მომრერალი იულია ნაჩალოვა

გარდაიცვალა რუსი მომღერალი იულია ნაჩალოვა

1468
(განახლებულია 21:55 16.03.2019)
იულია ნაჩალოვა, რომელსაც რამდენიმე დღის წინ ოპერაცია ჩაუტარდა, საავადმყოფოში 38 წლის ასაკში გარდაიცვალა

თბილისი, 16 მარტი - Sputnik. მომღერალი იულია ნაჩალოვა საავადმყოფოს რეანიმაციულ განყოფილებაში გარდაიცვალა, დაწერა მომღერლის პიარ-დირექტორმა ანა ისაევამ Instagram-ზე.

„ერთი საათის წინ ჩვენ იულიას გული გაუჩერდა“, - დაწერა ისაევამ.

რუსული მედიის მონაცემებით, მომღერალი საავადმყოფოში მძიმე მდგომარეობაში იმყოფებოდა. ექიმებმა ის ხელოვნური კომის მდგომარეობაში შეიყვანეს.

ნაჩალოვას რამდენიმე დღის წინ ოპერაცია ჩაუტარდა და იმ დროიდან ის რეანიმაციაში იმყოფებოდა.

ნაჩალოვა მხოლოდ 38 წლის იყო.

იულია ნაჩალოვა ვორონეჟში 1981 წლის 31 იანვარს დაიბადა.

Певица Юлия Началова
© photo: Sputnik / Ekaterina Chesnikova
მომღერალი იულია ნაჩალოვა

სიმღერა ადრეული ბავშვობიდან დაიწყო. უკვე 5 წლის ასაკში პროფესიულ სცენაზე იდგა. ხოლო სატელევიზიო კონკურს „დილის ვარსკვლავში“ გამარჯვებამ გოგონას პოპულარობა მოუტანა.

ნაჩალოვას პირველი ალბომი Ах, школа, школа 1995 წელს გამოვიდა. მისი ცნობილი სიმღერა Герой не моего романа 1997 წელს გაჟღერდა.

ნაჩალოვა მონაწილეობდა რეალიტი-შოუში „უკანასკნელი გმირი“ (2003). გადაღებულია ფილმებში „მისი რომანის გმირი“ (2001), „ბომბი პატარძლისთვის“ (2004), მუსიკალურ კომედიაში „სამი მუშკეტერი“ (2005), ასევე სხვადასხვა ტელეარხებზე ტელეწამყვანი იყო.

1468
თემები:
რუსეთი დღეს–2018 (218)

„უკვდავი პოლკი ონლაინ“ დასრულდა: მარში 25 მლნ ადამიანმა ნახა

10
(განახლებულია 18:45 29.05.2020)
სამი კვირის განმავლობაში ტრანსლაცია მიმდინარეობდა რუსეთის უკვდავი პოლკის საიტზე www.polkrf.ru, საერთაშორისო უკვდავი პოლკის საიტზე www.polk.press, ონლაინ–კინოთეატრზე Okko და ასევე სოციალურ ქსელებში ВКонтакте–სა და Одноклассники–ზე.

თბილისი, 29 მაისის — Sputnik. „უკვდავი პოლკი–ონლაინ“ მარში დასრულდა, მასშტაბური კამპანია ვირტუალურ სივრცეში 20 დღის განმავლობაში გრძელდებოდა და 25 მლნ ადამიანმა ნახა მთელი მსოფლიოდან.

„რუსეთის უკვდავი პოლკის“ ცენტრალური შტაბის თანათავმჯდომარის, შრომის გმირის, მსახიობ ვასილი ლანავოის თქმით, „რაც გაკეთდა, იმის მთავარი აზრი — ეს ადამიანების გაერთიანებაა, რათა ად დაირღვეს დროებს შორის ცოცხალი კავშირი, რათა არასდროს გაქრეს დაცემულ მეომართა ხსოვნა, რათა გამარჯვება მხოლოდ ერთად შეიძლება“.

„დიდი მადლობა მინდა გადავუხადო ყველას, ვინც მონაწილეობა მიიღო ონლაინ–მსვლელობის ორგანიზებასა და ჩატარებაში. ეს რუსეთის „უკვდავი პოლკისა“ და მისი პარტნიორების კოორდინირებული სამუშაო იყო, ანკეტების შესაკრებად ონლაინ–პლატფორმების შემქმნელების, მოხალისე–მოდერატორების, კონსულტანტ–ისტორიკოსების, მსვლელობის ტრანსლაციის ორგანიზატორებისა. 9 მაისს ის მარტო ინტერნეტითა და  პირდაპირი ტელეეთერებით კი არ იხილეს, არამედ 5 000–ზე მეტ მედიაფასადზეც მთელი რუსეთის მასშტაბით. მათ შორის, ეს იყო დიდმეტრაჟიანი ეკრანები ისტორიული შენობების კედლებზე. რაც შეეხება მოსკოვს, იქ ტრანსლაცია მეტროს მატარებლების ეკრანებზეც მიმდინარეობდა, მიწისზედა ტრანსპორშიცა და ელექტრომატარებლებშიც  — სულ 20 ათას ერთეულზე“, — განაცხადა „რუსეთის უკვდავი პოლკის“ აღმასრულებელი კომიტეტის ხელმძღვანელმა არტიომ ხუტორსკიმ.

სამი კვირის განმავლობაში ტრანსლაცია მიმდინარეობდა რუსეთის უკვდავი პოლკის საიტზე www.polkrf.ru, საერთაშორისო უკვდავი პოლკის საიტზე www.polk.press, ონლაინ–კინოთეატრზე Okko და ასევე სოციალურ ქსელებში ВКонтакте–სა და Одноклассники–ზე. აქცია ყველაზე მეტად პოპულარული სწორედ სოციალურ ქსელებში იყო. 

„სოციალურ ქსელებში ტრანსლაცია დაახლოებით 18 მილიონჯერ ნახა მომხმარებელმა. ВКонтакте–სა და Одноклассник–ის იუზერებმა ორი მლნ ანკეტა ატვირთეს ახლობლების შესახებ ინფორმაციით. ბევრი ერთდროულად რამდენიმე ვეტერანის ფოტოს აგზავნიდა. აქციის მონაწილეებს შორის ბევრი ახალგაზრდა იყო. მაგალითად,  ВКонтакте–ს მომხმარებელთა მესამედი 21 წელზე უმცროსი ასაკისა გახლდათ. მოხარულები ვართ, რომ შეგვიძლია დავეხმაროთ ადამიანებს, ჩაერთვნენ ომის ცოცხალ ისტორიაში  და პატივი მიაგონ გმირებს“, — აღნიშნეს Mail.ru Group–ეს პრესსამსახურში.

„უკვდავი პოლკის“ ორგანიზატორები საგამოძიებო კომიტეტს ჰაკერების მონაცემებს გადასცემენ>>

აღსანიშნავია, რომ მათ, ვინც ტრანსლაცია გამოტოვა, 31 მაისამდე შესაძლებლობა აქვთ, მსვლელობის საიტებზე საჭირო დროსა და საათზე გადაახვიონ მარში და იხილონ საკუთარი ვეტერანები წითელ მოედანზე. 

მნიშვნელოვანი მომენტია ის, რომ პროექტის დასრულების შემდეგ, მისი მონაწილეების მონაცემები, რომლებმაც ავტორიზაცია სოციალური ქსელებით გაიარეს, კვლავ იქნება ხელმისაწვდომი რესურსზე „ხსოვნის ბანკი“.

 

10

ლავროვმა დასავლეთი კორონავირუსის პანდემიის საკუთარი მიზნებით გამოყენების გამო გააკრიტიკა

57
რუსეთის საგარეო საქმეთა მინისტრმა სერგეი ლავროვმა დასავლეთის ქვეყნების კორონავირუსის პანდემიისადმი მიდგომა დაგმო

ჩინური გაზეთი Global Times-ისთვის მიცემულ ინტერვიუში მინისტრი ამბობს, რომ ისინი სიტუაციის გამოყენებას ცდილობენ, რათა დასაჯონ მათი მეტოქე მთავრობები, და ეპიდემიისგან დაზარალებულ ქვეყნებს უკრძალავენ რუსეთისგან ჰუმანიტარული დახმარების მიღებას. ამასთან, დასავლეთი არ მიყვება ჰუმანიზმის პრინციპებს COVID-19-თან ბრძოლის საკითხში. დაწვრილებით - იხილეთ ჩვენი ვიდეო.

57
გიორგი გახარია

გახარია: ფულადი კომპენსაცია უკვე 400 ათასზე მეტმა მოქალაქემ მიიღო

0
როგორც პრემიერ-მინისტრმა განაცხადა, საქართველოს მთავრობა რთულ პერიოდში საკუთარ მოქალაქეებს ბედის ანაბარა არ მიატოვებს

 

თბილისი, 29 მაისი - Sputnik. საქართველოს მთავრობის ანტიკრიზისული გეგმის ფარგლებში კორონავირუსის პანდემიის დროს 427 206 საქართველოს მოქალაქეს დაპირებული კომპენსაციები უკვე ჩაერიცხა, განაცხადა პარლამენტში საქართველოს პრემიერ-მინისტრმა გიორგი გახარიამ. 

გახარიამ პასუხი გასცა ოპოზიციის კითხვებს, რომელიც მთავრობას მოსახლეობისთვის მიცემული დაპირების შეუსრულებლობაში ადანაშაულებს. ოპოზიციური პარტია „ნაციონალური მოძრაობის“ ერთ-ერთმა ლიდერმა, დეპუტატმა რომან გოცირიძემ ხელისუფლება იმის გამო გააკრიტიკა, რომ დაპირებული ფინანსური დახმარება პანდემიის გამო უმუშევარ ადამიანებს ამ დრომდე არ მიუღიათ.

 „ის, რაც დღეს ამ ტრიბუნიდან ბატონმა რომანმა ბრძანა, უბრალო ტყუილია. ელემენტარული ტყუილი. მე ამ ტრიბუნიდან დაგპირდით, რომ კვირის ბოლომდე სოციალური გადახდები, რომლებიც ბიუჯეტმა თავის თავზე აიღო, დაიწყებოდა და ეს პროცესი დაიწყო... დღეისთვის  427 206 ადამიანს მთავრობის მხრიდან ფინანსური დახმარების სახით უკვე ჩაერიცხა თანხა“, - განაცხადა გიორგი გახარიამ პარლამენტში.

პრემიერის სიტყვებით, ამ დროისთვის ფულადი დახმარება უკვე მიიღო 72 175-მა კონტრაქტით დასაქმებულმა ან დეკრეტულ შვებულებაში მყოფმა და კორონავირუსის პანდემიის დროს სამსახურდაკარგულმა ადამიანმა. ისინი ნახევარი წლის განმავლობაში ყოველთვიურად 200 ლარს მიიღებენ. 

ერთჯერადი 300-ლარიანი დახმარება ჩაერიცხა 52 151 თვითდასაქმებულს, რომლებმაც წარმოადგინეს ცნობა იმის შესახებ, რომ კორონავირუსის პერიოდში შემოსავლის გარეშე დარჩნენ.

გარდა ამისა, სოციალური დახმარება მიიღო 75 ათასიდან 100 ათასამდე სარეიტინგო ქულის მქონე  194 796-მა სოციალურად დაუცველმა ოჯახმა. აღნიშნულ  დახმარებას ექვსი თვის განმავლობაში მთლიანობაში 190 ათასი ადამიანი მიიღებს. ექვსი თვის განმავლობაში დახმარების მოცულობა დამოკიდებული იქნება ოჯახში ადამიანების რაოდენობაზე.

მრავალშვილიანი ოჯახები კი, რომლებსაც 100 ათასამდე სარეიტინგო ქულა აქვთ, ნახევარი წლის განმავლობაში თვეში 100 ლარს მიიღებენ. ამ დახმარების პირველი ტრანში, 100-100 ლარი, უკვე ჩაერიცხა 22 644 მრავალშვილიან ოჯახს.

სოციალური დახმარება ასევე ჩაერიცხა 40 440 შეზღუდული შესაძლებლობების მქონე პირს.

გახარიამ პასუხი გასცა ოპოზიციის პრეტენზიას თვითდასაქმებულების დახმარების პირობებთან დაკავშირებით, რომლებმაც შემოსავლის დასადასტურებლად უნდა წარადგინონ ცნობა იურიდიული პირისგან.  ოპოზიციის განცხადებით, აღნიშნული  რეგულაციის გამო დახმარების გარეშე დარჩა მოსახლეობის მნიშვნელოვანი ნაწილი, რომელიც ფიზიკურ პირებთან მუშაობდნენ.

 „ბატონ რომანს და მის პოლიტიკურ ძალას, თვითდასაქმებული რა იყო, საერთოდ არ აინტერესებდა. ქართულ ეკონომიკაში 2012 წლამდე თვითდასაქმებულის ცნება, საერთოდ არავის არ აინტერესებდა და დღეს მე ტყუილუბრალოდ მედავებიან იმას, რომ თურმე თვითდასაქმებულებს ჩვენ ზედმეტი საბუთები მოვთხოვეთ იმისთვის, რომ კრიზისის პერიოდში მათთვის სოციალური დახმარება აღმოგვეჩინა“, – განაცხადა გიორგი გახარიამ.

ამასთან, გახარია დაეთანხმა მოსაზრებას, რომ აღნიშნული დახმარება კრიზისის პერიოდში  არასაკმარისია. თუმცა, ადამიანების გარკვეული კატეგორია  მოსახლეობის სიღარიბისა და გაჭირვების ხარჯზე ცდილობს პოლიტიკური ქულებისა და დივიდენდების მიღებას. 

ამას გარდა, პრემიერს მოუწია, კიდევ ერთხელ განემარტა, რაოდენ მნიშვნელოვანია სამშენებლო სექტორისთვის სახელმწიფო დახმარება.

 „ბოლო წლებში 30 ათასმა ოჯახმა გადაწყვიტა საცხოვრებელი პირობების გაუმჯობესება. მათგან 25 ათასმა, სამშენებლო კომპანიასთან იპოთეკური ურთიერთობის დამყარებით, პირველი შენატანი გააკეთა და ბანკში აღებული სესხით დაიწყო თანხის გადახდა.  მათი ბინები ჯერ არ არის დასრულებული. გამოდის, რომ ბ-ნი რომანი მთავაზობს,  ეს სამშენებლო კომპანიები და ჩემი მოქალაქეები მივატოვო ბედის ანაბარა, ზუსტად ისე, როგორც მათ მიატოვეს თავიანთი თანამოქალაქეები 2008 წლის კრიზისის დროს, როცა ათობით ათასი ადამიანი დარჩა ბინების გარეშე მაშინ, როდესაც უკვე გადახდილი ჰქონდა თანხა“, - აღნიშნა პრემიერმა.

დაუსრულებელი მშენებლობა დედაქალაქის მერიის თავის ტკივილია, რომელიც 2013 წლიდან სპეციალური პროგრამის ფარგლებში ეხმარება მათ მშენებლობის დასრულებაში. პრემიერის სიტყვებით, ესაა ბინები, რომლებშიც თანხა 2008 წლამდე გადახდილია, მაგრამ დღემდე არ არის დასრულებული.

საქართველოს მშპ-ში სამშენებლო სექტორის წილი დაახლოებით 9%-ს შეადგენს, დასაქმებულთა რაოდენობა კი - თითქმის 120 ათასს. ამდენივე მოქალაქეა დასაქმებული სამშენებლო სექტორთან დაკავშირებულ სფეროებში. ხელისუფლების განცხადებით, სექტორის გაჯანსაღება და კრიზისიდან გამოყვანა ქვეყნის ეკონომიკის განვითარების უმნიშვნელოვანესი წინაპირობაა პოსტკრიზისულ პერიოდში. ამიტომ მთავრობა გეგმავს 135 მლნ დოლარის გამოყოფას დეველოპერული სექტორისთვის და იქ დასაქმებული საქართველოს მოქალაქეებისთვის.

0