ლენინგრადის ბლოკადა

მიმოხილვა: რატომ იბრძოდა გერმანია აღმოსავლეთსა და დასავლეთში სხვადასხვაგვარად

82
(განახლებულია 22:51 28.04.2021)
მოსაზრებას იმის თაობაზე, რომ მეორე მსოფლიო ომის დროს სსრკ-ის მოსახლეობის მიმართ დაგეგმილ გენოციდს ჰქონდა ადგილი, მხარს უჭერენ ისტორიკოსები, დოკუმენტური ციკლის — „გენოციდი. რეიხის გეგმა“ ავტორები.

ლენინგრადის ბლოკადა, მასობრივი მკვლელობები ოკუპირებულ ტერიტორიებზე, სამედიცინო ცდები ბანაკებში  — ეს ომის ექსცესები ან პირადი სისასტიკის გამოვლინება კი არ არის, არამედ დაგეგმილი გენოციდია. რატომ იბრძოდა გერმანია სხვადასხვაგვარად აღმოსავლეთსა და დასავლეთში?

საგენტო Россия сегодня−ში პრესკონფერეცია გაიმართა, რომელიც ახალ დოკუმენტურ ციკლს „გენოციდი. რაიხის გეგმა“ მიეძღვნა. ისტორიკოსებმა, მკვლევარება და საზოგადო მოღვაწეებმა ისაუბრეს დოკუმენტებზე, რომლებიც ამტკიცებს, რომ გერმანიის ხელმძღვანელობას სსრკ−ს მოქალაქეების გენოციდი ჰქონდა ჩაფიქრებული.

რესურსების დაპყრობის გეგმა

როდესაც მეორე მსოფლიო ომი დაიწყო, დიდმა ბრიტანეთმა საზღვაო ბლოკადა მოუწყო გერმანიას და მესამე რაიხის ეკონომიკური მდგომარეობა თანდათან უარესდებოდა. 1940 წელს ნაცისტების ლიდერმა ადოლფ ჰიტლერმა თავისი ეკონომისტებისგან უსიამოვნო პროგნოზები მიიღო იმის თაობაზე, რომ მოსახლეობისთვის კვების რაციონის შემცირება მოუწევდა. შესაბამისად, საჭირო იყო მარაგების ევროპის კონტინენტზე ვიღაცის ხარჯზე შევსება. ისტორიკოსებს მიაჩნიათ, რომ ეკონომიკური მოტივაცია იქცა კიდეც სსრკ−ზე თავდასხმის ერთ−ერთ მიზეზად.

„გერმანელმა ანალიტიკოსებმა მიიჩნიეს, რომ თუ საბჭოთა კავშირის შავმიწა ტერიტორიებს დაეუფლებოდნენ — უკრაიანასა და რუსეთის სამხრეთს, თუ შავმიწა ტერიტორიებიდან მარცვლეულის მიწოდებას გადაკეტავდნენ ბელარუსში, ჩრდილოეთ და ცენტრალურ რუსეთში, ამ არაშავმიწა ტერიტორიებზე შიმშილი დაიწყებოდა. და ამ შიმშილისგან  20−30 მლნ კაცი დაიღუპებოდა“, — აღნიშნა სამეცნიერო−კვლევითი  ფონდის, „ციფრული ისტორიის“ დირექტორმა ეგორ იაკოვლევმა.

ყველა ეს გათვლა ასახული იყო ეკონომიკური შტაბის, „ოსტის“ ანალიტიკურ ჩანაწერში, რომელიც საბჭოთა ტერიტორიების გასაძარცვად იყო შექმნილი. ჰიტლერს გეგმა მოეწონა.

შიმშილით სიკვდილის იძულება

პრესკონფერენციაზე ექსპერტებმა წარმოადგინეს დოკუმენტები, რომლებიც ოკუპირებულ ტერიტორიებზე შიმშილის ორგანიზებისა და ასევე „აღმოსავლეთის ხალხებში“ — უკრაინელებში, რუსებში, ბელარუსებსა და პოლონელებში შობადობის დაცემის იდეას ეხებოდა. მაგალითად დასახელდა ერთ−ერთი დოკუმენტი, რომელსაც ვერმახტის უმაღლესი სარდლობის შტაბის მეთაური ვილჰელმ კეიტელი აწერდა ხელს, რომელიც საბოლოოდ ნიურნბერგის ტრიბუნალის გადაწყვეტილებით სიკვდილით დასაჯეს.

„დირექტივაში ნათქვამია, რომ ზამთარში, შიმშილის გამო, სასოწარკვეთის აქტები და მშიერი ჯანყებია მოსალოდნელი, მათ ჩასახშობად კი აუცილებელია საყრდენი პუნქტების შექმნა და მათი არა მარტო ქვეიითი ჯარებით, არამედ ტანკებით მომარაგებაც“, — განმარტა იაკოვლევმა.

გარდა ამისა, ონლაინ−კონფერენციაზე  წარმოდგენილი იყო ლენინგრადის ბლოკადისადმი მიძღვნილი მთელი რიგი დოკუმენტები. ეგორ იაკოვლევს მიაჩნია, რომ აუცილებელია, დოკუმენტების საფუძველზე, ერთხელ და სამუდამოდ მოეღოს ბოლო თეზისს იმის შესახებ, რომ ლენინგრადი უნდა ჩაბარებულიყო, რომ ეს სიცოცხლეს შეუნარჩუნებდა ქალაქის მოსახლეობას და მათი ბედი ისეთივე იქნებოდა, როგორიც პარიზის მოსახლეობისა.

„ადამიანებს, რომლებიც ასე ლაპარაკობენ, ავიწყდებათ, რომ ჰიტლერული არმია აღმოსავლეთში სრულიად სხვაგვარ ომს აწარმოებდა — ომს განადგურებაზე, რომლის მიზანიც ტოტალური დაპყრობა და ოკუპირებული ტერიტორიების მოსახლეობის ნაწილის განადგურება იყო“, — ხაზი გაუსვა ექსპერტმა.

ლენინგრადისა და არაშავმიწა ზონის სხვა დიდი ქალაქების განადგურება კი  ამ ომის ერთ−ერთი უმნიშვნელოვანესი მიზანი იყო.

„ამ ზონის მოსახლეობის გამოკვებას არ აპირებდნენ, განსაკუთრებით, ქალაქების მოსახლეობისა — ყველაზე მრავალრიცხოვნებისა, სადაც წინააღმდეგობის გაწევის უნარის მქონე ინტელიგენცია ცხოვრობდა“, — აღნიშნა იაკოვლევმა.

ლენინგრადი და მოსკოვი ხშირად გვხვდება  ნაცისტურ  დოკუმენტებში — ჰიტლერის გეგმები იმთავითვე რადიკალური იყო. ის არ აპირებდა ამ ქალაქების აღებას. გადაწყვეტილი იყო მათი ალყაში მოქცევა და სასიცოცხლოდ აუცილებელი ობიექტების არტილერიითა და ავიაციით განადგურება, რათა მოსახლეობა შიმშილით გაწყვეტილიყო.

„გათვლილი მკვლელობები“

ომის შემდეგ სსრკ−ში მყისიერად დაიწყო მშვიდობიანი აღმშენებლობა და მოსახლეობის გენოცისი სათანა დოდ არ იყო გააზრებული და ნაჩვენები.

„ეს იყო ძალიან მტკივნეული თემა მოსახლეობისთვის. და  ნაცისტური გერმანიის მხრიდან გენოციდის მტკიცება ადამიანისთვის, რომელიც, ღვთის წყალობით, გადარჩა,  საწირო არ გახლდათ. ეს მას მშვენივრად ახსოვდა. მაგრამ  საბჭოთა ხელისუფლების ჰუმანურობამ ის შედეგი გამოიღო, რომ 90−იანებში, როდესაც საბჭოთა კავშირი დაიშალა, ეს ისტორიული ვაკუუმი სრულიად ალტერნატიული თეორიებით შეივსო, რომელთა თანახმადაც არანაირ გენოციდს არ ჰქონია ადგილი“, — ახსნა იაკოვლევმა.

ისტორიკოსის აზრით, საკადრისი უნდა მიეგოს დასავლურ ისტორიოგრაფიას, რომელმაც პირველმა დაიწყო გენოციდის თემის შესწავლა. მაგალითად, შვეიცარიელი ისტორიკოსის, კრისტიან გე რლაჰის თითქმის ათსგვერდიანი წიგნი „გათვლილი მკვლელობები“ ბელარუსის მოსახლეობის გაჟლეტის გეგმას ეხება.

პროექტის „გენოციდი, რაიხის გეგმები“ ფარგლებში გამოქვეყნდება მესამე რაიხის დოკუმენტები, რომლებიც აქამდე არ ყოფილა თარგმნილი და შესწავლილი. ეს დოკუმენტები უტყუარად ადასტურებს: ლენინგრადის ბლოკადა, მა სობრივი მკვლელობების აქტები ოკუპირებულ ტერიტორიებზე, კასტრაციისა და სტერილიზაციის კუთხით სამედიცინო ცდები ბანაკებში — ეს უბრალოდ ომს ექსცესები ან ნაცისტების პირადი სისასტიკის გამოვლინება კი არ არის, არამედ დანაშაულებრივი მანქანის დაგეგმილი და გააზრებული მოქმედება  ხალხების გასანადგურებლად.

82
Корабли ВМФ России на репетиция парада

მიმოხილვა: ჩრდილოეთის ფლოტი ახალ მოიერიშე კომპლექსს ითვისებს

2
უახლესი გემსაწინააღმდეგო რაკეტა „ცირკონის“ გამოცდა ფინიშს უახლოვდება _ ჩრდილოეთის ფლოტი „ადმირალი გორშკოვი“ დასკვნითი სატესტო გაშვებისთვის ემზადება.

ნიკოლაი პროტოპოპოვი 

ბოლო მონაცემებით, ტესტირება ზაფხულის ბოლოს ჩატარდება, შემდეგ კი სისტემის დახვეწაზე მუშაობა წყალქვეშა ნავებზე გაგრძელდება.

პირველი მზიდი

დასკვნითი გამოცდების დაწყების ზუსტი თარიღი ჯერჯერობით უცნობია, თუმცა, თავდაცვის მინისტრ სერგეი შოიგუს თქმით, წლის ბოლოსთვის რაკეტა სრულად იქნება შემოწმებული. ხოლო აპრილის გზავნილში ფედერალური კრების მიმართ, პრეზიდენტმა ვლადიმირ პუტინმა განაცხადა, რომ რაკეტა მალე შევა შეიარაღებაში. სერიული მიწოდებები მომავალი წლისთვისაა დაგეგმილი.

პროექტ 22350-ის სათავო ფრეგატმა „ადმირალმა გორშკოვმა“ პირველმა ისროლა პერსპექტიული რაკეტა „ცირკონი“ სასწავლო მიზნებით. ის ფლოტის შემადგენლობაში 2018 წლის ზაფხულში მიიღეს. ბორტზე მოწინავე ელექტრონული სისტემებისა და ავტომატიზაციის მაღალი დონის გამო, ამ ხომალდს „მცურავ კომპუიტერს“ უწოდებენ. ამასთან ბევრი ტექნოლოგია პირველადაა გამოყენებული.

ფრეგატების ძირითადი იარაღი ფრთოსანი რაკეტა „კალიბრებია“ 16 ვერტიკალურ გამშვებ დანადგარებზე. არტილერია _ ეს 130 მმ-ანი იარაღია წუთში 30 გასროლის სისწრაფითა და 23 კმ სიშორით. ცას საზენიტო-სარაკეტო კომპლექსი „პოლიმენტ-რედუტი“ აკონტროლებს. წყალქვეშა ნავების წინააღმდეგ არის ოთხი ტორპედული აპარატი „პაკეტი-НК“. 

სათავო ვიმპელ „ადმირალ გორშკოვს“ საფუძველი 2006 წელს ჩაეყარა - ეს პირველი ახალი მსხვილი წყალზედა ხომალდია სსრკ-ს დროიდან. ფრეგატი საცდელი პოლიგონი იყო სხვადასხვა პროექტებისთვის, შეიარაღების სხვადასხვა სისტემების, ჰაერსაწინააღმდეგო სისტემებისა და რადიოელექტრონული აღჭურვილობისთვის. ასე რომ, გადაწყვეტილება, აღჭურვილიყო პლატფორმა „ცირკონით“, სრულიად ლოგიკურია. 

პირველი გამოცდები „გორშკოვის“ ბორტიდან 2019 წლის დეკემბერში შედგა. თავდაცვის სამინისტროს მონაცემებით, შედგა სამი გაშვება: ორი საზღვაო სამიზნეებზე და ერთი სახმელეთოზე.

არქტიკის დასაცავად 

საზღვაო და სახმელეთო ბაზირების პრინციპულად ახალ ჰიპერბგერით კომპლექსზე მუშაობა 2010-იანებში დაიწყო, პროექტის წარმატებული რეალიზაციის შესახებ პრეზიდენტმა ვლადიმირ პუტინმა 2018-ში განაცხადა.

მოსალოდნელია, რომ საზღვაო ვერსია გემსაწინააღმდეგო რაკეტა „გრანიტს“ ჩაანაცვლებს, რომლებიც რუსეთის სამხედრო ფლოტის შეირაღებაში 1980 წლიდანაა. „ცირკონებით“ თანამედროვე და მოდერნიზებულიხომალდები აღიჭურვება - პირველ რიგში, პროექტ 22350-ის ფრეგატები, კრეისერი „ადმირალი ნახიმოვი“, პერსპექტიული ნაღმმზიდები „ლიდერი“. გარდა ამისა, „ჰიპერბგერით“ შეიარაღდება რავალმიზნობრივი ატომური წყალქვეშა ნავები 971, 949А და 885. პრიოტიტეტეშია ჩრდიოლოეთის ფლოტი. და ეს შემთხვევითი არ არის. 

„ცირკონს“ დიდი სიშორე აქვს და ექსპლუატაციის პროცესში აუცილებელია საკონტროლო გაშვებები და სროლები - საბრძოლო მომზადების ფარგლებში. ზომების გამო ჩრდილოეთის ფლოტის საოპერაციო ზონა და მისი პოლიგონები უფრო შესაფერისია ახალი შეიარაღების ტიპების, როგორც იტყვიან, ჭკუაზე მოსაყვანად, ვიდრე ბალტიკა ან შავი ზღვა“, - აცხადებს ჩრდილოეთის ფლოტის ექს-სარდალი ვიაჩესლავ პოპოვი.

ამასთან არქტიკული ზონა უფრო რაკეტსაშიში მიმართულებაა რუსეთისთვის. 

„ჩრდილოეთის ფლოტი არქტიკაზე აგებს პასუხს, - განმარტავს ადმირალი. - შენაერთის გაძლიერება მარტო დღევანდელი დღის კი არა, პერსპექტივის საკითხიცაა. ტრანსპორტის ასპექტშიცა და ქვეყნის თავდაცვის უზრუნველყოფაშიც მომავალი არქტიკისაა. რაკეტა „ცირკონი“ მეტად უნივერსალური რამაა. და შეიარაღებული ძალების განვითარების გარკვეულ ეტაპზე ის წამყვანი სარაკეტო იარაღი გახდება მთლიანობაში სამხედრო-საზღვაო ფლოტისთის, და ასევე მძლავრი შემაკავებებლი ფაქტორი სხვა ქვეყნებისთვის, რომლებიც რუსეტის ინტერესების შელახვის გადაწყვეტილებას მიიღებენ“.

კონტროლის საშუალება 

გამოცდების პროცესში „ცირკონები“ ანადგურებდა როგორც სახმელეთო, ისე საზღვაო სამიზნეებს 450 კილომეტრზე. სროლის გაცხადებული სიშორე ათასი კილომეტრია. ეს რაკეტას მოუწყვლადს ხდის თანამედროვე და პერსპექტიული ჩამჭერი საშუალებებისთვის. 

გასაკვირი არ არის, რომ „ცირკონზე“ მაშინვე ირეაგირეს დასავლეთის ქვეყნებმა, მათ შორის, აშშ-მა. პენტაგონი ყურადღებით ადევნებს თვალს თითოეულ გაშვებას და აცხადებს, რომ მნიშვნელოვნად ჩამორჩება ჰიპერბგერითი შეიარაღების სფეროში. ამერიკელი ექსპერტები მიიჩნევენ, რომ ეს კომპლექსი სერიოზული საფრთხეა ავიამზიდებისთის - აშშ-ის სამხედრო-საზღვაო ფლოტის მთავარი შემტევი ძალისთვის.

პირველი რანგის კაპიტან მიხაილ ნენაშევის თქმით, არმიისა და ფლოტისთის ყველა პროექტი, მათ შორის „ცირკონიც“, არის პასუხი დასავლეთის აგრესიულ სცენარზე. 

„საფრანგეთისა და აშშ-ის სამხედროების ბოლოდროინდელი განცხადებების ფონზე აშკარად ჩანს, რომ დასავლეთის ქვეყნებისთის აუცილებელია, წარმოაჩინონ რუსეთი საშიშ მტრად. უკვე დიდი ხანია, შემუშავებულია სცენარი და დასავლეთის პოლიტიკური კლასი კურსს რუსეთის წინააღმდეგ ააგებს. „ცირკონი“ კი 21-ე საუკუნის თავდაცვის საშუალებაა ზღვარგადასული პოლიტიკური ტურბულენტობის პირობებში. ჩვენთვის აუცილებელია თავისი შესაძლებლობების დემონსტრირება“. 

ექსპერტს მიაჩნია, რომ „ცირკონებით“ აღჭურვილი ათი წყალქვეშა ნავი და წყალზედა ხომალდი, მოიერიშე ბირთვულ და თავდაცვით შეიარაღებასთან ერთად, ჩრდილოეთის ფლოტს მისცემს შესაძლებლობას, გადაჭრას ნებისმიერი გეოპოლიტიკური ამოცანა ქვეყნის თავდაცვის კუთხით. 

აღსანიშნავია, რომ „ცირკონი“, რომელიც ჯერ კიდევ არ არის შესული შეიარაღებაში, უკვე ახდენს გავლენას პოლიტიკაზდე. როგორც რუსეთის ელჩმა აშშ-ში ანატოლი ანტონოვმა შენიშნა, კომპლექსის წარმატებული გამოცდები რუს დიპლომატებს თავდაჯერებას მატებს ამერიკელებთან მოლაპარაკებებში შეიარაღებაზე კონტროლის შესახებ.

რედაქცია შესაძლოა არ ეთანხმებოდეს ავტორის მოსაზრებებს!

2
თემები:
რუსეთი დღეს
რუსული რუბლი

რუსეთიდან ფულადი გადარიცხვები ყველაზე ხელსაყრელია: როგორ ეხმარებიან მიგრანტები ბიუჯეტებს

19
(განახლებულია 19:43 17.05.2021)
რუსეთიდან ახლო და შორეული საზღვარგარეთის ქვეყნებში ფულადი გადარიცხვები ყველაზე ხელსაყრელად აღიარეს მსოფლიოში. უფრო მეტიც, როგორც მსოფლიო ბანკის მოხსენებიდან ირკვევა, გასული წლის განმავლობაში მათი ღირებულება 2,11%-დან 1%-მდე შემცირდა.

ნიკიტა ჩიკუნოვი

ამავდროულად 200 აშშ დოლარის გადარიცხვის საშუალო ღირებულება ევროპის ერთიანი რეგიონისა და ცენტრალური აზიისთვის, რომელსაც ექსპერტები რუსეთსაც მიაკუთვნებენ, 6,42%-ს შეადგენს. ეს ორზე მეტჯერ მეტია მიზნობრივ ორიენტირზე 3%-ის მოცულობით, რომელიც საერთაშორისო საფინანსო ორგანიზაციამ დაადგინა. მსოფლიო ბანკის მონაცემებით, ყველაზე იაფი გამოდგა რუსეთიდან საქართველოში ტრანზაქციები (თანხის 1%), ხოლო ყველაზე ძვირი — თურქეთიდან ბულგარეთში (დაახლოებით 12%).

როგორც მოხსენებაშია ნათქვამი, პანდემიამ ვერ მოახდინა არსებითი ნეგატიური გავლენა მსოფლიოში ფულადი გადარიცხვების მოცულობაზე. 2019 წელთან შედარებით, მაჩვენებელი სულ 1,6%-ით, 540 მლრდ დოლარამდე შემცირდა (2009 წლის კრიზისის დროს გადარიცხვების მოცულობა 11%-ით დაეცა). როგორც მსოფლიო ბანკში განმარტავენ, ეს მაჩვენებელი იმით აიხსნება, რომ შრომითი მიგრანტებისთვის პოპულარულ ქვეყნებში ეკონომიკური ვითარება მოსალოდნელზე უკეთესი გამოდგა.

ამასთან, რუსეთის ცენტრალური ბანკის მონაცემებით, 2020 წელს რუსეთში ოთხწლიანი მინიმუმი დაფიქსირდა უცხოეთში გადარიცხვების მოცულობის მხრივ — 7,4 მლრდ დოლარი. ამაზე ნაკლები მხოლოდ 2017 წელს იყო — 7,3 მლრდ დოლარი. შემცირების მიზეზად ცენტრობანკში რუბლის კურსის დაცემა, ნავთობზე მსოფლიო ფასების კლება და პანდემია დაასახელეს.

გასული წლის განმავლობასი რუსეთიდან ყველაზე მეტი ფული დსთ-ის ქვეყნებში გადაირიცხა — 6,2 მლრდ დოლარი. ახლო საზღვარგარეთის ყველა ქვეყანაში 6,46 მლრდ დოლარი გადაირიცხა, ცოტა მეტი, ვიდრე 2019 წელს (6,42 მლრდ დოლარი).

კონკურენციის პლუსები

როგორც ელექტრონული ფულისა და ფულადი გადარიცხვების ბაზრის მონაწილეთა ასოციაციის აღმასრულებელი დირექტორი პაველ შუსტოვი ამბობს, ტრანსსასაზღვრო გადარიცხვების ეტაპობრივი გაიაფება — ეს ბოლო ორი−სამი წლის საერთო მსოფლიო ტრენდია.

„ტრანზაქციების ღირებულების გაიაფება მთელ მსოფლიოში ფიქსირდება ბოლო რამდენიმე წლის განმავლობაში. უნდა ითქვას, რომ 2020 წელი რუსეთისთვის რეკორდული არ იყო. მეორე და მესამე კვარტლებში გადარიცხვები ძალიან ძვირდებოდა — 1,9%-მდე. ძალიან სერიოზული დაცემა ჩვენ მხოლოდ მეოთხე კვარტალში ვიხილეთ“, — განმარტა მან.

ამის მიზეზებს შორის ექსპერტმა გამოყო ელექტრონულ არხებზე გადასვლა, რომლებიც საგადასახადო სისტემებს უფრო იაფი უჯდებათ, ვიდრე ნაღდი ფულის მიღება და გაცემა, ასევე მარკეტინგული პროგრამების ორგანიზება ახალი კლიენტების მისაზიდად.

ის ფაქტი, რომ მსოფლიო ბანკმა რუსეთი ლიდერად დაასახელა, რუსეთის ცენტრობანკის გონივრული რეგულირების დამსახურებაა, ამბობს ეროვნული საგადასახადო ასოციაციის აღმასრულებელი დირექტორი მარია მიხაილოვა.

„რუსეთის ბანკი ცდილობს მაქსიმალურად შეუწყოს ხელი კონკურენციის გაძლიერებას რუსეთის ფულადი გადარიცხვების ბაზარზე. სხვადასხვა საგადასახადო სისტემებს შორის კონკურენცია ახლა უკიდურესად მაღალია — სწორედ ეს ფაქტორი განაპირობებს ტრანზაქციების ღირებულების რამდენიმეჯერად კლებას“, — ამბობს ის.

გადარიცხვების ღირებულების კლების კიდევ ერთი მიზეზი ამ სფეროსადმი ბანკების მზარდ ინტერესს უკავშირდება, ამბობს ექსპერტი ნატალია რაკოვა.

„ადრე რუსეთში ფულადი გადარიცხვების სისტემები დომინირებდა, მაგრამ ბოლო დროს ბაზრით ბანკები დაინტერესდნენ. ისინი ტრანსსასაზღვრო შეთანხმებებს აფორმებენ [სხვა ქვეყნების ბანკებთან], რაც ფიზიკურ პირებს ორგანიზაციებს შორის ფულის დაბალი ნიხრით გადარიცხვის შესაძლებლობას აძლევს“, — განმარტა ანალიტიკოსმა.

ამასთან 1%-იანი ღირებულება შემცირებულად გამოიყურება. მსოფლიო ბანკის გამოთვლებში შესაძლოა კონვერსიული ოპერაციები არ არის გათვალისწინებული — ერთი ქვეყნის ვალუტის გადაცვლა სხვა ქვეყნის ვალუტაზე.

„ბანკები და გადახდის სისტემები ზოგჯერ გადარიცხვების ნომინალურ ღირებულებას დაბლა სწევენ, ზოგ შემთხვევაში 0%-მდე. ამ დროს ისინი კონვერსიით გამოიმუშავებენ ფულს. მაგალითად, რუბლის დოლარში გადაყვანით, დოლარის კი ყაზახურ ტენგეში გადაყვანით“, — ამბობს ნატალია რაკოვა.

უახლოეს პერსპექტივაში, თუ რუსეთის ბაზარზე არსებული ვითარება უარესობისკენ არ შეიცვლება, გადარიცხვების ღირებულება შესაძლოა კიდევ შემცირდეს, ვარაუდობს მარია მიხაილოვა.

გადახდები ეკონომიკების გადამრჩენელია

პანდემიის დროს ფულადი გადარიცხვები უზარმაზარ მხარდაჭერად იქცა ყველა პოსტსაბჭოთა ქვეყნისთვის. განსაკუთრებით — ყირგიზეთის, ყაზახეთისა და უზბეკეთისთვის.

როგორც ეკონომიკურ მეცნიერებათა დოქტორი ალექსეი ზუბეცი ამბობს, შრომითი მიგრანტებისგან შემოსავლები ამ სახელმწიფოების ბიუჯეტების ერთ-ერთი მთავარი საშემოსავლო ნორმაა.

„ცენტრალური აზიის თითქმის ყველა რესპუბლიკისთვის ვალუტის შედინების ძირითადი წყარო მიგრანტების გადარიცხვებია. ამ ქვეყნებში ეკონომიკის კატასტროფული ჩამოშლა არ მოხდა იმის წყალობით, რომ რუსეთში გადახდის სისტემები გამართულად მუშაობდა“, — განმარტავს ის.

რუსეთში პანდემიის დაწყებამდე 13 მილიონზე მეტი მიგრანტი ფიქსირდებოდა ყოფილი სსრკ-დან. ცენტრობანკის მონაცემებით, 2019 წელს ახლო საზღვარგარეთის ქვეყნებში 6,42 მლრდ დოლარი გაიგზავნა, რაც რუსეთის ყველაზე მდიდარი რეგიონის, მოსკოვის წლიური ბიუჯეტის ნახევარზე ოდნავ ნაკლებია ($15,7 მლრდ 2019 წელს). ამ ფულმა მნიშვნელოვანი როლი შეასრულა ეროვნული ეკონომიკების მხარდაჭერაში, ამბობენ Sputnik-ის მიერ გამოკითხული ექსპერტები.

კერძოდ, ფულად გადარიცხვებს მნიშვნელოვანი ადგილი უკავია ევრაზიული ეკონომიკური კავშირის ფინანსურ ნაკადებში, მიაჩნიათ ევრაზიის განვითარების ბანკში.

„რუსეთიდან გადარიცხვები მნიშვნელოვანი წყაროა კავშირის მთელ რიგ ქვეყნებში მოსახლეობის მსყიდველობითუნარიანობის მხარდასაჭერად. ყირგიზეთისა და სომხეთის მთლიანი შიდა პროდუქტის სტრუქტურაში გადარიცხვები, შესაბამისად, 23% და 8%-ს შეადგენს. სხვა ქვეყნებში — ბელარუსსა და ყაზახეთში — გადარიცხვები ესოდენ მნიშვნელოვან როლს არ ასრულებს, შეადგენს რა მთლიანი შიდა პროდუქტის 1%-ს“, — აღნიშნავენ ეკონომისტები.

შრომითი მიგრანტებისგან მიღებული შემოსავლები შესაძლოა რამდენჯერმე გაიზარდოს, თუ რუსეთის პარტნიორები ევრაზიის ეკონომიკური კავშირიდან და დსთ-ის სხვა ქვეყნები რუსეთის ცენტრობანკის სწრაფი გადახდების სისტემაში ჩაერთვებიან. ახლა ამგვარ შესაძლებლობას განიხილავს ბელარუსი, რომელიც სისტემას შესაძლოა უკვე 2022 წელს შეუერთდეს.

სწრაფი გადახდების სისტემა რუსეთში 2019 წელს ამუშავდა. ამით ფულის გადარიცხვა ტელეფონის ნომრითაა შესაძლებელი საკომისიოს გარეშე — გამგზავნი და მიმღები ბანკების მიუხედავად.

„სისტემასთან მიერთება მნიშვნელოვნად გააიაფებს საერთაშორისო ფულად გადარიცხვებს, გარკვეული აზრით, უფასოსაც კი გახდის. ვფიქრობ, ეს ძალიან უნდა სურდეთ ევრაზიის ეკონომიკური კავშირისა და დსთ-ის ქვეყნებს, რომლებიც თავიანთ ბიუჯეტებს რუსეთში დასაქმებული მოქალაქეების გადარიცხვებით ავსებენ“, — ასკვნის მსოფლიო ეკონომიკისა და საერთაშორისო ურთიერთობების ინსტიტუტის მთავარი მეცნიერ-თანამშრომელი დმიტრი ოფიცეროვ-ბელსკი.

19
თემები:
რუსეთი დღეს
ახალი სკვერი თბილისში

კერძო ავტოფარეხების ნაცვლად ახალი სკვერები მოეწყო

0
(განახლებულია 14:54 18.05.2021)
ხმალაძის განმარტებით, მერია მომავალშიც აქტიურად გააგრძელებს დედაქალაქში რეკრეაციული სივრცეების მოწყობას.

 

თბილისი, 18 მაისი — Sputnik. თბილისში 446 კერძო ავტოფარეხის ადგილზე 34 სკვერი გაშენდა, განაცხადა თბილისის ვიცე–მერმა ირაკლი ხმალაძემ ქალაქში  ურბანული განვითარების პოლიტიკის მიმართულებით განხორციელებული პროექტების პრეზენტაციაზე. 

ხმალაძის თქმით, აღნიშნული პროექტი არის იმის ნათელი მაგალითი, რომ მთლიანი ქალაქისთვის „ერთი გადაწყვეტილებით შეიძლება შექმნა ურბანული სიკეთე“.

 „მოსახლეობასთან კომუნიკაციის გზით და გამგეობების აქტიური მუშაობის შედეგად, ავტოფარეხები სკვერებით ჩანაცვლდა“, – განაცხადა ხმალაძემ.

თბილისის ვიცე-მერის თქმით, პროექტის ფარგლებში თბილისში დამატებით 4 მლნ კვადრატული მეტრის ფართობს მიენიჭა მწვანე სივრცის სტატუსი და განისაზღვრა ხუთი ახალი საპარკე არეალი.

დედაქალაქის მთავრობისთვის რეკრეაციული ზონების შექმნა და აღდგენა ერთ–ერთი პრიორიტეტული მიმართულებაა. ბოლო სამი წლის მანძილზე თბილისში არაერთი პარკისა და სკვერის აღდგენითი სამუშაოები ჩატარდა. სულ ახლახანს მერიამ ორი მასშტაბური პროექტის – ვაკის პარკის განახლებისა და ყოფილი იპოდრომის ტერიტორიაზე ახალი ცენტრალური პარკის მშენებლობის განხორციელება დაიწყო.

0
თემები:
თბილისის მერია