წინასაარჩევნო რეკლამა

თბილისის მერის არჩევნები - მოძებნის თუ არა ოპოზიცია კახა კალაძის საპირწონეს

64
მმართველ პარტიაში თბილისის მერის არჩევნების მეორე ტურის ალბათობას არც კი განიხილავენ. მეორე ტური ინიშნება იმ შემთხვევაში, თუ ვერცერთი კანდიდატი ხმების ნახევარზე მეტს ვერ მიიღებს.

ქართულ ოპოზიციაში, რომელიც ბოლო დროს ქვეყნისთვის მნიშვნელოვან ყველა საკითხზე ერთიანობას ავლენდა, მორიგი უთანხმოება შეინიშნება. პარტიები თბილისის მერის თანამდებობაზე ერთიან კანდიდატზე ვერ თანხმდებიან.

2 ოქტომბრისთვის დანიშნული თბილისის მერის არჩევნები პარტიებისთვის გადამწყვეტია მრავალი ფაქტორის გამო და, პირველ რიგში, ამომრჩევლების რაოდენობის თვალსაზრისით. ბოლო ოფიციალური მონაცემებით, დედაქალაქში მთელი ქვეყნის ამომრჩევლების 37%-ია რეგისტრირებული.

ამ არჩევნებზე ამომრჩევლების სიმპათიები ოპოზიციის მიმართ დიდ როლს ასრულებს, რადგან თუ მმართველი პარტია ხმების 43%-ს ვერ მიიღებს, ქვეყანაში ვადამდელი საპარლამენტო არჩევნები დაინიშნება, რასაც თითქმის ნახევარი წელიწადი ითხოვდა ოპოზიცია.

მმართველმა პარტიამ თბილისის მერის არჩევნებზე ძლიერი და მეტად პოპულარული კანდიდატი წარადგინა - დედაქალაქის მოქმედი მერი კახა კალაძე.

„დღეისათვის კახა კალაძე ამომრჩევლებში დიდი ავტორიტეტით სარგებლობს“, - აღნიშნა პოლიტოლოგმა ნიკა ჩიტაძემ Sputnik-საქართველოსთვის მიცემულ ინტერვიუში და ხაზი გაუსვა, რომ ეს „ქართული ოცნებისთვის“ დადებით როლს შეასრულებს.

უთანხმოება ოპოზიციაში

ოპოზიციური პარტიების ნაწილმა თბილისის მერობის ერთიან კანდიდატზე კონსულტაციები უკვე დაიწყო.

„დარწმუნებული ვარ ოპოზიცია შეთანხმდება საერთო კანდიდატზე. კონსულტაციები დაწყებული გვაქვს და ამ კვირის ბოლოს უკვე იქნება მთავარი ფორმულა, როგორ გავდივართ არჩევნებზე", - აღნიშნა „ნაციონალური მოძრაობის“ წევრმა ხატია დეკანოიძემ.

ამასთან, დასძინა, რომ კონსულტაციები მიმდინარეობს მერობის კანდიდატად ნიკა მელიას წამოყენებაზე.

ნიკა მელია ის კანდიდატია, რომელმაც უსამართლო საპარლამენტო არჩევნებში „ქართულ ოცნებას“ გლდანში მოუგო, - განაცხადა პოლიტიკოსმა.

ამავე დროს დეკანოიძემ დაადასტურა, რომ ოპოზიცია თბილისის საკრებულოს თავმჯდომარის თანამდებობაზე პარტია „დროას“ ლიდერის, ელენე ხოშტარიას კანდიდატურას იხილავს.

ჯერჯერობით ღია მხარდაჭერა მელიამ და ხოშტარიამ მხოლოდ პარტია „ევროპული საქართველოსგან“ მიიღეს, რომელიც „ნაციონალური მოძრაობის“ შემდეგ რიგით მეორე ძლიერ ოპოზიციურ პარტიად ითვლებოდა, თუმცა ახალ რეიტინგებში ის პოზიციებს თმობს.

პარტია „ლელოს“, რომელიც არჩევნებზე თავისი კანდიდატის წამოყენებას აპირებდა, ჯერ არ დაუფიქსირებია თავისი პოზიცია ერთიან კანდიდატთან დაკავშირებით, თუმცა აღნიშნა, რომ ოპოზიციის ერთობის მომხრეა.

ჩვენი პოზიცია ცნობილი გახდება უახლოეს დღეებში და ეს პოზიცია მიმართული იქნება ოპოზიციური ხმების კონსოლიდაციაზე და არა მათ დაყოფაზე, - განაცხადა პარტიის ლიდერმა ბადრი ჯაფარიძემ.

პარტია „სტრატეგია აღმაშენებლის“ ლიდერს, გიორგი ვაშაძეს კი ოპოზიციის კანდიდატზე თავისი შეხედულება აქვს.

მისი თქმით, ის, რომ „ნაციონალურ მოძრაობას“ არ შეუძლია „ქართული ოცნების“ დამარცხება, უკვე ყველასთვის ნათელია და ეს წინა არჩევნებმაც აჩვენა.

„ვმსჯელობთ როგორც სხვადასხვა პოლიტიკურ პარტიასთან, ასევე კონკრეტულ პიროვნებებთან, რომლებიც შეიძლება, პოლიტიკაში ჩაერთონ... ჩვენ მესამე ძალის ძლიერ კანდიდატს თუ დავაყენებთ, მას ექნება შესაძლებლობა, მეორე ტურში დაამარცხოს კახი კალაძე“, - განაცხადა გიორგი ვაშაძემ.

ოპოზიციური ერთობის წარმატებას ვერ ხედავს პარტია „გირჩის“ ლიდერი იაგო ხვიჩია.

„კახა კალაძეს ის შანსები აქვს, რაც აქამდე ჰქონდა. საწყის ეტაპზე, შეჯიბრის დაწყების წინ ფავორიტია და ფავორიტად დარჩება, თუ ოპოზიციამ რაიმე არ მოიფიქრა... მთავარია არა კონკრეტული ადამიანი, ვინც კალაძეს დაუპირისპირდება, არამედ იდეა, რითაც ოპოზიციიდან მისი მოწინააღმდეგე იქნება. არ მგონია, რომ ძლიერება საერთო ოპოზიციურ კანდიდატში იყოს, პირიქითაა“, - აღნიშნა ხვიჩიამ.

ამას წინათ პარტიამ უკვე განაცხადა, რომ მერობის საკუთარ კანდიდატს არ წამოაყენებს.

მელიას პარტია „მოქალაქეებიც“ არ დაუჭერს მხარს.

„ნაციონალურ მოძრაობას“ არავითარი დასკვნები არ გაუკეთებია ოპოზიციაში ყოფნისას, მას მხოლოდ რევოლუცია უნდა, - აღნიშნა პარტიის ლიდერმა ალეკო ელისაშვილმა.

არჩევნების ახალი მოთამაშე

ვიდრე ოპოზიცია მოლაპარაკებებს მართავს, ყოფილი პრემიერის, გიორგი გახარიას პარტია „საქართველოსთვის“ თავის დღის წესრიგს მიყვება.

ახლახან შექმნილი პოლიტიკური ძალა რეიტინგებში უკვე მოხვდა და აპირებს, კონკურენცია გაუწიოს ოპოზიციასაც და ხელისუფლებასაც არჩევნებზე.

ჩვენ თავიდანვე გადავწყვიტეთ, რომ ოპოზიციურ პარტიებთან მოლაპარაკებას ვერ გავმართავთ ერთიანი კანდიდატების საკითხზე. თბილისსა და რეგიონებში საკუთარი კანდიდატები გვეყოლება. უაზრო დისკუსიებზე დროს ვერ დავკარგავთ, ამიტომ უკვე გავემართეთ რეგიონებში, და ვიდრე ზოგიერთი მხარე დაკავებულია მოლაპარაკებებით და განხილვებით, ჩვენ უკვე ვმოქმედებთ და ამან კონკრეტული შედეგები უნდა გამოიღოს, - აღნიშნა პარტიის პოლიტსაბჭოს წევრმა ნათია მეზვრიშვილმა.

თუმცა გახარიას პარტია თბილისის მერობის კანდიდატის დასახელებას ჯერ არ ჩქარობს.

როგორც ნათია მეზვრიშვილმა აღნიშნა, პარტიას „საქართველოსთვის“ თავისი პოლიტიკური დღის წესრიგი აქვს, რომელსაც თანმიმდევრულად მიყვება.

მიზანი მხოლოდ გამარჯვებაა

მმართველ პარტიაში თბილისის მერის არჩევნების მეორე ტურის ალბათობას არც კი იხილავენ. მეორე ტური ინიშნება იმ შემთხვევაში, თუ ვერცერთი კანდიდატი ხმების ნახევარზე მეტს ვერ მიიღებს.

„ქართული ოცნების“ წარმომადგენლის, შალვა პაპუაშვილის თქმით, კახა კალაძე თბილისის საუკეთესო მერია და რთულია მისი ალტერნატივის წარმოდგენა. ამას ოპოზიციაც აღიარებს, ამიტომ ხელისუფლება გამარჯვებას პირველივე ტურში ელოდება, განაცხადა პაპუაშვილმა.

მმართველი პარტია არც ვადამდელი საპარლამენტო არჩევნებისთვის ემზადება. როგორც „ქართული ოცნების“ თავმჯდომარე ირაკლი კობახიძემ განაცხადა, პარტია გეგმავს დამდეგ არჩევნებზე 48%-ის მიღებას.

64
თვითმავალი Мста-С წვრთნებზე

მიმოხილვა: რუსული საბრძოლო რობოტები - რუსეთის არმიის დღევანდელობა

16
(განახლებულია 10:03 01.08.2021)
ხელოვნური ინტელექტისა და საომარ პირობებში დამოუკიდებლად მოქმედების უნარის მქონე რობოტები — ეს რუსეთის არმიის დღევანდელობაა. შეიარაღების რობოტიზებული კომპლექსები სულ უფრო ატიურად ინერგება ჯარებში, გამოიყენება ყველა საბრძოლო გარემოში, და არა მარტო სწავლებებისას.

საინჟინრო ჯარების მასშტაბური სამდღიანი მანევრები, რა დროსაც რობოტიზებული ტექნიკა იყო გამოყენებული, 30 ივლისს დასრულდა დასავლეთ სამხედრო ოლქში. სწავლება რუსეთის ფედერაციის ექვს სუბიექტს, 12 პოლიგონსა და მდინარე ოკის ნაწილს  მოიცავდა. წვრთნებში ჩართული იყო 8 ათასუ სამხედრო და დაახლოებით 1500 ერთეული ტექნიკა, განაღმვის რობოტექნიკური კომპლექსების, Уран-6-ისა და ხანძარმქრობი Уран-14-ის ჩათვლით.

სწავლების ერთ-ერთ ეპიზოდში, მულინოს პოლიგონზე, საინჟინრო დანაყოფებმა, სადესანტო ჯარებთან ერთად, საიერიშო მოქმედებები დაამუშავეს მჭიდრო დასახლებაში

წვრთნების ერთ-ერთ ეპიზოდში, ნიჟეგოროდის ოლქის მულინოს პოლიგონზე, საინჟინრო დანაყოფებმა და საჰაერო სადესანტო ძალებმა საიერიშო მოქმედებები დაამუშავეს მჭიდრო ურბანულ რაიონში — სერია Уран-ის რობოტების მხარდაჭერით. ქვედანაყოფებმა სირიაში მიღებული გამოცდილება გამოიყენეს.

ნჟეგოროდის ჯარებს საკუთარი სპეციფიკა აქვთ — ნგრევა და შენება. ამასთან რუსულ არმიაში იქმნება ათობით ავტონომიური მოიერიშე რობოტით დაკომპლექტებული პირველი ქვედანაყოფები. მათი გამოყენების ტაქტიკა პოლიგონების მიღმაც მუშავდება.

გასულ კვირაში ვიდეჩანაწერი გამოქვეყნდა, რომელზეც სირიელი ტერორისტების განადგურებაა აღბეჭდილი რუსული საბრძოლო რობოტ Соратник-ით. დაჯავშნილი შ ვიდტონიანი მანქანა სირიის ტერიტორიაზე რუსეთის შეიარაღებული ძალების სპეცოპერაციების ძალებს უწევდა მხარდაჭერას — დღისითაც და ღამითაც ზუსტად ანადგურებდა ცალკეულ ბიევიკებსა და „ჯიჰადისტების“ სატრანსპორტო საშუალებებს.

მანამდე რუსეთის თავდაცვის მინისტრმა სერგეი შოიგუმ ქვეყანაში ხელოვნური ინტელექტის მქონე საბრძოლო რობოტების სერიული წარმოების დაწყების ტაობაზე განაცხადა, რომლებსაც დამოუკიდებლად ბრძოლის უნარი აქვს: „გაჩნდა უკვე არა უბრალოდ ექსპერიმენტული ნიმუშები, არამედ რობოტები, რომელთა ჩვენებაც ნამდვილად შეიძლება ფანტასტიკის ჟანრის ფილმებში“.

მსგავსი მანქანებით ჯარების აღჭურვა — ერთ-ერთი პრიორიტეტული მიმართულებაა. რუსეთის თავდაცვის სამინისტროსი სპეციალიზებული სამმართველოა შექმნილი, რომელიც საბრძოლო რობოტების დანერგვაზეა პასუხისმგებელი. ხელოვნური ინტელექტის განვითარება რუსეთში ახალ დონეზე გადის — ეს დროის მოთხოვნაა. ყველა ტიპისა და სახეობის ჯარების უახლეს შეიარაღებაში სწრაფად იზრდება ავტომატიზებული სისტემების მნიშვნელობა.

გარღვევა მომავალში

შორეული მომავლის შეიარაღებულ კონფლიქტებში გამარჯვებებს უკვე დღეს უზრუნველყოფს რამდენიმე რუსული თავდაცვითი საწარმო, სადაც საბრძოლო რობოტები იწარმოება საჰაერო-კოსმოსური ძალების, სამხედრო-საზღვაო ფლოტისა და სახმელეთო ჯარებისთვის. განვიხილოთ უფრო ცნობილი ნიმუშები.

ზემოთ ხსენებული Соратник-ი პირველად საეღტაშორისო სამხედრო-ტექნიკურ ფორუმ „არმია 2016-ზე“ გამოჩნდა. მისი დანიშნულებაა ჯარებისა და დაზვერვის საცეცხლე მხარდაჭერა, ტერიტორიების პატრულირება და ობიექტების დაცვა, განაღმვა და ბარიერების მოხსნა, რეტრანსლაცია, საბრძოლო მასალებისა და საწვავის მიწოდება.

რობოტი მძლავრი შეიარაღებისაა: 30-40 მმ-ანი ნაღმმტყორცნები, 12,7-მმ ან 7,62-მმ ტყვიამფრქვევები, ოთხი ტანკსაწინააღმდეგო მართვადი სარაკეტო ან რეაქტიული ცეხცლმფრქვევი Шмель-ი. „სორატნიკი“ განსაკუთრებით ეფექტურია და სხვადასხვა ოპერაციებისას სიმაგრეებზე შეტევისას. აუცილებლობის შემთხვევაში ორ „სორატნიკს“ ინფორმაციის გაცვლა შეუძლია ბრძოლის ველზე. ამ ავტომატიზებულ სისტემას აქვს უნარი, ოცდაოთხ საათიან რეჟიმში იმუშაოს ნებისმიერ კლიმატურ პირობებში. მისი სიჩქარე საათში 40 კმ-მდეა, საწვავით ერთხელ შევსებისას 400 კმ-ს გადის.

მოიერიშე მუხლუხოვანი დრონი Уран-9 ასევე საბრძოლო გარემოშია შემოწმებული. საზოგადოებას ის პირველად მოსკოვში წარუდგინეს 2018 წლის გამარჯვების აღლუმზე. მისი დანიშნულებაა დაზვერვის წარმოება, ჯარების საცეცხლე მხარდაჭერა და მოწინააღმდეგის საბრძოლო ტექნიკის განადგურება.

12-ტონიანი ჯავშანმანქანა მართვალ შეიარაღება „ატაკას“ ზიდავს: ტანკსაწინააღმდეგო რაკეტებს, რეაქტიულ ცეცხლმფრქვევ „შმელს“, 300 მმ-ან ავტომატიზებულ ქვემეხს, 7,62 მმ ტყვიამფრქვევით.

მანქანას აქვს სტელს-დაცვა, ლაზერული დასხივბის წინასწარი შეტყობინება და სხვა უნიკალური მახასიათებლები. მისი დასავლური ანალოგები არ არსებობს. სპეციალიზებულმა ჟურნალმა The National Interest-მა რუსული ტექნოლოგიის უპირატესობა აღიარა.

თუ სრულფორმატიან ტანჯებზე ვისაუბრებთ, „ურალვაგონზავოდი“ რობოტიზებული დრონების ორი მოდიფიკაციითა დაკავებული, რომლებიც Т-72Б3 ბაზაზეა აგებული;  ხოლო სახელმწიფო კორპორაცია „როსტექმა“ Т-14 „არმატას“ რობოტიზებული, ხელოვნური ინტელექტის მქონე ვერსია შექმნა.

უპილოტო ტანკმა Т-14 „არმატამ“ ივლისში წარმატებით გაიარა სატესტო გამოცდები. სრულად რობოტიზებული ტანკების შემქნას ექსპერტები რუსული თავდაცვითი მრეწველობის ნამდვილ გარღვევად აფასებენ. მანქანა პრაქტიკულად ყველაფერს თავად აკეთებს, ადამიანს სამიზნის გასანადგურებლად მხოლოდ მისი არჩევანის დადასტურება უხდება. დიდი ალბათობით, შეიქმნება ასეთი ტანკის საექსპორტო ვერსიაც.

სირიაში სატანკო ქვედანაყოფების გამოყენების გამოცდილებამ დაადასტურა ბრძოლის ველზე რობოტიზებული კომპლექსების რამდენიმე ტიპის ერთდროულად ყოფნის აუცილებლობა — მსუბუქის, საშუალო და მძიმე კომპლექსებისა.

მრავალფუნქციური რობოტების ქვედანაყოფები რუსეთის არმიაში 2025 წლისთვის გამოჩნდება.

ამ მწკრივში განსაკუთრებული ადგილი უკავია ბირთვულ ძრავიან წყალქვეშა სისტემა „პოსეიდონს“, რომელიც აგრესორი ქვეყნის ნებისმიერი სამიზნის განადგურების გარანტიას იძლევა. შეიარაღების მოქმედი სახელმწიფო პროგრამის თანახმად რუსეთი სამ სუბმარინას ააგებს, რომელთაგან თითოეულის ბორტზე ექვსამდე „განკითხვის დღის ტორპედო“ განთავსდება.

ავტომატიზაციის მნიშვნელობა

საბრძოლო რობოტები ადამიანების სიცოცხლის შენარჩუნების საშუალებას იძლევა. მათ აქვთ სწორი გადაწყვეტილებების სწრაფად მიღების უნარი.

რობოტოტექნიკური კომპლექსების განვითარებისა და საბრძოლო გამოყენების კონცეფციის თანახმად, 2025 წლამდე რობოტების წილი რუსეთის შეიარაღების საერთო სტრუქტურაში 30%-ს მიაღწევს.

ამ სისტემების მნიშვნელოვანი ნაწილი სრულად ავტონომიური იქნება. რუს კონსტრუქტორებს, პროგრამისტებსა და ინჟინრებს სულ ცოტაღა დარჩათ, რათა საბრძოლო რობოტების სრულ ავტონომიზაციას მიაღწიონ.

რობოტიზაციის დამამთავრებელი ეტაპი — ეს ჯარების მართვის ერთიანი ავტომატიზებული სისტემაა. მაღალტექნოლოგიური შეიარაღების კუთხით რუსეთი ლიდერობს, თუმცა პარტნიორებიც მილიარდობით დოლარს დებენ შეიარაღების განვითარებაში, რათა რუსეთს გაუსწრონ.

უახლოეს ათ წელიწადში პენტაგონი 2,4 მლრდ დოლარის დახარჯვას აპირებს მომავლის კიბერომებისთვის მხოლოდ მომზადებაში. აშშ-ის მიზანია სეტეცენტრიკული საბრძოლო მოქმედებების სრულყოფა და შეიარაღებული ძალების მოდერნიზაციას ეწევა.

პენტაგონისთვის ხელოვნური ინტელექტის მქონე პერსპექტიულ სისტემებს სააგენტო DARPA ამუშავებს, რომელიც ყოველწლიურად ატარებს ავტონომიური რობოტების „შეჯიბრს“ (2015 წლის შემდეგ — დახურულად). ასეთი მანქანების დანიშნულება — ეს ბრძოლის ველზე მაღალტექნოლოგიური მოწინააღმდეგის განადგურებაა. რუსეთი ოფიციალურადაა აღიარებული ნატოს მთავარ სამხედრო საფრთხედ 2030 წლამდე და მას „პარტნირების“ შეკავება უწევს მაღალტექნოლოგიური, ეფექტური და გასაგები საშუალებებით.

რედაქცია შესაძლოა არ ეთანხმებოდეს ავტორის მოსაზრებებს!

16
კორონავირუსის ეპიდემია

COVID-19-ის მძევალი ეკონომიკა და უპასუხისმგებლო მომხმარებელი

1068
(განახლებულია 18:28 29.07.2021)
COVID-19-ით ინფიცირებულთა ყოველდღიური რაოდენობით ჩვენი ქვეყანა ისტორიულ მაქსიმუმს უახლოვდება, სტატისტიკა საგანგაშოა. დგას თუ არა საქართველო მკაცრი რეგულაციების შემოღების ან სრული „ლოკდაუნის“ საფრთხის წინაშე და რა ხდება გლობალური მასშტაბით?

სამსონ ხონელი

დამეთანხმებით, უკვე ერთ თვეზე მეტია, COVID-19-ით ინფიცირებულთა რაოდენობა ყოველდღიურად მზარდია, ბოლო რამდენიმე დღის სტატისტიკა საგანგაშოა! თუმცა ვეჭვობ, ჩვენი საზოგადოების დიდი თუ მცირე ნაწილისთვის ეს ციფრები დამაფიქრებელი იყოს.

არა მგონია ვცდებოდე, სხვაგვარად რომ იყოს, დღეს სულ სხვა რეალობა გვექნებოდა.

ოთხნიშნა რიცხვი ხომ ერთბაშად არ მოსულა, ეპიდემიოლოგიური ვითარება თანდათან უარესდებოდა, რაც საკამათო არ არის, რომ ჩვენივე უსაფრთხოების მიზნით მედიკოსების მიერ დაწესებული რეკომენდაციათა უგულებელყოფისა და ვაქცინაციის დაბალი ტემპის შედეგია.

მოდით, არ დავიზაროთ და თვალი გავუსწოროთ სიმართლეს, გადავხედოთ, რამდენი ადამიანია ჩვენ გარშემო, რომელსაც დღესაც არ სჯერა COVID-19-ის არსებობა? აღარაფერს ვიტყვი მათზე, ვინც „დაჩიპვის“ შიშით არ იცრება. რა თქმა უნდა, არსებობს შექმნილი ვითარების გამომწვევი სხვა, მათ შორის ჩვენგან დამოუკიდებელი მიზეზები, მაგრამ საკამათო არ არის, ჩვენ გასაკეთებელს სხვა არ გააკეთებს. არადა, სანამ ამ მარტივ მოცემულობას გავითავისებთ, ყოველდღიურად არაერთ სიცოცხლეს ვკარგავთ.

ფაქტია, COVID-19-ით ინფიცირებულთა ყოველდღიური რაოდენობით ჩვენი ქვეყანა ისტორიულ მაქსიმუმს უახლოვდება. კერძოდ, გასული წლის ზამთრის პერიოდს, როდესაც ამ მაჩვენებელმა 5 ათასს გადააჭარბა. დღესაც ისევ მწვავედ ისმის კითხვა – ქვეყანა კვლავ ხომ არ დგას მკაცრი რეგულაციების შემოღების ან სრული „ლოკდაუნის“ საფრთხის წინაშე? დიახაც, საფრთხის, რადგან ადვილად პროგნოზირებადია და გასული წლის გამოცდილებაც იმაზე მიგვანიშნებს, რომ ერთიც და მეორეც ქვეყნის ეკონომიკასა თუ სოციალურ ვითარებას კარგს არაფერს უქადის.

როგორც ხელისუფლება აცხადებს, მკაცრი შეზღუდვების დაწესება, მითუმეტეს „ლოკდაუნი“ არ იგეგმება. − რატომ? − სავარაუდოდ, ჩამეძიება მკითხველი და, რა გაეწყობა, მოკლედ განვმარტავ: მთავრობამ COVID-19-ის პანდემიის მართვის გზა აირჩია.

„არ ვაპირებთ „ლოკდაუნს“. ნებისმიერი ჩაკეტილი სფერო არის დაკარგული სამუშაო ადგილები, დაკარგული შემოსავლები. ეს პრაქტიკა გასულ წელს გლობალურად არსებობდა და პანდემიის დასაწყისში საქართველოც ამას აკეთებდა, მაშინ გამოცდილება ნაკლები იყო და ვაქცინებიც არ არსებობდა. გასულ წელს ჩვენი ეკონომიკა 6,2 პროცენტით შემცირდა. ეს იყო მტკივნეული, მაგრამ გარდაუვალი. ძალიან მნიშვნელოვანია, ადამიანებმა იმუშაონ, ოჯახებს ჰქონდეთ შემოსავალი, ეკონომიკა განვითარდეს. წინა პერიოდთან შედარებით განსხვავება ის არის, რომ დღეს ქვეყანაში საკმარისი რაოდენობის ვაქცინაა საიმისოდ, რომ მოსახლეობის უდიდესმა ნაწილმა ვაქცინაცია დროულად ჩაიტაროს. სწორედ ამ გზით უნდა გადავლახოთ არსებული რთული სიტუაცია. ამ გზით უნდა ვიაროთ. საქართველო „ლოკდაუნის“ გზას აღარ მიჰყვება“, − აცხადებს ეკონომიკისა და მდგრადი განვითარების მინისტრი ნათია თურნავა.

გახდება თუ არა ეკონომიკა მკვლელი ვირუსის მძევალი, ამას დრო გვიჩვენებს, მანამდე კი, როგორც ამას ანალიტიკოსთა ერთი ნაწილი აღნიშნავს, საქართველო ეკონომიკური ზრდის პარამეტრებით სამეზობლოში დღეს მეტ-ნაკლებად თანაბარ დონეზეა.

„საქართველოში ეკონომიკის ზრდას მიმდინარე წელს 7,7 პროცენტის, ხოლო გაისად 6 პროცენტის ნიშნულზე პროგნოზირებენ. ვფიქრობ, ზრდის ტენდენცია უახლოესი 3-4 წლის განმავლობაშიც შენარჩუნდება, მაგრამ იმხელა ჩამორჩენა გვაქვს, რომ ზრდის ასეთი ტემპი შედეგზე ვერ გაგვიყვანს. ქვეყანას ორნიშნა ეკონომიკური ზრდა ესაჭიროება. ჩვენს რეგიონში, მეზობელ სახელმწიფოებთან შედარებით, დიდი ჩამორჩენა არ გვაქვს. თურქეთმაც და ირანმაც ეკონომიკური ზრდა აჩვენეს, ხოლო აზერბაიჯანსა და რუსეთს მთლიანი შიდა პროდუქტის შემცირების საქართველოზე  ნაკლები მაჩვენებელი ჰქონდათ. ერთადერთი ვაჯობეთ სომხეთს, სადაც ეკონომიკის ვარდნის მასშტაბი მეტი იყო“, − აღნიშნავს ანალიტიკოსი სოსო არჩვაძე.

მისი თქმით, COVID-19-ის პანდემიით გამოწვეულ კრიზისს რამდენიმე სახელმწიფომ თავი უკვე დააღწია. კერძოდ, გასულ წელს 2019 წელთან შედარებით მთლიანი შიდა პროდუქტი 27-მა ქვეყანამ გაზარდა.

„ბუნებრივია, მთლიანი შიდა პროდუქტის ზრდა და შემცირება სხვადასხვა ქვეყანაში განსხვავებულ ფაქტორზეა დამოკიდებული. მაგალითად, ლათინური ამერიკის აღმოსავლეთ ნაწილში მდებარე სახელმწიფო გაიანამ ნავთობის აღმოჩენის შედეგად ეკონომიკა მთელი 43 პროცენტით გაზარდა. ჩინეთი, რომელმაც COVID-19-ის სახით სამყაროს დიდი თავსატეხი გაუჩინა, ერთ-ერთი პირველი გამოვიდა ამ კრიზისიდან. გასული წლის მეორე კვარტალში ჩინეთში ეკონომიკა 7 პროცენტის ფარგლებში გაიზარდა.

ძალზე საგულისხმოა ევროკომისიის პროგნოზიც, რომლის მიხედვითაც, ევროზონის 19 ქვეყანა COVID-19-ის პანდემიისგან გამოწვეულ ზარალს წლის ბოლოსთვის აინაზღაურებს“, − აცხადებს სოსო არჩვაძე და იქვე დასძენს, რომ 30-მდე სახელმწიფოში ორნიშნა ეკონომიკური ვარდნა დაფიქსირდა. მათ შორის იყო ისეთი ქვეყნებიც, რომელთა შემოსავლების ძალიან დიდი ნაწილი ტურიზმისა და სათამაშო ბიზნესის სექტორზეა დამოკიდებული.

მალდივის რესპუბლიკაში მთლიანი შიდა პროდუქტი 32 პროცენტით შემცირდა. ყველაზე დიდი დარტყმა მიიღეს კარიბის ზღვის აუზის მცირე ზომის იმ ქვეყნებმა, რომლებიც ტურიზმის ინდუსტრიაზე იყვნენ ორიენტირებული. როგორც ანალიტიკოსი აღნიშნავს, გაუჭირდათ იმ ქვეყნებს, სადაც შიდა კონფლიქტები იყო ან ავტორიტარული რეჟიმით გამოირჩეოდნენ. კერძოდ, ვენესუელაში ეკონომიკა 30 პროცენტით შემცირდა.

საინტერესოა, COVID-19-ის პანდემიისგან რა ტიპის ქვეყნები დაზარალდნენ ყველაზე მეტად?

კითხვაზე საპასუხოდ საერთაშორისო სარეიტინგო სააგენტო Moody's-ის მოხსენებას მოვიშველიებ. სარეიტინგო სააგენტოს ანალიტიკოსებმა ქვეყნები სამ ჯგუფად გაანაწილეს. შეფასების მთავარი კრიტერიუმი დღეს არსებული მთლიანი შიდა პროდუქტის პამდემიამდე პერიოდის ეკონომიკასთან შედარებით შემცირების მასშტაბი იყო.

პირველ ჯგუფში განთავსდნენ ქვეყნები, რომელთა ეკონომიკა მხოლოდ 2 პროცენტით დაეცა, მეორეში ჯგუფში მოხვდნენ ის ქვეყნები, სადაც ეკონომიკა 8 პროცენტამდე შემცირდა და ბოლო, მესამე ჯგუფში არიან ყველაზე დაზარალებული ქვეყნები, რომელთა ეკონომიკაც 2019 წელთან შედარებით 8 პროცენტზე მეტით დაეცა.

ყველაზე მძიმედ COVID-19-ის პანდემია ფორმირებადი ეკონომიკის ქვეყნებზე აისახა, რისკის ზონაშია ის ქვეყნები, რომლებიც პანდემიის გარეშეც საგარეო ვალზე დამოკიდებული არიან, კერძოდ, შრი-ლანკა, სურინამი, ლაოსი, ინდოეთი, ტუნისი და პერუ.

ზომიერი ზარალის ქვეყნებს შორის არიან რუსეთი, მექსიკა, ბრაზილია და ავსტრალია, რომელთა მთლიანი შიდა პროდუქტი 2 პროცენტიდან 8 პროცენტამდე შემცირდა.

სააგენტოს ექსპერტთა დასკვნით, COVID-19-ის პანდემიით გამოწვეული ეკონომიკური რეცესიიდან სხვდასხვა ქვეყნები განსხვავებულად გამოვლენ. ზოგიერთი სახელმწიფო  ამას შედარებით სწრაფად და უმტკივნეულოდ მოახერხებს, რაც დამოკიდებულია კონკრეტული ქვეყნის ეკონომიკის სტრუქტურასა და ამ სახელმწიფოში ვაქცინაციის ტემპზე. რა თქმა უნდა, ეკონომიკურ კრიზისს შედარებით მარტივად განვითარებული ქვეყნები დაძლევენ, კერძოდ, ამერიკის შეერთებული შტატები, დასავლეთ ევროპის სახელმწიფოები და ჩინეთი. პირველ რიგში ამას ხელს შეუწყობს ამ სახელმწიფოების ეკონომიკების დივერსიფიცირების ძალიან მაღალი ხარისხი და მთავრობების მიერ გაწეული უზარმაზარი ხარჯები. მდიდარ ქვეყნებში სხვებზე სწრაფად მიმდინარეობს ვაქცინაციის პროცესი, რაც მათ ეკონომიკას შეუფერხებელი ზრდის საშუალებას აძლევს.

სარეიტინგო კომპანიის ვრცელ მოხსენებაში განსაკუთრებული ყურადღება ტურიზმზე დამოკიდებული ქვეყნების პერსპექტივაზე მსჯელობას ეთმობა. COVID-19-ის პანდემიისგან ყველაზე მეტად სწორედ ისინი დაზარალდნენ და მიუხედავად იმისა, რომ ზოგიერთ ასეთ სახელმწიფოში ტურიზმის აღდგენის პროცესი მოსალოდნელზე სწრაფად მიმდინარეობს, ეკონომიკური რეცესიის დაძლევა ყველაზე მეტად სწორედ ამ ქვეყნებს გაუჭირდებათ. აქვეა აღნიშნული, რომ მნიშვნელოვნად დაზარალდებიან ქვეყნები, რომელთა ეკონომიკების დიდი წილი ვაჭრობასა და მომსახურების სფეროზეა დამოკიდებული.

როგორც სარეიტინგო კომპანიის ანალიტიკური ჯგუფი ვარაუდობს, მიმდინარე წელს მსოფლიოში გლობალური ეკონომიკა 5,7 პროცენტით გაიზრდება, თუმცა 2023 წელს მთლიანი შიდა პროდუქტის ზრდა 3,3 პროცენტამდე შემცირდება.

და ბოლოს, კონკრეტულად საქართველოსთან დაკავშირებით სარეიტინგო სააგენტო არაფერს ამბობს, არ ჩანს პასუხი კითხვებზე – გვეშველება თუ არა? და როდის გაბრწყინდება ივერია? თუ გავითვალისწინებთ, რომ ჩვენი ეკონომიკის ლოკიმოტივი უკვე რამდენიმე წელია ტურიზმია და ეკონომიკის დივერსიფიკაციის მიზნით ბევრს ვერაფერს ვახერხებთ, ვფიქრობ, იმ ქვეყნებს შორის მოვიაზრებით, რომელთაც ეკონომიკური რეცესიის დაძლევა ყველაზე მეტად თუ არა, ძალიან გაუჭირდებათ. ეს ის შემთხვევაა, როცა თუ ვცდები, გამიხარდება!..

 

1068
ნაკადული

დღის ასტროპროგნოზი ზოდიაქოს ნიშნებისთვის: 2 აგვისტო

0
(განახლებულია 11:44 01.08.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 2 აგვისტოა, ორშაბათი. კლებადი მთვარე ტყუპის ნიშანშია. ამ დღეს პლანეტა მთვარე მფარველობს.

მტკიცე მოქმედებებისთვის არცთუ ხელსაყრელი დღეა. დღის პირველ ნახევარში უარი უნდა თქვათ ავანტიურებზე, გაუთვალისწინებელ ხარჯებზე და წამიერ სურვილებზე აყოლაზე. ნაშუადღევს მთვარე ტყუპის ნიშანში გადავა, რაც გაააქტიურებს საინფორმაციო ფონს, მოვლენებს დინამიკას შემატებს, მოაგვარებს კონსტრუქციულ და საინტერესო ურთიერთობებს, მაგრამ, ამავე დროს, შექმნის წინაპირობებს ქაოსის, არათანამიმდევრულობისა და კონფლიქტურობისა.

დღის ასტროპროგნოზი ზოდიაქოს ნიშნებისთვის: 1 აგვისტო>>

ვერძი: დღის დასაწყისში მოსალოდნელია დამატებითი ხარჯები. ნაშუადღევს სიახლეებისა და ერთგვარი ქაოსის დრო დადგება, როდესაც შესაძლოა სასწრაფო მივლინება გახდეს საჭირო. პრობლემები შეიძლება შეიქმნას თეორიიდან პრაქტიკაზე ან სიტყვიდან საქმეზე გადასვლის დროს. ყურადღებით უნდა მოემზადოთ მგზავრობისთვის: დააზუსტოთ მარშრუტი, შეამოწმოთ ტექნიკური ნაწილი, არ დაგავიწყდეთ საჭირო დოკუმენტები და სხვ.

კურო: დღე თქვენთვის, შესაძლოა, ემოციური ეიფორიით ან თავისუფლების ილუზიით დაიწყოს. მნიშვნელოვანია თავი აარიდოთ თვითნებობას, რომლებსაც თქვენი კარიერის გაფუჭება ან დაზარალება შეუძლია. არ ღირს დიეტის დარღვევა. მიმდინარე საქმეებს ნაშუადღევს შეუდექით და ამასთან, გააორმაგეთ ყურადღება, დააზუსტეთ მცირე დეტალებიც კი. თუ ამ ყველაფერს არასერიოზულა შეხედავთ, მოსალოდნელია დასანანი პრობლემები.

ტყუპი: გააქტიურება ნაშუადღევს სჯობს. გახსოვდეთ, რომ ეს პროდუქტიული, მაგრამ არეული დროა და ყველა გზა უპრობლემო არ იქნება. განსაკუთრებით რთული იქნება ხელით შესასრულებელი სამუშაო, ყოფითი საკითხების მოგვარება, სარემონტო, სამკურნალო პროცედურები. უნდა მოერიდოთ გაღიზიანებას. ურთიერთობებში, სწავლასა და ინტელექტუალურ სამუშაოზე სასურველია უჩინარი ზონების შემჩნევა და ასევე მნიშვნელოვანია, არ აჰყვეთ ილუზიებს.

კირჩხიბი: მოგაკლდებათ თავდაჯერებულობა და სათანადოდ ვეღარ გააკონტროლებთ გარემოებებს, ამიტომ ვარსკვლავები გირჩევენ, დროებით გადადოთ მნიშვნელოვანი წამოწყებები და არ მიიღოთ დამოუკიდებლად გადაწყვეტილებები. დილით მოსალოდნელია ფინანსური სიურპრიზები ან იმის გაცნობიერება, რომ მატერიალური მომავალი გაურკვეველია. დღის მეორე ნახევარში, შესაძლოა, გარემოცვის, ვითარების ან საინფორმაციო ფონის ტყვე შეიქმნათ.

ლომი: დილის საათებში, სჯობს, არაფერი გააკეთოთ. ვარსკვლავების ამბობენ, რომ ეს არახელსაყრელი დროა პირად ინტერესებში შემავალი წამოწყებებისთვის, განსაკუთრებით ურთიერთობებისა და მნიშვნელოვანი თემების განხილვისთვის. დღის მეორე ნახევარი კარგი დროა თატბირებისა და არაფორმალური საუბრებისთვის, მაგრა, გართულკდება პრაქტიკული ამოცანების, პირველ რიგში, საქმიანი და ფინანსური საკითხების გადაწყვეტა. აახელსაყრელია საყიდლებზე წასვლა.

ქალწული: იმისთვის, რომ რაც გაქვთ, ის შეინარჩუნოთ, ზედმეტობასა და ჭარბ მოთხოვნებს უნდა მოერიდოთ. საპასუხისმგებლო მომენტი შუადღის შემდეგ დადგება. გაიზრდება შეცდომების, კონფლიქტებისა და გაუგებრობების რისკი, მათ შორის პროფესიული და ბიუროკრატიული კუთხით. ზოგჯერ სიტუაციას თავად დაძაბავთ და გაამწვავებთ (განსაკუთრებით აგვისტოში დაბადებული ქალწულები). დაგაზიანებთ არათანამიმდევრულობა, არაორგანიზებულობა.

სასწორი: თქვენთვის განსაკუთრებით სარისკო იქნება დღის დასაწყისი – ესაა საბედისწერო შეცდომების დრო, რომლებსაც არაერთი ზედმეტი პრობლემის მოტანა შეუძლია. მნიშვნელოვანი კონტაქტები, სწავლა და მუშაობა, სჯობს, დღის მეორე ნახევრისთვის გადადოთ – ამ დროს სერიოზული დაბრკოლებები მოსალოდნელი არ არის. მაგრამ მაინც აჯობებს, მოერიდოთ კონკრეტულ, თუნდაც მცირე ქმედებებს. ეს განსაკუთრებით მგზავრობას ეხება.

მორიელი: დღეს ვარსკვლავები არ წყალობენ თქვენს მთავარ სურვილებს. მოგიწევთ მცირე წარმატებებით დაკმაყოფილება. ფრთხილად უნდა იყოთ, რომ ადრე დაშვებული შეცდომები არ გაიმეოროთ (სიყვარულში, საქმეებსა და ფინანსებში). ამაში დღის მეორე ნახევარი დაგეხმარებათ, რომელიც საკმაოდ ინფორმატიული იქნება, ოღონდ მნიშვნელოვანია, რომ დეტალებს დროულად მიაქციოთ ყურადღება.

მშვილდოსანი: დილით უნდა მოერიდოთ სამეურნეო, ფინანსურ და სამედიცინო ექსპრომტებს. პატარა ხარვეზსაც კი მთელი დღით თქვენი კალაპოტიდან ამოგდება შეუძლია. ნაშუადღევს გამორიცხეთ წამოწყებები საკუთარი ინიციატივით და ყურადღებით იყავით – არ აჰყვეთ სხვა ადამიანების წაქეზებას აქტიურობაზე. ეს კარგი დროა დიალოგებისა და ვიზიტებისთვის, მაგრამა არა მოქმედებების (თანამშრომლობა, მკურნალობა და ა.შ.) დაწყებისთვის.

თხის რქა: დილით გონივრულად ზომიერი უნდა იყოთ. თუ იმპულსს აჰყვებით, დაიმატებთ ზედმეტ საზრუნავს, შეიძლება დღესვე იგრძნოთ ხელოვნურად შექმნილი კრიზისის პირველი ნიშნები, მაგალითად, შეუძლოდ გახდეთ ან ტექნიკური პრობლემები წარმოიშვას. დღის მეორე ნახევარში ყურადღება მიაქციეთ ჯანმრთელობას, რასაც ყველაზე იღბლიან მიმართულებებშიც კი დაბრკოლებების შექმნა შეუძლია.

მერწყული: ზედმეტობას ყველაფერში მოერიდეთ – მისი შედეგი ახლავე ან ახლო მომავლში აისახება. ყოველგვარი წამოწყება დილით ავანტიურის ელფერს შეიძენს და პრობლემებს უფრო მოგიტანთ, ვიდრე კომფორტს. უფრო ჰარმონიული იქნება დღის მეორე ნახევარი. ამ დროს დაგიბრუნდებათ თვითკონტროლი და გამძაფრდება ანალიტიკური უნარები. ესაა ლოგიკური სისტემური აზროვნებისა და კონსტრუქციული საუბრების დრო.

თევზები: გადადეთ მნიშვნელოვანი წამოწყებები. დაუმთავრებელი საქმეები დილით დაასრულეთ და არ აჰყვეთ ცდუნებას იმისა, რომ ჩანაფიქრზე მეტი გააკეთოთ. დღის მეორე ნახევარში შემოიფარგლეთ მხოლოდ ლაპარაკით და მოქმედებებისგან თავი შეიკავეთ. არ იჩქაროთ რემონტის დაწყება, სახლში სამუშაოების შესრულება, პრაქტიკული დახმარების, სამედიცინო ან სხვა სასარგებლო მომსახურების მიღება.

0