თბილისი, 3 აგვისტო — Sputnik. სანქტ-პეტერბურგის ეროვნული ლიტერატურის ბიბლიოთეკაში 10 აგვისტოს გაიმართება დოკუმენტური კინოს მხატვრისა და რეჟისორის დმიტრი ფეტისოვის ფოტოგამოფენა სახელწოდებით "შევხვდებით საქართველოში", იუწყებიან ორგანიზატორები.
2017 წლის გაზაფხულზე ფეტისოვმა ფესტივალ "ქართული კინოს დღეების" სამზადისის ფარგლებში საქართველო მოიარა.
გამოფენაზე ფოტოგრაფის საუკეთესო ნამუშევრები გამოიფინება, რომელთა მთავარი თემაა თბილისის ისტორია, არქიტექტურა და თანამედროვე ცხოვრება.
"გამოფენაზე წარმოდგენილ ფოტოებს მაყურებელი ავტორის ლირიკულ სამყაროში გადაჰყავს, რომელიც სავსეა ძლიერი ემოციებით, საქართველოსა და მისი ბუნების, უძველესი სამხრეთული ქალაქის წარმავალი სიძველისა და დედამიწაზე მცხოვრები ყველა ადამიანის სიყვარულით", — აღნიშნულია ორგანიზატორების განცხადებაში.
დმიტრი ფეტისოვი ტულის ოლქის ქალაქ ნოვომოსკოვსკში დაიბადა. 2013 წელს დაამთავრა სანქტ-პეტერბურგის კინოსა და ტელევიზიის სახელმწიფო ინსტიტუტი დოკუმენტური კინოს სპეციალობით.