თბილისი, 12 მაისი — Sputnik. რუსეთის სახელმწიფო სათათბიროს სპიკერი სერგეი ნარიშკინი ევროპის საბჭოს საპარლამენტო ასამბლეის ხელმძღვანელთან პედრო აგრამუნტთან რუსეთის დელეგაციისთვის ხმის უფლების ჩამორთმევის თაობაზე იმსჯელებს.
ნარიშკინი აგრამუნტს დსთ-ის პარლამენტთაშორისი ასამბლეის ფარგლებში შეხვდება, რომელიც სანქტ-პეტერბურგში 19 მაისს გაიმართება.
„რა თქმა უნდა, საკითხების მთელ კომპლექსზე ვიმსჯელებთ… უპირველესად, საკითხებზე, რომლებიც საპარლამენტო ასამბლეის მიერ რუსეთის დელეგაციისთვის კანონიერი უფლებების ჩამორთმევას უკავშირდება, რის პასუხადაც ჩვენ საპარლამენტო ასამბლეასთან ურთიერთქმედება შევწყვიტეთ“, — განაცხადა ნარიშკინმა.
რუსეთის დელეგაციას ევროსაბჭოს საპარლამენტო ასამბლეაში უფლებამოსილებანი 2014 წლის აპრილში ჩამოერთვა უკრაინის მიმართ პოზიციის გამო.
