თბილისის ცენტრი

ფასები ისევ გარბის... ვინ და როგორ შეაჩერებს ინფლაციას?

1140
(განახლებულია 20:21 22.04.2021)
ცხოვრება ძვირდება, ინფლაცია იმატებს, საარსებო მინიმუმი იზრდება... ანალიტიკოსები მონეტარული პოლიტიკის კიდევ უფრო გამკაცრებას პროგნოზირებენ, ამასვე ვარაუდობენ სახელისუფლებო კულუარებშიც.

სამსონ ხონელი

საკამათო არ არის, განსაკუთრებით ბოლო რამდენიმე თვეა, საზოგადოება ცხოვრების გაძვირებას უჩივის. იშვიათი გამონაკლისის გარდა ფასები ყველა მიმართულებით რამდენჯერმე გაიზარდა, რაც მოქალაქეების ბიუჯეტს მძიმე ტვირთად აწვება. ამიტომაც მომდევნო სტრიქონებში ვეცდები ამ გაუსაძლისი ყოფის გამომწვევ მიზეზებზე მოგახსენოთ. წინამდებარე სტატია ყველა კითხვაზე პასუხს ვერ დაიტევს. ამჯერად − პური ჩვენი არსობისა, ანუ საკვები პროდუქტები. სანახაობა, მოგეხსენებათ, არ გვაკლია!

რატომ ძვირდება სურსათი და რისი მოლოდინი უნდა გვქონდეს უახლოეს მომავალში? ძალიან ბანალური კითხვაა – შესაძლოა მიმანიშნოს მკითხველმა და არც ის გამიკვირდება, რომ პასუხის საკუთარი ვერსიაც შემომთავაზოს. მიზეზთა მისეული ჩამონათვალიც ადვილად წარმოსადგენია. მკითხველი COVID-19-ის პანდემიით გამოწვეულ ეკონომიკურ კრიზისს, ეროვნული ვალუტის გაუფასურებას, საწვავის გაძვირებას, ბიზნეს-სექტორისთვის კომუნალური გადასახადების ზრდას დაასახელებს. დარწმუნებული ვარ, რომ ის არც საერთაშორისო ბაზარზე პროდუქციის გაძვირებას დაივიწყებს. გავბედავ და ვიტყვი, რომ პასუხი – სწორია!

ანალიტიკურ წრეებშიც ფასების ზრდის ამავე მიზეზებზე მიანიშნებენ. კერძოდ, საერთაშორისო ბაზარზე პროდუქციის ფასი იზრდება, რაც, ბუნებრივია, აძვირებს კონკრეტულ პროდუქციას და ყველა იმ პროდუქტსაც, რაშიც ის, როგორც ინგრედიენტი გამოიყენება. შესაბამისად, იზრდება პროდუქციის თვითღირებულება. ასეთ შემთხვევაში, ბუნებრივია, დახლზე პროდუქციის ფასიც იზრდება. ბიზნესს ხარჯები მნიშვნელოვნად გაუზარდა საწვავის ფასის ცვლილებამაც. ეს, თავის მხრივ, აისახება ლოჯისტიკურ ხარჯებზე, რაც, ასევე ბუნებრივია, საბოლოო ჯამში პროდუქციის ფასში იყრის თავს. გასულ ერთ თვეში საქართველოში საწვავი საშუალოდ 9.4 პროცენტით გაძვირდა. რა თქმა უნდა, პროდუქციას აძვირებს გაზრდილი კომუნალური გადასახადებიც. 

იმედია, ცხოვრების გაძვირების ძირითად მიზეზებზე შევთანხმდით. ბუნებრივია, სხვა მრავალი სუბიექტური თუ ობიექტური ფაქტორიც არსებობს, მაგრამ მათ შესახებ საუბარი შორს წაგვიყვანს და არც ის არის გამორიცხული, წარსულში დაშვებული შეცდომების მოძიება-განსჯისთვის დიდი ისტორიული ექსკურსიც დაგვჭირდეს. ახლა საინტერესოა, თუ რისი მოლოდინი უნდა გვქონდეს მოკლე და საშუალოვადიან პერიოდში? კითხვაზე პასუხს დროსა და სივრცეში მივიღებთ, თუმცა გარკვეულ ტენდენციაზე საუბარი უკვე დღესვე შეიძლება.

საკუთარ შთაბეჭდილებას გაგიზიარებთ: ორიოდე დღის წინ სურსათის რამდენიმე ქსელურ მაღაზიას ვესტუმრე. დაკონკრეტება არ არის საჭირო. ფაქტია, აპრილის თვის პირველი დეკადის მიწურულთან შედარებით, ერთისა და იმავე დასახელებისა და რაოდენობის პროდუქტში ამჯერად რამდენიმე ლარით მეტი გადავიხადე. მარტივად დავასკვენი – სურსათი კიდევ უფრო გაძვირდა! ნუ მკითხავთ – რამდენით, პროცენტებს სტატისტიკის ეროვნული სამსახური დაითვლის და უკვე მომდევნო თვის პირველ რიცხვებში გაასაჯაროვებს. დაველოდოთ. თუმცა, ვიცი, რომ ჩემეული დასკვნა უსაფუძვლო არ არის. როგორც ანალიტიკურ წრეებშიც აცხადებენ, ინფლაციური ზეწოლა მიმდინარე თვეშიც გაზრდილია. Galt & Taggart-ის ანალიტიკოსის ლაშა ქავთარაძის შეფასებით, ეს ისევ და ისევ ლარის არასტაბილურობის, მსოფლიო ბაზარზე ფასების მნიშვნელოვანი ზრდისა და კომუნალური გადასახადის გაძვირების შედეგია.

„ყველაზე დიდი გავლენა ეროვნული ვალუტის გაცვლით კურსს აქვს. როდესაც ლარი დოლართან მიმართებაში 1 პროცენტით უფასურდება, ეს ფასების 0,25–0,35 პროცენტის ფარგლებში ზრდას იწვევს“, − აცხადებს ლაშა ქავთარაძე. მისივე თქმით, მიმდინარე წლის ბოლომდე ფასების ზრდა გაგრძელდება და 8,6 პროცენტს მიაღწევს, რაც წლიურ ჭრილში 6,9 პროცენტი იქნება.

გაზრდილი ინფლაციური წნეხის პირველ შედეგს ანალიტიკოსები მომდევნო კვირას, 28 აპრილს მოელიან, როდესაც ეროვნულ ბანკში მონეტარული პოლიტიკის კომიტეტის სხდომა გაიმართება. კერძოდ, არის ვარაუდი, რომ რეფინანსირების განაკვეთი ისევ გაიზრდება. მონეტარული პოლიტიკის გამკაცრებას პროგნოზირებენ სახელისუფლებო გუნდშიც. პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე აცხადებს, რომ ეროვნულ ბანკს რეფინანსირების განაკვეთის გაზრდა წლის განმავლობაში კიდევ რამდენჯერმე მოუწევს. მისივე შეფასებით, ეს ეკონომიკის სტიმულირებას შეაფერხებს, თუმცა ინფლაციური წნეხის შესაჩერებლად ეს დღეს გარდაუვალია.

„ბიუჯეტის ისეთი მაღალი დეფიციტის პირობებში, როგორიც 7,5 პროცენტია, არსებობს საფრთხე, შეგვექმნას მაკროეკონომიკური სტაბილურობის რისკები... ამ ყველაფერს კი შეუძლია გამოიწვიოს მონეტარული რყევები და ეროვნული ვალუტის დევალვაცია. გასულ წელს ეროვნულმა ბანკმა სავალუტო რეზერვებიდან 900 მილიონ დოლარზე მეტი გამოიყენა, წელსაც დაახლოებით იმავე მოცულობის ინტერვენციებს განახორციელებს, მაგრამ ლარის სტაბილურობისთვის მხოლოდ ეს საკმარისი არ იქნება და ამჯერად ეროვნულ ბანკს რეფინანსირების საპროცენტო განაკვეთის აწევაც მოუწევს“, − განაცხადა ირაკლი კოვზანაძემ. მისივე თქმით, ყველაფერი უნდა გაკეთდეს, რომ ეს რისკები სოციალურ, პოლიტიკურ რისკებში არ გადაიზარდოს.

მაშ ასე, სავარაუდოდ, მონეტარული პოლიტიკა გამკაცრდება და შესაბამისად რეფინანსირების საპროცენტო განაკვეთიც გაიზრდება. თუმცა ჯერ არავინ იცის, რამდენით. სამაგიეროდ წინასწარ ცნობილია, რომ მონეტარული პოლიტიკის გამკაცრების შედეგად ყველა იმ მოქალაქეს, რომელთა სესხებიც რეფინანსირების განაკვეთზეა მიბმული, კრედიტის საპროცენტო განაკვეთი გაეზრდება სწორედ რეფინანსირების განაკვეთის ზრდის პროცენტის შესაბამისად. დღეს ასეთი 120 ათასზე მეტი მომხმარებელია.

ეროვნული ვალუტის ბოლოდროინდელ მკვეთრ გაუფასურებას, რაც მზარდი ინფლაციის ერთ-ერთი პირველი ფაქტორია, ანალიტიკოსები რამდენიმე ძირითად მიზეზს უკავშირებენ. ეს არის: COVID-19-ის პანდემიის მესამე ტალღის მოლოდინი და შეზღუდვების შესაძლო გამკაცრება ან „ლოკდაუნი“, ვაქცინაციის ჯერ ისევ დაბალი ტემპი, რაც ეპიდემიოლოგიურ ვითარებას ართულებს და, შესაბამისად, ტურიზმის ეტაპობრივად აღდგენასაც აფერხებს. არადა, კარგად მოგეხსენებათ, რომ სწორედ ტურიზმიდან შემოსავლების მოცულობა დიდწილად განსაზღვრავს ეროვნული ვალუტის სტაბილურობას.

„პრობლემა კომპლექსურია და არ შეიძლება ლარის გაუფასურებას მხოლოდ ერთი რომელიმე ფაქტორი განაპირობებდეს. ზოგადად ფონი არის კრიზისული, რაც გლობალურად COVID-19-ის პანდემიამ გამოიწვია. ეს ნებისმიერი ქვეყნის ვალუტის სტაბილურობაზე ახდენს გავლენას. უარყოფით ფაქტორებს შორის არის მთელ მსოფლიოში ამერიკული დოლარის გამყარება და ის რყევები, რამაც ბოლო დროს თურქული ლირის გაუფასურება გამოიწვია. რა თქმა უნდა, პროცესი ლარზე პირდაპირ აისახება. თურქეთი ხომ ჩვენი ქვეყნის ნომერ პირველი სავაჭრო პარტნიორია. გაუფასურების მიუხედავად, ლარი ქართულ სინამდვილეში ყველაზე ჯანსაღი ერთეულია. თუმცა იმ ავადმყოფობასაც ასახავს, რაც ქართულ ეკონომიკას სჭირს“, − აცხადებს ანალიტიკოსი ლადო პაპავა.

და, ბოლოს, ანალიტიკოსთა უმრავლესობა თანხმდება, რომ პოლიტიკური კრიზისის განმუხტვის ნიშნები ლარის სტაბილურობას სასურველ ფონს უქმნის. ახლა უკვე მთავარია ეპიდემიოლოგთა რეკომენდაციების გათვალისწინება. ქვეყანაში ეკონიმიკის ჩაკეტვა სიტუაციას გააუარესებს, რაც, ბუნებრივია, ლარის კურსზეც უარყოფითად აისახება...

 

1140
Корабли ВМФ России на репетиция парада

მიმოხილვა: ჩრდილოეთის ფლოტი ახალ მოიერიშე კომპლექსს ითვისებს

2
უახლესი გემსაწინააღმდეგო რაკეტა „ცირკონის“ გამოცდა ფინიშს უახლოვდება _ ჩრდილოეთის ფლოტი „ადმირალი გორშკოვი“ დასკვნითი სატესტო გაშვებისთვის ემზადება.

ნიკოლაი პროტოპოპოვი 

ბოლო მონაცემებით, ტესტირება ზაფხულის ბოლოს ჩატარდება, შემდეგ კი სისტემის დახვეწაზე მუშაობა წყალქვეშა ნავებზე გაგრძელდება.

პირველი მზიდი

დასკვნითი გამოცდების დაწყების ზუსტი თარიღი ჯერჯერობით უცნობია, თუმცა, თავდაცვის მინისტრ სერგეი შოიგუს თქმით, წლის ბოლოსთვის რაკეტა სრულად იქნება შემოწმებული. ხოლო აპრილის გზავნილში ფედერალური კრების მიმართ, პრეზიდენტმა ვლადიმირ პუტინმა განაცხადა, რომ რაკეტა მალე შევა შეიარაღებაში. სერიული მიწოდებები მომავალი წლისთვისაა დაგეგმილი.

პროექტ 22350-ის სათავო ფრეგატმა „ადმირალმა გორშკოვმა“ პირველმა ისროლა პერსპექტიული რაკეტა „ცირკონი“ სასწავლო მიზნებით. ის ფლოტის შემადგენლობაში 2018 წლის ზაფხულში მიიღეს. ბორტზე მოწინავე ელექტრონული სისტემებისა და ავტომატიზაციის მაღალი დონის გამო, ამ ხომალდს „მცურავ კომპუიტერს“ უწოდებენ. ამასთან ბევრი ტექნოლოგია პირველადაა გამოყენებული.

ფრეგატების ძირითადი იარაღი ფრთოსანი რაკეტა „კალიბრებია“ 16 ვერტიკალურ გამშვებ დანადგარებზე. არტილერია _ ეს 130 მმ-ანი იარაღია წუთში 30 გასროლის სისწრაფითა და 23 კმ სიშორით. ცას საზენიტო-სარაკეტო კომპლექსი „პოლიმენტ-რედუტი“ აკონტროლებს. წყალქვეშა ნავების წინააღმდეგ არის ოთხი ტორპედული აპარატი „პაკეტი-НК“. 

სათავო ვიმპელ „ადმირალ გორშკოვს“ საფუძველი 2006 წელს ჩაეყარა - ეს პირველი ახალი მსხვილი წყალზედა ხომალდია სსრკ-ს დროიდან. ფრეგატი საცდელი პოლიგონი იყო სხვადასხვა პროექტებისთვის, შეიარაღების სხვადასხვა სისტემების, ჰაერსაწინააღმდეგო სისტემებისა და რადიოელექტრონული აღჭურვილობისთვის. ასე რომ, გადაწყვეტილება, აღჭურვილიყო პლატფორმა „ცირკონით“, სრულიად ლოგიკურია. 

პირველი გამოცდები „გორშკოვის“ ბორტიდან 2019 წლის დეკემბერში შედგა. თავდაცვის სამინისტროს მონაცემებით, შედგა სამი გაშვება: ორი საზღვაო სამიზნეებზე და ერთი სახმელეთოზე.

არქტიკის დასაცავად 

საზღვაო და სახმელეთო ბაზირების პრინციპულად ახალ ჰიპერბგერით კომპლექსზე მუშაობა 2010-იანებში დაიწყო, პროექტის წარმატებული რეალიზაციის შესახებ პრეზიდენტმა ვლადიმირ პუტინმა 2018-ში განაცხადა.

მოსალოდნელია, რომ საზღვაო ვერსია გემსაწინააღმდეგო რაკეტა „გრანიტს“ ჩაანაცვლებს, რომლებიც რუსეთის სამხედრო ფლოტის შეირაღებაში 1980 წლიდანაა. „ცირკონებით“ თანამედროვე და მოდერნიზებულიხომალდები აღიჭურვება - პირველ რიგში, პროექტ 22350-ის ფრეგატები, კრეისერი „ადმირალი ნახიმოვი“, პერსპექტიული ნაღმმზიდები „ლიდერი“. გარდა ამისა, „ჰიპერბგერით“ შეიარაღდება რავალმიზნობრივი ატომური წყალქვეშა ნავები 971, 949А და 885. პრიოტიტეტეშია ჩრდიოლოეთის ფლოტი. და ეს შემთხვევითი არ არის. 

„ცირკონს“ დიდი სიშორე აქვს და ექსპლუატაციის პროცესში აუცილებელია საკონტროლო გაშვებები და სროლები - საბრძოლო მომზადების ფარგლებში. ზომების გამო ჩრდილოეთის ფლოტის საოპერაციო ზონა და მისი პოლიგონები უფრო შესაფერისია ახალი შეიარაღების ტიპების, როგორც იტყვიან, ჭკუაზე მოსაყვანად, ვიდრე ბალტიკა ან შავი ზღვა“, - აცხადებს ჩრდილოეთის ფლოტის ექს-სარდალი ვიაჩესლავ პოპოვი.

ამასთან არქტიკული ზონა უფრო რაკეტსაშიში მიმართულებაა რუსეთისთვის. 

„ჩრდილოეთის ფლოტი არქტიკაზე აგებს პასუხს, - განმარტავს ადმირალი. - შენაერთის გაძლიერება მარტო დღევანდელი დღის კი არა, პერსპექტივის საკითხიცაა. ტრანსპორტის ასპექტშიცა და ქვეყნის თავდაცვის უზრუნველყოფაშიც მომავალი არქტიკისაა. რაკეტა „ცირკონი“ მეტად უნივერსალური რამაა. და შეიარაღებული ძალების განვითარების გარკვეულ ეტაპზე ის წამყვანი სარაკეტო იარაღი გახდება მთლიანობაში სამხედრო-საზღვაო ფლოტისთის, და ასევე მძლავრი შემაკავებებლი ფაქტორი სხვა ქვეყნებისთვის, რომლებიც რუსეტის ინტერესების შელახვის გადაწყვეტილებას მიიღებენ“.

კონტროლის საშუალება 

გამოცდების პროცესში „ცირკონები“ ანადგურებდა როგორც სახმელეთო, ისე საზღვაო სამიზნეებს 450 კილომეტრზე. სროლის გაცხადებული სიშორე ათასი კილომეტრია. ეს რაკეტას მოუწყვლადს ხდის თანამედროვე და პერსპექტიული ჩამჭერი საშუალებებისთვის. 

გასაკვირი არ არის, რომ „ცირკონზე“ მაშინვე ირეაგირეს დასავლეთის ქვეყნებმა, მათ შორის, აშშ-მა. პენტაგონი ყურადღებით ადევნებს თვალს თითოეულ გაშვებას და აცხადებს, რომ მნიშვნელოვნად ჩამორჩება ჰიპერბგერითი შეიარაღების სფეროში. ამერიკელი ექსპერტები მიიჩნევენ, რომ ეს კომპლექსი სერიოზული საფრთხეა ავიამზიდებისთის - აშშ-ის სამხედრო-საზღვაო ფლოტის მთავარი შემტევი ძალისთვის.

პირველი რანგის კაპიტან მიხაილ ნენაშევის თქმით, არმიისა და ფლოტისთის ყველა პროექტი, მათ შორის „ცირკონიც“, არის პასუხი დასავლეთის აგრესიულ სცენარზე. 

„საფრანგეთისა და აშშ-ის სამხედროების ბოლოდროინდელი განცხადებების ფონზე აშკარად ჩანს, რომ დასავლეთის ქვეყნებისთის აუცილებელია, წარმოაჩინონ რუსეთი საშიშ მტრად. უკვე დიდი ხანია, შემუშავებულია სცენარი და დასავლეთის პოლიტიკური კლასი კურსს რუსეთის წინააღმდეგ ააგებს. „ცირკონი“ კი 21-ე საუკუნის თავდაცვის საშუალებაა ზღვარგადასული პოლიტიკური ტურბულენტობის პირობებში. ჩვენთვის აუცილებელია თავისი შესაძლებლობების დემონსტრირება“. 

ექსპერტს მიაჩნია, რომ „ცირკონებით“ აღჭურვილი ათი წყალქვეშა ნავი და წყალზედა ხომალდი, მოიერიშე ბირთვულ და თავდაცვით შეიარაღებასთან ერთად, ჩრდილოეთის ფლოტს მისცემს შესაძლებლობას, გადაჭრას ნებისმიერი გეოპოლიტიკური ამოცანა ქვეყნის თავდაცვის კუთხით. 

აღსანიშნავია, რომ „ცირკონი“, რომელიც ჯერ კიდევ არ არის შესული შეიარაღებაში, უკვე ახდენს გავლენას პოლიტიკაზდე. როგორც რუსეთის ელჩმა აშშ-ში ანატოლი ანტონოვმა შენიშნა, კომპლექსის წარმატებული გამოცდები რუს დიპლომატებს თავდაჯერებას მატებს ამერიკელებთან მოლაპარაკებებში შეიარაღებაზე კონტროლის შესახებ.

რედაქცია შესაძლოა არ ეთანხმებოდეს ავტორის მოსაზრებებს!

2
თემები:
რუსეთი დღეს
რუსული რუბლი

რუსეთიდან ფულადი გადარიცხვები ყველაზე ხელსაყრელია: როგორ ეხმარებიან მიგრანტები ბიუჯეტებს

19
(განახლებულია 19:43 17.05.2021)
რუსეთიდან ახლო და შორეული საზღვარგარეთის ქვეყნებში ფულადი გადარიცხვები ყველაზე ხელსაყრელად აღიარეს მსოფლიოში. უფრო მეტიც, როგორც მსოფლიო ბანკის მოხსენებიდან ირკვევა, გასული წლის განმავლობაში მათი ღირებულება 2,11%-დან 1%-მდე შემცირდა.

ნიკიტა ჩიკუნოვი

ამავდროულად 200 აშშ დოლარის გადარიცხვის საშუალო ღირებულება ევროპის ერთიანი რეგიონისა და ცენტრალური აზიისთვის, რომელსაც ექსპერტები რუსეთსაც მიაკუთვნებენ, 6,42%-ს შეადგენს. ეს ორზე მეტჯერ მეტია მიზნობრივ ორიენტირზე 3%-ის მოცულობით, რომელიც საერთაშორისო საფინანსო ორგანიზაციამ დაადგინა. მსოფლიო ბანკის მონაცემებით, ყველაზე იაფი გამოდგა რუსეთიდან საქართველოში ტრანზაქციები (თანხის 1%), ხოლო ყველაზე ძვირი — თურქეთიდან ბულგარეთში (დაახლოებით 12%).

როგორც მოხსენებაშია ნათქვამი, პანდემიამ ვერ მოახდინა არსებითი ნეგატიური გავლენა მსოფლიოში ფულადი გადარიცხვების მოცულობაზე. 2019 წელთან შედარებით, მაჩვენებელი სულ 1,6%-ით, 540 მლრდ დოლარამდე შემცირდა (2009 წლის კრიზისის დროს გადარიცხვების მოცულობა 11%-ით დაეცა). როგორც მსოფლიო ბანკში განმარტავენ, ეს მაჩვენებელი იმით აიხსნება, რომ შრომითი მიგრანტებისთვის პოპულარულ ქვეყნებში ეკონომიკური ვითარება მოსალოდნელზე უკეთესი გამოდგა.

ამასთან, რუსეთის ცენტრალური ბანკის მონაცემებით, 2020 წელს რუსეთში ოთხწლიანი მინიმუმი დაფიქსირდა უცხოეთში გადარიცხვების მოცულობის მხრივ — 7,4 მლრდ დოლარი. ამაზე ნაკლები მხოლოდ 2017 წელს იყო — 7,3 მლრდ დოლარი. შემცირების მიზეზად ცენტრობანკში რუბლის კურსის დაცემა, ნავთობზე მსოფლიო ფასების კლება და პანდემია დაასახელეს.

გასული წლის განმავლობასი რუსეთიდან ყველაზე მეტი ფული დსთ-ის ქვეყნებში გადაირიცხა — 6,2 მლრდ დოლარი. ახლო საზღვარგარეთის ყველა ქვეყანაში 6,46 მლრდ დოლარი გადაირიცხა, ცოტა მეტი, ვიდრე 2019 წელს (6,42 მლრდ დოლარი).

კონკურენციის პლუსები

როგორც ელექტრონული ფულისა და ფულადი გადარიცხვების ბაზრის მონაწილეთა ასოციაციის აღმასრულებელი დირექტორი პაველ შუსტოვი ამბობს, ტრანსსასაზღვრო გადარიცხვების ეტაპობრივი გაიაფება — ეს ბოლო ორი−სამი წლის საერთო მსოფლიო ტრენდია.

„ტრანზაქციების ღირებულების გაიაფება მთელ მსოფლიოში ფიქსირდება ბოლო რამდენიმე წლის განმავლობაში. უნდა ითქვას, რომ 2020 წელი რუსეთისთვის რეკორდული არ იყო. მეორე და მესამე კვარტლებში გადარიცხვები ძალიან ძვირდებოდა — 1,9%-მდე. ძალიან სერიოზული დაცემა ჩვენ მხოლოდ მეოთხე კვარტალში ვიხილეთ“, — განმარტა მან.

ამის მიზეზებს შორის ექსპერტმა გამოყო ელექტრონულ არხებზე გადასვლა, რომლებიც საგადასახადო სისტემებს უფრო იაფი უჯდებათ, ვიდრე ნაღდი ფულის მიღება და გაცემა, ასევე მარკეტინგული პროგრამების ორგანიზება ახალი კლიენტების მისაზიდად.

ის ფაქტი, რომ მსოფლიო ბანკმა რუსეთი ლიდერად დაასახელა, რუსეთის ცენტრობანკის გონივრული რეგულირების დამსახურებაა, ამბობს ეროვნული საგადასახადო ასოციაციის აღმასრულებელი დირექტორი მარია მიხაილოვა.

„რუსეთის ბანკი ცდილობს მაქსიმალურად შეუწყოს ხელი კონკურენციის გაძლიერებას რუსეთის ფულადი გადარიცხვების ბაზარზე. სხვადასხვა საგადასახადო სისტემებს შორის კონკურენცია ახლა უკიდურესად მაღალია — სწორედ ეს ფაქტორი განაპირობებს ტრანზაქციების ღირებულების რამდენიმეჯერად კლებას“, — ამბობს ის.

გადარიცხვების ღირებულების კლების კიდევ ერთი მიზეზი ამ სფეროსადმი ბანკების მზარდ ინტერესს უკავშირდება, ამბობს ექსპერტი ნატალია რაკოვა.

„ადრე რუსეთში ფულადი გადარიცხვების სისტემები დომინირებდა, მაგრამ ბოლო დროს ბაზრით ბანკები დაინტერესდნენ. ისინი ტრანსსასაზღვრო შეთანხმებებს აფორმებენ [სხვა ქვეყნების ბანკებთან], რაც ფიზიკურ პირებს ორგანიზაციებს შორის ფულის დაბალი ნიხრით გადარიცხვის შესაძლებლობას აძლევს“, — განმარტა ანალიტიკოსმა.

ამასთან 1%-იანი ღირებულება შემცირებულად გამოიყურება. მსოფლიო ბანკის გამოთვლებში შესაძლოა კონვერსიული ოპერაციები არ არის გათვალისწინებული — ერთი ქვეყნის ვალუტის გადაცვლა სხვა ქვეყნის ვალუტაზე.

„ბანკები და გადახდის სისტემები ზოგჯერ გადარიცხვების ნომინალურ ღირებულებას დაბლა სწევენ, ზოგ შემთხვევაში 0%-მდე. ამ დროს ისინი კონვერსიით გამოიმუშავებენ ფულს. მაგალითად, რუბლის დოლარში გადაყვანით, დოლარის კი ყაზახურ ტენგეში გადაყვანით“, — ამბობს ნატალია რაკოვა.

უახლოეს პერსპექტივაში, თუ რუსეთის ბაზარზე არსებული ვითარება უარესობისკენ არ შეიცვლება, გადარიცხვების ღირებულება შესაძლოა კიდევ შემცირდეს, ვარაუდობს მარია მიხაილოვა.

გადახდები ეკონომიკების გადამრჩენელია

პანდემიის დროს ფულადი გადარიცხვები უზარმაზარ მხარდაჭერად იქცა ყველა პოსტსაბჭოთა ქვეყნისთვის. განსაკუთრებით — ყირგიზეთის, ყაზახეთისა და უზბეკეთისთვის.

როგორც ეკონომიკურ მეცნიერებათა დოქტორი ალექსეი ზუბეცი ამბობს, შრომითი მიგრანტებისგან შემოსავლები ამ სახელმწიფოების ბიუჯეტების ერთ-ერთი მთავარი საშემოსავლო ნორმაა.

„ცენტრალური აზიის თითქმის ყველა რესპუბლიკისთვის ვალუტის შედინების ძირითადი წყარო მიგრანტების გადარიცხვებია. ამ ქვეყნებში ეკონომიკის კატასტროფული ჩამოშლა არ მოხდა იმის წყალობით, რომ რუსეთში გადახდის სისტემები გამართულად მუშაობდა“, — განმარტავს ის.

რუსეთში პანდემიის დაწყებამდე 13 მილიონზე მეტი მიგრანტი ფიქსირდებოდა ყოფილი სსრკ-დან. ცენტრობანკის მონაცემებით, 2019 წელს ახლო საზღვარგარეთის ქვეყნებში 6,42 მლრდ დოლარი გაიგზავნა, რაც რუსეთის ყველაზე მდიდარი რეგიონის, მოსკოვის წლიური ბიუჯეტის ნახევარზე ოდნავ ნაკლებია ($15,7 მლრდ 2019 წელს). ამ ფულმა მნიშვნელოვანი როლი შეასრულა ეროვნული ეკონომიკების მხარდაჭერაში, ამბობენ Sputnik-ის მიერ გამოკითხული ექსპერტები.

კერძოდ, ფულად გადარიცხვებს მნიშვნელოვანი ადგილი უკავია ევრაზიული ეკონომიკური კავშირის ფინანსურ ნაკადებში, მიაჩნიათ ევრაზიის განვითარების ბანკში.

„რუსეთიდან გადარიცხვები მნიშვნელოვანი წყაროა კავშირის მთელ რიგ ქვეყნებში მოსახლეობის მსყიდველობითუნარიანობის მხარდასაჭერად. ყირგიზეთისა და სომხეთის მთლიანი შიდა პროდუქტის სტრუქტურაში გადარიცხვები, შესაბამისად, 23% და 8%-ს შეადგენს. სხვა ქვეყნებში — ბელარუსსა და ყაზახეთში — გადარიცხვები ესოდენ მნიშვნელოვან როლს არ ასრულებს, შეადგენს რა მთლიანი შიდა პროდუქტის 1%-ს“, — აღნიშნავენ ეკონომისტები.

შრომითი მიგრანტებისგან მიღებული შემოსავლები შესაძლოა რამდენჯერმე გაიზარდოს, თუ რუსეთის პარტნიორები ევრაზიის ეკონომიკური კავშირიდან და დსთ-ის სხვა ქვეყნები რუსეთის ცენტრობანკის სწრაფი გადახდების სისტემაში ჩაერთვებიან. ახლა ამგვარ შესაძლებლობას განიხილავს ბელარუსი, რომელიც სისტემას შესაძლოა უკვე 2022 წელს შეუერთდეს.

სწრაფი გადახდების სისტემა რუსეთში 2019 წელს ამუშავდა. ამით ფულის გადარიცხვა ტელეფონის ნომრითაა შესაძლებელი საკომისიოს გარეშე — გამგზავნი და მიმღები ბანკების მიუხედავად.

„სისტემასთან მიერთება მნიშვნელოვნად გააიაფებს საერთაშორისო ფულად გადარიცხვებს, გარკვეული აზრით, უფასოსაც კი გახდის. ვფიქრობ, ეს ძალიან უნდა სურდეთ ევრაზიის ეკონომიკური კავშირისა და დსთ-ის ქვეყნებს, რომლებიც თავიანთ ბიუჯეტებს რუსეთში დასაქმებული მოქალაქეების გადარიცხვებით ავსებენ“, — ასკვნის მსოფლიო ეკონომიკისა და საერთაშორისო ურთიერთობების ინსტიტუტის მთავარი მეცნიერ-თანამშრომელი დმიტრი ოფიცეროვ-ბელსკი.

19
თემები:
რუსეთი დღეს
ახალი სკვერი თბილისში

კერძო ავტოფარეხების ნაცვლად ახალი სკვერები მოეწყო

0
(განახლებულია 14:54 18.05.2021)
ხმალაძის განმარტებით, მერია მომავალშიც აქტიურად გააგრძელებს დედაქალაქში რეკრეაციული სივრცეების მოწყობას.

 

თბილისი, 18 მაისი — Sputnik. თბილისში 446 კერძო ავტოფარეხის ადგილზე 34 სკვერი გაშენდა, განაცხადა თბილისის ვიცე–მერმა ირაკლი ხმალაძემ ქალაქში  ურბანული განვითარების პოლიტიკის მიმართულებით განხორციელებული პროექტების პრეზენტაციაზე. 

ხმალაძის თქმით, აღნიშნული პროექტი არის იმის ნათელი მაგალითი, რომ მთლიანი ქალაქისთვის „ერთი გადაწყვეტილებით შეიძლება შექმნა ურბანული სიკეთე“.

 „მოსახლეობასთან კომუნიკაციის გზით და გამგეობების აქტიური მუშაობის შედეგად, ავტოფარეხები სკვერებით ჩანაცვლდა“, – განაცხადა ხმალაძემ.

თბილისის ვიცე-მერის თქმით, პროექტის ფარგლებში თბილისში დამატებით 4 მლნ კვადრატული მეტრის ფართობს მიენიჭა მწვანე სივრცის სტატუსი და განისაზღვრა ხუთი ახალი საპარკე არეალი.

დედაქალაქის მთავრობისთვის რეკრეაციული ზონების შექმნა და აღდგენა ერთ–ერთი პრიორიტეტული მიმართულებაა. ბოლო სამი წლის მანძილზე თბილისში არაერთი პარკისა და სკვერის აღდგენითი სამუშაოები ჩატარდა. სულ ახლახანს მერიამ ორი მასშტაბური პროექტის – ვაკის პარკის განახლებისა და ყოფილი იპოდრომის ტერიტორიაზე ახალი ცენტრალური პარკის მშენებლობის განხორციელება დაიწყო.

0
თემები:
თბილისის მერია