავრცელებული ინფორმაციით, უჯრედის შემადგენლობაში „რუსეთისა და ერთ-ერთი შუააზიური ქვეყნის“ ექვსი მოქალაქე შედიოდა.

„ისინი ამზადებდნენ თავდასხმებს პოლიციის თანამშრომლებზე და ასევე გეგმავდნენ ტერორისტულ აქტებს სამედიცინო და სასწავლო დაწესებულებებში“, — ნათქვამია ინფორმაციაში.

ირკვევა, რომ ჯგუფის მეთაურმა დაკავებისას წინააღმდეგობა გაუწია სპეცსამსახურის წარმომადგენლებს. გარდა იმისა, რომ ცეცხლი გახსნა „კალაშნიკოვის“ სისტემის ავტომატიდან, მან ასევე ააფეთქა თვითნაკეთი მოწყობილობა, რის შედეგადაც თავად სასიკვდილოდ დაშავდა. ჯგუფის დანარჩენი ხუთი წევრი დაკავებულია. ძალოვნებსა და მშვიდობიან მოსახლეობას შორის არავინ დაშავებულა.

არსებული ცნობით, დაკავებულებს აღმოუჩინეს ავტომატები, საბრძოლო მასალები, კიდევ ერთი თვითნაკეთი ასაფეთქებელი მოწყობილობა და ნარკოტიკები.

ივნისში უშიშროების ფედერალური სამსახურის დირექტორმა ალექსანდრ ბორტნიკოვმა განაცხადა, რომ ბოლო 10 წელიწადში რუსეთში დაახლოებით 160 ტერაქტი აღიკვეთა, აქედან 43 — გასულ წელს.

 

116
თემები:
რუსეთი დღეს
ყავის მაგიდა

ყავის საფრთხე ცხელ ამინდში: ექიმი მარტივ გამოსავალს გასწავლით

182
(განახლებულია 14:27 13.07.2020)
ზაფხულში ყავის სმას გარკვეული საფრთხეები ახლავს, ამიტომ ექიმი ყავის მოყვარულებს მისი სწორად სმის გზას ასწავლის, რათა ორგანიზმს ზიანი არ მიადგეს.

თბილისი, 13 ივლისი — Sputnik. დილიდან ფინჯანი ყავა ბევრი ადამიანისთვის უცვლელი ჩვევაა, მაგრამ ცხელ ამინდში სასურველია მისი შეზღუდვა, რათა ორგანიზმს ზიანი არ მიადგეს, აცხადებს ექიმ–თერაპევტი, იმუნოლოგი და ალერგოლოგი ირინა იარცევა რადიო Sputnik-თან ინტერვიუში.

მისი თქმით, ყავის სმას ზაფხულის ხვატში გარკვეული საფრთხეები ახლავს.

„მკაცრი უკუჩვენებები ცხელ ამინდში ყავის მიღებასთან დაკავშირებით არ არსებობს. მაგრამ მისი ძირითადი თვისება — ორგანიზმიდან სითხის გამოდევნის დაჩქარებაა, რაც გაუწყლოების საფრთხეს ქმნის. ამიტომ მნიშვნელოვანია, რომ ყავის დალევამდე ან შემდეგ ერთი ჭიქა წყალი მიირთვათ“, — ამბობს ექიმი.

გარდა ამისა, იარცევა განმარტავს, რომ არანაირი მნიშვნელობა არ აქვს, ცხელ ყავას მიირთმევს ადამიანი თუ ცივს, ვინაიდან მოქმედი ნივთიერება ორივე შემთხვევაში უცვლელია — კოფეინი.

ექიმის რეკომენდაციით, დღეში სამი ფინჯანი ყავა ის ოპტიმალური რაოდენობაა, რომლის მიღებით დაკარგული სითხის შევსება ადამიანს წყლით შეუძლია. შესაბამისად, ეს ორგანიზმს ზიანს არ მიაყენებს.

 

182
თემები:
მსოფლიო და მეცნიერება

"თალიბანი" ისევ უტევს: ავღანეთში ტერაქტების სერია მოხდა

0
სამშვიდობო დარეგულირების საკითხი ავღანეთში ისევ საფრთხის ქვეშაა. ბოლო დღეებში ბოევიკებმა ერთბაშად რამდენიმე თავდასხმა და ტერაქტი განა ხორციელეს მთელ ქვეყანაში

გუშინ ძლიერი აფეთქება მოხდა ავღანეთის უსაფრთხოების ეროვნული დირექტორატის შენობასთან სამანგანის პროვინცია ქალაქ აიბაკში. შედეგად დაიღუპა ათამდე ადამიანი და დაშავდა 50.

შეტევაზე პასუხისმგებლობა რადიკალური მოძრაობა „თალიბანის“ ბოევიკებმა აიღეს. სამანგანში აფეთქებას წინ უძღოდა თალიბების თავდასხმა კუნდუზისა და ბადახშანის პროვინციების საკონტროლო გამშვებ პუნქტებზე. რამდენიმე დღით ადრე კი ბოევიკებმა იერიში მიიტანეს ავღანელ ძალოსნებზე ნანგარჰარის პროვინციაში.

0