გიორგი შერმადინი

შერმადინი კვლავ საუკეთესოა, კვარაცხელია ტრავმის გამო რამდენიმე კვირას გამოტოვებს

53
(განახლებულია 09:28 25.04.2021)
ქართველმა ძიუდოისტებმა პორტუგალიაში გუნდური პირველი ადგილი დაიკავეს, ბასილაშვილი კი ტრავმის გამო კვლავ აგებს.

კვარაცხელიას მოულოდნელი ტრავმა და მაკარიძის აღიარება ესპანეთში

რუსეთის პრემიერლიგის 26-ე ტურში ყაზანის „რუბინის“ ქართველმა შემტევმა ხვიჩა კვარაცხელიამ სრულიად უწყინარ სიტუაციაში ბარძაყის ტრავმა მიიღო. აღსანიშნავია, რომ ახალგაზრდა ქართველ ფეხბურთელს მოწინააღდეგე გუნდიდან არავინ შეხებია. ხვიჩამ მოედანი ექიმების დახმარებით დატოვა. ყაზანური კლუბის ხელმძღვანელობამ „ურალთან“ მატჩის შემდეგ კვარაცხელიას ჯანმრთელობის მდგომარეობის შესახებ განცხადება გაავრცელა, სადაც ეწერა, რომ ქართველისთვის სეზონი დასრულებული იყო. მოგვიანებით, აღნიშნულზე კომენტარი გააკეთა „რუბინის“ მთავარმა მწვრთნელმა ლეონიდ სლუცკიმ. მისი თქმით, ხვიჩას რეაბილიტაციის პროცესი სწრაფად მიმდინარეობს და არსებობს შანსი, რომ მიმდინარე სეზონში მას მოედანზე კიდევ ვიხილავთ.

Игрок Рубина Хвича Кварацхелия получил травму в матче 26-го тура чемпионата России
© photo: Sputnik / Pavel Lisitsyn
ხვიჩა კვარაცხელიამ ტრავმა მოედანზე თამაშისას მიიღო

„ყოველთვის რთულია კატეგორიულად საუბარი იმაზე, თუ რა როგორ იქნება. ვარაუდით ვიტყვი, რომ კვარაცხელიას სეზონის ბოლომდე თამაშის შანსი აქვს“, - განაცხადა სლუცკიმ.

ტრავმიანობის ჟამს ქართველმა ამომავალმა ვარსკვლავმა მის მომავალსა და გავრცელებულ სატრანსფერო ჭორებზე რუსულ მედიასთან ისაუბრა. ჟურნალისტმა ხვიჩას რუსეთის ნაკრებში თამაშიც განიხილა რაზეც ქართველისგან მკაცრი პასუხი მიიღო:

„მე ქართველი ვარ, დავიბადე საქართველოში და ნებისმიერ შემთხვევაში, ჩემი სამშობლოს სახელით ვითამაშებ. მართალია, მსოფლიოს და ევროპის ჩემპიონატებზე მოხვედრის შანსი ნაკლებია, მაგრამ ეს ჩემი სამშობლოა“, - განაცხადა კვარაცხელიამ.

20 წლის ქართველმა შემტევმა ამ სეზონში „რუბინის“ მაისურით რუსეთის პრემიერლიგის 23 შეხვედრაში ითამაშა. მის ანგარიშზე ოთხი გოლი და რვა საგოლე პასია. ხვიჩას ანგარიშზე საქართველოს ნაკრებში რვა ჩატარებულ მატჩში სამი გატანილი გოლი და ორი საგოლე პასია.

Голкипер сборной Грузии по футболу Георгий Макаридзе перешел в португальский клуб Риу Аве
გიორგი მაკარიძე

კარგი კვირა ჰქონდა საქართველოს ნაკრების მეკარე გიორგი მაკარიძეს, რომელიც ესპანეთის „ლა ლიგა 2“-ის სიმბოლურ ნაკრებში მოხვდა. 31 წლის ქართველ კიპერს ესპანიოლთან კარგი თამაში დაუფასდა. მაკარიძემ „ალმერიას“ უმნიშვნელოვანესი ქულას მოუტანა. ჩვენებურის გუნდი აღნიშნულ შეხვედრაში 1:0-ის იგებდა, თუმცა „ესპანიოლის“ ფეხბურთელებმა ანგარიშის გათანაბრება მალევე შეძლეს. გიორგის კარში 68-ე წუთზე პენალტი დაინიშნა, თუმცა რაულ დე ტომასის დარტყმულს მაკარიძე მარტივად გაუმკლავდა

წარმატებული გამოსვლა მაკარიძეს ცნობილმა ესპანურმა გამოცემა As-მა დაუფასა და 35-ე ტურის სიმბოლურ ნაკრებში ალმერიას გმირის სტატუსით შეიყვანა:

„ალმერიას ქართველი მეკარე გუნდის გმირი გახდა მას შემდეგ, რაც კატალონიელთა ფეხბურთელ რაულ დე ტომასის პენალტი მოიგერია. უფრო მეტიც, მან მოახერხა ვისენტე მორენოს გუნდის ყველა დარტყმის განეიტრალება, ლანდრი დიმატას თავურის გარდა", - აღნიშნულია განცხადებაში.

უნგრეთში ლაშა დვალისა და გიორგი ხარაიშვილის „ფერენცვაროშმა“ უნგრეთის ჩემპიონატის 30-ე ტურში გიორგი ბერიძის „უიპეშტს“ უმასპინძლა და მეტოქეს ანგარიშით 3:0 მოუგო, რითიც უნგრეთის ჩემპიონობა სამი ტურით ადრე გაინაღდა.

„ფერენცვაროში“ უნგრეთის ჩემპიონი ზედიზედ მესამედ გახდა და ლაშა დვალიც ტიტულს ზედიზედ მესამედ დაეუფლა, ხოლო ხარაიშვილისთვის ეს პირველი უნგრული ტიტული იყო.

Футболист сборной Грузии Лаша Двали
ლაშა დვალი

ძიუდოს ევროპის ჩემპიონატზე გუნდური პირველი ადგილი და ლისაბონში გამართული ქართული ფინალი

საქართველოს ვაჟ ძიუდოისტთა ნაკრებმა პორტუგალიის დედაქალაქ ლისაბონში გამართული ევროპის ჩემპიონატი ერთი ოქროს, სამი ვერცხლისა და ერთი ბრინჯაოს მედლით დაასრულა და გუნდური პირველი ადგილიც დაიკავა.

ერთადერთი ოქროს მედალოსანი ლაშა ბექაურია, რომელმაც ფინალში თანამემამულე ბექა ღვინიაშვილი დაამარცხა, ვერცხლის მედლები კი ვაჟა მარგველაშვილმა და ვარლამ ლიპარტელიანმაც აიღეს. ბრინჯაოს მედალს დაეუფლა გურამ თუშიშვილი.

ოქროს მედალოსანმა ლაშა ბექაურმა გადამწყვეტ ორთაბრძოლაში თანაგუნდელი ბექა ღვინიაშვილი ვაზარიზე ორჯერ დააგდო და ევროპულ ასპარეზზე პირველი ოქრო დაისაკუთრა, ღვინიაშვილს კი ვერცხლის მედალი ერგო. რაც შეეხება საქართველოს ნაკრების კაპიტან ვარლამ ლიპარტელიანს, ის ფინალში ევროპის 2018 წლის ჩემპიონს, ბელგიელ ტომა ნიკიფოროვს დაუპირისპირდა და იპონით დამარცხდა. კარგად იასპარეზა გურამ თუშიშვილმაც, ის ბრინჯაოს მედლისთვის ბრძოლაში როი მეიერს გაეჯიბრა და 29 წლის ნიდერლანდელ ორი ვაზარით აჯობა. აღსანიშნავია, რომ გურამი შარშანდელ ევროპის პირველობაზეც მესამე ადგილზე გავიდა.

შერმადინი საკუთარ გუნდში კვლავ საუკეთესოა, ამერიკაში ნდობა გამოუცხადეს გოგა ბითაძესაც

ესპანური „ტენერიფეს“ ქართველმა ცენტრმა გიორგი შერმადინმა ესპანეთის საკალათბურთო ჩემპიონატის გასულ ტურში საკმაოდ შედეგიანად ითამაშა და „უნიკახასთან“ მოგებული მატჩის საუკეთესო მოთამაშედ დასახელდა.

 შერმადინი ყოფილი გუნდის წინააღმდეგ შეხვედრაში სასტარტო ხუთეულში გამოჩნდა და 23:34 წუთში 22 ქულა, 3 მოხსნა, ერთი ჩაჭრა და ერთი დაფარება მოაგროვა. გიორგის მოედანზე ყოფნისას ტენერიფელებმა მოწინააღმდეგეზე 25 ქულით მეტი ჩააგდეს, ქართველი ცენტრის სარგებლიანობის კოეფიციენტი კი 27-ს გაუტოლდა, რაც ორივე გუნდის მხრიდან საუკეთესო იყო.

კარგი შეხვედრა ჩაატარა დუდა სანაძემაც. სანაძის „ბორაცმა“ ადრიატიკის ლიგის რეგულარულ სეზონში მორიგი მატჩი ჩაატარა და ხორვატულ „სპლიტს“ 86:74 სძლია, ქართველმა კალათბურთელმა საკუთარი კლუბის წარმატებაში განსაკუთრებული როლი ითამაშა. სანაძე სასტარტო ხუთეულში გამოჩნდა და 24 წუთში 15 ქულა, ორი პასი და ერთი ჩაჭრა მოაგროვა.

NBA-ში ნდობა გამოუცხადეს გოგა ბითაძეს. ბითაძის „ინდიანას“ „სან ანტონიოსთან“ რთული თამაში ჰქონდა, გოგას გუნდს რამდენიმე მოთამაშე არ ჰყავდა, მათ შორის - მაილს ტერნერი, დომანტას საბონისი და ჯერემი ლემბი. შესაბამისად გოგამ აღნიშნულ მატჩში დიდი დრო მიიღო. ქართველმა ცენტრმა 23 წუთი ითამაშა და ამ დროში შვიდი ქულა, ცხრა მოხსნა და ხუთი დაფარება დააგროვა.

ბასილაშვილი ტრავმის გამო კვლავ აგებს, გორგოძემ შტუტგარტში თამაშით თავი დაგვამახსოვრა

საქართველოს პირველმა ჩოგანმა, 29 წლის ნიკოლოზ ბასილაშვილმა ესპანეთის ქალაქ ბარსელონაში დაწყებულ საერთაშორისო ტურნირზე საწყის ტურშივე მატჩი წააგო.

ბასილაშვილი Barcelona Open Banc Sabadell-ზე 34 წლის ფრანგ ჟერემი შარდის დაუპირისპირდა და 4:6, 6:3, 3:6 დამარცხდა. ნიკამ მატჩის მიმდინარეობისას ხუთი ეისი მოაწოდა და ოთხი ორმაგი შეცდომა დაუშვა.

ქართველმა ჩოგბურთელმა გადამწყვეტი სეტი ბრეიკით დაიწყო. მიუხედავად ამისა, შარდიმ უკუბრეიკი მალევე შეასრულა და მატჩის ბედიც გადაწყვიტა.

აღსანიშნავია, რომ ბასილაშვილს ფეხის ტრავმა აწუხებს, რის გამოც ზედიზედ სამი მატჩი წააგო. ნიკოლოზი კალიარის ტურნირის ნახევარფინალში სერბ ლასლო ჯერისთან დამარცხდა, მონტე კარლოში კი ბასილაშვილმა ფილიპ კრაინოვიჩთან მატჩი შუა თამაშში შეწყვიტა. ATP-ს მიერ გამოქვეყნებულ რეიტინგში ქართველი ჩოგბურთელი 1.645 ქულით 36-ე ადგილს იკავებს.

კარგად იასპარეზა 29 წლის ქართველმა ჩოგბურთელმა ეკატერინე გორგოძემ, რომელმაც გერმანიის ქალაქ შტუტგარტში გამართულ საერთაშორისო ტურნირზე გერმანელ ანგელიკ კერბერს არაფერი დაუთმო.

გამოცდილმა გერმანელმა ჩოგბურთელმა გორგოძეს ანგარიშით 6:2, 6:2 სძლია. არ უნდა დაგვავიწყდეს, რომ 33 წლის კერბერი WTA-ს მიმდინარე რეიტინგში 25-ე ადგილზე იმყოფება, 2016 წელს კი ის მსოფლიოს პირველი ჩოგანი გახლდათ და მსოფლიო დონეზე ერთ-ერთი საუკეთესო ქალი ჩოგბურთელია.

 

53
ფეხბურთის ეროვნული ჩემპიონატი

საფეხბურთო თრილერი „ჩელე არენაზე“ და ბასილაშვილის ბენეფისი მიუნხენში

69
(განახლებულია 21:58 01.05.2021)
საქართველოს საფეხბურთო ჩემპიონატი დღითიდღე სანახაობრივი ხდება, ნიკოლოზ ბასილაშვილმა კი მიუნხენში საოცარი შეხვედრები ჩაატარა.

გოლების წვიმა აჭარულ დერბიში და საკადრო ცვლილებები ქართულ კლუბებში

ეროვნული ლიგის მე-11 ტურში ქობულეთის „შუქურამ“ ქვეყნის ვიცე-ჩემპიონ ბათუმის „დინამოს“ უმასპინძლა. „ჩელე არენაზე“ მაყურებელმა სრული საფეხბურთო თრილერი იხილა. ქობულეთელებმა ყველაზე დიდი შეცდომა შეხვედრის მე-15 წუთზე დაუშვეს, როდესაც ლევან ინგოროყვამ ბათუმელთა მეკარეს ბურთი ფეხებს შორის გაუძვრინა და ანგარიში გახსნა. გაშვებული გოლის შემდეგ „დინამომ“ ხუთ წუთში ანგარიში გაათანაბრა და „შუქურას“ კოშმარიც დაიწყო. საბოლოოდ მაყურებელმა ცხრა გატანილი გოლი იხილა, აქედან რვა ბათუმელებმა გაიტანეს, ხოლო „შუქურა“ მე-15 წუთზე ერთადერთი შედეგიანი დარტყმის ამარა დარჩა.

„დინამომ“ 11 ტურის შემდეგ 22 ქულა დააგროვა, ხოლო შუქურას 13 ქულა აქვს და მე-6 ადგილს იკავებს.

საინტერესო ინფორმაცია გაავრცელა თბილისის „დინამოს“ ადმინისტრაციამ. დედაქალაქურმა კლუბმა რამდენიმე დღის წინ ჯანო ანანიძის ტრანსფერი დაადასტურა. ჯანო „დინამოსთან“ 1+1 კონტრაქტი გააფორმა, შესაბამისად მხარეები ერთი სეზონის შემდეგ მოლაპარაკებებს განაახლებენ და შესაძლოა კონტრაქტიც გახანგრძლივდეს. აღსანიშნავია, რომ ანანიძე ბოლო წლებში უგუნდოდ იყო და ფორმის შესანარჩუნებლად გარკვეული პერიოდი ბათუმის „დინამოსთან“ ერთად ვარჯიშობდა. გულშემატკივარს მოლოდინი ჰქონდა, რომ ჯანო არჩევანს აჭარულ კლუბზე შეაჩერებდა, თუმცა მოვლენები სხვაგვარად განვითარდა. 28 წლის ქართველ ნახევარმცველს მდიდარი საკლუბო და სანაკრებო კარიერა უმაგრებს ზურგს, მას კარიერის დიდი ნაწილი მოსკოვის „სპარტაკში“ აქვს გატარებული, სადაც კლუბის ერთ-ერთი ლიდერი იყო. ამის შემდეგ ერთ-ერთი ყველაზე პერსპექტიული ქართველი ფეხბურთელის საქმე კარგად ვერ აეწყო. ჯანომ რუსეთის პრემიერლიგის რამდენიმე კლუბი გამოიცვალა, თუმცა თავი ვერსად დაიმკვიდრა.

საკადრო ცვლილებებია სხვა ქართულ კლუბებშიც, თუმცა ამჯერად საქმე ფეხბურთელებს არ ეხებათ. საუბარია „თელავისა“ და ქუთაისის „ტორპედოს“ კლუბებზე. კახური გუნდის ადმინისტრაციამ რევაზ გოცირიძე ურთიერთშეთანხმების საფუძველზე გაათავისუფლა. სავარაუდოა, რომ აღნიშნული გადაწყვეტილება კლუბის ბოლოდროინდელ დაღმასვლას უკავშირდება. „თელავმა“ რამდენიმე შეხვედრა ზედიზედ წააგო. გოცირიძე დროებით მისმა ყოფილმა თანაშემწემ ბესიკ აბულაძემ ჩაანაცვლა, რომელსაც შესანიშნავი სადებიუტო მატჩიც გამოუვიდა. მისი ხელმძღვანელობით „თელავმა“ გათამაშების ერთ-ერთ ფავორიტ „ლოკომოტივთან“ პირველ ნომრად ითამაშა და მოგებამდე სულ ცოტა დააკლდა (2:2).

ბევრად დიდი ამბებია ქუთაისში. „ტორპედოს“ ერთ-ერთი ყველაზე წარმატებული ქართველი მწვრთნელი კახა ჩხეტიანი დაუბრუნდა. 43 წლის სპეციალისტი ბოლოს თბილისის „დინამოში“ მუშაობდა, რომელიც ზაფხულში დატოვა და მას შემდეგ არ გამოჩენილა. ჩხეტიანმა ყველაზე დიდ წარმატებას სწორედ „ტორპედოსთან“ ერთად მიაღწია. ქუთაისურ კლუბთან ერთად მის ანგარიშზე ორი საქართველოს თასი, ორი სუპერთასი და ერთი საქართველოს ჩემპიონის ტიტულია.

გასულ კვირას საქართველოს ფეხბურთის ფედერაციამ ოფიციალურად გამოაცხადა, რომ საქართველოს საფეხბურთო ნაკრები მსოფლიო ჩემპიონატის შესარჩევი ეტაპის მორიგ სამ საშინაო შეხვედრას ბათუმის ახალ სტადიონზე გამართავს. აღსანიშნავია, რომ ახალი არენა ამხელა მნიშვნელობის მატჩს პირველად უმასპინძლებს. „ჯვაროსნებს“ აჭარაში კოსოვოს, საბერძნეთისა და შვედეთის ნაკრებებთან მოუწევთ დაპირისპირება.

შოტლანდიის მორაგბეთა ნაკრები საქართველოს მეორედ ესტუმრება

საქართველოს მორაგბეთა ნაკრებმა ტესტ-მატჩი უძლიერეს შოტლანდიის ნაკრებთან ჩანიშნა. რაგბის კავშირის გავრცელებულ ინფორმაციაში ვკითხულობთ, რომ შოტლანდიელები საქართველოს 17 ივლისს ესტუმრებიან.

აღსანიშნავია, რომ ეს მეორე შემთხვევაა, როცა თბილისს ტიერ 1-ის ნაკრები ეწვევა. პირველად ისინი თბილისში 2019 წლის აგვისტოში ჩამოვიდნენ. მაშინ მატჩი სტუმრების სასარგებლოდ – 44:10 დასრულდა.

აღნიშნულ დაპირისპირებას დიდ მნიშვნელობას ანიჭებენ საქართველოს რაგბის კავშირში. რაგბის კავშირის ვიცე-პრეზიდენტი სპორტული მიმართულებით ბაჩო ხურციძე თვლის, რომ შოტლანდიელთა მეორე სტუმრობა მაგალითი უნდა გახდეს ტიერ 1-ის სხვა გუნდებისთვისაც.

„ისინი აუცილებლად გაუზიარებენ საკუთარ შთაბეჭდილებებს ექვსი ერის და ტიერ 1-ის სხვა გუნდებს და ეს არის საწინდარი იმისა, რომ მომავალში უმაღლესი დონის სხვა გუნდებიც გვეწვევიან“, - განაცხადა ხურციძემ.

აღნიშნული ტესტ-მატჩით კმაყოფილია „ბორჯღალოსანთა“ მთავარი მწვრთნელი ლევან მაისაშვილი, რომელიც მაყურებელს ხარისხიანი და ლაღი თამაშის ჩვენებას ჰპირდება.

„შოტლანდიამ დაამტკიცა, რომ ექვსი ერის ნებისმიერი გუნდის დამარცხება შეუძლია და ჩვენთვის დიდი პატივია მათთან თამაში. შარშან შემოდგომაზე მათთან მოუმზადებლად მოგვიწია შეხვედრა. იმედს ვიტოვებ, რომ წელს ზაფხულში გაცილებით უკეთეს ფორმაში ვიქნებით და ხარისხობრივად უკეთეს თამაშს ვაჩვენებთ“, - აღნიშნა მაისაშვილმა.

უკანასკნელ ათწლეულში “ბორჯღალოსნები” შოტლანდიელებს ხუთჯერ შეხვდნენ და ყველა შემთხვევაში დამარცხდნენ.

კარგი ამბებია საქართველოს მორაგბეთა ეროვნული ნაკრების წევრი დავით ნინიაშვილის გარშემო. 18 წლის მორაგბე კარიერას ფრანგული ტოპ 14-ის ერთ-ერთ ლიდერ „ლიონში“ გააგრძელებს. ახალგაზრდა მორაგბემ ტრანსფერთან დაკავშირებით პირველი კომენტარიც გააკეთა:

“ჩემს კარიერაში ყველაზე დიდი ნაბიჯი გადავდგი. მოხარული ვარ, რომ ლიონთან 3-წლიანი კონტრაქტი გავაფორმე. ეს ჩემთვის ახალი გამოწვევაა და ვეცდები, მას ღირსეულად გავუმკლავდე“, - აღნიშნა ნინიაშვილმა.

აღსანიშნავია, რომ ნინიაშვილი ნაკრებში პირველად 17 წლის ასაკში გამოიძახეს. შარშანდელ “შემოდგომის ერთა თასზე“ კი მისი სანაკრებო დებიუტი ირლანდიასთან შედგა.

ორი გამარჯვება ერთ დღეს - ნიკოლოზ ბასილაშვილი საოცარ ფორმაში შედის!

ნიკოლოზ ბასილაშვილი გერმანიის ქალაქ მიუნხენს 25 მარტს ესტუმრა და წყვილთა თანრიგის შეხვედრაში გერმანელ ანდრე ბეგემანთან ერთად პირველივე მატჩი ავსტრალიურ-ავსტრიულ დუეტთან (მარკუს დანიელი-ფილიპ ოსვალდი) დათმო. აღმოჩნდა, რომ 29 წლის ქართველი ჩოგბურთელი ქართველ გულშემატკივარს სიურპრიზს გვიმზადებდა.

ნიკამ გერმანიაში ასპარეზობა მიუნხენის 250-ქულიან ტურნირზე განაგრძო. საქართველოს პირველმა ჩოგანმა 27 აპრილს ტურნირის პირველ წრეში ბრაზილიელ მონტეიროსთან წინა შეხვედრაში განცდილის მარცხის გამო შური იძია და მარტივი გამარჯვება მოიპოვა (6:2, 6:3). ბასილაშვილს არც მეორე ეტაპზე გასჭირვებია გამარჯვება, მან მორიგ წარმატებას კოლუმბიელ გალანთან მიაღწია. მიუხედავად იმისა, რომ ნიკას მეტოქე მსოფლიო რეიტინგში მხოლოდ 115-ე ადგილს იკავებს, გალანი თიხის კორტზე საკმაოდ ძლიერ მოთამაშედ ითვლება. ბასილაშვილმა კოლუმბიელ სპორტსმენს ორ სეტში, ანგარიშით 6:4, 6:2 სძლია და მეოთხედფინალური ეტაპის საგზურიც მოიპოვა, სადაც მას სლოვაკი ნორბერტ გომბოსი ელოდებოდა.

ნიკას და გომბოსის დაპირისპირება 30 აპრილს დაიწყო, სადაც ქართველმა პირველი სეტის დამთავრებაც ვერ მოახერხა. სპორტსმენებს ხელი წვიმამ შეუშალა და მატჩი ერთი დღით გადაიდო. მიუხედავად ამისა, ბასილაშვილმა მეორე დღეს საქმე ბოლომდე მიიყვანა (6:4, 6:4) და ნახევარფინალში ტურნირის ერთ-ერთ ფავორიტ კასპერ რუუდზე გავიდა. აქ კი ქართველმა ჩოგბურთელმა ფენომენალური მატჩი ჩაატარა და ნორვეგიელი მეტოქე უბრალოდ გაანადგურა. ნიკამ მეორე ნომრად განთესილი 22 წლის ნორვეგიელი კასპერ რუუდი ანგარიშით - 6:1, 6:2 დაამარცხა, ამისთვის კი საქართველოს საუკეთესო ჩოგბურთელს სულ რაღაც საათი და 12 წუთი დასჭირდა. აღსანიშნავია, რომ რუუდი ბოლო პერიოდში ძალიან კარგ ფორმაში იმყოფება, რაზეც მისი მოგებათა სერიაც მეტყველებს.

ნიკოლოზი ფინალში ტურნირის მასპინძელ იან-ლენარდ შტრუფს შეხვდება. ATP-ის ტურზე ბასილაშვილი და შტრუფი ერთმანეთს ხუთჯერ შეხვდნენ, საიდანაც გერმანელმა ჩოგბურთელმა გამარჯვება სამჯერ იზეიმა.

 

69
ქუთაისი - ლიბერთი ბანკის ოფისი

ახდენილი ვარაუდი და დამძიმებული საკრედიტო ტვირთი...

1190
(განახლებულია 09:08 01.05.2021)
ეროვნული ბანკის ვერდიქტი... ინფლაციის გაუარესებული საპროგნოზო მაჩვენებელი, გამკაცრებული მონეტარულ პოლიტიკა, გაძვირებულ კრედიტები, გაქცეულ ლარი და გაღარიბებული მოსახლეობა... დაღმართი, რომელსაც არ უჩანს ბოლო...

სამსონ ხონელი

წინამდებარე სტატიით მიმდინარე კვირაში ეროვნულ ბანკში მიღებულ გადაწყვეტილებებს გამოვეხმაურები. კობა გვენეტაძის უწყებამ წლიური ინფლაციის საპროგნოზო მაჩვენებელი გააორმაგა და 6.5 პროცენტამდე გაზარდა. ეროვნულ ბანკში განმარტავენ, რომ მონეტარული პოლიტიკის გამკაცრება და რეფინანსირების განაკვეთის 1 პროცენტით 9.5 პროცენტამდე გაზრდის გადაწყვეტილება მნიშვნელოვნად განაპირობა სწორედ ინფლაციის საპროგნოზო მაჩვენებლის გაუარესებამ.

მონეტარული პოლიტიკის გამკაცრების ტენდენცია გასული წლის ბოლოდან გამოიკვეთა. მიმდინარე წლის თებერვალში რეფინანსირების განაკვეთი 0.5 პროცენტით გაიზარდა. სულ რაღაც ერთი კვირის წინათ ვწერდი, რომ რეფინანსირების განაკვეთის ზრდის მოლოდინი ჰქონდათ სახელისუფლებო კულუარებსა და ანალიტიკურ წრეებში. ვარაუდი გამართლდა. 

რეფინანსირების სესხზე არსებული საპროცენტო განაკვეთი − 9.5 პროცენტი ბოლო ცამეტი  წლის მაქსიმუმია. უფრო მაღალი განაკვეთი −10 პროცენტი 2008 წლის იანვარ-ოქტემბერში მოქმედებდა. საინტერესოა, როგორია ექსპერტ-ანალიტიკოსთა შეფასებები მონეტარული პოლიტიკის კომიტეტს გადაწყვეტილებაზე...

„რეფინანსირების განაკვეთის ზრდა აუცილებელი იყო. ეროვნული ბანკის გადაწყვეტილება დაგვიანებულიც კი არის.. დიდი ხნის განმავლობაში ეროვნული ბანკი გვიმტკიცებდა, რომ ლარის კურსის გაუფასურების ეფექტი ფასებზე არ აისახებოდა. თუმცა, უკვე გასული წლის ზაფხულიდან აღიარა, რომ ეს ასე არ არის. მაღალი დოლარიზაციის და სასაქონლო ბაზრის იმპორტ დამოკიდებულების პირობებში სხვანაირად ვერც იქნება. ლარის კურსი აისახება ფასებზე. ვთვლი, რომ ინფლაციის მიზნობრივი მაჩვენებლის მიღწევა წლიურ ჭრილში ვერ მოხერხდება. ეროვნული ბანკშიც ამბობენ, რომ მომავალი წლის დასაწყისშიც ინფლაცია არ იქნება მიზნობრივ მაჩვენებელთან. ეროვნულ ბანკს არავინ სთხოვს სასწაულს. მისი მიზანი ინფლაციის მაჩვენებლის კონტროლია, ეს უწერია ეროვნულ ბანკს კანონში...“, − აცხადებს ეკონომიკის დოქტორი ლევან ქისტაური.

ანალიტიკოსთა ერთი ნაწილი კი ვარაუდობს, რომ მონეტარული პოლიტიკის გამკაცრება ფასების ზრდას გამოიწვევს.

„რეფინანსირების განაკვეთის გაზრდის პოლიტიკა ფასების სტაბილიზაციის ნაცვლად, ფასების ზრდას გამოიწვევს. ეკონომიკური კრიზისის დროს ჯაჭვი შემდეგნაირად ლაგდება: ძვირდება კრედიტი ანუ გადამხდელ სუბიექტებს ეზრდებათ ხარჯები, ხოლო გაზრდილი ხარჯების ამოღებას ისინი გასაყიდად მიწოდებულ საქონლისა თუ მომსახურების ფასების ზრდით ეცდებიან, რაც სწორედ რომ ინფლაციაა. სხვა თანაბარ პირობებში, არა კრიზისისას, მხოლოდ მოკლევადიან პერიოდში შეიძლება გამოიყენოს ეროვნულმა ბანკმა მონეტარული პოლიტიკის გამკაცრების ინსტრუმენტი. მაგრამ გრძელვადინ პერიოდში, როგორც ჩვენთან, უკვე 1 წელია მაღალი განაკვეთი გვაქვს, შედეგიც არ აყოვნებს და ვიღებთ ინფლაციასა და მოსახლეობის გაღარიბებას... მეტიც, კატეგორიულად გაუმართლებელია რეფინანსირების პოლიტიკის განაკვეთის მკვეთრად გაზრდა ეკონომიკური კრიზისის დროს, როდესაც საზოგადოების შემოსავლები ისედაც მკვეთრად შემცირებულია...“, − აცხადებს ექსპერტი რამაზ გერლიანი

როგორც ექსპერტთა წრეში აცხადებენ, მზარდი ინფლაციის გამომწვევი მთავარი ფაქტორი ეროვნული ვალუტის გაუფასურებაა და ისიც ლოგიკურია, რომ პრეტენზიები ეროვნული ბანკისკენ მიემართება... კობა გვენეტაძის უწყებაში კი განმარტავენ, რომ ეროვნული ბანკის მთავარი ფუნქცია ფასების სტაბილურობის შენარჩუნებაა და არა ლარის კურსის დაჭერა... ანალიტიკოსთა შეფასებებით, ეროვნული ბანკი, ხშირ შემთხვევაში ამ მიზნის მიღწევასაც ვერ ახერხებს და ინფლაციის განაკვეთი, როგორც წესი,  სამიზნე მაჩვენებელს აჭარბებს.

მონეტარული პოლიტიკის გამკაცრება, ინფლაციას ანელებს, მაგრამ როგორც ანალიტიკურ წრეებში აცხადებენ, რეფინანსირების საპროცენტო განაკვეთის ზრდას საკმაოდ მაღალი ფასიც აქვს. კერძოდ, 124 ათასზე მეტ მომხმარებელს სესხის პროცენტი გაეზარდა... მაინც რამდენით? − შესაძლოა, ჩამეძიოს მკითხველი. განვმარტავ, ზუსტად იმდენით რამდენითაც რეფინანსირების საპროცენტო განაკვეთი გაიზარდა ანუ ამჯერად 1 პროცენტით. ბევრა ეს თუ ცოტა?.. თითოეულ მომხმარებელს თავადაც შეუძლია, რომ მარტივად დაიანგარიშოს, რამდენით გაუძვირდა საკრედიტო ვალდებულება. თუ დაიზარებს, არც ეს არის პრობლემა, კომერციული ბანკი შეახსენებს... ჩვენ კი უპრიანი იქნება, რეფინანსირების განაკვეთზე მიბმული საკრედიტო პორტფელი მიმოვიხილოთ. მეტი სიზუსტისთვის არასამთავრობო ორგანიზაციის „საზოგადოება და ბანკების“ მონაცემები მოვიშველიებ...

მიმდინარე წლის 1 აპრილის მდგომარეობით, რეფინანსირების განაკვეთზე მიბმული სულ 124700 სესხია გაცემული. საკრედიტო პორტფელის მოცულობა კი 7423.1 მილიონი ლარია.

რაოდენობრივად ყველაზე მეტი უძრავი ქონებით უზრუნველყოფილი სესხია გაცემული. 56300 ე.წ. იპოთეკური კრედიტი საშუალოდ 10.83 პროცენტშია გაიცა, მთლიანი საკრედიტო პორტფელი 2736.7 მილიონი ლარია.

მომდევნო პოზიცია სამომხმარებლო კრედიტებს უკავია. ამ ტიპის 36200 სესხია გაცემული. პორტფელის მოცულობა კი 983.7 მილიონი ლარია. სამომხმარებლო სესხების საშუალო საპროცენტო განაკვეთმა 13.14 პროცენტი შეადგინა.

პირველ სამეულშია ბიზნესკრედიტებიც. ეკონომიკური საქმიანობის დასაფინანსებლად  კომერციულმა ბანკებმა 28100 სესხი გასცეს, რაც 1 მარტის მაჩვენებელზე 600 ერთეულით ნაკლებია. ბიზნესესხების მთლიანი პორტფელი 3477.1 მილიონი ლარია. საბანკო სექტორმა მცირე და საშუალო ბიზნესი 1099.6 მილიონი ლარით საშუალოდ 13.02 პროცენტში, ხოლო მსხვილი ბიზნესი 2377.5 მილიონი ლარით, საშუალოდ 12.6 პროცენტში დააკრედიტა.

ყველაზე მცირე რაოდენობით ავტოსესხია გაცემული. 700 ხელშეკრულებაა გაფორმებული. 19.5 მილიონი ლარი კომერციულმაბანკებმა საშუალოდ 14.09 პროცენტში გაასესხეს.

რეფინანსირების განაკვეთზე მიბმული 3300 სესხის კონკრეტული მიზნობრიობა უცნობია. ამ სესხების მთლიანი მოცულობა 100.4 მილიონი ლარია.

რეფინანსირების განაკვეთზე მიბმული სესხები ლარში გაცემული მთლიანი საკრედიტო პორტფელის 42.8 პროცენტია. ყველაზე მაღალი საპროცენტო განაკვეთი სამომხმარებლო სესხზებზეა − 15.07 პროცენტი.

და ბოლოს, „საზოგადოება და ბანკების“ ექსპერტთა შეფასებით, მონეტარული პოლიტიკის კომიტეტის გადაწყვეტილება წინა პერიოდში გამოვლენილი საკმაოდ ფრთხილი მიდგომის გაგრძელება და ინფლაციური რისკების ზრდის საპასუხო ნაბიჯია. კობა გვენეტაძის უწყება, როგორც ჩანს, ორი ალტერნატივიდან, ეკონომიკური ზრდის ხელშეწყობა თუ ფასების დონის შენარჩუნება, ამ უკანასკნელს ირჩევს და რეფინანსირების საპროცენტო განაკვეთის გაზრდაც სწორედ ამით არის განპირობებული.

მონეტარული პოლიტიკის კომიტეტის მორიგი სხდომა ივნისში გაიმართება. საინტერესოა, როგორი იქნება ეროვნული ბანკის ვერდიქტი... როგორც კობა გვენეტაძე აცხადებს, შესაძლო გამკაცრება ინფლაციის მოლოდინებსა და მასზე მოქმედი ფაქტორების დინამიკაზე იქნება დამოკიდებული... ასე რომ, დაველოდოთ...

 

1190
სპეცოპერაცია რიო-დე-ჟანეიროში

რიოს მეტროში სპეცოპერაციისას 25 კაცი დაიღუპა: ვრცელდება ვიდეო

0
(განახლებულია 20:58 06.05.2021)
ბანდის წევრები, რომლებიც მკვლელობებში, ძარცვებსა და მატარებლების გატაცებაში არიან ეჭვმიტანილი, დანაშაულებრივ საქმიანობაში ბავშვებსა და მოზარდებს ითრევდნენ.

თბილისი, 6 მაისი – Sputnik. რიო-დე-ჟანეიროს მეტროში პოლიციასა და დამნაშავეებს შორის სროლისას 25 ადამიანი დაიღუპა, იუწყება პორტალი G1.

სროლა ქალაქის ჩრდილოეთ ზონაში ნარკოტიკების უკანონო ბრუნვის წინააღმდეგ საპოლიციო სპეცოპერაციის დროს მოხდა.

​არსებული ცნობით, დაღუპულთა შორის ერთი სამართალდამცველია, დანარჩენები კი ნარკობიზნესში ეჭვმიტანილები. ვრცელდება ინფორმაცია, რომ პოლიციის ოფიცერს ტყვია თავში მოხვდა.

ინციდენტის შედეგად არიან დაშავებულებიც.

სამართალდამცველი ორგანოების განცხადებით, აღნიშნული ბანდის წევრები, რომლებიც მკვლელობებში, ძარცვებსა და მატარებლების გატაცებაში არიან ეჭვმიტანილი, დანაშაულებრივ საქმიანობაში ბავშვებსა და მოზარდებს ითრევდნენ.

 

0
თემები:
საერთაშორისო პანორამა