თბილისი, 18 სექტემბერი — Sputnik. რუსეთის 13 ქალაქში, მათ შორის, მოსკოვში შაბათსა და კვირას 73 ობიექტის „დანაღმვის" შესახებ ანონიმური შეტყობინებები შევიდა, იუწყება საინფორმაციო სააგენტო РИА Новости საგანგებო სიტუაციების სამსახურში წყაროზე დაყრდნობით.
„16 და 17 სექტემბერს 73 ობიექტის აფეთქების საშიშროების შესახებ ანონიმური შეტყობინება შემოვიდა. მთლიანობაში 22 ათასი ადამიანია ევაკუირებული", — განაცხადა სააგენტოსთან წყარომ.
ანონიმური შეტყობინების საფუძველზე პოლიციის თანამშრომლებმა მოსკოვში ათზე მეტი სავაჭრო ობიექტი შეამოწმეს.
„აფეთქების საშიშროება არც ერთ ადგილზე არ დადასტურდა", — განუცხადა სააგენტოს წყარომ.
სხვადასხვა ადმინისტრაციული და სავაჭრო ცენტების „დანაღმვის" შესახებ ანონიმური შეტყობინებების ტალღამ, რომელიც რუსეთში მეხუთე დღეა გრძელდება, ოთხშაბათს მოსკოვამდე ჩააღწია, სადაც საშიშროება 50 ობიექტს ემუქრებოდა — პირველ რიგში, მსხვილ სავაჭრო ცენტრებსა და სადგურებს, რის საფუძველზეც მოხდა 40,2 ათასი ადამიანის ევაკუაცია.
ანონიმური ზარების საფუძველზე სამშაბათი-ხუთშაბათის ჩათვლით ქვეყანაში 470-ზე მეტი ობიექტიდან მთლიანობაში 150 ათასზე მეტი ადამიანის ევაკუაცია განხორციელდა. ძალოვანებმა ყველა ობიექტი შეამოწმეს, აფეთქების საშიშროება არ დადასტურდა.
