ცნობილია პეტერბურგის ტერაქტის ავტორის ვინაობა

© AFP 2024 / Stringerტერაქტი-სანკტ პეტერბურგში
ტერაქტი-სანკტ პეტერბურგში - Sputnik საქართველო
გამოწერა
ყირგიზეთის სახელმწიფო უშიშროების კომიტეტმა დაადასტურა, რომ ტერაქტში ეჭვმიტანილი 22 წლის ყირგიზია.

თბილისი, 4 აპრილი — Sputnik. ყირგიზეთის სახელმწიფო უშიშროების კომიტეტმა დაადასტურა პეტერბურგის მეტროში ტერაქტის მომწყობი თვითმკვლელი ტერორისტის ვინაობა, იუწყება საინფორმაციო სააგენტო РИА Новости უწყების პრესსამსახურის წარმომადგენელზე დაყრდნობით.

„ვადასტურებთ, რომ ტერაქტის ორგანიზებაში ეჭვმიტანილი გახლავთ წარმოშობით ყირგიზი, რუსეთის მოქალაქე, 1995 წელს დაბადებული აქბარჟონ ჯალილოვი“ — აცხადებს ყირგიზეთის უშიშროების კომიტეტის პრესსამსახური.

მანამდე ყირგიზეთის ეროვნული უშიშროების სახელმწიფო კომიტეტის პრესმდივანმა რაჰათ სულაიმანოვმა აღნიშნა, რომ უწყება აქტიურად თანამშრომლობს რუს კოლეგებთან ტერაქტის გამოძიებისა და ტერორისტის ვინაობის დადგენის კუთხით. 

სანკტ-პეტერბურგის მეტროს სადგურ Сенная площадь-ზე მომხდარი აფეთქების შედეგად დაშავებული ადამიანი - Sputnik საქართველო
ტრაგედია პეტერბურგში: აფეთქებები მეტროში

შეგახსენებთ: 3 მარტს პეტერბურგის მეტროპოლიტენში, მოსკოვის დროით დაახლოებით 14:30 საათზე სადგურ „სენნაია პლოშჩადსა“ და „ტეხნოლოგიჩესკი უნივერსიტეტ 2-ის“ გადასაჯდომ ხაზზე აფეთქება მოხდა. ხოლო სადგურზე „პლოშჩად ვოსტანია“ დროულად აღმოაჩინეს თვითნაკეთი ასაფეთქებელი მოწყობილობა, რითაც კიდევ ერთი ტერაქტი აღკვეთეს. 

საგამოძიებო კომიტეტმა სისხლის სამართლის საქმე „ტერორისტული აქტის“ მუხლით აღძრა. 

ეროვნული ანტიტერორისტული კომიტეტის ბოლო მონაცემებით, აფეთქების შედეგად დაიღუპა 11 და დაშავდა 45 ადამიანი, რომლებიც საავადმყოფოებში არიან გადაყვანილები.

 

ყველა ახალი ამბავი
0