ბალისტიკური რაკეტა „სარმატის“ გამოცდა

მიმოხილვა: „სარმატს“ პლანეტის ორივე პოლუსის დალაშქვრა შეუძლია

34
(განახლებულია 11:19 02.04.2021)
უახლესი მძიმე კონტინენტთშორისი ბალისტიკური რაკეტა „სარმატი“, რომლის ფრენის სიშორეც 18000 კილომეტრია, საფრენ გამოცდებს იწყებს.  

ამის შემდეგ ის სერიულ წარმოებაში ჩაეშვება და სტრატეგიული დანიშნულების სარაკეტო ჯარების შეიარაღებაში შევა, ანუ რუსეთისა და მისი მოკავშირეების უსაფრთხოებას განამტკიცებს.

კორპორაცია „როსკოსმოსის“ ხელმძღვანელმა დმიტრი როგოზინმა 30 მარტს განაცხადა, რომ „სარმატის“ საფრენი გამოცდები უახლოეს მომავალში დაიწყება. რაკეტის საბოლოოს საფრენ–კოსტრუქტორული გამოცდები და სერიული წარმოება 2021 წლისთვის იგეგმება. მძლავრი „სარმატი“ ლეგენდარულ „ვოევოდას“ შეცვლის რომელიც 32 წელზე მეტია, რაც საიმედოდ იცავს ქვეყნის უსაფრთხოებას ბირთვული შეკავების მეთოდებით.

„სარმატის“ სასროლო გამოცდები პლესეცკის კოსმოდრომზე 2018 წლის მარტში დასრულდა. 2019 წლის დეკემბერში კი გენერალ–პოლკოვნიკმა სერგეი კარაკაევმა განაცხადა, რომ მთავარი სარაკეტო პოლკი ახალი კომპლექსებით გადაიარაღებისთვის მზადაა. ამასთან მან აღნიშნა, რომ „სარმატის“ ტაქტიკუ და ტექნიკურ მახასიათებლებს უკვე რამდენიმე წელია სწავლობენ რუსეთის წამყვან სამხედრო სასწავლებლებში.

რაკეტა, რომლის სასტარტო მასა 208 ტონაა, 18 ათასი კილომეტრის დაშორებით იძლევა მოწინააღმდეგის ობიექტის განადგურების საშუალებას, „სარმატი“ საბრძლო ბლოკების მთელ ხაზს მიიღებს, მათ შორის, ახალი თაობის ჰიპერბგერითსაც.

შედარებითი ანალიზი

„სარმატს“ უცხოური ანალოგები არ აქვს. მაგალითად, უფრო მსუბუქი ამერიკული Minuteman III–ს სიშორე დაახლოებით 10 ათასი კილომეტრია და რამდენიმე მოდერნიზაციის შემდეგაც კი ვერ აღწევს რუსული „ვოევოდას“ დონეს. ახალი პროექტი GBSD (Ground Based Strategic Deterrent) ჯერჯერობით დამუშავების პროცესშია, მაგრამ წინასწარ შეიძლება ითქვას, რომ „სარმატს“ კონკურენციას ვერ გაუწევს. „სარმატის“ შედარება უფრო კორექტური ასევე რუსულ „ვოევოდასთან“ იქნება.

ამ ვეტერანს „მძიმე“ კლასის საბრძოლო ბლოკების გადატანა 11 ათას კილომეტრზე შეუძლია, ხოლო მოწინააღმდეგის ობიექტის განადგურება — 16 ათასი კმ დაშორებით. „სარმატი“ ორი ტონით მეტ სასარგებლო ტვირთს ატარებს, უფრო სწრაფად დაფრინავს და ორი კილომეტრით „შორია“.

საბრძოლო სიმძლავრით „ვოევოდა“ და „სამრატი“ თანაფარდია. უფრო რთული მისი Aegis–ის, THAAD–ისა და სხვა სისტემების გადალახვის უნარის შეფასებაა. ღია წყაროებში ასეთი მონაცემები არ მოიპოვება, მაგრამ „მძიმე“ კლასის რაკეტა უბრალო „ვალდებულია“, სწრაფად გადალახოს არსებული და პერსპექტიული რაკეტსაწინააღმდეო სისტემები. ამასთან ზუსტად უნდა მოხვდეს სამიზნეს.

სავარაუდოდ „სარმატს“ დაცვისა და შენიღბვის პრინციპულად ახალი საშუალებები აქვს.

„სარმატსა“ და „ვოევოდას“ შორის პრინციპული  განსხვავება — ეს ზეზუსტი არაბირთვული დარტყმის შესაძლებლობაა. ატმოსფეროში 15 მახის სიჩქარით მოძრაობისას საბრძოლო ბლოკის კინეტიკური ენერგია უმძლავრესი განადგურების გარანტიას იძლევა ადგილის რადიოაქტიური დაბინძურების გარეშე.

ამერიკულმა გამოცემა Military Watch–მა ხაზი გაუსვა „სარმატის“ ფანტასტიკურ მახასიათებლებს და განაცხადა, რომ რაკეტა დაახლოებით 10 მახის სიჩქარით იფრენს.

„სარმატი“ რამდენიმე ბირთვულ ქობინს ატარებს, რაც საკმარისი იქნება, რომ ერთი დარტყმით გააუკაცრიელოს საფრანგეთის ტოლი ტერიტორია.

გათვლა აგრესორზე

გამოცემა The National Interest–მა „სარმატი“ ყველაზე გამორჩეულ რაკეტად მიიჩნია რუსეთის სტრატეგიულ შეიარაღებაში. პენტაგონში აღნიშნეს, რომ სერიოზული კონფლიქტის შემთხვევაში რუსეთი „სარმატებით“ აშშ–ის ტერიტორიას შეუტევს, რათა გარანტირებულად გაანადგუროს გამშვები დანადგარების და 450–ვერაკეტა Minuteman III. ამერიკელი ექსპერტების გათვლით, ერთ „სარმატს“ 7,5 ბირთვული  მეგატონის ზიდვა შეუძლია, რაც აშშ–ის 35–37 მილიონ მოქალქეს გაანადგურებს. ხოლო ათ რაკეტას მთელი ქვეყნის მოსპობა შეუძლია.

„სარმატს“ 60 წამში შეუძლია საბრძოლო მზადყოფნაში მოსვლა და სტარტი, რის შემდეგაც  რაკეტსაწინააღმდეგო სისტემების გვერდის ავლით შეუძლია იფრინოს არაპროგნოზირებადი ტრაექტორიით, სამხრეთ პოლუსის გავლითაც კი. 15 მახის სიჩქარით მანევრირებადი ჰიპერნგერითი ბლოკების ჩაჭერა გამორიცხულია — სავარაუდო მოწინააღმდეგი ტექნოლოგიური ჩამორჩენის გამო.

რედაქცია შესაძლოა არ ეთანხმებოდეს ავტორის მოსაზრებებს!

34
მყვინთავი საპატრულო ხომალდი „გუშაგი“

უჩინარი პატრული: რუსეთში მყვინთავი ხომალდი BOSS-ი შეიქმნა

16
(განახლებულია 09:41 14.04.2021)
რუსეთის გემთმშენებლობის მეცნიერული და ტექნოლოგიური დონე კონსტრუქტორული გადაწყვეტილებებისადმი არასტანდარტული მიდგომის საშუალებას იძლევა.

წყალზედა ხომალდისა და სუბმარინის  ფუნქციების საპატრულო „გუშაგს“ სხვადასხვა ქვეყნების სპეციალისტების გაოცება შეუძლია. სიახლეს სახელად BOSS-ი (Border and Offshore Submersible Sentry) ეწოდება.

საზღვაო ტექნიკის ცენტრალურმა საკონსტრუქტორო ბიურო „რუბინმა“ საპატრულო ხომალდ „გუშაგის“ პროექტი წარმოადგინა, რომელიც სუბმარინისა და წყალზედა ხომალდის ღირსებებს აერთიანებს. შედარებით დაბალი ფასი და ზომები, მოწინავე ტექნიკური მახასიათებლები , ტრადიციულად მაღალი საიმედოობა, ბორტზე სარაკეტო-ტორპედული შეიარაღების განთავსების შესაძლებლობა BOSS-ს მიმზიდველს ხდის მცირე ბიუჯეტის მქონე ქვეყნებისთვის.

„რუბინი“ მსოფლიოს ერთ-ერთი ლიდერია სუბმარინების პროექტირებაში 120 წლიანი სტაჟით.

გარეგნულად BOSS-ი 613 პროექტის დიზელ-ელექტრონულ - კონსტრუქტორულად წარმატებულ, ერთ-ერთ ყველაზე მასობრივად გაყიდვად სუბმარინას ჰგავს. ტექნიკური მახასიათებლებიც მსგავსი აქვს: სიგრძე - 60-70 მეტრი, წყალწყვა - დაახლოებით 1000 ტონა, ეკიპაჟი - 42 კაცი. შეიძლება აღიჭურვოს მართვადი რაკეტებით, ტორპედოებით, დრონებით, საარტილერიო დანადგარებით.  

ახალი საპატრულო „ნაუტილუსის“ სავარაუდო სამიზნეები წყალქვეშა და წყალზედა მდგომარეობაში შეიძლება გახდნენ საბრძოლო ხომალდები და სანაპირო ობიექტები. ხომალდი შეიძლება ეფექტურად იყოს გამოყენებული სადაზვერვო ან სამეცნირო-კვლევითი მიზნებით.

ნატოს თავის ტკივილი

ახალი ხომალდის შესაძლებლობებისა და ამოცანების სპექტრის გასაგებად აუცილებელია, რომ პროექტ 613-ს მივუბრუნდეთ. სუბმარინას 1347 ტონა წყალწყვა ჰქონდა და სიგრძეში 76 მეტრი იყო, 200 მეტრამდე სირღმეზე 18,5 კვანძით მოძრაობდა. ძირითადი შეიარაღება: ექვსი ტორპედული აპარატი, ავტონომიურობა - 30 დღე-ღამე, ეკიპაჟი - 52 კაცი.

პროექტი 613-ის სერიულ მშენებლობაში ფართოდ გამოიყენებოდა ნაკადურ-სექციური მეთოდი, ავტომატური შედუღება და რენტგენოგრაფიული კონტროლი. 1950-57 წლებში საშუალო წყალწყვის 215 დიზელ-ელექტრონული სუბმარინა აიგო, რომლებსაც ერთნაირად ეფექტურად შეეძლოთ ტორპედოებით შეტევა, დაზვერვა, ოპერატიული და პოზიციური სამსახურის გაწევა მოწინაარმდეგის დისლოკაციის რაიონებში. პროექტის სიცოცხლისუნარიანობაზე მეტყველებს ის ფაქტი, რომ მან სსრკ-ს დაშლამდე იარსება.

ეს მრავალმიზნობრივი სუბმარინები მასობრივად მიეწოდებოდა ბულგარეთის, კუბის, ინდონეზიის, ეგვიპტის, სირიის, ჩინეთის, პოლონეთის სამხედრო-საზღვაო ძალებს.

რაღა თქმა უნდა, ახალმა საპატრულო ხომალდმა წინამორბედისგან ყველა მთავარი ,ახასიათებელი მიიღო მემკვიდრეობით - სიმტკიცე, საიმედოობა და ეფექტურობა. დანარჩენით BOSS-ი 21-ე საუკუნის მაღალტექნოლოგიური პირმშოა - ხარისხობრივად ახალი, ბევრად მძლავრი შეიარაღებით, კავშირის, ნავიგაციისა და ჰიდროაკუსტიკის საშუალებებით.

პოტენციალი

ზღვაზე კლასიკური საბრძოლო პატრულირება - ეს წყალზედა ხომალდებისა და სუბმარინების ხანგრძლივი მანევრირებაა მონიშნულ რაიონში, ასევე გამუდმებული მზადყოფნა საბრძოლო პოზიციაზე გასასვლელად და მოწინააღმდეგის ხომალდებსა თუ ობიექტებზე შეტევის მისატანად.

რუსეთის სამხედრო-საზღაო ფლოტში აკვატორიის პატრულირებით ჯერ კიდევ ცოტა ხნის წინ გუშაგი-ხომალდები იყო დაკავებული, ნატოს სამხედრო-საზღაო ძალებში - ესკორტის ნაღმმზიდები, ფრეგატები, კორვეტები და სანაპირო ზონის ხომალდები.

ტოლობის ნიშნის დასმა ტრადიციულ წყალზედა ხომალდებსა და მყვინთავ ბოსებს შორის შეუძლებელია. ახალი ხომალდის ექსპლუატაციის თავისებურებები შესაძლებლობას იძლევა ვამტკიცოთ, რომ „რუბინმა“ ჰიბრიდული სუბმარინა შექმნა.

ფარული წყალქვეშა პატრულირება მოწინააღმდეგეზე, კონტრაბანდისტებსა თუ დამრღვევებზე, მოულოდნელი შეტევისა თუ საფრთხეზე რეაგირების საშუალებას იძლევა. წყალზედა მახასიათებლები ბონუსია ეკიპაჟისთვის, რომელსაც ლაშქრობისას ზღვის ჰაერის სუნთქვა შეუძლია და არა რეგენერაციის პროდუქტისა, როგორც ეს კლასიკურ სუბმარინებში ხდება. გარდა ამისა, შელფის სამეცნიერო შესწავლის შესაძლებლობები ახალ ხომალდს უფრო მაღალი აქვს, ვიდრე ანალოგიურ წყალზედა ხომალდს. ამასთან BOSS-ს შეუძლია შედარებით დაბალფასიანი სასწავლო „კლასიც“ იყოს ეკიპაჟებისა და სანაპირო ინფრასტრუქტურის მოსამზადებლად.

რედაქცია შესაძლოა არ ეთანხმებოდეს ავტორის მოსაზრებებს!

16
თემები:
რუსეთი დღეს
ჩოგბურთელი ნიკოლოზ ბასილაშვილი

ისტორიული გამარჯვება, რომელიც 9 აპრილს მიეძღვნა და ბასილაშვილის წარმატება სარდინიაზე

149
(განახლებულია 22:08 10.04.2021)
კვარაცხელიას შესაძლო ტრანსფერი მინისტრის კაბინეტში წყდება, ნიკოლოზ ბასილაშვილი კი თიხის კორტებზე კალიარის ტურნირის ფავორიტია.

ოქრიაშვილი და ყაზაიშვილი გოლებით დაბრუნდნენ, ყაზანში კვარაცხელიას დაკარგვა არ უნდათ.

„ბიჭი ნამდვილი აღმოჩენაა და მას ამ სეზონში არსად გავუშვებთ“, - ხვიჩა კვარაცხელიას შესაძლო ტრანსფერს თათრეთის რესპუბლიკის სპორტის მინისტრი ვლადიმირ ლეონოვი ეხმაურება. მისი თქმით, ხვიჩას ტრანსფერი სეზონის ბოლოს „რუბინის“ სატურნირო მდგომაორებაზე იქნება დამოკიდებული.

20 წლის კვარაცხელიამ მიმდინარე სეზონში 21 მატჩში ოთხი გოლი და რვა საგოლე პასი აქვს. 2021 წელს ეროვნული ნაკრების სამ მატჩში მან ორი გოლი გაიტანა.

Полузащитник сборной Грузии по футболу Хвича Кварацхелия во время отборочного матча ЧМ-2022 между сборными Грузии и Швеции
Полузащитник сборной Грузии по футболу Хвича Кварацхелия во время отборочного матча ЧМ-2022 между сборными Грузии и Швеции

ქართველი ვარსკვლავის რომელიმე ევროპულ გრანდში გადასვლა ზაფხულის სატრანსფერო სეზონისთვის თითქმის გადაწყვეტილია. ბოლო დროს უცხოურ მედიაში გავრცელებულ ხმებს თუ ვენდობით კვარას მიმართ ინტერესს ყველაზე მეტად იჩენენ „მილანი“, „ბაიერნი“, „იუვენტუსი“ და „დორტმუნდი“.

რაც შეეხებათ სხვა ქართველ ლეგიონერებს. ტრავმის მოშუშების შემდეგ მოედანზე დაბრუნებული თორნიკე ოქრიაშვილი პირველივე შეხვედრაში გოლით გამოირჩა, თუმცა მისი გუნდისთვის ეს საკმარისი არ აღმოჩნდა. კვიპროსის ჩემპიონატში თემურ ქეცბაიას „ანორთოსისი“ „აეკთან“ მინიმალური სხვაობით 1:2 დამარცხდა.

ოქრიაშვილმა შეუცვლელად ითამაშა, ასევე სრულად დაიხარჯნენ მოედანზე გიორგი ლორია და გიორგი ქვილითაია, მურთაზ დაუშვილი კი ქეცბაიამ 85-ე წუთზე შეცვალა.

Торнике Окриашвили. Матч между сборными Грузии и Македонии по футболу при пустых трибунах на стадионе Динамо Арена
© REUTERS / IRAKLI GEDENIDZE
თორნიკე ოქრიაშვილი

ბრწყინვალე შეხვედრა ჩაატარა საქართველოს ნაკრების გამოცდილმა შემტევმა ვაკო ყაზაიშვილმა, რომელიც ამერიკის ლიგიდან სამხრეთ კორეაში ცოტა ხნის წინ გადაბარგდა. 28 წლის ქართველი ფეხბურთელი სამხრეთ კორეული „ულსან ჰიუნდაის“ სასტარტო შემადგენლობაში პირველად გამოჩნდა და გამარჯვებაშიც დიდი როლი ითამაშა. ვაკოს ანგარიშზე აღნიშნულ შეხვედრაში გოლი და საგოლე გადაცემაა.

პირველ ნახევარში ვაკოს მარცხენა ფლანგიდან აქტიურობას კიმ მინ-ჯუნი გოლი მოჰყვა, რომელიც სწორედ ქართველის გადაცემით გავიდა. 76-ე წუთზე კი ვაკომ მატჩის საუკეთესო გოლი გაიტანა. მან ბურთი ცენტრიდან ათრია, გზად ორ მეტოქეს გასცდა და მეკარესაც უძლიერესი დარტყმით გაუტანა.

სანამ ქართველი ფეხბურთელები ფორმაში შედიან, არც ფეხბურთის ფედერაციაში სხედან უსაქმოდ. გასულ კვირას გავრცელდა ინფორმაცია, რომ ივნისში ჩვენი გუნდი ამხანაგურ შეხვედრაში ნიდერლანდებს დაუპირისპირდება. მატჩი 6 ივნისს, ნიდერლანდების ქალაქ ენსხედეში, საფეხბურთო კლუბ ტვენტეს სტადიონზე გაიმართება. მნიშვნელოვანია, რომ საქართველოს და ნიდერლანდების ნაკრებებს ერთმანეთის წინააღმდეგ არასდროს უთამაშიათ და ეს ისტორიაში პირველი შეხვედრა იქნება.

ისტორიული მატჩი და საქართველოს ფუტსალის ნაკრები ევროპის ჩემპიონატზეა!

Матч между сборными Грузии и Армении по футзалу в рамках отбора к Евро-2022
© Sputnik / Alexander Imedashvili
საქართველოს ფუტსალის ნაკრები

საქართველოს ფუტსალის ნაკრები ისტორიაში პირველად ევროპის ჩემპიონატზე ითამაშებს. ავთანდილ ასათიანის შეგირდებმა შესარჩევი ეტაპის ყველაზე მნიშვნელოვანი შეხვედრა ძალიან კარგად ჩაატარეს და საფრანგეთის ნაკრებს ანგარიშით 3:2 აჯობეს. გამარჯვების შედეგად საქართველოს ნაკრებმა ჯგუფში მეორე ადგილი გაინაღდა.

მატჩის დასასრული საკმაოდ ემოციური იყო, თბილისის ოლიმპიურ სასახლეში ფეხბურთელებთან და სამწვრთნელო შტაბთან ერთად მაყურებელიც ზეიმობდა. გამარჯვების შემდე ნაკრების მწვრთნელმა ავთანდილ ასათიანმა განაცხადა, რომ საფრანგეთთან მატჩამდე იყო რამდენიმე ვარიანტი, თუ როდის გაიმართებოდა ეს გადამწყვეტი შეხვედრა და არჩევანი 9 აპრილზე სწორედ თავად შეაჩერა.

„ჩვენს ნაკრებში მოთამაშე ბრაზილიელებსაც ავუხსენით, რა დონის და როგორი მნიშვნელოვანია ჩვენთვის ეს დღე, ყველა ინფორმაცია გადავეცით და ეს ყველაფერი თამაშზე აისახა. ამ დღემ ძალიან დიდი სტიმული მოგვცა და მინდა ეს გამარჯვება სწორედ იმას მივუძღვნა, რაზეც საქართველო ამდენი წელია ამ დღესთან დაკავშირებით საუბრობს“, - განაცხადა ავთანდილ ასათიანმა.

ხუთი ტურის შემდეგ, ჩვენს ჯგუფში რუსეთის ნაკრები 15 ქულით ლიდერია, მეორე პოზიციაზე საქართველოს ნაკრები 10 ქულითაა, საფრანგეთს ორი ქულა აქვს, ხოლო სომხეთს - ერთი. ბოლო ტურში საქართველო 12 აპრილს, სტუმრად რუსეთს დაუპირისპირდება, რომელსაც ფორმალური დატვირთვა ექნება.

ევროპის ჩემპიონატზე, რომელიც ნიდერლანდებში ჩატარდება, 16 გუნდი მიიღებს მონაწილეობას. რვა შესარჩევი ჯგუფის გამარჯვებული და ექვსი საუკეთესო მეორეადგილოსანი ფინალური ეტაპის საგზურს ავტომატურად მოიპოვებს.

საქართველო უკვე მოხვდა საუკეთესო ექვს მეორეადგილოსანში, რადგან ერთ-ერთმა კონკურენტმა სერბეთმა შინ რუმინეთს ვერ მოუგო (4:4). საქართველოს ნაკრებმა უკვე ოფიციალურად გადაასწრო მეორეადგილოსნებში სერბეთისა და უნგრეთის ნაკრებებს.

ნიკოლოზ ბასილაშვილი თიხის კორტებს გამარჯვებებით დაუბრუნდა.

ნიკოლოზ ბასილაშვილი
© AP Photo / Andy Wong
ნიკოლოზ ბასილაშვილი

საქართველოს პირველი ჩოგანი იტალიის ქალაქ კალიარიში მიმდინარე საერთაშორისო ტურნირზე წარმატებით ასპარეზობს. ნიკამ პირველ შეხვედრაში გაჭირვებით, სამ სეტში მოუგო სლოვაკ ჩოგბურთელ კოვალიკს და მეოთხედფინალის საგზური მოიპოვა.

ბასილაშვილს მეოთხედფინალში საქმე გაურთულდა, რადგან მისი მეტოქე ბევრად ძლიერი მსოფლიოს 41-ე ჩოგანი შტრუფი იყო. გერმანელი ჩოგბურთელი საკმაოდ მაღალია, რაც ჩაწოდების ასპექტში დიდ უპირატესობას იძლევა. მიუხედავად ამისა, ნიკამ მეტოქეს არანაკლებ ძლიერი დარტყმები დაუპირისპირა და სამ სეტში 7:5, 4:6, 6:3 იმარჯვა.

ქართველმა ჩოგბურთელმა პირველ სეტში მეტოქის ორი მოწოდება მოიგო. მეორე სეტი ასევე დაძაბული გამოდგა, თუმცა ბასილაშვილი 4:6 დამარცხდა. გადამწყვეტ სეტში კი ქართველმა მეტოქის სამი მოწოდება მოიგო და შეხვედრა დამაჯერებელი გამარჯვებით დაასრულა.

ნიკას მეტოქე ნახევარფინალში სერბი ლასლო ჯერე იქნება, რომელიც რეიტინგის 57-ე ნომერია და მეოთხედფინალში იტალიელ მუსეტის სამ სეტში მოუგო. შეხვედრა 10 აპრილს, თბილისის დროით 15:30-საათზეა ჩანიშნული.

ქართველმა ძალოსანმა ანტონ პლესნოიმ მოსკოვში საქართველოს ჰიმნი გააჟღერა.

Антон Плесной (Грузия) выступает на чемпионате Европы по тяжелой атлетике
© photo: Sputnik / Alexey Filippov
ანტონ პლესნოი

საქართველოს ძალოსანთა ნაკრების 24 წლის წევრი ანტონ პლესნოი (96კგ.) ევროპის 2021 წლის ჩემპიონატის გამარჯვებული გახდა. ქართველმა ძალოსანმა რუსეთის დედაქალაქში გამართულ ტურნირზე შესანიშნავად იასპარეზა და დამსახურებული ოქროს მედალიც მოიპოვა.

პლესნოიმ პირველ მოძრაობაში (ატაცი) შტანგასთან სამივე მისვლა დამაჯერებლად გამოიყენა. ანტონმა 171, 175 და 180 კილოგრამები დაძლია და მცირე ოქროს მედლის მფლობელი გახდა. ასევე ოქრო მოიპოვა ქართველმა ძალოსანმა აკვრაშიც, სადაც პირველობისთვის საწყისი ორი ცდა (207 და 213 კგ.) ეყო, 221 კგ-ს კი ვეღარ გაუმკლავდა. ჯამში ანტონმა 393 კგ. მოაგროვა და ვერცხლის მედალოსან პეტრ ასაიონაკს 19 კილოგრამით აჯობა.

მანამდე ევროპის ჩემპიონატზე წარმატებულად იასპარეზეს შოთა მიშველიძემ და რევაზ დავითაძემ, მათ ჩემპიონობამდე ძალიან ცოტა დააკლდათ.

მიშველიძემ (61კგ.) მცირე ვერცხლის მედალი მოიპოვა ატაცში. შოთასთვის 124 კგ-ზე პირველი მისვლა წარუმატებელი გამოდგა, თუმცა 131 და 135-კილოგრამიან შტანგებს თავისუფლად გაუმკლავდა და მხოლოდ ბულგარელ სტილიან გროზდევს (136 კგ.) ჩამორჩა.

რაც შეეხება რევაზ დავითაძეს, 22 წლის ქართველი ძალოსანი (89 კგ.) 2021 წლის ევროპის ჩემპიონატზე ვერცხლის მედლის მფლობელი გახდა. საქართველოს ნაკრების ერთ-ერთმა ლიდერმა რუსეთის დედაქალაქ მოსკოვში მიმდინარე შეჯიბრზე ექვსიდან ოთხი ცდა გამოიყენა და ევროპის ვიცე-ჩემპიონი გახდა.

ევროპის ჩემპიონატი სადებიუტო იყო საქართველოს ნაკრების მწვრთნელის გიორგი ასანიძის ვაჟისთვის. ატაცში 21 წლის ძალოსანმა კახი ასანიძემ (73კგ.) პირველი ორი ცდა გამოიყენა - ჯერ 144 და შემდეგ 148 კგ დაძლია, მაგრამ მესამე ცდაზე 151 კგ-ს ვერაფერი მოუხერხა და ამ დისციპლინაში მერვე ადგილს დასჯერდა.

აკვარში 21 წლის ქართველმა ძალოსანმა 172 და 179 კილოგრამები დააფიქსირა, მაგრამ მესამე ცდაზე 182-კილოგრამიანი შტანგა ვერ ასწია და ამ დისციპლინაში მეშვიდე ადგილი ერგო. საბოლოოდ, კახიმ ორჭიდის ჯამში 327 კგ დააფიქსირა და მეშვიდე პოზიციაზე გავიდა.

 

149
ჯანსუღ კახიძის სახელობის მუსიკალური ცენტრი

თბილისი ბეთჰოვენის მუსიკის საღამოს უმასპინძლებს

0
(განახლებულია 11:49 14.04.2021)
კორონავირუსის პანდემიასთან დაკავშირებით კონცერტი ეპიდ–რეგულაციების სრული დაცვით ჩატარდება - მსმენელის წინაშე პიანისტი ალექსანდრე ვასაძე წარდგება

 

თბილისი, 14 აპრილი - Sputnik. გერმანელი კომპოზიტორის ლუდვიგ ვან ბეთჰოვენის ნაწარმოებების საღამო თბილისის ჯანსუღ კახიძის სახელობის კულტურულ–მუსიკალურ ცენტრში 18 მარტს გაიმართება. 

სცენაზე გაიჟღერებს ორკესტრის თანხლებით ლუდვიგ ვან ბეთჰოვენის საფორტეპიანო კონცერტი №3 და სიმფონია №7. მსმენელის წინაშე წარდგება სიმფონიური ორკესტრი დავით მუკერიას დირიჟორობით და ასევე ქართველი პიანისტი და ორგანისტი ალექსანდრე ვასაძე.

კორონავირუსის პანდემიასთან დაკავშირებით კონცერტი ეპიდ–რეგულაციების სრული დაცვით ჩატარდება. კონცერტი 17:00 საათზე დაიწყება.

ბეთჰოვენი გამოჩენილი გერმანელი კომპოზიტორი, პიანისტი და დირიჟორი, „ვენის კლასიკური სკოლის“ ბოლო წარმომადგენელია. მისი შემოქმედება მოიცავს გარდამავალ პერიოდს კლასიკურიდან რომანტიკულ ეპოქაში.  ბეთჰოვენი ერთ-ერთი ყველაზე უფრო აღიარებული კომპოზიტორია მსოფლიო მუსიკალური კულტურის ისტორიაში.

0
თემები:
საქართველო და კულტურა